基隆茶餐廳

營業中

休息中

🔎基隆茶餐廳 #黃店📍旺角界限街24號-黃到發光💡 捐錢派飯派飲品派海報♥️ 餐廳貼哂抗爭海報 電視係播RTHK 連飲管都係用紙飲管 絕對會變飯堂！🔹雞翼薯條/沙律 $32 凍飲+$2🔹芝士漢堡包拼沙律/薯條 $34 凍飲+$2唔係用平時嘅麵包 用左個烘過嘅法包 都幾好味 其他茶餐廳就未必有啦

平時等位到爆又旺場，點餐要等很久才上。今天是閒日下午，應該沒那麼多人吧。見冇人等，入面又冇乜人，應該唔洗等咁耐！就這樣我就一支公進去了。今次點了咸蛋肉餅飯，配中湯。先是湯很快就到了，豬骨蘿蔔老火湯，入味！湯熱，慢慢飲。。飲完。。。等了又等。。。坐我對面的人換了一對情侶，情侶點的也到了。。。可是我的還未到啊。明明店舖非滿座啊。。看看錶已過了四個字，我連忙舉手問阿哥，阿哥望了我一眼就立即拿肉餅給我了。肉餅啊，等了你很久！是一貫家常小菜的味道，豬肉新鮮，不是外面茶記的雪藏味。野食係堅美味的，不過餐廳運作混亂。別要讓人等那麼久喔~

茶餐廳始終喺香港人嘅飲食文化，一向都好受普羅大眾嘅歡迎，就好似今次同朋友嚟到太子嘅「 基隆茶餐廳」，屬小店規模，但就眼見有好多人幫襯，正值午市嘅尖峰時間，門外仲企咗唔少客等位。一般茶餐廳格局，兩邊都喺卡位，中間就排咗可活動嘅2、4人枱，老實講，環境真喺好逼，啲通道其實勉強夠一個人側側身咁過。然而，啲阿姐、阿哥都好禮貌，不過，出菜就好亂吓，經常聽到嘅一句喺有無人有嗌乜乜乜呀。晌等位期間，已經睇定食乜，因為貼咗唔少午餐嘅選擇，例如「每日精選午餐」，寫明邊日有啲咩，每日有4款碟頭嘢，奉送餐飲，賣$40，比起近彌敦道啲茶記平5、6蚊架喇。以為「午餐」得一類，晌門口水牌仲貼咗張手寫嘅「午餐」，共有3款，奉送餐飲，但就可以揀例湯，同樣賣$40。不過，友人對啲午餐麻麻，反而相中款「全日餐」，睇落又確喺幾特別，秘製薑酒生滾鮮牛肉或豬潤，可配唔同粉麵，只賣$38，抵食喎。連福麵都有，老友喺福麵迷，啱晒佢，可惜當日話無福麵喎，哈哈！秘製薑酒生滾鮮豬潤通粉 $38老友話堅有酒香，加上面面仲放咗一大撮薑蓉，無薑味都幾難，配通粉又幾唔錯喎，而啲豬潤灼得剛好，軟滑而粉粉哋，但只得四片而已，感覺少咗啲。整體而言，喺

今時今日香港地想食個下午茶，隨便一間茶餐廳$50幾蚊，如果香港區可能隨時去到$60幾$70添⋯⋯咁岩今日因為交通問題，所以留咗喺太子返工，終於可以食返個有人情味嘅平民下午茶😭凍檸茶係傳統茶餐廳嘅茶底，檸檬四大片真材實料，最有愛嘅係用紙飲管，為地球出一分力💪🏻枝竹火腩飯，唔好睇佢三十幾蚊連野飲咁平，一樣係好足料，枝竹夠林夠入味，火腩皮仲非常脆口😋總括來講， $30幾蚊有飯有凍飲又夠飽肚仲要好味道，日日食都制呀🤣🤣

食物雞中翼拼西多士 $32哩個下午茶餐有3隻炸雞中翼加半份西多士😋雞中翼同西多士都係新鮮炸起，不過西多士就相對凍得比較快西多士上面有勁多牛油，再加上糖漿，好邪惡🤤雞中翼有少少鹹味，咬落脆卜卜，入面熱辣辣不過見到對面位的雞翼都比我的大隻，有少少心理不平衡😂小時候食西多士都係用哩種樽裝的糖漿，可惜宜家買少見少，餐廳仲有保留真好！👍🏻熱華田已經調好味，甜味剛剛好👍🏻環境以茶餐廳黎講都算幾整潔乾淨食緊野的時候咁岩姐姐拖地，有啲綠水味，哩方面可以改善😉

之前有食開。有心機小店，不過今次等到發脾氣⋯⋯。V仔同麗妹好懶唔煮飯。星期日唔想勞動。就出去試下基隆嘅晚餐。晚餐好家庭式無味精唔太咸。叫左一條冬菜蒸黃花，都預左要等，另外加左個勝瓜木耳炒魚鬆。點知蒸魚先到等左五分鐘勝瓜都未到。因為太餓，唔等食左魚先。兩個食一條。跟著是食著等個勝瓜。點知魚都食完但未等到個勝瓜。我就紋紋地前後追左四五次，呀花姐（話事人）都無so我。最後連飯都食晒先至上台。啲勝瓜都算新鮮好有鍋氣同家庭主婦味道。不過要等成15-20鐘先到。可能佢太多人客了，現場啲客都不停追單是不停追都無人理咁。鋪仔細細是fullhouse 既。可以在落單同人手上改善下。

茶記茶走相當唔錯，濃同有奶香。薑酒牛肉麵有意外驚喜。啲牛肉好嫩好有酒香味。基本上好滿坐幫襯既都係街方包括V仔同麗妹。未到十一點只好點早餐，加茶走。街坊茶記可以多多幫襯。

-地點：太子地鐵站附近，不論搭港鐵定揸車都好就腳。👍🏻-環境：一般茶餐廳格局，座位真係逼左啲，可能加上晚飯時間，枱面同地面都未清理得好乾淨。不過老闊娘同員工都十分體貼，會好似朋友咁同你傾食咩餸，一有位就問洗唔洗轉個舒服少少既位置。💗🙆🏻‍♀️-食物：本身想叫倉魚，可惜太好賣賣哂， 最後揀左鼓汁蒸烏頭，完全係屋企既味道！蒸魚時間剛好，肉質仲好滑🤓！另外點左芙蓉蛋飯，好夠鑊氣！🥰食茶餐廳就係要食鑊氣！成餐飯水準不錯，小編就唔係好食到味精味👍🏻。-價錢：兩個人食左$120。價錢正常，唔可以話貴但亦唔算平。不過完全俾到茶餐廳要既野出黎👍🏻。

今日難得去開基隆街，正苦惱食咩野做晚餐。居然俾我搵到間茶記，門外仲有大量魚類菜式，二話不說就入去食。侍應服務很好，即使兩人亦安排卡位俾我地。入到去當然馬上嗌左一個咸檸蒸烏頭同八珍豆腐煲，仲左兩枝啤酒，食小菜當然要飲啤酒。點知食到一半，聽到幾枱都問緊一個隱藏菜式-京都雞扒。生存左咁耐第一次聽到京都居然係雞扒，於是決定加碼叫埋呢個。後來聽姐姐說原來京都豬扒變成京都雞扒來自一個偶然既機會，咁岩沒豬扒就叫客人改雞扒，點知就變成一個隱藏菜式，人人黎到都要叫京都雞扒。不得不說，呢間餐廳相當足料，八珍豆腐煲勁多彈牙既蝦。估唔到60元既小菜可以有咁多海鮮。咸檸蒸烏頭既咸檸汁亦相當開胃，而京都雞扒更加讚不絕口，雞肉既滑嫩配上京都汁真係無話可說。叫左咁多野食同飲品，才2xx，一個字：抵。

久聞呢間茶記，今早專登去食個早餐。估唔到座位比同區嘅企理，早餐選擇算幾多，價錢更相宜。我叫咗個$36餐，有火腿奄列、牛油方包、鮮茄鷄肉通粉。奄列用油唔多但頗滑溜，碗通粉份量十足，兩個女仔食都差唔多😛，而且鮮茄湯底用足料雜菜煮，鷄肉似係鷄扒先煎後切再加入湯底，可見係用心製作👍🏻👍🏻。另外，我老公竟然話個湯似屋企自己煮嘅味道。服務嚟講又好有禮貌，一啲都冇催人食快啲轉枱嘅壓力。香港食肆生存確實唔容易，在這艱難環境下難得保持呢種質素，好值得我哋下次再幫襯。

深水埗買完嘢下午Tea，揀咗間呢間愛心餐廳試試，我點咗薑酒生滾鮮牛肉麵+紅荳冰，牛肉基本用生粉處理過，幾滑口，薑酒味適中，配生菜麵效果唔錯，紅荳冰算有火準，紅荳起沙並非齌糖水，兩樣味道都oK，量勉強夠，而性價比算超值; 收銀+伙記都好有禮貌，舖頭整體乾淨，地下有用1比99漂白水拖 ，雖然有少少醫院味，一般人應可接受; 地方唔大但食物種類唔少，就算唔係街坊，行過都可以試試; 食嘅飲嘅記住要配套餐，因單點價錢冇咁低

嗰日想食個下午茶咁就係屋企附近搵一啲未去過嘅餐廳經過見到佢呢個餐牌都幾抵所以就入嚟食 本來下午茶好想食過沙爹肉片公仔麵嗰類嘅產品，不過無見到佢三十零蚊有炒河食我俾佢吸引左豉椒肉片炒河 食得出佢啲河粉都搵白鑊辣過上面個肉片和配菜全部清爽證明全部即炒 38蚊咁嘅價錢 我覺得係ok，杯茶都ok 最貼心嘅就係問你要唔要辣椒醬另外上碟辣椒醬我覺得30零蚊都仲有服務嘅話 我就會超級加分個位都幾好坐有電視新聞睇 不過下午茶嘅份量就比較細碟如果你想食得夠飽就可能未必夠

這是第一次嚟光顧， 餐廳整潔 ，都坐得舒適 ，茶餐廳附近住宅多，價錢大眾化。除了放在枱上餐牌，牆上還貼有大字板的套餐單:晚市特價湯飯餐 、一丁拉麵烏冬(只限12時至6時)晚餐餐單挑選了套餐，點菜嘅時候，店員提及這裡的胡椒豬肚湯好正！所以挑選了，胡椒豬肚湯。大大碗 ，聞得到胡椒香味，又多渣， 胡椒味融入豬肚、酸菜、 支竹內，酸菜醒胃，有點辣但很好喝，味道很夠，有得飲又有得食，果然係正！西芹腰果炒蝦仁:簡單家常小菜，都幾好，爽脆西芹高纖， 腰果又鬆又脆👍 蝦仁偏鹹了些，肉質彈牙，都唔差呀！吃起來分量真的很足。套餐送白飯、例湯或熱飲例湯加配熱奶茶茶味甘香醇滑， 好飲

自己搬去附近冇耐，間中都有去幫襯，但今次真係好嬲，夜晚去買外賣，我俾錢之前有一對外籍男士買嘢，去到嘅時候，佢哋應該落左一個飯嘅單，之後呢位男收銀以為佢地叫兩個飯，就收第二個飯錢，找贖完之後就到我叫外賣啦，咁我就叫嘢食仲放低$100，點知佢又同之前對男士講嘢，完全冇理我，原來佢地叫三個飯，嗰位外籍男士就張佢找完第二次錢嗰$50親手遞俾佢，然後呢位男收銀就張我嗰$100攞埋，就行左去幫佢地同廚房落單，返黎之後再問我食乜野，去完廚房落單後，又諗住問我收錢，我話我俾左$100喎，佢就好唔信又好唔想找錢俾我咁，當我係黎呃錢咁，我同佢講我話你睇閉路電視丫，佢就好晦氣咁話(得啦得啦，明白嘅),我當時心諗你明白乜嘢呀，你當我係賊，你點解唔睇閉路電視報警我好想講，其實其他侍應都好nice，反而係收銀衰，不過點都好，冇下次

碰巧與友人在太子見面，朋友便帶了我去一間附近的港式茶餐廳吃晚飯。剛進去，發覺裏面的擺設也比較local，牆上有很多不同的字、畫和餐牌。因為晚飯時間，裏面有比較多人，發覺大部份人似乎是在附近居住的居民。一坐下來，便有店員跟我們友善地打招呼和給我們這裏的餐牌。感覺上，是一間很有人情味的茶餐廳。後來友人跟我說，這間茶餐廳與佔中是有一些連繫，好像是他們給佔中人士帶飯之類吧。一抬頭，便看見對面牆上有長毛寫的字畫，再仔細看看，於收銀處有一幅畫上Totoro拿着黃色雨傘的poster。我們的第一選擇當然是它有名的魚，但就是魚的菜單上也有九種不同的魚和煮法。所以我們最終都是請問了侍應的建議才下單，叫了一碟豉汁黃立䱽。我看這裏的魚賣得也挺便宜，一條也只是$68，平常在街外吃飯，一條小小的黃立䱽也需要一百多塊才能買到。此外我們也叫了芋頭油鴨煲和一碟炒菠菜。食物很快便出來了，菠菜炒蒜炒得挺好吃，那芋頭油鴨煲的芋頭也非常入味且油鴨跟它的味道也很配搭。黃立䱽最後也來上菜了，它比我想像的更好，魚非常新鮮而且不會過熟。整體來說，雖然這裏店員人手有點不足。但上菜速度也是挺快的，餸菜質素也非常高，價廉物美。我會Reco