圓鐵板燒 (已結業)

終於有機會黎呢度試吓鐵版燒，呢個二人套餐有肉眼扒、海鮮，仲包餐湯、飯及菜，加＄12有汽水兩罐，都幾抵食！安格斯肉眼扒點選五成熟，以蒜粒一齊炒，碟邊有黑椒及鹽粒點食，肉質唔韌，咬落仍帶肉汁，夾蒜粒一切食更多一份香味！香煎龍利柳入口滑，加埋少少蔥粒，食到少許梳打粉味；蝦仁及小元貝煎熟後以大量濃味醬汁混和，味道似小食店食一串串魷魚雞肉腸食果種味道！白飯上加上飯素，口感幾好，用黎埋牛肉扒及海鮮類，飽足兼無咁油膩，仲有由於台式關係，呢碟炒油麥菜，即炒加上醬油，幾唔錯！

一直知MOKO food court有間鐵板燒，但成日行過最後都食左其他野，今日經過見到二人餐$298又有菜仲有牛肉揀，我同豬先生決定一試。坐底已經比個menu嚇親，$二人餐298竟然有八碟餸，仲有湯同野飲！😱肉類，海鮮，小食每個種類兩款，另外每人一碟鐵板炒菜。我扡揀左牛肩扒，黑椒豬柳，蒜香元貝，三文魚扒，蝦仁炒蛋同炒銀芽^_^一路食個廚師一路上菜，多到我同豬先生覺得衣個係三人餐！每蝶餸都係二人份量，即炒即上。作為牛肉愛好者既我地都覺得牛肩肉好正！其他餸都唔錯，衣個價錢真係好抵！性價比好高！P.S 要留意八點last order, 想食趁早

情人節正日，素來什麼東西都會趁機加價，即使在肺炎的疫情影響下，情人節下的酒店房價，花束都貴了2倍而上，雖然比不了上年的瘋狂，但對荷包來說都仍舊是很傷😣😣。。。18:00來到餐廳，可能是太早來到啦，我們像極是情人節正日來包場，哈哈。 雖然正日慶祝就什麼都昂貴，唯獨這餐廳沒趁火打劫，平時晚餐價錢牌也沒收起，同樣有288元的二人餐，當中包括🐂牛扒🐟龍鯏柳🐚元貝🦐蝦🌿油麥菜🍚白飯🍲海帶蛋花湯，而且份量是每個人各一份，不是坊間大多數餐廳的只有各一件上枱。 良心價啊，其他位於moko餐廳都沒有這麼便宜啊🤤🤤。因為是獨霸獨享，加上廚師是在客人面前即場烹調，專業認真廚師像表演般手勢，每個動作賞心又悅目，完全值得來打卡🎥📷，由於煮食位置已有長長的抽油煙機，坐在前面都不怕油煙味，更不怕衣服沾上炒菜味道了🤣🐂🐟🐚🦐🌿🍚🍲🌿油麥菜最早送上來，有2碟炒得很香，菜也很新鮮，很難得吃肉的地方有那麼多菜🐂牛扒實在好吃，不用額外醬料，且廚師會幫忙切件，可以吃得很優雅。🐟龍鯏柳很大塊魚肉，而且有2大塊，醬料有點太濃郁的說🐚元貝🦐蝦炒埋一堆，有點辣🍚白飯有飯味🍲海帶蛋花湯幾好飲份量也足，如不夠可以單點追加牛排牛柳的呢。

本港有四間分店，選擇左一個龍利魚朳餐一個黑椒豬柳套餐。一般來講都唔使等位，服務員會安排坐近廚師，可以一路欣賞一路享受熱辣辣嘅小菜。每個套餐都包含了，麵豉湯，即炒油麥菜加左蒜蓉炒，所以好香好送飯🤤推介食品：蔥花炒蛋 HKD$ 18 ，即叫即炒特別香滑！廚師處理龍利扒時間恰到好處，口感唔會死實實！黑椒豬柳絲，每條粗幼一樣，刀功利落！ 不過黑椒汁略為濃味。餐廳環境比較逼，抽油煙可以加強一下，比較容易食完成身味。整體價錢中檔，可以再來

午膳時間在 MOKO 隨意搵食，乘扶手電梯至三樓，即嗅到香氣四溢。氣味源頭來自「圓鐵板燒」。「圓鐵板燒」是 MOKO Food Court 內 其中一員，就格調而言當然不能與正式鉄板燒店可比，但勝在消費相宜。以午市套餐為例，不用一百元已有餐湯、主菜、配菜、白飯、餐飲等，份量足夠。先來的是「蛋花紫菜湯」，味道平平未予驚喜。接下來送上的是「炒油麥菜」，簡單以蒜蓉食鹽調味，合小編心意。主菜「牛油汁三文魚扒」選材做工一般，魚肉偏鞋，鹹味重欠牛油香氣。「蝦仁炒蛋」甚少在鉄板燒飯局出現。炒蛋製作欠細緻，滑感難見。整體而言，「圓鐵板燒」作為food court 食肆的一員，基本上能交出性價比合理的成績單。但若以標準鉄板燒店作評價，則不論在菜餚用料、製作、賣相，以至味道等還有一段很大的差距。

我好鍾意食鐵板燒，好鍾意睇住師傅係面前整野食，奈何鐵板燒呢D高級野唔係我呢D草民成日可以食到。有冇平民版頂下癮呀？有～ＭＯＫＯ既ＦＯＯＴＣＯＵＲＴ入面有間平民版既鐵板燒，試試佢！其實我都食過好多間ＦＯＯＴＣＯＵＲＴ內既鐵板燒。睇返個餐牌，竟然冇左以前最抵食既牛／豬套餐，不過黎到啦，照食囉。我地叫左豬柳同雞扒餐，包炒菜，湯，飯。睇住師傅炒菜啦，睇佢炒幾多，但上到我地枱，淨係分左好少比我地！真係大打折扣。豬柳，都炒得幾香既，不過口感就柴左少少。雞扒，一樣用黑椒汁，不過不失啦。由於佢既份量真係少到誇張，我地只好再加多份２５蚊既豆腐，豆腐整得都唔錯既。總括黎講呢間鐵板燒既大不如前，完全唔抵食，沒有下次了。

次次去台灣我都食鐵板燒, 因為香港好少有平價既鐵板食, 最多都係得鐵板餐既扒, 或者係高級日本餐既鐵板。今次去旺角既foodcourt入面食左台式鐵板燒, lunch menu 100蚊都唔使, 有菜有飯有湯包飲品, 真係幾抵。主食係豬牛雞咁揀, 我要左黑椒雞, 個汁係超級多, 雞肉都係個d啦, 炒油墨菜, 好香口。我再追加左碟炒蛋, 有菜蒲蛋同芝士蛋, 我覺得好好味。另外同朋友夾份叫左碟炒芽菜, 係我食鐵板燒既 favorite黎!!

圓鐵板燒正正座立在扶手電梯旁邊，見到鑊氣又夠重，煙霧瀰漫，肚子即刻打哂鼓。二人進餐，點了一個牛一個魚。午餐配上白飯、菜及蛋花湯，其實好豐富，仲不自覺點多了一個芽菜。廚師炒呀炒，在顧客面前的鐵板鋪上一塊錫紙，確保食物是熱喇喇的。蛋花紫菜湯先用來清一清喉嚨，很順暢，再來有油蜜菜。三文魚來了，外表金黃，而不油浸浸，亦很好。可惜吃上口，沒有魚的鮮味，只有鑊氣味，亦不夠鹹味。但作為一個午餐，又有視覺享受，此餐廳都不失為一個好選擇。

係moko行完街見肚餓 上左food court走一圈睇下岩唔岩食行到盡頭見到呢間鐵板燒，望下menu價錢唔貴，決定試一試排左十分鐘隊就入座，叫左個海陸總燴（入面有黑椒牛柳、魚柳、魷魚同中蝦），牛肩扒套餐同埋單點檸汁海中蝦另外牛有得揀幾成熟，我地揀左5成由於我坐正師傅前面，全程睇住佢點整，一個師傅會整4檯客野食，見到都整得幾快手總體黎講，味道唔錯，牛肩扒略為韌左，黑椒牛柳最好食，但海中蝦唔太新鮮另外海陸總燴同牛肩扒係套餐有跟飯同湯同埋炒菜

無心情工作嘅日子，只求盡快送lunch。而今日拖住散慢嘅工作心情嚟到「圓鐵板燒」食lunch。今次叫咗2個lunch set:黑椒牛肉片套餐、龍脷魚扒套餐。黑椒牛肉片套餐（$62）一坐低就會有碗暖笠笠嘅麵豉湯送上嚟🤤🤤完全慰藉咗送飯時間嘅饑餓心情。欣賞係面前油煙緩緩升起，再品嚐一啖冰凍可樂，小等一會後，新鮮嘅油麥菜同煎蛋就煮好兼送到面前啦。由於鐵板燒嘅關係，所以d菜有充足油份，而且仲非常嫩口。煎蛋非常香，但如果能夠煎封邊位有小小燋燶會更加好。而主菜黑椒牛肉因爲係即煮即上枱嘅關係，所以非常夠熱力，黑椒味好香，送飯一流！同樣，如果牛肉可以有小小燋香味會更加好。龍脷魚扒套餐（$72）同樣係會有菜同蛋送上，不同嘅係龍脷魚扒比起黑椒牛肉更加出色，因為龍脷魚扒非常適合做煎炸嘅烹調。龍脷魚扒表面有微微燋燶，所以有陣燋香味，而內裡仍然係嫩滑有汁水👍👍👍！會推介呢一道菜俾大家試下。

早前同Mr Wong放假瞓醒已經日上三竿，再出去旺角都差不多下午茶了～「早餐」去食個鐵板燒～圓鐵板燒叫左兩個午餐，黑椒牛肉片、塔香雞扒，仲有菜同蝦仁炒蛋～黑椒牛肉片既黑椒味好濃。雞扒塔香味無乜，但同樣都係食到黑椒味。整體所有野食都偏濃味同咸。再去食就諗諗啦！

今日原本都係返歸同阿媽撐枱腳,得知阿哥同女朋友去食好西,我地就跟住一齊去😂間鋪頭係food court入面,行去最盡頭就見到,得2個人食緊諗住唔洗入去住,點知7點時已經接近坐滿(有一邊無開),待應好好同我地講其他人都係岩岩坐低,唔介意迫少少既就可以入去,我地ok就入左去~有得散叫,叫set, 我地4個叫左2個2人餐($288@),湯+肉+海鮮+小食+時菜+飲品湯無得揀,坐低無耐就上,昆布蛋花湯?清清地幾好飲蛋花好食,時菜係油墨菜之後就到小食,揀左九層塔煎蛋,蝦仁炒蛋x2,芽菜,九層塔其實我未食過,還好味道接受到,蝦仁炒蛋超滑好好食!芽菜我無試海鮮揀左小元貝x2,炒魷魚,扇貝,小元貝細細粒但整得出色,好爽完全無過熟,魷魚一行4人都覺得麻麻,雖然好爽口但個醬味道唔配,而扇貝我無食最後主角!牛肩扒x3,牛柳(+$15),牛柳會配洋葱黑椒汁炒,叫左5成但變全熟,一行4人認為牛肩扒簡單落鹽就好好食,加錢既反而失色汽水揀左罐裝可樂,雖然唔係算平,但間中食下都唔錯

同屋企人提早慶祝中秋節，黎試下呢間鐵板燒先😋我地叫左和牛龍蝦二人套餐，另外加配兩件鵝肝鵝肝好香口好好食🤤如果有得配埋多士就一流喇龍蝦略嫌有點鞋口，但味道尚算不錯和牛都有點失色，冇乜牛味口感亦都麻麻。

見係星期一, 人少少就走去呢一間平時好多人排隊既餐廳試一試,我地叫左一客雞扒, 一客牛柳, 一份鵝肝, 一份菜甫炒蛋,前菜係蒜蓉炒油墨菜, 都係咁, 淡淡地, 去油膩應該都OK,先黎係一碟雞扒, 碎上, 係雞粒, 炒到好老, 勁鞋勁靭, 又鹹, 雞粒都要分兩三口扯開黎食, 再黎係牛柳粒, 一樣係炒到好老, 好靭, 又鹹, 兩碟餸都係完全咬唔到, 明顯係求求其其咁炒再黎係鵝肝, OK啦, 不過不失, 不過呢個價錢呢個質素呢個體積我去板長可以食到兩份囉,跟住係菜甫炒蛋, 嘩.....睇住佢炒到熟仲繼續煎, 我睇到眼到突,份炒蛋老到呢.....食紙咁食, 吞落肚銀住食道落, 要飲水夾硬吞, 班所謂廚師, 所有餸都係加PAT好鹹既醬落去炒, 又炒到老夾鞋夾靭, 連炒隻蛋都可以炒到咁老, 無心機做咪唔好做囉好辛苦先食完餐飯, 跟住真係頂唔順要落去飲杯咖啡, 加杯水浪浪口, 真係鹹到好辛苦,我今朝寫呢封食評個喉嚨仲係好唔舒服, 好耐未食過咁垃圾既食物, 早知返屋企自己煎三文魚扒仲開心, 貼錢買難受, 不知所謂既餐廳

weekend lunch~12:00~15:00叫左黑椒牛肉片套歺，味道夠重口味，黑椒吾算太多。份量OK, 影相視覺上似比較多。套歺包以上既細帶子炒蝦仁，甜酸味，幾好食，份量少左D。以上相中係2人份量。廚師會將2人份量放一起，如果分開放好D。包一碗飯和一份菜。飯再熱D就好。菜份量夠多，好香蒜蓉味。包一碗湯。都係不夠熱。吾太咸，都好飲，喜歡有海帶食。一位廚師付責12位客人。個頭有陣油煙味冇得另叫炒鱿魚小食套歺平，多野食包埋，仲包一罐汽水如果開11:00 lunch 就好，現在lunch 開12:00會再黎食服務OK啦，有待進步去到坐高枱有D擔心好迫，因去爭X食sushi時有好多經驗係坐得好迫，根本食吾到。但好彩這裡吾迫。