地茂館甜品

營業中

休息中

生磨補賢合桃露，合桃味濃郁😋，而且稀杰度啱啱好，唔會太水👍🏻朋友覺得甜度啱啱好，但我個人就覺得可以降低少少就更perfect啦🙈以26蚊大大碗，真係 CP值高😍💕下次會想再試下其他甜品🤤

講到九龍城我諗好多人第一時間都係諗到食泰國菜，但係其實九龍城有一間傳統中式糖水舖對我黎講都係必食既😚佢就係地茂館la！佢係一間開左業好耐既糖水老店，有好多傳統甜品同糖水食，而且足料得黎價錢又貼地😋 1️⃣補賢合桃露（$26）呢度既合桃露同埋芝麻糊都係每日生磨既！我都猶豫左好耐揀芝麻糊定係揀合桃露好🙈最後揀左合桃露。  合桃露好香好濃，食得出係好足料，唔係溝水果種。質地偏濃稠，好香好滑，啖啖充滿合桃味😌鍾意中式糖水既人一定要試下呢間！真係可以話係我食過最好食最正既合桃露！  

只要在九龍城午飯，差不多每次午飯後，都會到地茂糖水館，這是我和Honey多年的習慣。今天午飯後和Honey又到地茂糖水館，看到海報……有新品喎！是小丸子系列。看相片 「芒西小丸子」好吸引。所以就叫一個試試。店員說：「這是新推出，你吃的是第一碗 。」嘩…咁難得果然是地茂館！芒西小丸子好好食！Honey讚不絶口。西米露不太甜，濃稠程度適中。而且，好多芒果蓉，芒果甜甜的，不酸。最重要是，小丸子細細粒，好煙韌，好有咬口。 只售28元……嘩！實在太抵食！在九龍城其他糖水館，這類款式必定超過35元的。芒西小丸子，我一定會Encore的！

星期五夜晚，夜收工，又想食少少甜品，於是揸車嚟到九龍城搵糖水食，見到呢一間餐廳，門口都仲有唔少人排緊隊，咁就梗係入去搵嘢食啦！講真，糖水來講我都係鍾意食中式嘅，因為佢落得比較少牛油、糖之類嘅調味，甜味都係來自天然食材，感覺會好啲😆由於附近都唔容易搵到泊街嘅錶位，於是乎我哋決定買外賣上車食🤓落完單等咗唔使5分鐘，就已經即刻煮好外賣俾我哋拎走啦！👍🏻👍🏻👍🏻1️⃣凍燉奶2️⃣熱合桃糊3️⃣糖不甩💜💜💜食後分享：糖水舖，最緊要搵返啲老字號嘅！合桃糊香味十足，入口夠晒厚，好好味！糖不甩咬口十足，花生碎都幾多，至於燉奶都非常香滑。整體來講呢個宵夜可以話係冇得輸🤗

九龍城除咗多泰國菜之外，其實仲有很多出色嘅糖水舖。而每逢冬至、團年、元宵等節日，我都會買地茂館甜品嘅湯圓番去同屋企人食😋🌟手搓芝麻生湯圓（$49）呢間開左超過四分一世紀嘅中式甜品店，湯圓品質係不容置疑嘅好，而且仲包裝精美🤩一盒有16粒湯圓，全部都自家新鮮製作，絕對百份百香港製造🇭🇰由於不含防腐劑，買咗需要盡快食用～湯圓皮口感煙韌、夠滑身、唔黏牙，而且厚薄均勻，粒粒圓滑白潤，食得出係新鮮手搓。❤️黑芝麻內餡份量多，咬一小啖已經有餡料流出，仲有好重芝麻香味，而且唔係好甜，配埋薑湯一流👍買湯圓仲附送埋一包花生碎，所以我就將少部份湯圓整成糖不甩咁，香口的花生碎、濃郁嘅芝麻餡、軟糯嘅湯圓皮，一次過滿足晒三個願望🤓

这家是九龙城老店，但是一直没有吃过。它属于一家卖传统糖水店，杏仁、合桃和芝麻都是生磨的，这是一个很大的卖点。进店前先看看他们的餐单，大部份糖水都20多元一份，算是贴地的价钱。进去后看到厨房正在制作燉奶和焲蛋，一碗碗的放在蒸锅内蒸熟，座位边上的墙壁有介绍其他甜点，结果点了其中的一款。合桃糊很滑，吃得出是生磨的，合桃味很浓，质素很高，比很多糖水店优胜。另外要了一件甜点，马豆红豆糕左右有两种不同的口味，味道特别。他们还有其他款式的糖水，下次经过时可以再试。

九龍城區一向卧虎藏龍,好多地道食店,價錢又非常親民,今次要介紹呢間港式手作糖水鋪 - 地茂館！.($27)見相就知有幾吸引,芒果同芒果汁多到滿瀉🤤🤤芒果亦好甜一啲都唔酸～涼粉爽滑彈牙,無得彈👍🏻.($19)呢個價錢仲要有成8粒大大粒可以去邊度搵😱每粒都用黃糖煮過,大大粒口感非常軟糯同保持溫度,記得要趁熱食😋.($26)最後叫返碗傳統中式糖水合桃露～唔係間間糖水鋪都有同做得好! 呢度絕對係真材實料非常足料,夠稠身冇咩點溝水,亦都唔會太甜太膩👍🏻其他仲有好多傳統糖水都好吸引,重點係價錢好貼地好抵食,如果經過九龍城區不妨一試😀

和Honey常常在午飯後到地茂糖水，吃飯後甜品。今天，天寒地凍，有正值冬至，當然來到地茂，吃兩碗熱辣辣的糖水，再加芝麻湯圓。Honey一定叫他最喜歡的桑寄生蓮子茶(加雞蛋)。今天的桑寄生茶比較濃，夠甘香。今天的雞蛋也浸得夠透，蓮子也很鬆化。而我，當然也是叫我最喜歡的合桃露。地茂的合桃露不是坊間那些很「 漿糊狀黏黏的」的口感，這裏的是很綿很滑，滿口合桃香味的真材實料！正值冬至，另外加兩粒芝麻湯圓，甜甜圓圓，煙煙靭靭！連薑糖水都好好味！現在的甜品舖，動輒$30-40，如果玩一些花款，甚至$40-50一碗糖水。但地茂館的糖水價錢，多年增幅不大，還是$20's一碗，真是街坊價，但又食到真材實料的誠意傳統老字號！

-由細食到大嘅糖水舖坐落九龍城🙆🏻‍♀️主打傳統甜品平時口痕都會叫外賣今次就拉咗朋友堂食🥰.1️⃣蛋白燉鮮奶 (8.6/10)每次都會食🤣就算幾飽都好熱食個奶味會更加突出甜度唔高🤍蛋白香重平時外賣就會叫凍嘅口感會比較似布丁🍮.2️⃣軟滑糖不甩 (8/10)呢個價錢有咁多粒超佛心每粒糰子都用黃糖煮過 味道唔會好清寡好似食粉咁偏大粒保留左煙韌度如果花生可以再多啲就更好.3️⃣補腎合桃露 (8.4/10)極度足料每一口都超濃稠超重果仁香🌰原汁原味無添加飯後怕太飽又想過吓口癮建議食有豆花嗰款😌

足料中式香港糖水店❤️生磨補賢合桃露 $26好足料嘅合桃露，非常香滑，食落去好有口感。但女仔食會覺得有啲濟，因為都幾大碗，同飽肚。同朋友share一齊食就啱曬😝楊枝金露 $30呢間另一樣岀名嘅係楊枝金露🥭好多料同西米，食落清甜。夏天食就啱曬☀️軟滑糖不甩 $19糖不甩咬落軟糯，有口感。而且暖暖地，非常新鮮。點啲糖同花生係一個幾唔錯嘅小食黎💫人均消費 $50#香港中式糖水 #中式糖水 #九龍城美食 #九龍城甜品 #hkfoodieclub

九龍城，大家應該會即時聯想到泰國菜、公和荳品...但位於福佬村道嘅地荗館都一定唔可以錯過，門面裝修沉實穩重，呢到出品亦係穩重地帶出令人回味嘅驚喜😋食咗乜：芒果涼粉 $27平時食嘅芒果涼粉=芒果粒+涼粉粒撈埋呢碗除左兩種粒粒之外，仲有大量芒果漿😋足料之選✨啖啖香甜芒果芒果班戟 $33由於個日食完涼粉已經好飽，所以買左份芒果班戟返屋企做宵夜😋無錯，面對美食氣球犯左foodie大忌🙈我食曬無影相呀😂但佢真心對得住呢個價錢，一盒3大件🥭芒果依然好香甜，餅皮都好香芒果味🤤同平時嘅餅皮喺唔同架，個cream唔會膩☺️

黎到九龍城除左泰菜出名，呢到嘅甜品都到得了，有好多間而且間間都好好味。今日下午黎到九龍城就緊係想食下呢到嘅糖水。🔷熱芝麻糊食芝麻糊就緊係食熱嫁拉，一直都想搵啲又濃又香嘅芝麻糊黎食，知道地茂館嘅芝麻糊都好出名，專程黎一試。食過的確係幾香而且仲好濃芝麻味，一啲都唔稀，不過甜度再淡少少可能會係自己嘅口味。.🔷糖不甩（8粒）糖不甩配左花生粉，仲有少少椰糖，夠哂煙韌。8粒份量岩岩好，用黎同人share食唔會太多又唔會唔夠食。

叫左生磨芝麻糊同生磨合核露.因為大肚要清胎毒，特登黎到叫個芝麻糊食.芝麻糊比較少甜，好香，份量岩哂我一個人食。而個合核露比較甜，同油份較重，食幾啖就好飽肚.整體都乾淨企理，唔會好似出面老店咁舊

每次係九龍城食完飯，一定會去地茂館食糖水😋九龍城有多間出名嘅甜品店，例如：合成糖水、小方糖等等～但我最中意都係地茂館，仲要必食以下兩款甜品🤩◭ 芒果西米露 $26通常芒果西米露係以椰汁底為主，但呢款唔係，糖水底好似楊枝甘露，但再加咗芒果汁😋感覺似凍芒果汁加西米露，但又唔會太甜👍🏻仲要每粒西米好爽脆，唔係好「淋」個種，好有咬口👍🏻👍🏻👍🏻◭ 軟滑糖不甩 $19想食糖不甩嘅地方真係買少見少地茂館糖不甩亦非常出色，熱辣辣又煙韌，旁邊有花生碎，自行選擇點多少🤩地茂館主要以傳統糖水為主，仲有好多款都好好味👍🏻👍🏻絕對值得支持嘅糖水店

九龍城系岀名泰國野，但系食完主菜，甜品又應該點算，系番泰菜舖裏面食定系岀去搵下場。想搵d新意思，就可以去市區既地茂館甜品，試試佢地既傳統甜品。入到店舖裏面，裏面以傳統甜品舖尼做做設計，有一種回到過去既感覺。雖然懷舊，但系感覺乾淨舒服。相信食野都食得安心d！食物方便，小編就叫左補腎核桃糊。而朋友就叫左芒果西米露同蛋白燉鮮奶，仲有夾份叫左個芒果班戟同擂沙湯圓。佢地都充滿古式古香既味道，都可以系舊式糖水舖搵到。關於碗合桃露點解會叫佢其實唔關個腎問題，只系小編好無叫先到想食，回憶一下合桃露既味道。佢既質地一d都唔水，每一啖都有濃濃既合桃味，真系對身體又有好處又好食。而檑沙湯圓同芒果班戟就比較失色，芒果班戟裏面既忌廉比較多，芒果果肉就比較少，如果有多d芒果，小編一定更加開心。而擂沙湯圓就中規中矩，皮都算薄。因為多人排隊，食完都系快d走，廢事比人趕！