均香餅家

營業中

休息中

落ssp買嘢，就順便睇下附近有咩正嘢。見均香響中環排曬長龍，就不如去總店買幾個我最愛既糯米糍。星期日約一點無人排隊，叫左開心果，花生，朱古力榛子，肉鬆花生。全部甜既都真係好甜，肉鬆花生係鹹，我比較喜歡後者。但其實食果陣，糯米糍係痴住個紙兜同膠兜，糯米糍不似糯米糍，希望會改進下。

之前睇過好多人介紹，分享佢哋嘅糯米糍，今日專登出去試試。今日人龍唔算長，排了幾分鐘就可以落order。排隊中途首先買了半磅「雞仔餅」，一到手仍然感覺到暖暖的，已急不及待馬上試試。雞仔餅一攞上手，一點也不油淋淋。食落香脆而不油膩隔了一夜再食，仍然感到香脆。最後買了一個燒餅和4個糯米糍。花生燒餅，好軟糯，很香的花生味，不會太甜（急不及待試所以忘記影相）糯米糍是即叫即做，落單後再等了10分鐘就有得食。芝麻糯米糍，香香的芝麻味，不會太甜，爆餡花生🥜糯米糍的餡同燒餅的有點不同，比燒餅甜了點，但一樣有炒過的花生香味。開心果糯米糍原來係最好味的一款，完完全全食到開心果的味道，不會太甜每款都是爆餡，皮薄，即食還有點暖暖軟糯

深水埗几家人气老饼店之一，每次下午或傍晚路过，门前都排着长队，节假日更是如此。对自创开心果系列感兴趣，每次都不排队买到，吃了更开心。🪴环境：深水埗北河街的尽头，没在热门地段，位置相对比较偏，在靠近石硖尾这一侧。店面不大，前店后厂经营模式，人气很旺，门前总是排队长龙，生意特别好。😋开心果糯米糍：人气产品糯米糍，有好几款口味可选。碰巧买到刚做好的，粉皮新鲜软糯，糯叽叽。馅料满满的开心果仁碎，非常香，吃着也不油腻。12港币/个，物美价廉，很值得。🫓开心果烧饼：没什么卖相，看着软塌塌的。很大一块，坚果香，口感跟糯米糍差不多。🥮开心果月饼：2024年农历中秋节购买的，拿到手有些失望。包装简陋，透明塑料盒，甚至都没有独立分装。做工粗糙，饼皮几乎全碎掉了，上面印的字根本看不清，毫无吃月饼的仪式感。一口咬开，有开心果酱➕开心果仁碎，慢慢品，好吃。45港币/个，感受一下即可，相比之下，糯米糍更有品价比。🛎️服务：店里的姐姐们态度和蔼，勤力工作，几次深夜路过，都在加班加点生产。几次都错峰购买，当日营业前半小时到店，无需排队，直接购买。📍香港特别行政区深水埗北河街203号。

飯後想搵啲甜品食下，突然諗起呢間老字號😋但其實嗰陣時間已經比較夜，本身以為應該賣晒，點知幸運地竟然買到，完全係天意要我食！糯米糍煙韌有彈性，外皮算厚 啱曬煙韌控，輕輕一咬就可以感受到軟糯嘅口感🍡入口仲帶有陣陣米香，💯內餡方面，開心果碎算多，仲見到明顯嘅開心果仁顆粒🥜不過整體味道偏甜，如果可以再多一點堅果香味同埋降低甜度，會更加平衡。如果去開果邊，飯後又想食啲甜嘢，但又唔想去糖水舖，一定會買返粒嚟食！🤤

趁平日諗住唔多人去左深水埗均香，買左兩個開心果糯米糍。佢唔係我面前入袋，擺左兩隻糯米糍入個膠盒，再入細膠袋俾我。拎到返黎打開咁既樣，佢用膠盒裝但唔夠粉，結果痴住哂個膠盒。用筷子又用匙羹都係好難成舊食，痴笠笠。本來滿心歡喜期待，打開已經成pat野咁，好嬲！

深水埗老店糯米糍均香地點唔算就腳地鐵站行去都有段距離 今次去開石硤尾邨終於去到試！Weekend嘅下晝去 都有好幾個人企門口等緊落單嘅形式係同門口伙記講 佢再用張紙mark低然後等叫飛好似係即叫即包所以都要等~10min㗎糯米糍價錢同連鎖店(e.g. fresh fresh bakery)咁上下不過就冇話買幾隻會有discount咁樣今次買咗3隻試下先開心果 榛子朱古力 花生🥜見唔少人都話有比錯味嘅情況所以拎到都即刻睇下 好彩開心果 榛子都易識別 不過其他basic味可能就難睇啲糯米糍餡料十足好香開心果味 皮亦都唔會太薄太易穿(個人中意偏厚皮🫢) 不過食落個餡都混咗幾多砂糖嘅感覺 整體會偏甜榛子放到第二日先食(suppose建議即日食)拎起個皮比尋日硬少少 但食落仲係超軟熟個餡感覺好似食緊金莎朱古力咁 係朱古力甜味(冇粒粒砂糖feel)花生最特別個位就係面頭鋪咗椰絲 個餡係撈糖一齊炒(好似係)所以偏橙色3粒裏面最好食係開心果如果可以撈少啲糖會再好啲整體價錢同市價差唔多 做得最出色係個皮如果本身中意薄皮就唔洗為咗個餡專登山長水遠嚟排隊🤫另外鋪頭嘅排隊安排都小亂 一堆人企係度 都唔知佢係

行經附近，見咁多人排隊，所以都排隊睇吓有咩買，見多數人都買糯米糍，照跟買來試吓，糯米糍即叫即整，所以都等咗陣佢地嘅糯米糍都幾多口味，有7種!唔同口味，唔同價錢我分別買了2個開心果、2個黑芝麻、1 個花生及1個芋泥口味嘅糯米糍 開心果糯米糍 (HK$12)糯米糍食落滿滿嘅開心果碎，口感軟軟綿綿，內餡足，十分豐富，開心果味道濃郁，有顆粒的口感，甜度適中，好食!黑芝麻糯米糍 (HK$8)食落好香嘅黑芝麻，味道香濃，甜度啱啱好花生糯米糍 (HK$7)好多的花生粒，好香脆，可能有糖嘅關係，甜咗啲芋泥糯米糍 (HK$8)滿滿嘅芋泥，食落口感軟滑，芋頭味濃厚，甜度適中整體來講，我覺得開心果糯米糍比較好食同少見啲，其他口味都唔錯，唯一係個皮本身都幾黏身，食落有啲黏喉，老人家食要小心啲

今（21-2-2025 Fri）朝女同事PM，送我兩個糯米糍，佢話係深水埗名物。我留到放工返屋企，食埋晚飯至同老公食，一個一睇就知係開心果餡，另一個係豆沙？我哋切開睇先，都睇唔出係咩餡，老公食咗先，佢話朱古力花生，我就食啦，係有朱古力味，但又唔似完全係朱古力，唔通係金莎？因為諗起15-2-2025（Sat）同老公喺YUMO芝士蛋糕專門店，有金莎味，佢嘅花生粒仍脆，整體唔錯。之後睇其他食評，至知原來係朱古力榛子味，咁即係金莎啦。4分然後食開心果味，呢個味道好濃，粿粒都幾大同實，感覺好足料。5分同民豐（食評係2024年7月1日刊登嘅呢篇：https://www.openrice.com/zh/hongkong/review/blue-%E9%99%8D%E5%92%97%E6%BA%AB-e5544300 ）比，呢喥係細隻啲，但餡料同味道都足，唔係只撈砂糖，呢點係贏咗，至於糯米糍嘅皮，由於我唔係新鮮食（唔會係今朝買吧），所以會有影響，但只係開心果餡嗰個有部份有啲硬，呢篇食評嘅味道分唔計個皮。題外話：問咗女同事PM係咪呢間嘅糯米糍，佢答係。民豐喺深水埗都開咗間（https://www.ope

想去試好耐，但由於地區唔方便，一路都冇機會，難得佢喺中環街市開Pop up Store，一於去試吓。去到見到條龍由2樓排到落地下，個心都沉一沉，但係真係好想食，於是乎都堅持落去。冇呃你，真係排足一個鐘，但係其實佢啲職員真係不停手，相信已經係最快嘅速度。每人最多只可以買12粒，而當中嘅薑汁番薯每人最多只可以買兩粒，個人對開心果有特別偏好，所以用咗一半嘅quota買咗開心果，其次嘅就試咗薑汁番薯，同埋榛子朱古力，而好味嘅程度，都同上面嘅次序一樣。好欣賞佢哋嘅Mochi，真係做得好好味，好有口感😋

買左開心果糯米滋（$12/粒）、2款角仔（開心果個仔 （$100/半磅）同肉鬆紫菜角仔（$90/半磅）。開心果糯米滋軟熟，好味。角仔出面嗰層（得面嗰層）都算鬆化，再咬入面係腍嘅。開心果偏甜，肉鬆一般。食左一粒之後都冇咩特別興趣食第2粒😂排隊等左差唔多2個鐘（平日下午），再加上價錢都幾貴，唔會再買第2次了。

其實之前都已經喺OpenRice食評嗰度見過有人話佢魚目混珠，明明買貴啲既糯米糍，之後比平啲嘅糯米糍，但係我抱住人性本善，覺得佢哋都係忙中有錯…今日喺附近做開嘢，就照去嗰度買。可能因為新年緣故，好多人喺嗰度排隊。買嘢都預咗要長時間。雖然好多人鼓譟，但係我都照等咗大概45分鐘…拎糯米糍唔係即時食，返到屋企，其實只不過講緊一個半鐘頭內嘅事，但係已經黐埋晒一齊、一pat pat😱同民豐嗰啲完全唔同🤷🏼‍♀️不過，食落去開心果確實係唔錯，榛子都好似食緊金莎咁，食到最後一粒…明明叫咗黑芝麻，點知俾左豆沙！！佢出錯點解唔係出啲貴啲，一定係出啲平啲！？真係好難令人唔懷疑佢嘅居心😡

今日出深水埗食lunch,順路行去試下li間既糯米糍。未夠一點去到唔算多人，排隊我應該走左😹叫左糯米糍，等做好比我期間，見到好多款角仔，期間都多人買，自己又好耐無食，同朋友夾份要左半磅，都幾貴 $140/磅，半磅得12-13粒。其他野都唔平，花生糖$30/細包，見到價錢興趣不大新鮮出爐即刻食左粒，個想去鬆既但厚,新仲暖暖地食還可以啦，花生味唔出同偏甜，但未去到值li個價錢同要排隊。食完飯返公司試左朋友買既紫菜肉鬆角仔，d皮凍左 鬆既感覺無哂，好似放左幾個星期淋哂胸有d益既感覺，紫色肉鬆，紫菜去左邊？ 又淋又皮厚又無花生/紫菜味，仲要唔平呀，我去買鯉xx唔好？！ ok唔會再有下次

今日去咗深水埗買電子嘢，之前一路book mark咗呢間老餅店嘅開心果糯米糍，見難得嚟到深水埗，特登兜過去買糯米糍見到有一堆人聚集喺度買糯米糍就知自己無行錯，落單俾錢直接行過去姐姐嗰度就得，之後佢會俾個Number包好糯米糍就會叫你拎開心果糯米糍$12開心果糯米糍一定係必叫，返到屋企一搣開見到滿滿嘅開心果餡，真係開心到不得了開心果餡甜甜地，但係又有少少開心果嘅鹹香，又鹹又甜再加咗少少椰絲嘅口感，真係好食到不得了個糯米糍皮超級Q，雖然夜晚食飽飯先食呢個糯米糍，但係都會忍唔住拍晒佢花生糯米糍$6另外見到啲人社交平台介紹花生糯米糍都好值得食，就叫多咗個花生味第二日食個花生餡其實都好正，雖然都係夾咗椰絲，但係又唔會太甜，口感有沙沙嘅感覺不過個皮隔咗一日就真係冇咁Q，下次都係即日食好啲連續食咗兩個糯米糍都覺得好正，下次經過深水埗一定會再encore

平日下晝幾點深水埗 順便去試下人氣糯米糍去到即叫既整 但都好快手 前後大概10分鐘內就有雖然最岀名係開心果味糯米糍 但我都係鐘意傳統口味多啲 所以我淨係叫左黑芝麻同花生兩個味一整完暖暖地 即刻試食左 好好食 好足料 皮薄得黎又爆餡 同埋都幾大粒 食完好滿足😌下次經過會再試埋其他味😛

近期大熱即點即制嘅均香糯米糍💁🏻‍♀️對上一次假期黎買拎完張飛要1個鐘先有得拎，今次平日夜晚黎即刻有得拎🥹買咗3款唔同味，呢道嘅糯米糍皮比較濕潤，好軟糯，擺到第二日食都唔會變硬🤩◾️開心果味 • $12咬咗一啖啲餡都唔會鬆散，跌到周圍都係，堅果味重，甜度如果可以再減低20%左右會更好◾️黑芝麻味 • $8同開心果味一樣，啲餡都唔會散，經典口味◾️芋泥味 • $8最有驚喜嘅一款味！芋泥唔會過甜，仲有少少顆粒感，有口感🤤🤤