囍雲軒 (奧海城二期)

營業中

休息中

消費降級，很少全家外出吃晚飯，一年可能十次。最近屋苑群組大家討論附近商場那家中餐好吃，有住客話這間好ok, 雖然open rice食評一般，但假日沒有工人姐姐，咁都試下啦，讓家中兩位老人家和我及五歲小孩四人出來走走。我們6pm已入坐唔多人，所以服務周到。原本已散叫一些普通菜式，後來見到2人套餐538有龍蝦一隻，又有乳鴿一隻便立即轉軚，叫2人餐加多一隻乳鴿和一個咕嚕肉。套餐的湯是功夫茶煲倒落小杯，好清甜的湯，打開壺蓋見到有好多料，竟然在家中不飲中湯的小孩好鐘意. 乳鴿都好夠熱及味道好。跟著原來龍蝦才是驚喜，presentation 好特別，不是跟伊麵，而是有味飯加脆米，重點係龍蝦肉質好好又新鮮，兩老食得特別開心，好像發現新大陸。跟著之後的幾道菜都滿意，還有紅豆沙。我諗來吃的都是附近街坊，本商埸的人流也比較少，寫食評的很少，而且附近其他幾問餐廳退步了，這間是不錯，我覺得要平反下。

看見一張$3888手工菜單菜式幾新鮮，諗住試吓新嘢所以幫襯，點知中伏。先講服務， 13人坐嗰張枱細到不得了，大家縮埋一舊，經理仲話嗰張枱鎖14日。食到中途，發覺點解一路冇嘢飲，攞住張菜單問經理，明明包啤酒汽水點解冇出現，佢先至話唔記得攞飲品俾我哋。講返餸菜，除咗最尾的紅豆沙糖水，冇一道菜係好食嘅。-椒鹽魷魚硬到死衰過飲茶嗰啲貨色-鵝肝鮮果五層豬一大嚿凍嘅唔知乜嘢搭埋一齊，無論賣相味道都唔掂，有幾嚿冇人肯食-紫砂茶壺功夫湯，只不過係將啲湯入落茶壺裏面，有人話食到幾粒響螺碎，我淨係食到瘦肉-蟹肉巨峰葡萄係呃人嘅，首先完全沒有巨峰葡萄同埋係室溫嘅，只係用冬瓜浸咗紅色水扮葡萄肉上面加啲凍嘅蟹肉，全枱13個人只係得一個試咗，跟住其他人全部唔肯食。最離譜係上面有幾片扮金箔嘅物體，千祈唔好夾嚟食，唔知係乜嘢嚟㗎-香芒鍋巴蝦球係用脆漿包住隻蝦炸到一大嚿，又係室溫唔熱嘅而且非常硬，要剝咗啲脆脹嚟食隻蝦，當然啦隻蝦係完全冇味嘅雪蝦，我情願食白灼蝦-胡椒蘿蔔浸星斑仔果然好細條魚仔點比12人食，而且攞條星斑去炸你話有幾好食吖？-富良嘢3.6牛乳鮮奶雞個名離晒譜，作到咁大原來只係普通嘅炸子雞，仲係雪雞嗰種-最正

長老80大壽 「囍雲軒」菜式無失手，海景房有K有麻雀啱哂太后，唯一廁所要用商場差啲。🥂乳豬皮脆肉嫩上檯保持熱辣辣👍🏼🥂蒸蛋白底釀白花蟹鉗取代炸蟹鉗健康又有特別👍🏼🥂雙蚌炒西蘭花，味道不錯🥂新菜式松露蟹肉釀牛油果新穎又有特色🥂翅就一般般🥂六頭鮑魚炆鵝掌有啲睇頭，非常入味又淋滑生菜爽口很好。🥂紅燒脆皮炸子雞稍微乾身，皮保持香脆。🥂海清蒸大海班🥂最後瑤柱炒飯乾燒伊，飽到暈咗壽宴當然要額外添加壽桃包喇！一圍連酒水包加一有房都係 $5288 另加 $150 壽桃包皇太后有贊無彈已經賺咗🤭

個多月年已打電話預訂一圍團年飯，今日早上打電話去加位，職員竟然話我冇訂枱，是晚已包場，仲問我係咪book 左其他分店，我check 番電話記錄，的確有打電話去奧海城，不知道那位職員幫我留枱。最終搵左幾間才找到枱吃團年飯，以後都不會再去😤

一直喜歡奧海城分店，也推介了不少朋友。但今早卻碰到不愉快的事情。場內只有六成滿，服務員不許我們兩人坐小圓臺，說是給四人的。以前沒有這種理由！但是我看到八成都只坐了兩人。她要我們進房，那就算了，到了房又說沒有，因為全是大臺。問題不解決，之後就不理我們。服務極差！

客服經理服務態度一般.昨晚食晚飯.原本想叫這餐牌的$1680的套餐.餐牌標的是$1680組合.問客服是否以下餐單上的食物可以任叫.她說是的.問了數次都說任叫以下七樣.但原來係不同套餐價錢.餐牌標題混亂.容易中伏.

我家皇太后壽辰選均奧海城「囍雲軒」裝修同食物都令到太后滿意無投訴🤭無敵海景房環境一流🫰🏻原隻乳豬皮脆肉嫩😋上湯龍蝦伊麵大蝦帶子炒西蘭花生菜鮑魚炆鵝掌清蒸東星斑炸子雞瑤柱扒豆苗櫻花蝦蛋白炒飯，水餃長壽麵蟠桃大壽包

昨天中午至下午茶時間到食飯，又點了中午限定優惠，一直有點，味道不錯，賣相好，昨天不例外，竟然來了好似食剩的雲耳香蒜蒸班頭腩，跟我一直的完全不同（沒有粉絲）賣相差好極點！找經理問問，他按餐牌照讀，說餐牌上沒顯示有粉絲，跟住用抬上匙撥開數一數共六件以上，敷衍了事⋯⋯再跟經理傾了一會，但沒過來交代，叫他問問廚房又沒行動！舊的經理在那兒！為何此間食店忽然變得咁差！是否想趕客⋯⋯難理解今時今日有這態度，前人打理咁好！真白白浪費！希望正視有關部門吧

週末同屋企人飲茶，簡左來奧海城，因為容易泊車親戚介紹依間咁就一嚐佢的點心，來到剛好係下午茶時段，大約3點 入座。落單無耐，就被通知干炒牛河賣哂，想轉燒腩仔瀨粉，又賣哂。一肚氣，唯有只食點心。第一個介紹係脆麻花，隻皮不是用傳統皮，再加左個極有新意的柚子醬，完全破壞我的認知，真係食不下口，平時都好鍾意食脆麻花。。。之後到蘿蔔糕，唔算好脆，冇乜臘味，九流刀工，有圖有真相。糯米卷，麵包身帶甜，個人認為用錯麵包。極少花生，糯米唔好食，超差的比例。牛肉球，肉身非常腍，應該溝咗大量肥豬肉，唔好食。之後仲有粉果燒賣等等，不過不失冇再影相了。順帶一提，廳面用咗非常花巧的吊燈，好多塵，見到都唔開胃 🤮總結：好的點心師傅越來越少，咁樣嘅質素我寧願食快餐店。

我uncle日日都飲茶嘅，對食物嘅質素要求好高，價錢唔係問題，食物質素係最重要，一分錢一分貨，一分錢而家就做唔足，先講紅白炒飯，炒飯非常乾，啲飯好似冇煮過咁，啲汁就夠熱嘅，第二道菜就係芫荽叉燒腸，呢度菜就唔錯，不過餡料可以多啲，第三道菜係炒手，普普通通，啲汁唔夠味，蘿蔔糕煎得唔夠金香，蝦餃又唔好食，唔鮮味，燒賣就整到綠色嘅，完全又唔好睇又唔好食，直到我uncle唔開心，我以後都唔會食呢一間，仲有個金色糕，我情願食普普通通嘅馬拉糕。

姨媽一家來港旅行，book房訂左一圍，包房遠望海景，有一位女侍應跟進上菜，分菜，幫手影相等等服務。由於都係粵菜宴席菜色，見怪不怪。。。。。自己比較鍾意乳豬，炸奶球，脆皮雞都唔錯。整體水準還可以，服務都唔錯。*當晚睇到酒樓人流好少，生意應該唔太好，真唏噓。。。。。！！！

食母親節飯又唔知食咩好~見呢度靚靚地就book 位食飯之前係Openrice comment 話服務態度差, 其實係有D 淆低,不過都試試佢我地book 左8點食飯, 可能我地夜食既關係,成個場得3台因為人未齊, 我地9點左右先點菜9點半先叫起菜我地叫左幾樣菜:招牌叉燒: 有一個盤用蠟燭暖住黎食, 肥瘦適中, 肉質係易咬開同有肉味, 好食同有驚喜魚: 新鮮既~唔特別澳洲龍蝦伊面:龍蝦 新鮮彈牙,個汁都唔錯上湯蘆筍: 蘆筍有D苦苦地, 可能蘆筍唔靚掛葱油白切雞: 不過不失菠羅咕嚕肉:咕嚕肉係脆身,甜酸味岩岩好,菠羅甜我地仲叫左個冬瓜盅 湯 ,個湯就麻麻地服務方面其實都唔錯, 冇之前cm  講得咁差,我地一台10人,有大有細 ,其間想要D冰水 坐凍枝奶 都好幫手,其間抱住BB 四圍行都冇阻止,仲同BB 玩,小朋友 上台玩又冇出聲,最後我地食到10點半都冇趕我地走下次可以再黎, 叫返 D唔會伏既野食  

1.碗碟要自己執，轉盆上蛋糕🎂時都唔抹一抹枱面，污糟邋遢2.唔熱的⁠紅豆沙，到底你提供的係凍/熱甜品？3.我係16 人餐，由於當場投訴佢哋頭幾款餸只上了12人份量，三催四請都未補回比我哋，之後某女職員只補償了8杯杏仁茶、差點要自己入廚房斟埋尾數 8 杯4. 整枱餐，完全無人跟進係 16人餐膳，但錢照收足 16位，出餸只係12 位整餐飯，無人跟單，通知D伙計份量不足，反而遭黑面對待，特別係個高瘦黑衫男部長。我哋嚟消費，到底做錯咗D嘜？真心，無下次 啦👎🏻

1. 入座時，服務員態度已一般，杯都要提先拎黎，感覺像要客人先畀紅包才可享有應有的服務2. 訂位前已話加錢加多份量，但上菜時沒有加大，炸鮮奶之後先再補兩條，但都唔夠數，差唔多食完先再上剩餘兩條3. 跟著蝦球又係畀少，又要再少碟細再上4. 魚翅羹肯定亦沒有加大份量，分完基本上有兩三碗都是無咩餸5. 不滿後，有位男相信係經理嘅過嚟招呼，以為會有改善或致歉，但居然同之前的服務員一樣，放低啲餸就走，同佢講嘢都無咩反應6. 呢餐15人食，由頭到尾都冇主動幫我哋換碗碟7. 最後忍不住，直接向一位相信話得事既女經理投訴，佢至好似好好咁過嚟致歉，並自動送上8細杯（但我有15人）杏仁茶，完全沒有體面總結：呢啲咁嘅服務態度，仲有邊個會黎食？畀錢仲要受氣，唔怪之得啲人要離港消費，不如業界先自我檢討

間餐廳食物味道好，擺盤靚，環境都好，但係服務態度真心有待改善。一開始叫餐上菜時態度仲OK，但係個日客都唔多，9點就我地阻佢地收工咁款，一堆同事企埋一齊傾計，大聲傾宵夜要食咩。我地淨餸都多，叫攞打包盒求其比2個，再叫先再比，等我地自己裝盒，無唸過幫手。一見我地打包好，都未叫，就直接攞張單過黎要我地埋單。幫老人家慶祝生日，結果搞到有點掃興，仲話無下次。