圃公館 (已結業)

酸菜魚湯底 魚肉嫩滑花雕醉雞 鷄肉嫩滑花雕味濃牛頸脊 牛味重油花均勻 貴花蚌 鮮甜爽脆 響令 即叫即炸 花膠手打 份量頗多 價格算合理！唯一不足 甜品無選擇！酒店環境高級 闊落高雅 性價比高！

最近我們每次聚會總是吃中菜，昨晚也不例外，今次大家就去頗有名氣的圃公館吃火鍋大涮一番，她們說天氣又變涼了，吃火鍋最適合不過。現在潮流大熱一鍋兩吃，感覺比較化算，我們也非常認同這賣點，而我極力推介大家吃金牌酸菜筍魚鍋。金牌酸菜筍魚鍋裡頭滿滿的酸菜與辣椒，還有筍殼魚，湯頭具魚鮮和酸辣味，我們每人都喝了三碗。不過筍殼魚骨刺較多，吃時要注意，否則就像朋友需費時從牙縫挑出魚骨般麻煩。雖然筍殼魚骨刺多，但魚肉細緻軟嫩，鮮甜美味，值得花時間去除魚骨品嚐。圃公館有花雕醉雞供應，我當然不會錯過。整盤雞肉都浸泡著花雕酒，正因如此，花雕的香氣都徹底滲透雞肉裡，味道香醇濃郁，柔嫩滋補。既然有花雕醉雞，怎會沒有它的好拍檔蟲草花，又是少見的火鍋配料。涮煮蟲草花最好時間不要過長，會變得過於軟腍，個人建議涮十秒就好，這樣才可吃到它的脆度。吃火鍋一定會吃牛肉，否則就不圓滿，今次我們就選手切本地肥牛，支持本地牛肉嘛。手切本地肥牛油花真的很漂亮，厚度與闊度適中，牛肉的大小厚薄可會影響吃時口感。牛肉涮至粉嫩便可吃，然後慢慢把它咀嚼，感受一下鮮嫩的牛肉肉汁滲出來的甜味。炸響鈴炸得酥脆乾爽不油膩，就算光吃不滾燙也不錯的。我們第一

老友說，年後聚一聚去吃中餐，吃唔夠，我陪她去吃，她選擇了一間出門好吃的名菜中餐廳。位置在於銅鑼灣地鐵出口，再行15分鐘就到啦！都唔算難搵咖！一到門口，老友系甘影相，無辦法，自拍系她最大的喜好！我反白眼系隔離等她，終於捨得入去啦！一來就叫D貴格野，可惜，農曆年前太好生意啦！經理話，無蟹啦！無牛肉啦！甘為有叫其他啦！叫酸菜魚啦！唔好以為好便宜，都同蟹差唔多價錢哦！系要認真的試下啦！裝修也非常有品味，寬坦舒服！酸菜魚魚好滑，酸菜好好味，帶點甜味，很惹味。微辣是酸菜魚必然要加的吧！否則就遜色不少。甜酸咕嚕肉咕嚕肉外脆內嫩，酸酸甜甜的，很入味，加上菠蘿，青紅椒，生色不少！姜炒芥蘭芥蘭要炒得好好吃，必須是要夠火候，菜綠有點點酒味，姜也適宜，很是美味！

酒店點心放題@圃公館 早陣子朋友傾計下得知圃公館推出了點心放題，價錢不貴而且非常好食， 一直都想和媽媽來試試，趁住今日放假便和他過來飲茶~ 圃公館位於灣仔皇后大道東帝盛酒店，雖然地址是灣仔，但其實銅鑼灣走過去會比較近，不過酒店本身有免費的SUTTLE BUS，在銅鑼灣坐車過去幾分鐘就到了 星期六的下午基本上滿座，人多來飲茶的話還是預定比較安心， 酒樓裝修別緻，桌和桌之間空間感十足，我們兩人飲茶還給了四人桌我們，坐得非常舒服 點心放題，款式非常之多，即叫即蒸的點心需時比較耐，大約要40分鐘，不妨一次過多點一些，至於不用蒸的點心，粉麵等基本上一下單10分鐘就送到上來 脆麻花，一份有四件，上面淋了些蜜糖，食起來很香脆甜美 黑松露咸水角，必點 上桌時還熱辣辣的，入面的餡料還加了些黑松露，就是充滿黑松露香氣啦，外脆內煙韌的外皮做得非常好 瑤柱灌湯餃，灌湯餃竟不是主角，其湯底才是精華的所在，鮮美無比 XO醬鳳瓜，比平時食的辣一點點也更惹味， 食起來很入味，喜歡~ 麻辣燒賣和燒賣 也是必點之一，真材實料，尤其是麻辣燒賣，食起來淡淡麻辣味但又不會掩蓋了入面豬肉的鮮味，非常有特式。

假日想飲茶，又唔想等位，最好就係去酒店嘆個熱茶點心。喺灣仔帝盛酒店一樓嘅「圃公館」，佔地唔算大，但環境幾靚，座位舒適。呢度有單點點心同［假日懷舊小食點心放題$168］，放題已包茶錢，好似抵啲，一於食放題啦，可以試多啲款式，因為好多款點心都可以逐件點，想食一件蝦餃得，想試一粒燒賣又得，好彈性！一張Order紙睇晒，有37款選擇：瑤柱灌湯餃皮薄但餡少，只有少少菇、肉碎同竹笙，個湯底幾清甜！筍尖鮮蝦餃皮薄餡靚，晶瑩剔透，入面滿滿鮮蝦，加埋少少筍粒，好爽口！流沙奶皇包完全做到流心效果，奶皇漿甜度適中。蟹子燒賣材料好足，蟹子、蝦肉同豬肉都多，精緻而好味。蟹肉春卷 春卷唔脆，餡料亦少，都幾油，失望！黑松露咸水角入面有一點點嘅黑松露，但味道唔太出。外皮係既鬆軟又有少少煙韌，好好食。椒鹽魷魚鬚大大份，夠熱夠香脆，仲配左沙律醬，唔錯。水煮和牛肉腸粉呢個好特色，出面好難食到。連門口都有個海報介紹。開頭怕會好辣，但碟腸粉嚟到就放心了，腸粉同醬汁係分開放。腸粉入面只有和牛，牛味唔錯，但牛肉少，反而腸粉好軟滑。難得係個醬汁分開上，食得辣就蘸多啲，唔食得辣就蘸少少。其實唔係太辣，但個麻辣香味好正，又香又麻好惹味楊

開年食好D食飽D, 搵個坐得舒服嘅地方同朋友仔食番餐先. 陳醋海蜇頭 – 陳醋香味濃郁, 配上爽脆海蜇頭, 十分惹味醒胃.海鮮酸辣湯 – 酸度溫和, 帶點香辣, 海鮮用料十足, 木耳, 荀絲切得很仔細, 仲有咬口彈牙嘅蟹肉, 味道用料都頗出色.酸菜桂花魚 – 桂花魚肉質細嫩,酸湯菜香甜鮮美,辣而不膩, 配菜大大條嘅薯粉亦好有嚼勁, 非常開胃。公館炒飯 – 炒飯粒粒分明, 配料十足, 芥蘭蟹子嘅爽脆配上新鮮幼滑嘅海膽, 鮮味十足.XO醬粉絲大蝦煲 - 大蝦肉質新鮮彈牙,粉絲吸收晒蝦汁鮮甜及XO醬香辣惹味,非常滋味可口.瑤柱蟹肉豆苗 - 大大碟豆苗新鮮翠綠, 清甜美味.

新年同屋企人食團年飯！之前嚟過衣到覺得環境幾舒服，雖然喺酒店，但野食又唔會好貴，所以就揀衣到！佢個梅酒聖女果真係無得頂！酸酸甜甜，無晒蕃茄嗰種腥味！真係好鍾意食！一定要叫！味脆豆腐細細粒！個脆皮會厚少少，所以炸得好金黃脆口！入面啲豆腐都好夠滑！小食仲有依個牡丹蝦仁！上面仲加咗魚子醬添！啲蝦仁好爽口！雖然有好多紅噹噹嘅辣椒粒，但又唔係好辣！之後都有叫蝦！清清地嘅鮮露荀帶子玻璃蝦球！帶子同蝦球都好大隻！我覺得蝦球好食啲！真係超彈牙！砂鍋雞煲翅超級超級足料！成煲都係金黃色！成煲都係翅呀！飲落去好濃好鮮甜鮮百合蘭度炒黃皮老虎班球老虎斑好多肉！啲肉好嫩同有彈性！仲有好多筍，好青翠爽口！招牌炸子雞塊勁香！皮炸得岩岩好夠脆，啲肉又好滑！又唔會皮包骨！好食！最後食返個菜！魚湯蕃茄浸菜苗！清清地唔錯，個魚湯都真係米黃色，個菜幾鮮甜～原來仲有甜品！唔係紅綠豆沙！係蛋白杏仁茶！好香杏仁味！加咗蛋白好滑～

親戚係加拿大返嚟探親，陪阿媽去酒店見過面，有大有細有老有嫩，最方便就係酒店樓下食。圃公館屬於農圃飯店集團，食物質素有保證，而且座位闊落，大家都坐得舒服，地方乾淨俐落，擺枱細心講究親戚想食特色火鍋，經理就推介我哋試吓一鍋兩食的金牌酸菜筍殼魚鍋 $368，筍殼魚一向索價都不便宜，這個價錢確實抵食。味道酸辣適中，筍殼魚肉鮮甜幼滑，入口柔軟，基本上沒有太多骨，啖啖肉。連湯底都好好飲。魚肉食完之後，加湯就可以變身火鍋，我哋中點選了本地新鮮雞，$144 半隻，新鮮而且肉質鮮嫩。肉類之外，手打丸質素都不錯。特色四式丸 $128 ，我最喜歡墨魚丸，乒乓波咁大粒，入口彈牙多汁。鮮蝦雲吞 $98，真材實料，大大隻鮮蝦。特別要了一份四川粉條$48，把湯底的精華都吸收了，香辣刺激。吃飽正餐當然就到甜品時間，我想食個楊枝甘露，估唔到上枱嘅時候充滿仙氣感覺，果然夠晒排場，好有驚喜感覺。

時間真過得快，咁就過左一個新年，又新的一年開始了。過年的日子，每餐都是豐富，食得人人自肥，又是開工的日子了。阿仔趁我地在大陸過完年返回港，又訂左在港島區跑馬地附近的酒店食個開年飯。雖然地點離銅鑼站有點距離，行過去，要大約十多分鐘的時間，這都好，對於居住在城市的人，好少行步，也是個健步的好機會。酒店是新開左一年多，餐廳位於二樓樓上，雖然地方小小，但裝潢得來清雅，明亮光澤，坐得舒適望。過對面，正是跑馬地馬會，旁邊是馬路，在樓上望下去，車來讓往，又另一個繁忙的景象。前菜先上一碟小食：七味脆豆腐，清清地，清腸胃，一口一啖，皮脆內滑，香口。過年，每餐都是大魚大肉，食得胃口有點膩。海鮮酸辣湯：最合我胃口，酸辣增加食慾，熱辣辣，好惹味，湯底夠濃稠，食材豐富，蝦肉、肉絲、筍絲、雲耳絲、絲絲都是師父的手工製作，絕不馬虎。鮮露筍百合炒帶子：又圓又大又厚的帶子，真是大得像雞蛋一樣，可以用刀叉食，食落似大魚塊，鮮味十足，夠嫩滑。露筍、百合清脆得來清甜，發散鮮味。酸菜桂魚：平時食開都是用鯇魚做這道菜，第一次用桂魚，骨沒有太多，件件爽滑魚片，酸菜味道不是太鹹及酸味，帶起超濃魚湯的鮮味。水煮黑豚肉，一道非常惹味的小

今晚約左朋友喺灣仔呢邊食飯，近住跑馬地馬場，即係舊伊館對面，有間叫帝盛酒店1/F嘅圃公館，呢度有小菜同邊爐。酒店格局，樓底夠哂高，枱與枱間都有足夠空間，坐得舒服。職員嘅招呼都好到位，好細心，始終酒店入面嘅菜館，有咁上下規模，要求都高d。我地揀左打邊爐，被安排到有電磁爐嘅圓枱。蝦兵蟹將湯底顧名思義，係有蟹、大蜆、青口同蝦，材料豐富，鍋底係我地近期至愛，有少少麻辣，辣度容易入口，較為溫和，朋友唔係太食到辣，就啱哂啦。蟹肉兩隻，有幾隻彈牙大蝦，青口同大蜆就真係幾好大隻，感覺都好足料，288冇記錯，都好抵食。除左海鮮，仲有阿荀、蓮藕、木耳、唐芹等配菜，個人最喜歡，又滲哂d汁，一流配料方面點左手切牛例牌，對得住價錢，花紋分佈均勻，腍身有牛味，但當然就未至於係頂級野，都係二百零蚊，唔貴貴花蚌我平時就少叫，怕唔新鮮又貴，今次呢d又大條，又粗身，淥完都冇縮哂水，新鮮又脆，唔錯四寶丸每樣兩粒，大大粒，有蝦丸、豬肉丸、墨丸同鯪魚，都幾抵食，最緊要係手打，又新鮮又爽雲吞有半打，大大粒，有兩隻蝦肉，好食。午餐肉、皇帝菜都係我至愛。雜菇乾淨，擺放整齊，雖然唔平，鮮冬菇好食。新鮮雞半隻都幾大，成碟咁多，5、6分鐘

打邊爐就無分四季，但盡量每次都去啲唔同嘅火鍋店，俾啲新鮮感自己。是日約左個朋友食晚飯，佢仲介紹左個新朋友俾我地認識，可能大家都鐘意食，特別好傾，期待下次再一齊去搵食。我地揀左位於灣仔帝盛酒店嘅圃公館，啱啱就喺灣仔銅鑼灣中間，我地落左車都行左一陣先黎到。餐廳環境係中式格局，以圓枱為主，感覺好光猛企理。餐牌既供應火鍋，亦有小菜，不過我地為火鍋而來，就唔多睇有咩小菜食。平日晚上，以呢個位置而言，都有比我想像中多嘅客人，穩陣啲就最好預約啦。醬料：火鍋湯底有基本、傳統嘅豬骨、麻辣等，亦有藥膳雞、海鮮、酸菜魚鍋等，定價$148-368。配料有海鮮、牛、豬、雞、羊、丸、餃、滑、蔬菜、麵食等，選擇多樣，定價中上。不過好老實講，而家好多餐廳打個邊爐都唔平，而家人均三、四百蚊，環境就得體啲。蝦兵蟹將鍋 $288平時冇乜幾何會揀海鮮湯底，唔係太捨得，但今日見呢個鍋幾吸引，價錢唔算貴，加上有幾個人分享，又試一試。上枱以類似乾鍋形式，一鍋兩食，先食鍋底，再加湯打邊爐。鍋底豐富，有蟹、蝦、青口、大花甲等配料，每人都試到啲。雖然蟹就唔算好大隻，但都有啲肉食下。仲有埋花甲，新鮮乾淨冇沙，啖啖肉；蝦就幾隻，都相當新鮮。

一向都知道新華社搬走之後，皇后大道東舊址改成幾間酒店，聽講裏面的飯店水準不錯，奈何交通實在不太方便，平時唔會行過，除非特別走來，例如今晚就是有人約我食飯方才會到這家圃公館，佈置與海鮮酒家，踏入飯廳就先見到一座游水魚缸，食物多元化，有火鍋、小菜、中午亦有點心。我們選擇了川菜粵菜各半的菜式，考下廚師實力。先來袐汁牛展，牛展靚，有筋有肉，夠嫩，自製祕汁味道豐富，好夾。然後各人一碗海鮮酸辣湯，足料，酸辣味道濃烈，平衡，做得好。龍圃糯米雞翼，保持水準，雞皮脆薄，糯米乾濕生熟度恰當，食過不同飯店的出品，始終都是覺得元組最好。酸菜桂魚，足一斤四，見到全隻魚無偷料，魚頭幾大，有好多肉，魚肉滑，骨唔多，酸菜的鹹酸味道平均，算是恰當，本身配有薯粉，但因為有啲鹹，我比較喜歡送白飯食。最後魚湯番茄浸豆苗，現在以湯煮菜都非常普遍，大家都想吃得健康一點，番茄的特性夠香，所以令菜餚味道都足夠。

去過咁多間酒店食飯，最差係呢間，問佢拎點心紙係飛落張枱度，問佢拎辣椒油，我地兩個人，佢態度好差咁問一碟定兩碟，喂大佬，我地兩個人呀，唔係十二人呀⋯⋯ 後面有張枱既客人仲嘈起上黎不停鬧佢地咩態度.......食物方面蒸既食品算係ok, 但炸的食物一d都唔掂，係食過最難食的，超失望，同農圃同一集團，但估唔到咁差環境衛生仲衰，枱布有小強仔.....一路會一路有蚊之仔飛黎飛去，大佬呀，話曬酒店中菜部，有咩理由咁樣....

和朋友二度到訪此餐廳，就是為了和牛而來。可惜今次剛好沒有和牛供應，可能因為還在是新年吧，如果下次來時有和牛，一定要再點呢！ 招牌炸子雞，半隻，$198我們點了飲宴中常吃的炸子雞，因為在家弄不到。炸子雞的雞皮很薄，十分脆口，而且色澤油潤金黃。而雞肉充滿肉汁而不油膩，連雞胸都很好吃呢！ 古法扣乾鮑，8頭，$538沒有和牛，我們在新年豪一豪，點了8頭乾鮑！鮑魚比掌心再大1/3， 而且厚身。切開後一梳梳，看到曬乾時的痕跡。而鮑魚不黏口，煙靭有日曬的香氣，在口腔久久不散。這兒臺與臺之間寬闊，臺面夠大，談生意跟同家人食飯都很體面呢！

咁快又到左happy Friday 今晚朋友last day所以去食好野，朋友話想食中菜，咁上網睇到呢間餐廳唔錯又坐得舒服入到去地方都好舒適、寬敞環境很好👍🏻有打邊爐還者散點都可以架我地就散點左以下既菜式七味脆豆腐脆皮炸得又薄又香口而且好夠味道秘汁牛展牛展炆得好冧，而且十分入味，食到停唔到口呢，食得津津有味必食推介！海鮮酸辣湯本身帶有少許辣，味道唔錯，加左少少味道更加出荀殻魚（1斤半）份量好足夠既魚鍋，辣味十足而且魚十分鮮嫩入味茶香仔骨帶有陣陣菜香的味道，牛仔骨好入味農圃糯米雞翅雞翼入面全部都是糯米，幾特別的菜色見到幾特別都是第一次點黎食，品嚐一下！花膠海味時菜煲份量很足夠，有好多清清地消消油膩感，不錯之選。公館炒飯有海膽，有蛋黃的炒飯好足料！炒飯粒粒軟硬適中好味道！整體來說，位置係偏遠少少，但食物同服務都有很優質架！不錯的中菜館呢