土司工坊 (新港中心)

營業中

休息中

The toast box is a great place for serving ‘typical Asian’ breakfast or tea time crunches. By Asian I mean toast box offers instant noodles with egg, toast with a good toast and the local Hong Kong Milk tea! Definitely worth the try if you’re looking for a decent casual place to try typical Asian breakfast.

03/12/2018 09:00-09:10時段香港尖沙咀新港中心吐司工坊的服務人員，服務很不好！我點選的第一個品項，說「賣完」！我點選第二個品項後，使用港幣500元的面額，服務生回覆：店剛開，沒辦法找我錢！但香港店面僅不收1000面額的鈔票，若是500元面額的鈔票無法找贖，還有需要做生意嗎？就是這麼剛好我今天沒有八達通、沒有小面額的鈔票，難道就因為這樣造成無法消費的原因嗎？早上剛開店，既沒有波羅包、也沒有足夠散錢找贖這樣的服務真的非常差勁

第一次喺 toast box 食早餐! 煙肉蛋多士早餐 $42多士烘得好脆, 蛋煎很好滑, 有蛋味, 咬落仍有蛋汁! 煙肉有別於一般西式早餐的煙肉般脆到裂晒, 仍 juicy! 整份多士感覺良好! 咖啡, 應該係本身加左練奶, 太甜! 火腿通粉, 好細細的一碗! 通粉是比較厚身, 大大粒, 有一點咬口, 非一般茶餐廳般會煮到好淋, 湯頭濃郁, 於我是太重口味, 火腿是一大塊的, 有幾塊, 不錯! 呢份早餐 $42 有點小貴! 女仔食剛好, 仲有點太飽! 男人就話唔夠喇

講真來得foodcourt 對環境一定無咩要求，不過起碼要快，但係呢間Toast box 上菜速度真係麻麻，繁忙時間真係要等幾耐先有野食。我平日一般只係點開招牌喇沙，但係今日突然想食飯，便點了一個未試過的咖哩雞腿飯，再配一杯奶茶, 共$60。個雞腿不錯，咖哩味很香，雞腿肉亦幾滑，碟邊還配有一些小菜，包括兩片青瓜，炸過的蛋，香口小魚及脆口花生。這些伴菜都幾好食，不過那些香口小魚味道很不均勻，有一點食落口超咸，真係想吐番出來。另外由於它辣醬放在青瓜上，所以不喜歡辣的可以撥開，這個挺有心思。奶茶是用煉奶沖的，特別合我口味

行街行到去新港中心，有d肚餓，去咗food court睇吓有咩食。見toastbox, 就叫咗個咖哩雞飯。Toastbox嘅咖哩雞飯，香港人食會覺得唔錯，但俾新加坡人食會覺得味唔夠濃。聞落係幾香嘅，d雞肉都ok,但個人覺得份量少咗d, 咖哩汁唔錯，辣得來都惹味，撈飯食唔錯，食完都仲有好多汁剩。如果可以加多d配菜，同埋送杯飲品，咁就perfect池喇。今餐要$56, 覺得有d貴，唔會再專程來食，除非冇得揀。

今日夜晚係廣東道附近行街街，實在太攰了，想搵間唔使排隊唔使等位既餐廳，預是就落左去大食代希望比較多位啦，估唔到都好多人，哩間鋪有位所以就入左來食啦！我點左個叻沙HKD 60蚊，加凍檸茶HKD 4蚊，再加HKD 12蚊三隻炸雞翼，抵呀！等左一陣就有得食啦！上來湯底顏色睇落都唔錯，食落口有驚喜，D米線煮的啱啱好，配菜也好好味，仲有兩隻蝦，還有半隻蛋蛋，豆卜吸左D湯底超好味！雞翼都OK，外脆內嫩，檸茶都好飲，終體來講幾好

前兩日，和友人行經尖沙咀，發現這間吐司工坊，朋友想食叻沙。就大膽地決定嘗試嘗試！佢呢間係半自助形式咁 你入去自搵位 之後去落單 落完單佢會比個鍾仔你拎返埋位 之後佢一嚮就會有人幫你拎野食黎 不過都好方便叻沙唔係容易煮得好食，所以通常呢個菜式就可以見真章。呢度既叻沙係普普通通，不是出色的。看似好油潻雖然叻沙香味十足材料方面唔覺得新鮮，蝦亦似訓左覺既，而且冇蝦殼，所以湯亦冇蝦味反而椰香味比較重。辣味適中，但都係唔夠濃！最令人驚喜的是粗米粉，非常爽口！亦將整碗叻沙的油膩度降到最低。整體來說環境同服務卻不錯員工個個都有笑容

剛好是週末星期五晚上在尖咀買完東西, 又是在海港城附近, 去了更新後的"大食代",在電梯位開了土司工房, 整個角落都因為它光猛起來, 以前這角落位置只有用餐枱櫈,晚上9點後客少的日子, 看起來有點陰沉! 現在是活化了這角落位置, 講返食物, 這天要咗: 巴東牛肉$57套餐包熱飲, 呢個星架坡式巴東白牛肉顏色黑沉沉的似樣呀, 但食落無論個調味同口感都差好遠! 味道係辛辣味強但不香, 肉質太亁柴了, 旁邊放上甘筍做裝飾, 不過應該放青瓜片顏色會起d囉! 太座嘅娘惹米線$53 原來係撈米線嚟嘅, 唔係佢杯茶囉, 個汁有少少酸但主要係辣味行先, 其實隻蝦質地都唔差嘅, 但始終還是覺得這裡茶味最濃, 即使落咗練奶同花奶依然無法沖得走那份濃郁的茶香,因為現今大部份茶餐廳都未必自行拼配茶葉, 一來沒有空間二來沒有時間, 你可能覺得係籍口但也是一個解說!

係尖沙咀行街等老公放工，行到腳軟諗住求其食啲嘢可以坐下，下你行去先醒起新港中心呢度有個美食廣場，呢度有好多間唔同餐廳選擇星馬泰日韓台都有，其實我唔係好肚餓最主要係想有個舒服嘅地方坐下所以就揀咗食土司工房其實佢哋呢度出名係食半熟蛋，但係我都係叫咗熟蛋我叫左佢哋最主打嘅套餐傳統土司，咖㖿土司、煎雙蛋、熱奶茶佢哋嘅奶茶係加煉奶唔係加糖，我自己就最鍾意呢個味道，應該我來嘅時間比較忙所以用咗紙杯黎裝，煎雙蛋不過不失至少唔會燶面，我自己唔鍾意食燶嘅蛋，得不提佢嘅咖㖿土司真係好好味，咖㖿漿加片牛油狹係外脆內軟熟嘅土司裏面，咬一啖啲咖㖿漿同牛油即刻容喺口裏面，口感同味道都超讃最開心係乜嘢呢？就係呢個位置可以有免費Wi-Fi我可以坐喺度慢慢食玩住手機等老公

好差既餐廳，基本都做唔到，店員態度差，出餐慢，食物賣相、味道欠奉。明明有碗碟都要用紙杯裝半熟蛋(而且係凍既)，比個客比返位擺住先，通粉要等(結果都係漏單)。我拎住個紙杯，心諗係咪要就咁飲咗佢。間舖就得2個客，我望住杯蛋十幾分鐘都未有野食，完全唔知啲職員做緊乜。尤其有個戴眼鏡口罩既職員，可能佢比較高級，不斷喺open kitchen 質問其他同事。好影響成間餐廳既環境，迫人成餐飯都要聽到佢把聲，真係好煩。

完全無heart之作，實屬不幸。Food Court還Food Court，名字是自己的，真不要太過份......吃的只有幾款，咖哩雞配白隻/ Toast/ 飛餅已強行佔了兩張圖，其餘都是簡單款式，難登大雅之堂，可謂Food Court的«老鼠💩»(純粹形容詞adjective)咖哩雞飯($54/配過份甜既熱奶茶): 雞只有一件，無錯，是一件，可以笑的話，不會哭。儘管是超縮水的雞下髀，我也只好省著吃，髀無四兩肉，可笑! 薯仔只有兩小舊，另有兩小舊豆卜，縮骨到不行。咖喱微辛，為普通到唔普通的咖喱，無點評的餘地!

餐廳人流少，地方寬敞，座位闊落，食物價錢唔算貴。星洲叻沙 + 熱咖啡叻沙份量比較少，湯底較的肥膩，但味道濃厚，材料有兩隻蝦，四塊魚片，四個豆卜，蝦爽口而無味，魚片爽口而無味，米線滑，成個叻沙主要靠個湯底，材料方面就乏善足陳。星洲熱咖啡算係呢度嘅主打，加入煉奶花奶味道香濃，不過就比較甜 ，可能呢啲係星洲咖啡嘅特色，整體係相當好飲。娘野米線 + 凍咖啡其實係娘野汁撈米粉，材料有兩隻蝦，半隻蛋，汁多，酸酸地幾開胃，同叻沙一樣成個娘野米線主要靠個汁底。凍咖啡亦都係加入煉奶花奶加咗冰之後, 味道較熱咖啡淡。

香港美食眾多，也冇人能拒絕美食的誘惑！雖然來香港也有一段時間，但是在外面吃飯的機會並不多，大部分時間都係屋企食，一個原因係香港的物價確實貴，另一個原因係我係一個准媽媽，好多嘢需要戒口！好彩今日同朋友一起出街，逛吃一整日！ 讓我無聊的生活增加一些樂趣！我們是從維多利亞港海港城一直步行到尖沙咀呢度，商場下面係一個美食城，至少有20家商家，其中也有上海拉麵，傳統小鍋米線等內地小喺但是似乎經過後期改良，和正宗的都有一定區別！最終經過幾圈研究，我們選擇了這間土司工坊。這款麵條看上去會有點點辣，不過對於我來講，一點都唔覺得！ 兩只蝦，幾塊豆腐，豆芽，還有幾片海鮮，都很Q彈有嚼勁，湯也很好喝，實物和圖片上宣傳的一樣！仲有，套餐裡配了一杯熱飲，我選的是奶茶，同樣是奶茶，不過我覺得比其他茶餐廳的味道好太多！ 好中意！

今日同朋友行尖沙咀,行到咁上下就去附近搵野食。去到food court,除了喇沙湯面外,其餘全部都不太吸引。而且很久沒喝白咖啡,所以我倆選了這裡。我倆都點了喇沙湯面,我要白咖啡,友人點了奶茶。每年都去馬拉的我,去年沒過去,實在太想念當地既美食:榴槤,椰漿飯,喇沙,白咖啡......所以當美食一到,忍不住先喝湯底及白咖啡,味道當然不及當地馬拉出色,但都可以止一時之癢。湯底有蝦香味,可惜沒叫參參,今次來了米線,而米線煮得過淋。

係海港城返工一個月，講真都吾知食咩好，點知經過土司工坊原來有早餐就去試下，其實早市佢都吾少人，keep住有人排隊…今次我食全日餐，因有最愛的咖椰醬，其實佢仲有早餐$35左右一個粉一個三文治配飲品。傳統土司餐，咖椰醬配雞蛋和奶茶 $35……雞蛋都算香蛋香吾錯，但麵包偏凍只屬微溫，幸好牛油仲有少少溶和咖椰醬一起吃增添香滑感。奶茶都係即拉，飲落去都滑身但味道偏淡不太濃有點失望。整體只屬一般……一試這間就夠。