地茂館甜品

營業中

休息中

呢间甜品铺喺香港都好出名，夜晚要早啲嚟不然排长龙，8:30前可以Walk in✨芒果豆腐花小丸子有超多芒果，豆腐花好友豆味，小丸子好韧，冰冰凉凉，一啖舒服晒～✨芒果紫米西米露呢款会冇咁甜，紫米口感好好，搭配椰汁，清凉解暑～

九龍塘 - 地茂館眾所周知九龍塘出名食泰國嘢，但係食完咸嘢就想食甜嘢。當日係假日，所以門口已經堆滿好多等緊位嘅人，店內坐位擁擠，背貼背，瓷磚牆身，讓人有一種古色古香嘅感覺。糖不甩 （🌟89.65/100）💲21軟糯Q滑，外面花生和芝麻嘅份量俾得好足夠，絕對能將每粒都能沾滿花生和芝麻腐竹薏米白果 凍/熱 （🌟86.65/100）💲25薏米味香濃，薏米白果份量比得好足，啖啖都食到料合桃露 （🌟84.65/100）💲 27一端出來就聞到好香，口感滑溜而家新式嘅糖水舖越開越多，但小編鍾意舊式糖水多啲，都想將傳統嘅味道保留，唔好令後人遺忘🥹

位於九龍城福佬村道自從有左宋皇臺站之後都算方便唔洗轉小巴或巴士 鐵路直達🚶都有一定歴史 因爲翻新過唔會好舊 內裡光線明亮 設計簡潔 細窄既卡位係幾傳統糖水舖既設計 懷舊感滿滿😌 約40席 幾受街坊歡迎 常常滿座需要排隊等位🥹🥹有一樣野值得一提 冷氣好勁🌬️即使夏天入黎食熱糖水都無問題👍🏻今次食左熱腐竹薏米白果好足料 勁多薏米 每一啖都有算滑 中等甜度 再多啲腐竹就更好🤏🏻熱芝麻杏仁茶呢度既手磨杏仁茶係招牌甜品杏仁味香甜 濃郁順滑 芝麻糊份量較多 兩種味道融為一體 好滋味👌🏻方便指數: 3.5/5 環境指數: 3.5/5美味指數: 4/5回頭指數: 3.5/5地址: 九龍城福佬村道47號地舖

飯後甜品必食！超足料芒果丸呢日同朋友嚟九龍城食完泰國菜，行完街就想嚟食一食個飯後甜品滿足下第二個胃！一睇menu，選擇多到眼花撩亂😂，樣樣都想食！我就想試一啲比較fresh嘅，就揀咗芒果豆腐花小丸子！芒果醬好濃郁😳，芒果好甜好新鮮，食落啖啖肉🤤！丸子份量都算多，而且夠煙韌！配埋軟滑嘅豆腐花，口感層次更加豐富😋！真係好正！食多碗都得🤭🤣🤣

🌟整體評分: 7.5/10🌟❤️味道：8/10🧡環境：8/10🩵服務：6/10💚性價比：8/10💗小朋友喜愛度：8/10地茂館好多間分店，呢間相信係趕客指數最高，因為趕住做生意…好彩甜品水準穩定搭救返。必食推介一定係蛋白杏仁茶，蛋白唔會太熟，而且杏仁味非常濃郁。另外鮮奶燉蛋白都好好味，識食一定食熱嘅，因為比凍嘅更加香滑，奶味更加濃郁。最後驚喜推介竟然係楊枝甘露，芒果汁底夠香濃，而且係正宗加西米冇加爆珠架。

係九龍城食完正餐後，緊係要搵間糖水鋪食啦！今次試佢嘅軟滑糖不甩同芒西小丸子，軟滑糖不甩賣相都幾唔錯，一碟有8粒，食落口口感軟軟的，又唔會好黐牙！椰絲花生碎唔會好甜，撈埋一齊食，都幾好食！另外，芒西小丸子方面，啲材料好夠份量，芒果同西米都好多，令到成個口感好豐富！小丸子唔會好軟身，而且口感煙靭，同埋芒果都好清甜，整體嚟講都唔錯！

今天在九龍城吃完下午茶，便過去地茂館吃甜品🤤💥桃膠蛋白杏仁茶 $39👉👉是原盅上，熱騰騰，每一口都是桃膠與蛋白，很是滿足，唯一是略嫌杏仁味不夠濃。😂整體上CP值高👍

九龍城尼間座位非常迫要其他食客起身才行到位置，一坐低就嚟落單，糖水好快送到嚟，腐竹糖水完全冇腐竹味，超多薏米白果得三粒。紫米露完全冇味。蛋白杏仁茶普普通通叫正常。一食完放喺匙羹即刻有人收走你啲碗，諗住攞張紙巾抹下個嘴，就已經有個男人走來叫你埋單走，忍唔住望一望時間其實15分鐘未夠。如果我哋由坐低半個鐘你叫我哋埋單，我覺得OK ，但係一食完即刻收碗，即刻叫你埋單忍唔住即刻睇個鐘都未夠15分鐘。咁不如你唔好開座位食啦，整立食咪得囉😡又見你門口寫張告示食完要即走。反而屯門嗰間服務態度好好，而且糖水又好味，都唔明點解同一間可以差咁遠。

呢間係連達人白種元老師都有去食既糖水其實佢未去個陣，我哋已經都有去食啦～每次都會叫佢個芒果紫米露小丸子食，真係好足料好新鮮好食😋另外我都有試佢個雷沙湯丸，好彈牙好有口感

九龍城老字號傳統糖水店位置座位上會較擠逼，通常都會叫芝麻糊＆薑汁湯水（加湯圓）喜歡湯圓嘅狀態就係湯圓皮軟糯，有流心芝麻餡，油份夠再配一碗熱辣辣薑汁糖水或芝麻糊，到天氣凍時，食到一碗熱騰騰糖水真係暖在心頭，冬至快樂！

-依間糖水舖係九龍城都幾出名，之前見到好多遊客會推薦去食🤩-芒果涼粉小丸子😝（$32）同樣芒果好甜，而小丸子口感煙韌， 煮得剛剛好，仲有涼粉可以食，一次食到不同材料，不錯👍-芒西小丸子（$32）材料十足，芒果和西米都好多，口感豐富🥰而且芒果香甜，好快就食晒成碗糖水😚-軟滑糖不甩🍡 ($21)一碟有8粒☺️口感軟糯，配埋椰絲和花生碎一齊食岩岩好，好鍾意食😘-芒果班戟 🥭（$35）個人覺得cream偏膩，最後都無食曬cream，淨係食左芒果，外皮好薄😉-Name🏠:地茂館甜品Tei Mou Koon DessertLocation📌:九龍城福佬村道47號地舖（港鐵宋皇臺站B3出口, 步行約4分鐘）價錢💰:芒果班戟 （$35），軟滑糖不甩 ($21)，芒果涼粉小丸子（$32），芒西小丸子（$32）

┈┈┈┈┈┈┈┈┈┈┈┈┈┈┈┈┈┈┈┈❰特色雪糕配小丸子系列 芒果仙草小丸子配椰子雪糕❱幾粒甜既芒果, 配上芒果汁, 加埋煙煙韌韌既小丸子已經好滿足, 誰不知濃厚椰子雪糕更為個甜品錦上添花, 令人回想起越南既椰子雪糕既甜品. 出色出色.❰香滑芝麻糊 加配 芝麻湯丸(兩粒)❱芝麻糊夠濃唔淡亦唔水, 每啖有濃濃既芝麻香味. 另外加配既芝麻湯丸都有好濃郁既芝麻香, 皮薄饀靚, 食落唔甜.┈┈┈┈┈┈┈┈┈┈┈┈┈┈┈┈┈┈┈┈地茂館甜品❰特色雪糕配小丸子系列 芒果仙草小丸子配椰子雪糕❱ $39❰香滑芝麻糊 加配 芝麻湯丸(兩粒)❱ $34┈┈┈┈┈┈┈┈┈┈┈┈┈┈┈┈┈┈┈┈性價比: ①②③④⑤⑥⑦⑧➈好味: ①②③④⑤⑥➆➇➈回頭: ✓┈┈┈┈┈┈┈┈┈┈┈┈┈┈┈┈┈┈┈┈📍地址: 九龍城福佬村道47號用餐時段: 飯後甜品用餐方式: 堂食┈┈┈┈┈┈┈┈┈┈┈┈┈┈┈┈┈┈┈┈

係九龍城食完泰菜梗要食埋甜品先算完整既一餐啦~地茂館甜品係呢一帶好出名既懷舊老字號傳統甜品舖咁啱平日lunch冇人排隊就去試下叫左兩款甜品1.    美人桃膠蛋白茶 $36好香杏仁味味道唔會太甜配埋桃膠食感覺又可以食甜野又可以養生美顏同埋佢桃膠都處理得好乾淨 唔會好多黑色點點呢款甜品有機會我一定會番啅2.    雪糕芒草紫米小丸子 $39成碗糖水都好足料有好多芒果粒、芒果蓉同小丸子芒果都好甜唔會酸小丸子口感煙韌 軟硬程度適當好處紫米亦都煲得好綿唔怕un胃椰子雪糕好香撈埋落啲紫米度食好滿足整體兩款甜品都好出色

同朋友食完泰國菜～就行過黎食下甜品兩個甜品都非常抵食，每個先32蚊，仲要幾大份。芒果椰汁西米入面嘅芒果好甜，除此之外，入面仲加入左芒果汁，所以可以同時食到椰汁嘅香味同埋芒果嘅甜味。

地茂館都有名氣 最近都開左好多店今次黎到九龍城食飯 食完見到門口冇乜人排隊就試下✿ 芒果西米小丸子 $32 ✿自從冇左許留山之後都冇食過咁好食既芒西小丸子🥹小丸子好煙韌 配上毫不吝嗇既芒果芒果當造唔算太酸🥭✿ 蛋白燉鮮奶 (熱) $28 ✿識食一定係食熱既！好嫩滑 奶味好香濃🥛🐮舊鋪只有幾卡位同大圓枱可搭枱兼坐得迫食完就好快收碗 要速食不過始終係食懷舊既味道整體都係實多於華 比起新式甜品鋪性價比高見到隔離枱嗌糊類睇落好稠好濃咁下次都想試埋😛