地茂館甜品

營業中

休息中

我諗我有兩年冇嚟過，今次帶咗契爺契媽黎試吓。佢哋鍾意捐窿捐罅搵嘢食, 今次走咗出嚟九龍城, 食甜品之前搵咗我一齊去一間新開Cafe試吓佢嘅意粉, 都唔錯係細碟咗啲同埋地方迫夾咗啲. 佢哋其實一早已經諗定今日嘅九龍城之旅要食啲乜嘢, 食完Cafe就轉戰食糖水. 呢間係我介紹佢哋嚟食嘅, 難得有一間舊式嘅中式甜品，以前成日同男朋友嚟食，食到連個老闆都記得我哋，不過⋯⋯因為契爺契媽都係嘴刁之人,所以都有啲壓力㗎，契爺食完話OK, 係契媽一啲評語都冇囉，即係佢嘅level 唔算好味。😰我哋三個人要咗三款大家share食，契爺就揀咗芝麻湯圓同埋紅豆涼粉，契媽就揀咗咋喳。終於我同契媽都覺得咋喳好食啲，可能本身我麻麻哋涼粉啦，佢溝咗落啲紅豆沙度好似有啲唔係好夾咁。咋喳好多料，唔太甜，啲豆煲得好淋，芋頭又夠粉。終於契媽食咗差唔多三分之二（平時佢都好少食甜品） 又諗返起以前成日同男朋友嚟，食來食去都係嗰幾樣野走唔甩，包括：腐竹薏米白果、杏仁蓮子百合/雷沙湯丸或者紅豆糕。

最愛甜品 地茂館 以前係附近番學, 去開九龍城都一定會地茂館食番碗芝麻糊因為佢地ge 芝麻糊係數一數二咁好食真係食得出佢係生磨, 唔係用水溝另外第2個my favourite 就係佢地ge 蛋白燉鮮奶鮮奶味好香, 而且係熱lala, 好足奶, 每次食完都覺得飽不過今日咁熱, 我就試左佢ge 新口味 - 芒果涼粉小丸子一黎見到碗野已經心心眼, 好大碗濃稠程度適中, 岩岩好西米露唔會話過甜，好清香，好好味小丸子好彈牙同埋佢只係$29!!!! 出面而家好多甜品店都做唔到啦!!!!!!!!!!!!!!!!!以後多多一個choice 比我食~想食咁多野, 真係唔可以一個人黎!!HAHA

食完晚餐朋友特登揸車兜兜風兜左陣最後話想黎九龍城食個糖水最後揀左哩間老店———————————————生磨杏仁蓮子百合（$35）杏仁味尚算濃郁蓮子粉實 百合爽脆 口感豐富.腐竹薏米白果（$24）會唔會得我先覺得哩種煲到腐竹溶哂 唔會有塊狀殘渣既 先係真正既腐竹糖水食落有厚度 甜度同濃稠度適中薏米白果足料.蛋白燉鮮奶（$27）口感順滑 奶味香濃略嫌甜左少少—————————係宜家隨便一碗糖水都可以動輒賣到四五十蚊既年代哩間賣相味道俱佳既糖水鋪仍然可以維持哩個相對平民既價錢 實屬難得

晚餐吃過有口福的麻辣水煮魚就會想要吃甜點來到附近的地茂館，兩個人點了三道甜點◭熱冰花燉鮮蛋 $24 🅙🅙🅙🅙🅙/5香滑燉蛋，蛋味十足甜度亦適中◭熱補腎合桃露 $26 🅙🅙🅙🅙/5這裡的合桃露是生磨的味道很濃郁很香滑，很足料◭糖不甩 $19 🅙🅙🅙/5頗煙韌，花生碎不太甜，一般水準⚎⚎⚎Recommendation 🅙🅙🅙🅙/5⚍⚍⚍

食完個靚晚飯當然要食碗靚糖水，今次我哋就嚟到位於九龍城嘅地茂館。第一款係「桂花薑湯芝麻湯圓」😊。薑汁糖水略顯唔夠辛辣味，但加咗桂花之後令到糖水花香撲鼻(加分)☺，自家製手工芝麻湯圓粒粒圓潤煙韌，芝麻香氣滿溢，味道香甜又唔膩，推薦可以買一盒生湯圓返屋企自己煲糖水食😝。第二款就係女仔必食嘅「桑寄生蓮子蛋茶」😋。桑客生茶湯色澤濃郁，飲落有清清嘅甘甜茶香味👍。 啡色嘅茶葉蛋表面色深，但都唔算太入味，但就係桑寄生茶嘅最佳拍檔💃🕺。不過最有驚喜嘅係佢哋嘅蓮子真係唔會慳，食完隻蛋後發現滿滿嘅蓮子，好似食極都有咁，非常滿足😝👍。

糖不甩最為推介，湯丸自家手打，軟硬適中，又不痴口，食完齒頰留香，配埋糖粉花生簡直絕配！另外合桃露也為推介，從未吃過這麼好吃的，香滑入口不確喉，只有$24價錢非常抵食。3人只吃了94元，環境乾淨企禮，還有紙巾提供，店員服務態度好，店內人數不多，很快便找到位置坐下，卡位坐得好舒服，原來還有插畫師幫忙畫了一幅店內圖增加了文青感覺老實不呃人懷舊糖水，之前以為只有糖水佬好食，難得找到一間比佢更好既糖水鋪，價錢又唔貴大件夾抵食，黎九龍城一定要試！！

第1次嚟 #地茂館 食糖水今次想食嘅 #椰汁西米露 已經賣晒🥲諗咗好耐就決定試試 #星洲喳咋 😆 雖然冇Vienn想像中沒咁死甜，亦都冇次次去澳門必食果間咁好食，但去唔到澳門都當係心靈雞湯啦😆喳咋加咗花奶更滑，腰豆、眉豆、鷹嘴豆、扁豆都煲得粉粉起沙，西米係細線粒！唔係煲到好爛，食落去嘅時間唔會爛晒好糊口咁但係椰汁🥥可以加多d!會更香更好食😋📌地茂館甜品 (九龍城)📍九龍城福佬村道47號地舖#喳咋 #糖水 #肥dodo食記

什麼胃口吃晚餐，經過地茂館想起他的甜品不太甜，入去點了一個芒果黑糯米，既可開開胃口又可以填肚子，糯米有益補血。沒有叫我失望！不太甜黑糯米，讓芒果甜味滲透，配上椰醬，椰子味不太濃。好味道

吃完泰國菜，心思思想吃甜品地茂館老字號，但一次都未去過桑寄生蓮子蛋茶唔太甜，最重要係隻蛋，蛋黃唔老腐竹白果豆腐花其實你想點配搭都得，豆花很滑芝麻糊豆腐花芝麻糊是這裡的招牌，一定要試紅豆馬豆糕以為是一件糕有紅豆和馬豆，原來是孖住，一次過可以滿足兩個願望，而且可以單件，唔洗一碟有幾嚿，迫人同你一齊食，有趣👩🏻‍🍳感覺很抵食，每碗都是廿多元，而且滿到瀉👩🏻‍🍳店員招呼很好👩🏻‍🍳有多款經典小食，下次再試下

《九龍城馳名甜品舖 親民價傳統中式糖水》聽聞呢間舖頭喺九龍城開咗好多年，所以食完晚飯就嚟呢度食甜品啦，因為夜晚11點幾先去，最想食嘅芝麻糊、合桃糊、燉蛋白、綠豆沙都冇晒🥲所以最後叫咗燉蛋，但都出乎意料地好食！🥣冰花燉鮮蛋🥚 💰24呢個燉蛋超滑，充滿奶香，冰糖甜度適中，唔會過甜，蛋味超級香濃！味道👅：9/10環境☺️：7/10服務🙇‍♂️：8/10 抵食💸：10/10〰️〰️〰️〰️〰️〰️〰️〰️〰️〰️〰️〰️〰️〰️🍴地茂館甜品 (九龍城)📍九龍城福佬村道47號地舖〰️〰️〰️〰️〰️〰️〰️〰️〰️〰️〰️〰️〰️〰️如果你鐘意呢段食評嘅話希望你可以幫幫手讚好同埋分享比其他人～️

食暈九龍城今天晨運完想起先前跟親愛的路過此處怎麼我的記憶維持在找不到這店在哪裡😑像是結界裡的一家店或在哪個平衡時空裡才生成的店舖嗯總要離一離題在下不喜歡甜食所以之前只路過但大概總有在下想吃或能吃的東西？所以今天在見麻吉前便來一次吃吃它大大的太陽加上陣陣的雨光是走公園都身水身汗在下老了一把年紀的我點了個熱量也算高的手作糖水香滑芝麻糊 $25愛蓮子的我 +$5好吧 反正最近在下不太會肥也能襯現在假期多走走公園呼吸一下把多餘脂肪甩一甩🤪就可以又多吃幾次糖水這個芝麻糊沒想到一點也不甜也不膩 印象中對上一次吃芝麻糊沒那麼好的感覺而且在下額外加的蓮子份量還真不少隨機的吃完整碗為止可以說幾乎每一匙都能吃到蓮子粉粉的又帶有點爽口感便宜 好吃這大概就是老字號和中式糖水所能做到的特別之處吧（其實在下跟西式糖水一點都不熟🧐）

近排見到九龍城嘅地茂館出咗新Menu😍主打芒果小丸子系列🥭作為地茂館忠實fans嘅我梗係又去試吓啦芒果小丸子配豆腐花$29芒果底係一貫嘅質素，芒果肉非常甜冇渣🥭小丸子非常軟糯🌟配埋豆腐花，感覺好清新🧡

每次經過地茂館都忍唔住食返碗糖水，其實每款我都覺得幾正，最緊要系唔會死甜。紅豆沙、綠豆沙、番薯糖水、芝蔴餬、喳咋哩d都係我最愛，系小時候嘅味道😋😋😋😋😋。

被門口介紹的椰汁西米馬蹄爽吸引走入去地茂館，桌椅相距有空間，坐得舒適。落單最後選了芒果涼粉小丸子，女人善變😂再追加 2粉湯丸和紅豆馬豆糕3樣都好不會過甜，好清香，好好味。馬豆香好吸引，個糕軟硬度剛剛好。湯圓甜度適中，個皮好煙韌，正！芒果涼粉小丸子反而相比之下冇咁特別下次再試下椰汁西米馬蹄爽

今日見好天，冇落雨，老公話揸車去飛鵝山遊車河睇夜景🚘⋯⋯之後就去咗九龍城食糖水。平時我都會成日嚟九龍城買泰國調味料、木瓜、芒果，整泰菜。老公話想食芝麻糊，於是我就搵咗呢間《地茂館甜品店》，初時我係比佢個名吸到左，仲見到有生磨芝麻糊，於是就決定入去試吓🤗我覺得呢個糖水舖回頭率非常高，價錢又唔係貴，坐得又舒服，值得推介