回味車仔麵

營業中

休息中

有心❤嘅車仔麵點至做到可以黎新蒲崗睇睇👀經常減肥嘅我，走澱粉質是常識吧！首先會order 菜🥬底貪食的，至少都4餸啦！自家制炸肉丸內層滿滿洋蔥🧅和肉碎，有些蔥，食落好香口，口感不是😋煙煙韌韌的，較軟身，如做到彈牙或實些就天下無敵🏆，但味道係可以一試，唔錯的。蘿蔔夠甜，大大件，起碼要食5啖至食完一件，有4件。我食車仔麵必食的牛腩，好腍身入味，有6－7粒，放餸的好有心機，剪到一粒一啖，好易食話明減肥，又係菇類，大冬菇勁厚身，好夠味👍👍加左辣，但對我黎講只是少辣，下次可加多啲辣。🤔車仔面食好多，尼間係我鍾意幫襯的，因店員好有心機放餸向碗，幾十蚊都好尊重做好每一碗一，勁😃長期要排隊車仔麵店，繼續努力，支持你😇

這間車仔麵在我公司附近，一星期總會幫襯一兩次，因為又平又好味，門外經常大排長龍，人氣十足。＄40有一麵三餸，再加一杯飲品，凍熱同價。落單流程：排隊＞叫麵（＋蔬菜）＞叫飲品＞揀餸＞揀醬汁＋付款以上每個流程都有一個店員負責，所以落單過程很迅速，值得一讚👍今次我叫了蘿蔔，豬紅，牛肚米線，凍檸茶。米線較不吸水，所以返到公司食時仲有好多湯。蘿蔔：好甜，淋同入味豬紅：好大嚿，爽口好味牛肚：好淋同入味，有少少沙嗲味湯底：我揀了唔辣沙嗲汁，幾濃幾好味凍檸茶：屬於茶味較濃三樣餸份量都好多，好味好抵食😋

呢間新蒲崗回味應該係一家人開既！已經食左好幾年、係一間過咗一排你又會想「回味」食嘅車仔麵 ⋯⬇️佢淨係日頭做生意、11:30am開門就會有一條少少既人龍排隊。$40三個餸包埋凍飲、舖頭細細可以選擇堂食，但我多數都係外賣返屋企慢慢食。入到去先揀粉麵同話佢知你堂食定拎走、佢仲有銀針粉可以揀。之後佢就會問你飲乜、再向前就揀餸可以一眼睇晒再選擇！⬇️我多數揀蝦卷大大條、一份有兩條新鮮炸起。牛腩亦都大大舊佢會幫你剪細啲，越早食牛腩越大舊、越晏去就越嚟越碎，第三樣揀咗豬腸亦好好味。之前食咗其他例如：蘿蔔、榨菜火腿、炒雞柳、炸肉丸或者滷水雞翼都好味！⬇️最後可以加腩汁、辣嘅自家炒沙嗲汁或者唔辣都有，要落蔥記得出聲喎。佢附近開咗越來越多車仔麵，我就最鍾意食呢一間回味、但係記得佢四五點就賣完收舖啦！

食車仔麵一定諗起呢間~份量一定無得輸午餐諗唔到食咩，叫車仔麵就最方便。依家加咗少少價，要＄40，3餸1麵。不過都唔緊要，本身都已經好值，因為包埋熱飲/冷飲唔好以為外賣就少啲，實在都係一樣咁大堆頭一打開蓋，啲餸就已經堆到滿晒。我叫咗豬紅（多到食唔晒），牛腩（好正又夠冧），蝦卷（必食之選），配埋個粗麵（比足1個半麵餅，勁），可惜我唔食辣，只加了惹味的醬汁，但都已經好滿足。不過飲品就應該凍飲抵啲，其實我杯奶茶係未飲的，沒有沖到滿杯，但都唔影響我對佢嘅喜愛。

新蒲崗有很多食肆選擇，就偏偏這家車仔麵經常 排長龍，既然今天不趕時間，便排隊試一試。車仔麵檔之中，這家衛生做得不錯，每盤餸菜都排放得很整齊乾淨，感覺上店員都很有默契的，各有各崗位的去做。這家是三餸一麵送飲品，我點了粗麵，豬紅、蝦卷和咖哩魚蛋，醬汁可選沙嗲汁或辣汁。 麵底份量足夠，麵質剛好，不軟不硬，豬紅不腥不黏牙，咖哩魚蛋美味可口，沙嗲汁加辣汁又香又惹味，忍不住一口接一口。這家店吸引之處除了味道應該就是份量了， 豬紅毫不吝嗇的給，4粒魚蛋，而且他們的魚蛋不是迷你的喔～重點是事後不會無敵口渴，下次會再光顧的。

由於我住在西貢墟，西貢墟裡面有專線小巴，容許西貢墟街坊直接坐小巴前往新蒲崗，在新蒲崗「采頤花園」旁邊的總站下車之後，就可以直接徒步前往新蒲崗，交通十分方便，是位置最接近西貢墟的九龍港式車仔麵店。例如位於新蒲崗「康強街」，「康強街」旁邊的其中一間港式車仔麵食店「回味車仔麵」，就是其中一個有力的例子。「回味車仔麵」店舖面積雖然不算大，但是食店幾乎座無虛席，食客要購買車仔麵後慢慢尋找入座機會。不過我比較好運，在「回味車仔麵」店外等候了一段時間，購買完車仔麵，端着新鮮滾熱辣的車仔麵進入店內，最後仍能找到「面壁」的座位。說回「回味車仔麵」購買車仔麵食品的過程，「回味車仔麵」銷售的方式，其實屬於比較傳統舊式的港式車仔麵。食客在店外的廚房餸菜展示格裡面選擇配菜和麵底，選完後付款給收銀店員，之後就可以開餐了。排隊等候購買「回味車仔麵」車仔麵的食客排在店舖廚房外面，幸好「回味車仔麵」廚房處理食客的速度不差，所以我只需等候不到幾分鐘，就可以選擇自己食的車仔麵。另一方面，「回味車仔麵」的相關餐牌，價目表不多，只有一個價目表張貼在店門外面，標示一碗三餸車仔麵，連同套餐冷熱不拘飲品在內，盛惠港幣三十八元正。結果

呢間車仔麵係新蒲崗超級出名！事關佢真係大件夾抵食，$38三個餸仲配埋冷/熱飲品，麵底同餸仲要份量十足！每逢lunchtime佢都排哂長龍！呢日我叫左牛腩、豬大腸、午餐肉河粉加凍0水，牛腩同豬大腸都好入味，牛腩炆得夠腍，豬大腸夠煙韌！午餐肉就得一片，不過都切得厚身～真係大力推薦呢間車仔麵！經過新蒲崗一定要黎試下！

假日無所事事, 係新浦崗搵野食...見到門口排哂隊, 好多人, 8掛的我, 走去排埋一份!HKD 38, 3餸一麵包飲品, 凍飲仲要唔洗加錢! 之後每加一餸就5蚊~嘩!幾少可見到咁平的車仔麵包凍飲嫁!!!呢到係先落order比錢後入座, 所以係要等d人食完, 先可以叫野食入去!店大概around 20個位吧~排左陣終於到我!首先同姐姐order麵底, 再行前揀餸!你係會一眼睇哂有咩餸揀真係好以前舊式車仔麵, 放哂出黎一格格咁!!!!我就叫左 油麵﹑生菜﹑牛腩﹑大腸﹑粟米蝦條 + 2匙 自家麻辣醬 (本人好辣之人)大腸牛腩, 好入味, 又淋喎!!!!!大腸又洗得乾淨!!!!!!!!!!粟米蝦條仲要係自家制!!!!!!不得了呀!!!!!!!!真係同店名一樣, 冇改錯名!! 令人回味!!!!!不過記住, 佢地係會每月第2﹑4果個星期日休息的!!!!!

成日行過見到好多人排隊，心諗附近咁多食店，駛唔駛排成咁，車仔麵會有幾好食。有一次食晏前經過見唔多人，趁機入去見識吓，嘩，真係好掂！賣相：好少見車仔麵咁有心機擺餸，哥哥仔每樣餸都排到靚一靚，睇落都高級d味道：選擇已經好多，有傳統有新奇的，忍唔住叫咗5餸，樣樣都好好味，尤其蝦卷，有蝦味有粟米，炸菜、鴨胸都好滑好好味醬汁有辣有唔辣，唔辣都好香，唔會唔食得辣就無味道，食完又唔算太口渴份量：d餸份量好足，又唔特別貴服務：買完麵先揾位，但有專人安排，姐姐好有禮貌，執枱清潔又快手，收碗仲成日會講多謝晒清潔：餸菜好新鮮，地方又乾淨，完全唔覺得自己食緊車仔麵真係無諗過車仔麵都可以有咁驚喜，完全感受到店主的用心，讚！👍🏻

當初小編還是學生時代，已經經常光顧新蒲崗回味車仔麵老闆娘同埋入面d職員勁有人情味，每一次去到老闆娘都會噓寒問暖，依種人情味依個時代真系可貴我點解話依間係九龍區數一數二既車仔麵，原因真系好簡單，蘿蔔牛腩豬皮魚蛋，依四寶如果全部味道都好好，就證明佢所有小菜有一定既水準。小編超級推薦佢地既冬菇，味道真系一流唔會過鹹或者唔夠味道，幾乎每一個老顧客都必嗌但今次小編去到都已經大概下就六點，佢地都差唔多關咁款，所以菜色選擇不多但我都無所謂因為真系每一款都好好味，所以我就求其order幾樣，魚蛋出色不用多說，有粟米蝦卷真系超級彈牙。另外我仲叫左生菜，老闆娘係勁豪爽卑勁多你小編覺得如果你想減肥，可以直接唔要粉全部都要生菜減肥都快d最後提醒: 一定要加佢地既沙爹汁，可謂靈魂既精髓❤️

話時話舊街坊一定記得。果個鋪位前後20年前的確有間車仔面既鹵水豬腸/雞翼尖/豬皮非常好食，又係前面叫面叫菜比錢之後搵位。個面仲非常爽彈，當時老闆娘話灼面完之後chop果幾下掟番d水出黎果幾下就食得你咁爽。。。。感覺呢架做既有當時七成功夫，不知道是不是她後人做呢？非常回味。老街坊如果知道就一定回去幫襯，食物質素高，價錢相宜，誰說平的沒好。有時沒番工都刻意捱餓待人流高峰期過了後大概兩點先去。雖然沒咁多菜選但坐得舒服又沒壓力慢慢享受。點解我唔放相。因為食物是吃的不是看的。來吃過就知道不用影啦～食啦

途經新蒲崗，因為要去大成街買餸打邊爐，因為未食午餐，見到門口餐牌，$35包凍飲，就沖咗入去，店員有禮貌，店舖雖然不太大，但非常乾淨，点了牛腩，炸菜，咖喱魚蛋，油麵，加了辣醬，非常好食，找到了童年回憶，牛腩好入味好香，炸菜好明顯有較過味，咸甜適中，今時今日好味又唔貴嘅小店，少之又少，加油呀

可能係新蒲崗最好食嘅車仔麵喺新蒲崗，都好多餐廳可以選擇下。但係呢一間車仔麵就成日都人頭湧湧，成日都要排長龍，講緊十個人係門外。餐廳位置唔算多如果人太多嘅時候呢就可以選擇坐喺出邊。＄35三餸仲包一杯熱飲或凍飲(以前仲有我最愛既凍檸賓架!!!!)，真係非常之抵食。我就最鍾意食呢度嘅蘿蔔、春卷、大腸、鴨胸肉，其實好多餸都好好食㗎 ，例如牛腩、雞翼，而且店員仲成日將啲餸排都好整齊添，有超越車仔麵嘅服務呀，哈哈。

呢間車仔面係新蒲崗都算就係數一數二出名，都無邊日係見到無人排隊等位或外賣嘅。食完之後就知排長龍都不是無理由！佢都幾多送有得揀，3個送都只係$35，仲要連嘢飲，凍飲都唔洗加錢，真係好抵食！今次叫左咖喱魚蛋、 滷水雞翼同冬菇，要幼面。咖喱魚蛋，有咖喱同有魚味，總之好味！冬菇，又多又大粒，冬菇燜到入哂味，夠淋，必叫！滷水雞翼，又係大大隻，好嫩身。凍檸賓（平時茶記都加5蚊，呢度個餐包埋tim!）佢地呢秘制嘅辣椒醬雖然食到爆汗，不過好惹味！記得一定要加呀！

回味車仔麵 $353個餸 包一杯飲品，價錢好合理😋.🥕蘿蔔雖然唔爽口喺淋嘅個隻，但好入味，🍖春卷應該自己包，同南記似但呢到入面有粟米，令到口感昇華😇🐓本身諗著叫生菜，點知無晒，只好叫雞腎。d雞腎唔係好有咬口嗰d，而係煮得好淋😍好入味。係高質嘅🍲另外，呢到竟然有得選銀針粉。銀針粉口感特別，滑滑的。而且卡路里低係重點🤣🍜湯底方面有清湯，腩汁，辣醬同沙嗲醬☕️有心到檸檬茶會加蜜糖😭👍🏻