影片
以上資料只供參考, 請與餐廳確認詳情
相關文章
之前見呢間傳統餅舖嘅開心果糯米糍爆紅已經好想試，但係去到深水埗覺得好遠，所以未試過。最近佢喺灣仔合和商場15樓有個pop up store即刻去試下。糯米糍嘅皮好軟熟，真係做到皮薄餡漲。啲餡入面有唔同size嘅開心果粒，間唔中食到啲比較大粒有咬口，而且開心果香味喺成個口入面縈繞。我覺得少啲甜應該會更有開心果味。相比起開心果，花生糯米糍口感相對幼滑但係比較甜。呢間餅舖嘅糯米糍皮做得幾好，想試埋佢嘅黑芝。
繼續閱讀
今次試咗兩款糯米糍👉🏻 肉鬆花生🥜同榛子朱古力🍫真係平靚正之選💰 肉鬆花生糯米糍🤩驚喜爆燈💡 外皮煙韌唔黏牙👄 一咬開滿滿花生碎同肉鬆湧出嚟🤯 鹹甜交織好過癮🎢 肉鬆仲帶少少芝麻香🌰 傳統口味但好有層次👏🏻 榛子朱古力糯米糍😎係西式變奏✨ 入面朱古力餡好濃郁🍫 榛子碎增加口感🌰 甜度稍高但每啖既甜味同番個糯米糍皮中和番🤩真係大癲又好味呀兩款都係$8-12蚊粒💸 手掌心咁大夠份量🤲🏻 阿姐即場手包保證新鮮👩🏻🍳 糯米皮每日新鮮打💪🏻 唔會擺到硬晒👌🏻 店細細但人情味濃💕 買多幾粒阿姐會細心分開包好📦 雖然要等下但好味既野要等都好正常者😝深水埗掃街必試糯米糍📍
繼續閱讀
🇭🇰有逾40年老字號的「均香餅家」🌟主打中式傳統糕點唐餅🥮近年創新, 貼近潮流, ⚪️糯米糍即刻成為店內名物👻✴️人氣程度爆燈, 更於多處開快閃限定店⚡️📍門市喺深水埗北河街尾, 鄰近石硤尾🔸開心果糯米糍💚 $12 7/10即叫即整！等約5-10分鐘⏳👩🏻見住姨姨們密密包, 好期待呀😆⚪️糯米糍有半隻手掌大✋🏻皮薄煙韌, 餡料十分飽滿😍💚夾雜開心果粒粒, 開心果味足💚成個啪覺得有少少甜😳👅下次想試埋燒餅同其他口味~(˶‾᷄ ⁻̫ ‾᷅˵)
繼續閱讀
今日去左試近期一間爆紅既人氣傳統餅店，均香餅家。其中佢地既糯米糍更加推出左唔同新奇既味道吸引客人，而且全部都係即叫即包，係每日新鮮製造。今次就試左佢地糯米糍外皮軟糯有彈性，餡料與皮的比例岩岩好，不過略嫌唔夠乾身，外賣拎番屋企，發現糯米糍唔夠乾身痴住托底既紙。- 開心果糯米糍，啖啖開心果粒同開心果醬，口感豐富。- 黑芝麻糯米糍，黑芝麻香味濃郁。1. 遲去既話有機會當日有啲口味賣哂。2. 糯米糍新鮮整，建議即日食。
繼續閱讀
見到YouTuber介紹，特登出嚟買，嚟到唔使排隊即刻買到買左開心果味同花生味糯米糍，大推開心果糯米糍，感覺好食過民豐，因為開心果味濃啲，民豐就純粹個餡料甜啲，但呢間開心果粒大粒啲，有口感啲，變相成個開心果味會出啲糯米糍個皮就見仁見智，民豐個皮再薄啲，但因為我本身好鍾意食煙煙韌韌嘅嘢，所以我覺得呢個好啲
繼續閱讀
您可能會有興趣的...