囍囍美食

營業中

休息中

剛吃完令人失望的米線, 有點不夠喉, 給這店招牌吸引到注意, 見只有三數人在排隊買格仔餅($6)/雞蛋仔($7), 心想不用等太久, 便也跟著排. 豈料店員中只有一人在弄餅, 明明有多個爐, 卻原來只有一兩個在煮. 等了差不多十分鐘前排頭位的才拿到食物, 再多等一會前面的人才陸續買到東西, 我等得不耐煩, 差點想走. 這天不時下雨, 那兒的騎樓底不夠闊, 不大能遮風擋雨, 加上同舖在蒸飽等等, 那些蒸氣不斷飄過來, 令人難受. 還好, 我要的脽蛋仔沒有令人失望, 除了因即製使它熱騰騰之外, 味道不太甜, 兼且夠脆! 邊吃邊走著, 碰到附近另有一檔便宜一元, 數人在買東西, 大概也可以一試, 心裡記下以便下次到來. 就店子外觀來說, 我到過的那間看來較新和清潔, 實際便不得而知.

陪某人買出國的東西,行到深水埗,友人說要吃炸大腸,就點了一份一串5件,算大件,加了點甜醬就咬下去$8,不是最好吃的,不過口痕的時候吃,就已相當不錯了咬下去質感不錯,可惜炸得不夠脆和熱氣就是了

三月中旬‧陰天路經此地，記得這裡的串燒燒得不錯，來一串花枝丸。這裡的花枝丸跟蟹柳又或帶子一樣，內裡都其實是魚肉，味道是後加的，絕對是份子料理。燒得夠香，外層夠乾身。要了辣的，味道還有微甜，好吃。燒得不錯。

Stopped by in the hustle and bustle of Sham shui po for some shao mai.++++++++++++++++++++++++++++++Shao Mai:They were too soft and steamed for too long.The sauce that they put was quite spicy.++++++++++++++++++++++++++++++Chilled intestines:I DID NOT EAT THIS, but they are intestines coloured orange to make them look appealing.They are chilled and eaten with mustard sauce and the Chinese sweet sauce used on rice rolls.++++++++++++++++++++++++++++++

十二月上旬‧晴吃冷盤最掉忌是什麼？就是吃到有雪，在這裡就是這個遭遇。要了一串生腸，甜醬辣醬落齊。吃起來完全沒有味道，染了橙色的雪藏貨，算了吧。但中間還藏有一堆雪的，叫人吃得倒胃水。連一件也吃不完！

放工餓餓地，想食D香口野，見"囍囍"串燒位人流不太多，去叫了一串雞軟骨和豬頸肉。串燒個姐姐會問你辣唔辣，跟手即場燒俾你。我之前食過"小辣"，但趴趴我頂唔住，所以以後都叫唔辣。佢地D串燒唔會求其燒兩下俾你，想食好野就要等多陣啦~到差唔多得，姐姐會在串燒兩面都落足幾種香料，食落真係好惹味。首先講下串雞軟骨，我好耐未食過燒到唔會"鞋"口而又香脆的雞軟骨，之前即使在日式店叫的雞軟骨小食，都係得個咬字，無味道可言，但這裡的串燒剛好油份、香脆和味道有齊，真係要俾個GOOD佢~到豬頸肉，難得俾足料，唔會薄"CHIT CHIT"，真係爽口彈牙的質素，已經值得一讚。既然本身料靚，燒到油份略出已經好好味，加埋香料，我食完串豬頸肉，加杯野飲，已經飽左1/3。第二日放工，忍唔住ENCORE左……

行開附近買野,又有小小口痕所以就諗住買d小食止止痕買左一串腸頭其實我都唔肯定呢樣野係豬的咩部位我諗係生腸頭掛(有錯請更正)講返正題先,呢串野一食落口好脆有d似食軟骨個口感味道都好好味,夠入味價錢又唔貴,行過不妨試下

串燒好正今次食雞腎, 好好好好好香! spicy得黎又入味$8一串係貴D,但少食真係多滋味!仲有咖哩魚蛋,好正! 又大粒下次影相,因為太心急食左!

終於有得去男友果邊喇!!!!食完lunch之後,男友問我食唔食炸大腸,梗係食喇,我咁中意食!!佢好錫我,買左一串俾我!!e度既炸大腸有一個好處,就係會即炸俾你!!食既時候一定仲係熱辣辣既岩岩炸起,所以好燙口牙!!!指定動作:加黃芥辣 ;黃芥辣加上炸大腸係1個好好既配搭佢既大腸洗得好乾淨,食既時候唔會有臭味,而且又平又好味,所以成日心思思想食

每次去開男友果邊..我都必食D間既...炸大腸同椒鹽魷魚鬚今次揀左..椒鹽魷魚鬚..以前10蚊細包既..都已經有好多..E家得反好少..以前次次去到...D野都係岩岩新鮮炸起但係今次去到...已經炸好係度..而且睇個樣..好似放左好耐咁揀左包細既..過一陣先食...好硬好乾牙..而且椒鹽味唔重下次都係睇見佢..岩岩炸起先買..好食好多

佢地既魚蛋味道唔錯 , 但炸魷魚蘇就爭d 價錢公道 , 下午茶 , 治口痕都可以架

呢日收工來到呢頭睇相機，肚仔餓就買番0的小食頂下肚﹗店員不停叫賣，我就一於試下佢地既燒魷魚﹗七蚊串﹗份量沒有旺角街頭的那麼多，魷魚咬落彈牙，面層燒得卜卜脆，配上佢地既辣醬汁，絕對係好食惹味之選﹗確係好食，有機會再經過一定來多一串﹗

係附近行街又未到食飯時間,都想搵d小食頂下肚..........不如就試下lee間,眼見d燒魷魚好惹味,就要一串燒魷魚雖然唔係新鮮炸起,仲暖暖地,配合d醬汁又幾好味喎~~~生腸好爽口,一D都韌比想像中好食~~~

$7一串燒魷魚鬚燒魷魚鬚之前都食過好多次咖喇…不過今次食, 可能係2點鐘, d人都未餓, 店主仲賣緊尋晚個d舊魷魚鬚>.<點解我會知, 睇落去你就知!但係仲聞到這裡傳出了陣陣的燒魷魚香味, D燒汁雖然好惹味, 甜甜地, 不過得三條中等粗既魷魚鬚, 吃入口太韌, 太好嚼頭, 完全係咬唔到囉, 勁似係食緊口香糖, 趙左成分鐘都未食完一條, 就知道有幾硬啦! 放涼了更愈韌, 牙力小一點都不行! 以後都唔會選擇下午三點三之前買黎食喇…

行過深水埗，又經過囍囍，今次食格仔餅。佢嘅格仔餅好軟身，唔係脆口嗰種，顏色呈鮮黃，入面有白砂糖，牛油同埋粒粒碎花生嘅花生醬，軟綿綿兼蛋味濃郁，可能鐘情麵包啦，我就好鐘意喇！感覺真係好正！