基隆茶餐廳

營業中

休息中

小店令人回味，但要扺抗業主租金真係超艱難!最後一次回味這裡的西多，紅豆冰，好好味，西多士火候剛好，紅豆大粒夠甜。但往事只能回味。感激你對區內老人家的扶持，感謝你帶來的濃濃情味。

時常走到界限街這邊，本來看到此餐廳門面，以為餐廳蠻有歷史，入內才發現沒甚麼特別。下午茶選擇不少，點了個沒有鑊氣的雪菜肉絲炆米，只是為了充飢而吃。雪菜不多，肉絲也不太多，炆米猶如混入豉油製作，味道偏咸但沒鑊氣，真糟糕。份量不多，就是下午茶份量一般。茶走，不知是否太久沒有嚐過港式茶餐廳的奶茶，喝完有點肚痛。理應不關此茶餐廳的衛生事，因為看過茶面沒怎麼污穢或油膩。地點還算方便，下午茶選擇不少，難怪來坐坐閒聊的人們不少。

知道呢間茶記老闆的故事後，專程去太子食晏支持。推門內進，見到長者、學生哥、寫字樓人、露兩點大隻男，同埋拖住仔女的師奶，唔少人食緊是日午餐蒸肉餅、揚州炒飯、芝麻雞飯同焗豬扒飯。碟碟份量足，焗豬賣相唔錯。為咗滿足食炒麵的小願望，叫咗乾炒豬扒意加熱奶茶。幫手落單的侍應係中年大叔，佢好有禮貌，冇粗聲粗氣，仲會同客人講唔該！呢度的樓面都係中年人士，落單會慢啲啲；將 A 枱的食物送咗去 B 枱，當發現搞錯，會同客 say sorry ；人多亦唔會趕客。間中同熟客仔講兩句互動，有熟客一坐低就自動波叫照舊，街坊人情味就喺間舖飄吓飄吓咁。熱奶茶唔係用厚身耳仔杯改用玻璃杯，有少少失望。茶味較淡，適合喜歡淡口的朋友。主角乾炒豬扒意粉料多，豬扒有八小塊，全肉的同連骨的都有，食落唔係香口脆炸嗰隻，有啲肉質好硬，有啲又啱啱好。意粉炒得好有鑊氣，陣鑊氣聞到又食到。意粉喺碎咗啲，但唔喺林到入口即溶；洋蔥絲唔生，係有花時間炒過，夾埋芽菜同意粉食好正。油唔多，碟底冇一氹油。開動後想加辣，見枱面個調味盤好骨子兼整潔，筷子同湯匙放喺枱面有蓋膠盒內自取，衛生過上巿嗰間好多。

今日要到旺角攞野，就之前聽聞有間基隆茶餐廳，就決定在這間食晏晝，其實一落巴士唔使行好遠就搵到。一入到餐廳，其實都差不多滿座，好彩都望到最後一排卡位，有位姐姐好快介紹是日特價午餐，但我們覺得想嘗試其他炒粉麵，之後有位好有禮貌既叔叔幫我們落單，我們就叫左一碟揚州炒飯及干炒豬扒意粉，先講炒飯，飯粒炒得好爽，味道唔錯。炒意粉仲好味，一出來就熱辣辣，好好味，好夠火候，豬扒好淋唔咸，其實總括嚟講，呢間茶餐廳又平又好食，正！

最近返工都係基隆街附近做野，咁岩今日做事順利，放早左。所以，我地去左周圍附近睇下有冇唔同既餐廳試。 行到去界限街個頭居然又見到呢間茶記，咁有親切感就入左去望望。見佢定價都唔算太貴，就入左去。 我就點左個咖哩牛腩飯。黃咖喱既醬汁偏甜，唔太覺有辣味，唔會有陣油係面，開胃但味道不特出和特別。 牛腩烹煮得算淋身，用叉一插就散，味道唔算濃，反而有少少淡，但尚可接受。 總體而言，上茶快，服務唔差，味道平凡，一間街坊茶記

今次我是剛好在附近，想起在fb有人介紹過這茶記，所以慕名而來。//到達時正值下午茶時間，都見有不少街坊支持，看看餐牌，選擇眾多，最後點了鹹牛肉蛋治。//蛋牛治：看似平平無奇，但至少蛋身幾滑，鹹牛肉份量不少，最緊要油份比其他茶餐廳少，不會令麵包吸哂油，可見廚師為街坊著想。//凍鴛鴦：大杯size，冰份量剛好，沒有低質咖啡的酸味，不錯。//值得一提的是伙計都普遍有禮貌和多一點親切，全程連食客或伙計閒談中都沒有問候別人家人，真的是街坊茶記好少見的情況。//這茶餐廳看似平凡的街坊小店，但從之前看過的介紹和自己食過的經驗，不難發現老闆係不錯的老闆，食物和服務亦不錯，食客一定撐！

平時呢間都幾多人去，可能我地去到的時候都9點幾，唔洗等，都係叫餸食飯。牛肉煲，睇落去好似好少，但其實都好夠分量，味道唔錯，薑蔥配合d汁都幾惹味。唔知係唔係比較夜，原本叫金針雲耳蒸雞但變左臘腸蒸雞（有一個雲耳）。d臘腸好味，d雞都ok滑。+多兩杯凍檸茶冇影相，比外面茶餐廳大杯dd。會再黎食。

茶餐廳位於太子,不是大街,但人流也不少注意!!! 好多大陸人光顧!!!叫了個常餐沙嗲牛肉比想像中濃味但湯太多沖淡其沙嗲味麵很諗,奄列方包普通貨色呢本凍檸茶,望落唔算好大但飲落好似飲極都有,相當奇異總結:價錢普通,可以一試

間茶餐廳今次是第一次幫襯,入到去無卡位便座中間長一排連住方枱,後來見有張卡位轉了過去,嘩冷氣風口凍到陣,問個侍應可否將冷氣較細D,她答我:（幫唔到你依個位係最凍架嗱,她一直拎住我碟炒飯,我話咁你放低碟飯。）凍到無辦法再忍為有轉返去長方枱座。落單時侍應係有講到炒野要耐D,ok等...原來係要儲埋幾張單先一次過炒,真的睇你好無彩,早叫便要最少等半小時,同行朋友叫了個下午茶餐潮洲炒米一出黎兩碟,佢要等到有另一人叫先一齊炒等了超過半個鐘,而我一早就食完凍到陣等佢。我叫的是最普通楊洲炒飯,生菜黄黑色就爛都攞黎用,原全無落蛋去炒,無味要再落豉油,飲品算唔錯加$2凍飲比一般茶餐廳大杯。

是日上課完畢，同學有事相談所以便快快到附近茶餐廳，聽同學說這間店原是在基隆街後來搬到這裡，在深水埗亦曾算出名過！我們三人坐下卡位，茶餐廳有的下午茶餐亦相差無幾，我們火促點了常餐~火腿奄列牛油麵包拼义燒米，揚州炒飯，魚蛋米！看到店內客感覺是附近街坊，而且也不少客人！此時同學開始交談食物也奉上！大大碗义燒米粉，再加上奄列相信同學吃完晚餐也不用吃這碗味道偏淡近乎無味的魚蛋米，吃幾口沒吃了，有待改善！同學對炒飯＋分欣賞，說飯裡惹味有口感很好吃！同學滔滔不絕地說話，我們坐了有一時多，侍應也沒有趕客情況！