坐忘

營業中

休息中

好多人都話呢間好食，所以特登去鰂魚涌試吓。好多人都話係一間好健康嘅小店，打開個餐牌，又真係好健康喎，好多蔬菜類嘅食物，可惜我並唔鍾意嗰啲，反而一見到呢一個忌廉湯野菌烏冬，就好想試，事緣係之前去東京食過一間類似嘅餐廳，佢哋整嘅忌廉湯烏冬真係好好食，點知原來喺香港都有喎，就試吓啦！食落雖然都幾好食，但冇其他人講到咁特別，個忌廉湯係好creamy, 啲菇都整得幾好食，但硬係爭啲味好似唔夠濃咁，只能說好食係好食，但真係仲有進步嘅空間。

人氣推薦日式小店👍🏼👍🏼聽聞呢度最出名主打日式健康料理😍😍一試便知！💁🏻‍♀️七小時慢煮豬軟骨定食黎到梗係食皇牌首選啦😋😋個豬軟骨炆到好淋，入口即化，真係無牙都咬到🤣🤣💁🏻‍♀️七小時豬軟骨煮野菜咖哩飯豬軟骨份量巨多個咖哩汁個人認為可以少啲，但一樣好味😋😋呢個飯就係有粟米

兩年前吧，有人講過去少幾次日本就可以買到樓。雖然只是抽取了講話中的其中兩句，有點不公平，但就一直被廣大市民當作笑話，不懂民間疾苦。話說回頭，香港人真的好鍾意去日本旅行，甚至旅居日本；不過，凡事總有兩面，也有一些日本人因為種種原因愛上香港，並且選擇移居香港。旅居香港的日本人中，有不少都會開間小餐廳，主打充滿日本家庭料理風味的美食，烹調方法雖然簡單，但就有日劇裡面家嘅溫暖。曾經在香港不同地區光顧幾間這樣的家庭式日本料理，當中有好味道、也有質素普通，但全部都有一種從細微處滲透出來的家的感覺，很窩心。今日去了太古城探親，之後一齊開餐。太古城內的餐廳都試過了七七八八，今日索性走得遠一點，去到接近鰂魚涌，專程光顧這間日本家庭式料理「坐忘 Camper’s」。餐廳的 logo 同樣充滿休閒意識，一棵大樹下擺放了一枱兩櫈，很有寧靜、舒適的感覺。「Camper’s」正是借喻「在地球上借宿的你我」。門口兩塊座地小黑板清楚寫明了餐廳宗旨：多蔬菜的飲食，不含味精及食物添加劑，不設加一服務費，所有食物醬汁全部人手新鮮製作。等了10分鐘左右終於有位，推門入內。一如所料，餐廳面積細小、座位亦相當擠迫。裝修風格簡約，

前前後後食過幾次坐忘，每次都一定會食豬軟骨咖喱烏冬真係好好食！豬軟骨實在入味，啲肉林得嚟又唔會好散，份量充足！一碗烏冬，又有足夠份量嘅蔬菜，出邊食飯好少會有咁多菜，十分適合想健康嘅人士。烏冬就似讚岐烏冬，麵條比較幼，幾有咬口。朋友叫咗個黑芝麻咖喱飯，食落去味道新奇，食得出黑芝麻嘅味道。醬汁有啲濃，不過都唔影響！佢地既飯唔係普通嘅白飯，有少少粟米，都值得一試！但由於我係豬軟骨嘅忠實fans，每次都係食同一樣既野。好少可會有一間食肆，我係會食完再食！

坐忘Camper’s 一直係我嘅日式咖哩首選🥇店主/廚師係日本人，對食物素質同衛生頗有要求。作為食客嘅我當然食得放心☺️烹調方式近似住家形式 — 無味精、少油鹽糖。白飯加入南瓜同粟米，帶有甜味1\十五種野菜咖啡飯+溏心蛋 🍛 包括翠玉瓜、蓮藕、椰菜花、西蘭花、南瓜、豆角、洋蔥、紅椒、青椒、茄子、紅蘿蔔、薯仔、菜心、蕃茄仔和西芹。😆 健康又豐富，食飽都冇食肉果種滯嘅感覺👍🏻2\豬軟骨野菜咖哩飯三大舊豬軟骨😋入口即溶，啱哂食肉獸。一碟豬軟骨嘅份量足夠兩個細食嘅女仔食啊平日lunch hour人流多，想食就記得預留至少15-20分鐘等候時間⏳

今日黎到則魚涌，又番campers 朝下聖Campers 一共有兩間分店，一間係則魚涌，一間係天后，平時好多人排隊，難得見今日冇咩人就一於去試下Campers 係一間平民日式西餐廳今日就食佢喇❗️豬軟骨野菜咖哩飯，仲加左隻溫泉蛋Campers 本身d 飯都好注重夠多蔬菜，為大家補充纖維，好適合健康一族至於咖哩方面好出色，好有係日本食到果種日式咖哩，甜甜地又好濃，撈飯一流，而我都好鍾意加個溫泉蛋撈埋飯更加一流至於主角豬軟骨就更加係不容錯過，經過慢煮，佢煮得好冧，但又唔會太散，而濃濃的汁，直情係一試便上隱而朋友叫左個生姜燒定食，友人都話十分出色💪🏻💪🏻

是日適蓬早收，特意黎左北角食飯。一早就黎到呢間好有特色既食店。因為夠早，所以完全唔洗等位。室內裝修用左好多木裝飾，望落舒服，亦都好好座。食店標榜健康，每位餐都會包含蔬菜，叫左豬軟骨咖哩烏冬。咖哩味道好好，豬軟骨好林，烏冬有咬口，而且份量好充足，非常滿足。

平時帶愛心飯盒既我， 好少外出食飯，估唔到有間最優秀東區開飯熱店🔥喺公司附近。Lunch 時間人流特別多， 加上店鋪細坐位不足，最後等左over 20分鐘🕛才能入坐。(太陽🌞好猛烈， 但同事堅持話要帶我食好嘢， 推介慢煮豬軟骨給我)。最後我order左一份豬軟骨七小時慢煮沙律🥗， 豬軟骨好軟腍， 入口即溶， 好入味，而沙律以生菜為主， 夾雜少量沙律菜，肉與菜的份量都不少，男士食完都覺得飽肚， 難怪眼見咁多OL來食。

有時食得多銅鑼灣嘅餐廳，悶悶地都想去下其他地方試吓其他餐廳。今日就嚟到天后依間咖喱飯店，聽講係日本人開嘅，餐牌都係日式，手寫嘅菜單好可愛。我叫咗有十幾隻蔬菜嘅日式咖喱飯，有好多蔬菜啊：紅蘿蔔、西蘭花、茄子、翠玉瓜、薯仔等等，最啱我呢啲平時覺得自己食得太少嘅人。佢嘅飯都係撈左南瓜定唔知紅蘿蔔茸入去，好健康呀。見到呢間餐廳平時都幾多人排隊，想食就最好早少少去啦。

這間小店裝修簡單，坐得算舒服。服務可以。我未試過午餐時間光顧，晚餐就試過三次，沒有訂位服務，繁忙時段要人齊才可入座。 晚市六點開門，我們五點十去排隊，第一輪入到，好彩！食物選擇算多，簡單又吸引。 我們點了溫泉蛋牛肉飯、椰香雞塊咖哩飯、豬軟骨咖哩烏冬和白味噌茄子豚肉飯。每款份量也頗大份，味道有點濃，買相不錯，也相當好味。其中豬軟骨真的入味又酥軟，要讚！ 價錢合理，也大眾化，一間自己很喜歡的小店。

今日唔知點解放lunch超級肚餓，所以決定同同事去Campers，因為份量好大，一定可以食飽佢！我地12:10黎到，出面已經有超級多人...我地都心知不妙，店員寫低左我個名，就開始漫長嘅等待.......等等等等...到差唔多12:45，終於到我地啦！店員比左個餐牌我地點菜，兩個豬軟骨咖哩飯唔該！我同事加左溏心蛋，不過一d都唔溏心 飯用碟上，亦唔係普通白飯，係特色飯，其實我都唔知加左d咩哈哈！豬軟骨有三！大！塊！超級超級大！菜都有好多款：豆、椰菜花、西蘭花、蘿蔔、薯仔，重點係，係好爽脆架！平時配菜一定係淋晒唔好食，哩個零舍唔同！仲有另一個招牌係15種蔬菜咖哩，有興趣不妨試試！不過，真係真係要早d黎排隊...或者晚飯黎都ok！一樣價錢架

喺太古行完街又唔想係商場度食今次就早少少行到嚟鰂魚涌食坐忘其實以前喺鰂魚涌讀書都冇留意到呢間餐廳今年越來越多朋友返去食今次我都特登早d黎坐忘無得訂位 未夠6半已經full full地 要等一陣所有嘢食都標榜不含味精 行日式健康風格同男朋友叫咗一個飯同埋一個溏心蛋豬軟骨烏冬 餐廳嘅餐具用木 感覺更加似日本🇯🇵平平地 又一餐豬軟骨好好食嚟緊再encall

今日下午放飯由太古行到去鰂魚泓，為嘅就係食坐忘。佢嘅咖哩豬軟骨飯係超級出名，豬軟骨好軟滑又富有口感，咖哩味就係好正宗嘅日式咖哩，極少辣之餘仲有香口嘅感覺。除咗肉之外，碟上面仲配有大量蔬菜，有西蘭花、紅蘿蔔、薯仔等等，多到食晒成碟夠飽足一日。但係美中不足嘅係，佢座位非常之少，午飯時間出面經常大排長龍，今日就等咗半個鐘先入到座，之前試過等咗九個字覺得唔對路要轉食第二間頂檔。另外值得一提嘅係佢用姓氏代替拎號碼排。

坐忘係鰂魚涌應該好出名啦，無時無刻都排緊隊🤣最出名就係佢既豬軟骨❤️雖然佢既價錢唔係話特別平，但真係超級大份😍性價比一流💯同埋佢大份得黎好有心思，飯🍚係加左蕃薯🍠粟米🌽南瓜🎃微微帶甜😚個底有勁大量既野菜🥗仲有唔同種類，菜啊瓜啊應有盡有‼️仲有唔少得就係招牌豬軟骨🥩有三大塊😍煮得好淋有入味👍🏻軟骨位已經淋到變啫喱狀，咬落去係滿滿既膠原蛋白🥚超級推介👏🏻•佢仲有定食版，個個就配白飯同沙律菜🥗唔好揀錯啊❤️朋友叫過汁涮肥牛🥩又係大碟到好似唔駛錢啊😂良心小店👍🏻

一個做完gym，一個跑完步。兩個朋友小聚就搵啲健康啲同經濟啲既選擇！話說呢間係日藉夫婦開，因為仔仔患病，所以堅持餐廳要無添加同無化學調味。呢間都算係小妹既飯堂，不過而家愈黎愈多人。閒日黎一定要等位！周末相對太古坊就靜啲，一到就有位，不過都八九成滿。男仔鍾意啖啖肉，可以揀呢款定食。肉既份量都幾多，煮得腍亦都好入味。女仔想清淡啲就可以考慮野菜定食。有350gram唔同款既菜，根本就係一個暖既沙律。我以前通常食咖喱版，濃濃既咖喱加飯係好正。今日想食淡口啲，第一次試燒汁版。都唔錯的，感覺上都無咁重口味。繼續係我既食堂！