地茂館甜品

營業中

休息中

我都想食咗呢間好多次因為係真係好食，而且間唔時都會特登搭車出九龍城食，但係今次嘅服務質素真係差到爆，真係唔好怪啲人會北上消費😅⋯⋯啱啱喺收銀處叫外賣，諗住叫芒果西米小丸子（一直都食呢個），點知個收銀姐姐就咁講一句「賣晒」又唔講冇啲咩配料，咁我就以為係西米賣晒，所以諗住就咁叫一個芒果小丸子，點知個阿姐就發晒老皮咁鬧「都話買晒囉」之後我問佢係冇啲咩配料佢又講唔到喎😅😅特登搭車出嚟食個糖水都要受氣😅

係Airside食完晚飯後，搭左一個站去九龍城都幾出名既甜品鋪地茂館食糖水，去到門口有好多人，不過原來係等外賣。好快我地就被安排左入座，雖然唔洗點等，不過入面都係好full，所以係要搭枱。腐竹薏米白果 $25腐竹煲到溶晒，腐竹味好濃，落咗好多薏米，養顏必選！星洲靚咋喳 $27配料非常多，全部都煲到腍晒，基本上都唔使點咬。椰汁味非常香。但係略嫌芋頭唔夠粉。不過喺碗好食嘅咋喳😋軟滑糖不甩 $21糖不甩非常軟糯，不過要趁熱食，凍咗會硬啲總結：雖然唔算係好大碗，但係做飯後甜品就岩岩好，價錢又唔算貴，同埋食得出有用心煲。不過位置比較逼，我地夜晚9點幾到，被安排左卡位搭枱，真係會膝頭頂膝頭，所以腳長既人會辛苦啲😂

地茂館已經喺九龍城好多年，每次都喺九龍城食完飯同啲朋友或者屋企人黎食。今次屋企人突然話想食，所以由葵芳揸車過黎食，門口見到好多人排隊以為等好耐，但原來啲人都大部份等外賣，所以一去到已經可以入裡面坐低。都係叫返我鐘意食既芒果西米露小丸子另外加左椰子雪糕，黎到都係滿滿既，同埋係芒果蓉底，但小丸子就略少好細粒，等大約10小粒，如果加返多啲就平衡返個糖水，另外椰子雪糕都好濃郁，其實呢到人流都好多出入，好快可以坐低食。

🐷 芒果小丸子紫米露地茂館嘅芒果小丸子紫米露真係無得輸！紫米煮得軟糯，芒果香甜多汁，小丸子煙韌有咬口，仲有西米增加口感，整體甜度適中，食完一碗仲想再encore！😍地茂館環境乾淨企理，座位舒適，店員服務態度友善，絕對係食糖水嘅好地方！無論係飯後甜品定係下午茶，嚟呢度食碗糖水都係一大享受！地茂館📍 九龍城福佬村道47號地舖

以前成日嚟，覺得呢間唔錯！但唔知點解今次覺得差咗，叫咗一碗熱嘅芝麻糊拼杏仁露，點知嚟到嘅時候，個顏色好唔吸引呀！杏仁露水汪汪，而且杏仁味唔香，好似變咗啲杏仁水咁，仲有啲結塊浮咗喺面頭，下面嘅芝麻糊都OK嘅，但係個質感就係怪怪地，一”pat pat”，同個杏仁露混合唔到，個口感怪怪的。下次如果真係有機會再嚟，直接叫一碗黑芝麻糊好過，或者食其他！上枱後，曾經嘗試同店員反映，但係佢哋話不嬲都係咁㗎喎 ！失望。

我們於24/2（一）未夠晚上七點🕖已到達，未算好多人，可以座卡位。菜單花多眼亂，好多選擇，簡直覺得係選擇困難症。❶招牌桃膠蛋白杏仁茶 （$39）：用燉碗裝住，蛋白非常之滑，桃膠也有不少，杏仁茶味濃。❷紫米杏仁茶小丸子（$31）：小丸子🍡唔算非常煙靭，但就非常軟糯，配上大量紫米，非常有咬口，而杏仁味亦突出，味道配合得而，非常夾。熱騰騰的糖水已經足夠在大冬天提供溫暖予食客，不用10分鐘已經吃完。當時有不少侍應，比客人多😅，所以食客啱食完，已經好快手執枱🤭「香港特色」

呢間芝麻糊真材實料咁磨出嚟，唔係溝粉，大家一定要喺度食！ 另外合桃露都係真材實料，食完超級飽！ 鍾意去環境夠晒復古，多人嘅時候坐得好迫我哋7個人仲要坐一張細圓枱，不過為咗食好嘢都冇辦法啦

芝麻糊- 芝麻香氣十分濃郁,可以明顯感受到用料的新鮮程度。- 湯品中還有一些芝麻顆粒,增加了口感層次,讓人有嚼勁。- 整體風味濃郁醇厚,回味悠長,非常符合香港人對於甜品的偏好。芒果椰果小丸子小丸子Q彈有勁,咬下去有很好的嚼勁。- 芒果果肉柔軟細緻,入口即化,帶有清甜的果香。- 椰果顆粒增加了口感層次,增添了一些爽脆感。- 湯汁清甜可口,不會過於濃郁,恰到好處。

試過好多間糖水舖始終都係覺得地茂館最可靠唔知佢哋係咪嗰啲預製左既糖水去唔同分店食都可以保持水準通常我都會係叫佢個薑汁底芝麻餡湯圓但今日突然之間好想試吓燉奶轉變下慣性嘅日常生活燉奶係超級香同埋我一開始擺隻匙羹喺啲奶上邊係可以hold到住隻匙羹而冇跌到落去朋友話呢一個係測試燉奶同埋燉蛋有冇整得好嘅方法我唔知背後係乜嘢原理但係感覺好得意味道方便唔會太甜熱辣辣嘅碗糖水係凍冰冰嘅天氣下食真係非常之溫暖而家講講吓又想去幫襯

在附近吃晚飯，朋友聽說我沒有吃過地茂館覺得不可思議😂說一定要帶我吃一次，大概八點左右來到等10分鐘左右就有位了。點了芝麻糊、腐竹薏米糖水、糖不甩，芝麻糊是我在香港吃過最稠綿的😂基本上想桌放個半分鐘，表面就有點兒凝固了🫨腐竹薏米糖水的腐竹也煮到溶化的狀態，整碗糖水都是米色的，十分足料。糖不甩10分軟糯🤤配上椰絲、花生和糖，包裹着糯米的外層，吃起來有多重口感和香氣。店內座位不多，但基本上大家吃完都會自動離座，所以很快有位子。芝麻糊糖不甩腐竹薏米糖水

九龍城嘅地茂館甜品真係食咗好多年，佢雖然都係老舖，但水準一直維持，亦冇一般老舖嘅弊病，例如環境殘舊或者服務不佳，所以咁多年都係九龍城食甜品首選。芝麻杏仁茶芝麻糊溝咗杏仁茶，結合咗雙重嘅香味，質感就比較稀啲。補腎合桃露呢碗合桃露非常足料，好濃好香，食完又飽肚又溫暖，好滿足。紅豆馬豆糕質感結實，唔會一掂就碎，紅豆亦煮得夠軟，有椰汁香又夠滑。值得一讚佢嘅員工服務態度好好，又會細心幫你留意食物上咗枱未，有冇漏單等等。食物做得好唔容易，要長期維持做得好就更加唔容易，呢間食店真係值得支持。

地茂館有幾出名真係唔使講，今次勁好彩，排咗15分鐘左右就入得楊枝甘露去得地道中式甜品掂梗係要叫返碗地道甜品，呢碗楊枝甘露酸甜比例適中，欣賞佢唔算太稀，有芒果粒不過就唔多合桃露呢碗就真係值得推介啦，佢係我食過數一數二最好食嘅合桃露，糊狀超級洁身，而且唔會死甜，食落仲有啖啖合桃味，食完嗰刻真係有衝動想叫多一碗，要俾100分佢唯一扣咗少少分就係座位已經太親密，仲要搭枱，中間仲要冇位俾你間塊板，咁對面講嘢嘅時候已經會好擔心自己碗甜品

🥛蛋白燉鮮奶 $28 (😸😸😸😸)呢個蛋白燉鮮奶真係熱辣辣，奶味濃郁😍口感順滑得黎，唔會令人覺得太甜，通常食完奶類嘅嘢都會不停飲水，但呢個反而食完唔好好口渴，鍾意燉鮮奶嘅朋友可以一試！😋🌸美人桃膠杏仁茶 $36 （😸😸😸😸)想要靚相又想保養？咁就可以揀美人桃膠杏仁茶啦！😝杏仁味香濃，桃膠更係足料，飲落去好似喺享受一杯美容飲品，真係一舉兩得！💖🥚招牌蛋白杏仁茶 $36 (😸😸😸😸)呢個係即叫即做，所以等候時間會耐少少，但都值回票價！入面啲材料有燉蛋白同杏仁茶，味道濃厚，感覺好健康，飲完好滿足！😌🍬軟滑糖不甩 $21 (😸😸😸)最後再試下軟滑糖不甩，雖然冇乜特別，但口感煙靭，配埋少少花生食都幾好味！😏

九龍城一帶有好多邊爐舖頭連帶亦都開咗好多甜品舖今日屬意傳統甜品入咗嚟地茂館試一試～✧ 香滑芝麻糊（$26）黑到吸哂光影唔到😳雖然好食 但仲未到心目中嘅Number one ⚗︎·̫⚗︎之前食過有啲濃度係冇啖都嗒到芝麻粉不過我覺得可以再少甜啲 重啲芝麻味同埋成份入邊應該都落咗好多米好快就好飽..作為飯後甜品嚟講都幾多✧ 補腎合桃露（$27）合桃味勁香！好似就咁將啲合桃磨碎晒放入口咁稍為冇芝麻糊咁杰唔知有冇人同我一樣都好鍾意面頭嗰塊衣ꈍ◡ꈍ味道好濃 質地又好厚好似將成碗嘅精華浮咗面咁

探完姪女響九龍城就食埋嘢先返去啦，食咩就梗係由我話事啦，都係我曾經去過食過覺得好食嘅就帶阿媽去試吓食完正餐就梗係順便食個糖水啦，呢間以前經常食亦都經常買外賣返去俾阿媽食，今次我哋都選擇買外賣返屋企先慢慢食其實係我有意無意要諗起佢？點解我而家嘅生活完全避唔開佢嘅蹤影 但係我又冇理由因為佢而影響到我正常嘅生活，我都係食返我之前食嘅嘢啫，只不過人物唔同咗所以我都係揀返之前食嘅糖水俾阿媽-蛋白杏仁茶，我自己就食薏米腐竹白果加湯圓。其實有啲飽不過原來佢另外加錢都係得兩粒湯圓（都大大粒嘅～）水準同以前一樣，我覺得啱我哋口味。腐竹白果薏米唔會有一片片腐竹加糖水咁樣，而係煲到啲腐竹爛晒同糖水融為一體，咁先好味㗎嘛。有人會加蛋但係我就寧願加湯圓啦（芝麻湯圓喎）仍然都係好多人- 堂食同外賣都係。其實明明之前先嬲咗阿媽，嬲佢響我背後講我不是 最憎佢咁樣，但係我又竟然以德報怨😜🤪唉，點都要返屋企冇辦法啦。