城八日本料理

營業中

休息中

食物質素可以，但服務質素未見過喺日本餐出現過有咁差 👎🏻👎🏻👎🏻有兩個稍為年青的女侍應，鞋口鞋面，好似校長咁同你講嘢，好似佢識嘢你唔識嘢，倒啤酒倒到成枱都濕晒，滴埋落我哋兩個隻手同腳，我攞枱面塊白毛巾抹，佢話係食色壽司用！係咪黐線㗎？😡😡我有把短傘擺喺枱面（我坐喺壽司吧近牆邊，唔會阻到其他人），佢話可以放喺枱下邊，我話我驚唔記得，佢話我哋會提你，一樣係機械人對答 😒😒壽司師傅仲騎呢！我問有冇赤鹿，佢答有，跟住西面咁問我兩次，壽司定刺身？如果講明唔招呼有腦霧或反應遲1秒嘅客人，應該寫喺門口話唔招呼 👊👊👊唔好講價錢平與貴；劉德華話齋，呢啲服務質素絕對係趕客 🙁🙁🙁呢度平均千二個頭，我哋一行六人。如果會再嚟一定係被虐狂 😳😳😳

冇得返鄕下，但都食到高質素嘅刺身，有日本質素同感覺。因為我同屋企人好多野唔食(唔鍾意食魚同蝦)，所以去omakase好多野都唔啱食，鍾意呢度係個chef會問你食乜，可以自己決定。好似今次咁我地order大部分係食貝殻類刺身。日本蠔，新鮮大隻。貝殻類刺身，樣樣都新鮮爽口，可能因為我哋8:30第二round客，想encore d 貝殻刺身好多已冇貨，只食得一次。吞拿魚好肥美，入口即溶，口感以為食咗西瓜咁。海膽好正！！燒牛壽司，超級香牛味，咁細塊但入口個牛味好似已食咗塊牛扒。三文魚好厚切。牛肉烏冬同蝦天婦羅都好味。最後多謝安排咗個細壽司蛋糕(因為好飽肚，兩個人食唔到大，所以佢哋幫手安排左個細嘅)，好impressive！！好難得所有刺身都咁新鮮高質素，冇得彈，好滿意，會再encore！！

一行三人，朋友請客坐低就好豪氣咁叫咗廚師發板刺身。 廚師發板刺身都係會用店舖 時令精選海鮮類，唔會用係三文魚呢一類，所以服務員拎上台時，每一種都會好有心機咁介紹。 每一款都非常新鮮， 跟以前築地魚市場的sushi店相比 絕對過之而無不及（ 當然有一個說法係講築地專賣魚檔拎淨嘅物資）。 好好食淨係呢一碟都二千。。。 價錢有少少建議如果食廚師發板（ 特別係人哋請客），必需要定價錢上限。 其他唔再逐一介紹，𡌅全陪都係當日嘅特別推介美味

Good restaurant. The Chef puts a bandage on his finger to make sushi. Guests do not need to see wounds.I questioned it by phone, but No reply for one week. 

老闆請食高級刺身,仲唔放開肚皮食放題先來個無敵刺身厚切大拼盤, 有大拖羅.深海池魚.筋子.螺片.石垣貝.金目鯛等等新鮮好味,真係冇得頂! 再來個北海道生蠔, 鮮甜, Creamy, 肥美天婦羅一點都不油膩, 感覺清新可口, 我等別喜歡南瓜和番薯,真係非常清甜再來個貝類.赤陸刺身拼盤,貝類爽口甘甜,簡直另人停唔到口海膽.三文魚籽壽司一向都是我最愛海膽Creamy甘甜,三文魚籽粒粒晶瑩通透, 入口即暴,好似飲緊最鮮味湯水.還有北海道蝦夷鮑魚,鮑魚肝煮成醬汁淋係上面，再配埋下面嗰舊飯團，超「正」😍😍😍👍🏻👍🏻👍🏻最後食埋個哈密瓜同柿,真係心满意足100分

完美service & food星期六晚打電話去約即日dinner，講明有bb車有輪椅，店舖爽快答應冇問題。去到仲安排咗個角落頭畀我哋坐，但係一啲都冇冷落我哋有兩名店員輪流嚟關心。特別係指導長輩食魚生嘅先後次序，仲跟住我地口味誠意推介海鮮。食咗一大堆，一歲bb由頭食到尾都只係3000埋單...必encore.中大toro 新鮮，肥而不膩特別推介燒和牛，鹽花加埋飯糰非常入味長輩必食蕎麥麵配天婦羅車蝦海鮮什錦非常抵食又係長輩們必食嘅茶漬飯，食得出高級員木魚製湯，無味精重點重點推介魷魚燒咗口魚紫菜包帶子

傳聞城八日本料理師承見城， 於見城師傅告老回鄉後， 其弟子承傳其手藝而開今天的城八。 從前公司一月一日的元旦party 都會請見城到會。 深深感受到見城師傅的高深手藝和侍客之道， 極為讚賞！日前下午四點到城八買外賣因晚市無堂食， 只點了簡單的魚生飯及寿司， 心想十分鐘應可離返家。  不料一坐至卅十多分鐘， 還發覺遲我們十多分鐘進店的堂食客的寿司已吃完！遲來先上岸本就令人不忿， 更甚者两番詢問只換來冷淡回應！ 那位貌似head chef 者更是不可一世的搶白幾句， 令本人從顧客變成上門行乞之人。 本人蹤橫日本數十年， 深明日本人侍客之道。 若城八日本料理只提供這等服務態度， 請改名為“城八偽日本料理”！ 請不要辱及見城師傅！

聽聞前身係「見成」日本料理，係香港第一代由日本師傅主理的高級日本料理。退休後由徒弟接手，改名叫「城八」，食物水準無變。🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🇯🇵🍱刺身拼盤拖羅：拖羅顏色好靚，油脂平均、油脂甘金，入口即溶，油香充滿口腔油甘魚：油甘魚肉質肥美，味道鮮甜，魚味香濃深海池魚：肉質鮮嫩肥美，脂厚油香，令人齒頰留香。火灸金目鯛:金目鯛肉質細膩緊緻，富有彈性，口感清脆鮮甜。北海道角螺：角螺大大隻，好清爽清甜，好有口感，但吾會好韌。秋刀魚：冬天係秋刀魚最時令的魚，油脂豐富，肉質鮮味及魚味香濃。🍥燒北海道帶子：用上3L刺身級帶子，所以輕輕燒過已經好好食；帶子輕輕燒過燒到好香口，本身肉質好嫩滑、鮮甜同好Juicy，配埋紫菜一齊食，多重口感。🐟汁煮油甘魚鮫油甘魚油脂夠多肉質幼滑，特別部位如魚腩上方的魚骹位，因為魚鰭活動周邊肌肉而令肉質較結實和有彈性，魚油香濃。香煎令魚油溢出，再放入汁煮，魚油已融入湯汁裡面。🍶清酒汁煮油甘魚鮫，最適合配清酒，一路飲一路食一路傾計，咁就一個下午。

最鍾意食日本嘢，今日就去嘆番個omakase先🥰一入到去就覺得環境好舒適，店員態度亦都好好，面帶笑容-Toro、赤貝以前嘅我淨係鍾意食三文魚，覺得其他魚好難食🥴但之後發現原來只係我未食過好食嘅，食omakase就可以放心食物嘅質素🥰拖羅好肥美，好多魚油，入口即溶呀🤤赤貝好鮮甜爽口-三蝦壽司又一款我既最愛，蝦全部都係蝦，一啖放落口，好鮮甜好滿足-三文魚籽壽司每次見到呢啲波波都好興奮，系個口入邊一次過爆曬出嚟，

久違的日本料理🐸🇯🇵有多款壽司、刺身、炸物、主食及甜品以供，價錢與質素絕對成正比刺身拼盤有左口、甜蝦、拖羅、象拔蚌、螺片、金目雕同秋刀魚。拖羅十分出色，濃郁既油脂，入口即溶。秋刀魚方面肉質卻出奇地細滑，柔嫩多汁。當令蜜瓜🍈 小小一塊係嘴入面化開既清甜，外層甜脆，靠近內芯就愈黎愈甜，好好食😋紅豆雪糕🍧一口食落去濃濃既紅豆味，又唔會太甜，細個真係勁鐘意食紅豆雪糕，係童年回憶啊❤️總括而言好滿足，下次會再encore！

今次我和朋友來到尖沙咀尋找美食，我們非常熱衷吃日本菜，尖沙咀有一家受顧客喜愛的食店，心癮開始發作，美食俘虜了我們，我們打算到「城八日本料理」品嘗美味的日本菜，為吃特別到此一遊，享受日式的美食佳餚，同她盡興吃一餐。店中有一份雅緻休閒，空間感很好，感覺舒服開揚，整間店設計幾好，店內裝修簡約，日本裝修好美，佈置和擺設十分美觀，乾淨整潔，氣氛輕鬆，充滿溫馨的格調，店內有家的感覺，適合與姊妹前來傾談，很多顧客前來捧埸。我們選擇了包括有炸雞，燒大蜆及海膽.三文魚籽.甜蝦壽司，食物質素很好，享受日式美食的滿足滋味。炸雞單單看樣子已經令人唾涎，炸雞口感非常香脆，咀嚼後第一個感覺是咬落脆卜卜，彈牙有咬口，肉質鮮嫰爽滑，入口美味，十分香滑，剛好恰到好處，齒頰留香，饞嘴的我很想Encore。燒大蜆燒大蜆真材實料，見到巳想即時食下去，肉質很嫰滑，味道不俗，一點也不膩，口感層次豐富，細膩美味，讓人一試難忘，非常滋味，十分滿足，芳香的味道仍在口中留戀，我食不停口，正合我的口味。海膽.三文魚籽.甜蝦壽司各款壽司賣相吸引，我們叫了最喜歡的海膽.三文魚籽.甜蝦壽司，多款不同的壽司，壽司大件好足料，鮮味撲出來，厚度適中，

自從冇得去旅行之後，小編都食多咗日本野解思鄉之情，最近聽朋友介紹話呢間位於尖沙咀既日本野質素唔錯所以都去咗試吓! 餐廳環境裝修好似置身於日本一樣，所有食材都係由日本直運到香港，難怪不少城中富豪同名人到訪!牡丹蝦壽司有冇朋友仔同小編一樣都鍾意食牡丹蝦呢? 牡丹蝦夠新鲜食落鲜甜彈牙野菜煮呢款菜式係日本家庭很常出現的料理，使用季節蔬菜食，食既時候熱辣辣好暖胃，同朋友都好鐘意燒帶子睇相就知同朋友食有幾Happy，帶子好厚身，輕輕燒過好香口，下次有機會同朋友試埋其他野先!

#日式eatcovery #尖沙咀eatcovery💡高質日本料理😍呢間環境裝修睇得出好有心思，好有日式感覺。原來一直都吸引不少城中富豪及星級食評人到訪，且獲得大量好評，而且所有食材都係由日本直運到香港🍽北寄貝、赤貝、象拔蚌、粒貝壽司北寄貝鮮甜爽嫩，而且肥美得黎好大隻，食落味道好清新鮮甜爽嫩，而且肥美得黎好大隻，食落味道好清新。赤貝鮮爽甜美，沾上少少汁令味道更清新。象拔蚌、粒貝壽司爽口彈牙。🍽左口薄切左口唔係雪藏，非常新鮮！食落好新鮮而且鮮甜，就算唔沾醬汁都夠曬味。🍽明太子燒飯團幾特別，睇出邊好似濃濃地，但入面飯仍然粒粒鮮明，好有飯味。ps/食材每天由日本直送，魚生非常新鮮，壽司種類非常多，除了魚生，熟食也值得推介。

這間日本菜我會形容為抵食又好食。佢嘅環境裝修正正常常，又唔會係好奢華嘅日本裝修，但係就嘢食方面令到我好鍾意特別係佢嘅帶子刺身同天婦羅前菜-香燒河鰻酢漬呢個前菜我估應該唔係好多人食過，連我都係第一次食，佢煎得好香，仲要魚味好出，平時食日本菜只會食之豆作為錢財，下次都可以叫下這個。南瓜.蝦.蕃薯天婦羅天婦羅炸得脆係基本，入面嘅蝦要炸得好食就難，首先佢嘅海蝦爽口，番薯好甜，南瓜我就本身唔係咁鍾意食，不過我朋友都話唔錯。海鰻壽司鰻魚壽司點樣做得好食？就是個魚要好食，個汁又要好食，個燒汁才是重點。帶子刺身通常帶子刺身都冇乜特別，因為通常個味道都唔會好香，不過佢都算新鮮嘅，可以一試。

🇯🇵前身係「見成」日本料理，由見城俊二先生於1989年開業，為香港第一代高級壽司店。所有食材都係由日本直運到香港，到時吸引不少城中富豪及星級食評人到訪，且獲得大量好評。👨🏻‍🍳傳說依家由八位弟子繼承，故而改名改名城八。如此大嘅名氣，小編覺得名過於實⋯🍣壽司方面，大量食材缺貨，貝類基本上係全部都無。要乜無乜，好努力咁先至拼湊到幾件壽司落單。食材唔可以用新鮮黎形容，相信大家已經可以從色澤睇得出質素。當晚為平日晚市時間，滿座率約四成，相信佢地食材存貨turnover rate都好一般。單價平均$60-$80一件，但係呢個質素完全唔值得。🍜牛肉稻庭（$130）：牛肉幾嫰滑有肉香，稻庭麵同湯底都只係一般水平，唔會覺得驚喜，唔差但又唔會覺得特別出色。不過值得一讚嘅係，侍應主動詢問小編及友人使唔使分兩碗呈上，幾細心值得加分。🐟銀鱈照燒（$160）：重白味噌偏鹹，魚肉口感比較柴，同平時食開嘅西京燒銀雪魚口感差好遠。就連德美壽司嘅西京燒銀雪魚定食，無論係價錢定係食物質素方面都比起城八好好多。唔好嘥錢嘥quota。😢整體而言：侍應服務態度良好，但係食物質素真係有超級大進步空間。慕名而來，可能期望太高，最後