四季常餐 (德輔道中)

營業中

休息中

早餐：茄牛通+熱奶茶 $39茄牛通：暖口唔熱，得個酸味，通粉淋身的。熱奶茶：夠熱，但無乜茶味，還可以。這早餐在menu上仲要有隻大拇指，即是想表示值得推介屬必試之一啦，但我覺得好唔掂囉👎👎伏伏伏🤕食到中途見隔離枱上了份炒蛋餐肉多士，賣相比我份茄牛通好好多，覺得自己點錯餐啦，不過我都唔會再去幫襯了。

每逢糧尾都要好小心咁用錢，lunch連凍飲都唔敢加🫠常餐簡直係糧尾嘅恩物！四季常餐一向都好出名，無論月頭定月尾都大頭長龍，不過勝在佢係快餐，所以條龍都郁得好快！🍅四季茄牛通配招牌炒蛋加多士（$52）個人認為茄牛通嘅湯唔係好夠，另外湯底嘅蕃茄味道有啲淡🥲 不過勝在佢嘅牛肉都幾淋，幾有鮮味！而炒蛋都好滑，好有奶同creamy嘅味道，撈埋塊煎得好脆嘅多士，令到成個餐加分咗好多！聽聞呢到嘅叉燒炒蛋飯都好出名，等我到下次糧尾又再試吓先！😎

喺中環食晏好多時都排晒長龍但其實中環都有抵食又好食嘅餐廳四季常餐就係我經常「翻兜」嘅餐廳 .四季常餐中午時份成日都大排長龍我選擇買返公司悠閒hea住食唔駛同人迫用openrice app外賣自取可以落定單唔駛等去到就有得攞 .餐牌可以選擇嘅款式唔多雖然其實我次次都係叫同一樣味叉燒炒蛋飯配秘製豉油汁 ($60)做一樣嘢 做得夠好就足夠 .炒蛋夠滑 鐘意佢有蔥花半肥瘦叉燒 份量ok精髓係佢配咗個秘製豉油汁吊起個味好好送飯 .餐牌仲有其他選擇例如南洋咖哩豬扒飯豬扒炒蛋飯配秘製豉油汁你又鐘意食邊款呢~

有日同事話請食早餐，買左四季常餐蛋治番黎，就係奇怪真係只有蛋咁單調！點知一食，勁好食！！！！配埋凍奶茶勁正！成日心掛掛想再買，但成日都無咁早起身去買😄😄😄

永遠lunch time行過都好多人排隊👫👫朋友過黎搵我食飯就試下排幾耐先食到啦🤣可能係快餐 其實排左10分鐘都入得去luuuu用QRcode落單好方便 大約5分鐘就有野食啦✨📍叉燒炒蛋飯配秘製豉油汁 HKD60炒蛋好嫩滑都幾香蛋味 有埋蔥花多個香味～叉燒份量都算多 半肥瘦調味幾好👍🏻白飯又夠乾爽 撈埋炒蛋一齊食 不錯不錯😋📍豬扒炒蛋飯配秘製豉油汁 HKD60同朋友都係覺得叉燒炒蛋飯比較好食🤏🏻豬扒夠嫩但醃得唔夠味 蛋味比豬扒味更出

中環除咗雙餸飯之外 都比較難搵到$50左右嘅午餐選擇 咁岩同事想食常餐我地就去咗呢間係中環街市隔離 長期好多人排隊嘅茶餐廳 四季常餐～ ☕️• 特濃沙嗲牛肉麵配炒蛋多士 $50 🐂 3.2/5常餐配嘅炒蛋多士份量唔算大 但見到牛油多士烘得香脆 沙嗲牛肉麵正常水準 一般茶記味道 呢個價錢係中環OK啦• 南洋咖喱豬扒飯 $62 🐖 3.5/5帶骨豬扒厚身 睇相都知道好juicy 有啲半煎炸嘅感覺 完全唔會韌 配埋有層次嘅咖喱汁（入面嘅薯仔都好淋好入味）輕鬆K.O.成個飯！總結：以中環嘅lunch黎講 跟熱飲都係$50-65 性價比OK 送餐速度快 味道唔錯 難怪lunch time成日大排長龍🚶🚶‍♂️🚶‍♀️

見大家推介這間炒蛋，路過去試試，看看孰真孰假。叫了常餐（炒蛋、多士、沙嗲牛肉麵、熱奶茶）炒蛋還算可以，但用上好多油（可說是用油浸出來）。比較下，澳牛的炒蛋香濃好多。見吃剩大半個麵，不想浪費，取一個外賣盒取走。沒想過，一個外賣細紙盒價值$3⋯⋯不是付不起，只係覺得不值。

中環食餐飯都真係唔容易，尤其係食飯時間🙊🙊之前已經成日見到依間「四季常餐」一到午飯時間就成日都要排隊，今次下午茶時段嚟到，都見到近乎滿座，可見人氣可以選擇的款式不多，不過最出名的就是他們的沙嗲牛肉麵和叉燒炒蛋飯，今次就試吓他們的叉燒炒蛋飯叉燒炒蛋飯配秘製豉油汁 $60 推薦指數🗯️：🌟🌟🌟🌟由落單到上枱，用咗大概十分鐘左右，真係好適合中環這種快節奏，而且基本上十張枱有九張枱都有人叫依個，真係唔快啲都唔得炒蛋食落冇咩蛋咩，但係食落都算滑，但係配上秘製豉油汁真的好下飯，不過飯就少咗啲，食到最後會有點鹹以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。

見好耐冇食，點知第一啖就出事，油炒蛋！成口油，啲油由上而下滲到落低，啖啖油！個底直情油浸飯！這是滑蛋的唯一做法嗎？以前食唔係咁。拜拜喇，四季义蛋飯！留返俾遊客食🫠

以前番中環自從同事帶過我嚟食之後就愛上今次路過當然要一懷緬下常餐真 · 忌廉雞湯通配叉燒配招牌炒蛋+多士 連熱飲$52 呢個忌廉雞湯應該都有味精成分但我每次食呢款通粉嘅時候都忍唔住差唔多邊食邊飲曬個湯今次相對印象中好似淡身咗少少 但作為通粉嘅湯底都依然出色不得不提嘅一定係招牌炒蛋半熟嘅炒蛋嫩滑香口 令人一試愛上 水準依然保持特濃沙嗲牛肉公仔麵配招牌炒蛋+多士 連熱飲$52注意公仔麵非出前一丁 相對上略遜但有濃郁沙嗲醬補救另外都加點咗一份奶油豬餐廳選用嘅麵包屬於厚身餐包款做唔到奶油豬香脆嘅口感

「常餐」茶餐廳文化 即係全日供應入茶餐廳食得最多就係沙嗲牛肉麵🍜一個餐有齊湯麵 炒蛋 多士 飲品🥤唔駛諗 又飽肚 「常餐」真係最快捷嘅選擇🤭特濃沙嗲牛肉公仔麵🍜 $52配招牌炒蛋+多士🍞厚厚既西多士烘到外脆內軟 仲有好香既牛油味滑蛋有蛋汁 好嫩滑 沙嗲牛肉麵好香濃不過花生味唔算太特出 牛肉唔會韌麵煮得啱啱好 夠爽口 整體算唔錯😋 💛 四季常餐 @cafe_seasonshk 📍 中環德輔道中88號地舖📍 灣仔軒尼詩道156-162號利榮大樓地下B號舖#四季常餐 #中環黃店 #灣仔黃店 #黃店 #中環美食 #常餐 #沙嗲牛肉麵 #相機食先 #食好西 #hkig #central #food #hkfoodie #foodie #foodieblogger #foodiehk #foodblog #hkfood #foodstagram #hkfoodblogger

Lunch諗極都唔知食咩好，又冇friend子陪我食飯，所以就叫咗四季常餐嘅lunch 外賣拎返公司食咁我今次就揀咗佢哋全日供應嘅常餐，我就叫咗個特濃沙嗲牛肉公仔麵，配招牌炒蛋，再加多士！咁個沙嗲牛肉公仔麵，坦白講就唔係話沙嗲味好濃，咁就係正正常常嘅一個沙嗲牛肉公仔麵啦，但係啲牛肉都係幾嫩嘅！炒蛋亦都非常之嫩滑香口！出奇地我最欣賞係佢個多士，烘得相當之香脆啦！再配合埋牛油嘅香味，食落去勁脆口，超欣賞呢個多士！

在中環找早餐吃，路過見到這間有厚蛋治好似幾吸引，食落都真係唔錯，黑松露非常澎湃㗎！中環電車路旁邊，中環街市前少少，非常就腳的一間茶餐廳。入面都幾闊落舒服，平時都幾熱鬧有需要搭檯，服務員幾好禮貌又周到，用餐經驗唔錯。唔同時段有唔同餐，早餐和下午茶其實差唔多，蛋奶素可以食蛋治。黑松露芝士厚蛋治 HK$45這裡的厚蛋治用蛋包又幾特別，不過如果你想食多士的話都可以轉，用QR Code手機點餐好多客製化選擇。餐包有烘過，酥脆與鬆軟兼備，滑蛋真係幾厚又幾滑，黑松露醬仲有厚厚一層，都幾浮誇啊！

我好鐘意白湯，所以特登試常餐嘅白汁通粉，不過真係有d失望，白汁聞落都香，可惜食落就冇乜味…唯一係佢推薦嘅炒蛋真係幾好食嘅唔想咁熱氣就普普通通order個冇烘底嘅牛油麵包，而唔係食多士

去離島玩之前食返個早餐先，難得依間早餐時段去到11半。成個menu都淨係得幾款嘢揀，所以冇乜選擇困難😂我哋都叫咗特濃沙嗲牛面，但原來要再加錢先有多士同炒蛋🤦🏻‍♂️仲要加$13因為唔知係分開所以冇多士食沙嗲牛麵啲醬好多，唔同一般既沙嗲牛。沙嗲味好濃好好味撈埋落公仔麵一流，但牛肉就冇乜特別。overall比一般茶記好味既