嚐麥手作

營業中

休息中

今日係開學第一日，自從出黎做野後，好懷念中學果陣自由生活，所以今日戚起條筋想去探老師，探完經過一間麵包鋪，醒起呢間野之前係facebook見人介紹過，加上肚又有少少餓，所以買左個京都宇治抹茶奶油包番屋企食。京都宇治抹茶奶油包 $13平時食開既都係椰絲包，但個人就麻麻地啦~但呢個係宇治抹茶，令我好想試。食落去個包超鬆軟，D Cream有淡淡的抹茶清香，唔會太苦澀又唔會太膩，比想像中好食

平時好少買麵包做早餐既我，經開新蒲崗時加朋友推介嚐麥手作，我都忍唔住買左個黎試。抹茶控既我揀左呢個🌸櫻花宇治抹茶紅豆，麵包好鬆軟，撕開中間有好多紅豆蓉🐽同平時食開既車輪餅份量有得揮😆紅豆甜香，麵包亦散發淡淡抹茶味，早餐黎講算清新。

呢個吾系普通嘅豬仔包，佢系新薄崗新開嘅麵包店招牌:鹽可頌！為食妹梗系要試下啦😋材料用左法印麵粉，魯拜種，法國奶油同玫瑰鹽😊以天然酵母和時間醞釀～食落暖暖地，外脆內軟的☺️麵包帶點煙軔有口感！略微有點油，不過麵包帶點微鹹，就咁食都吾會好單調😌店內麵包價錢都幾平民，重要嘅系感受到老闆對整麵包嘅執著同熱誠，水準都吾錯嫁，值得一試🤓

隨着新蒲崗區的不斷發展，工廠大廈慢慢變成了多棟商業大樓再加上mikiki的落成，新蒲崗的食肆早已變天。個多月前，這裡開了間台式手作麵包店，店主曾赴台日學藝很年輕很有禮貌，見到一包包放在店內的麵粉，全都日本鳥越麵粉，這就已經加了不少分數！看報道說他們是用法國Isigny牛油同星野Hoshino天然酵母...嘩！ 夠膽嘩～～因為我都會整麵包咯！Isigny牛油產於法國諾曼第地區，過去十年多次獲獎，香味自然，很適合烘焙。日本星野Hishino 天然酵母是用米天然培養出來的，所以用它做出來的麵包會有米麴的香氣。而星野就跟白神一樣，都是烘焙達人的酵母推介首選。當然吃了他們好幾款麵包，才夠膽寫食評啦！(註：有照片的只是試過的一小部分  )他們的麵包口感很好，很實在，不會像人家美x的吃了只得一陣風般的。人們都說可頌好吃，但甜的有時真太甜、我又不太喜歡咸的鹽可頌。反而其他麵包（包括loaf）吃過後，就吃不停口！手作麵包好吃口感佳、全因揉麵團時，把發酵出氣泡按出，不斷重複這動作使麵糊分子與水分子等緊密結合，麺包烘焗出來就是好吃好質感。我吃上癮了!

經過新蒲崗見有間新開麵包舖入去八卦下舖頭細細，但見d款幾特别買左大大個健康雜糧軟包試試**健康雜糧軟包 $18 **個包超足料，材料主要有美國合桃、黑白芝麻同南瓜子，面頭有玉米脆碎，成個包食落好香。包入面都多料，口感鬆軟非常美味。(ps.門口望入去見到d好多一包包未開封麵粉:鳥越濱茄麵粉)

昨晚去開九龍城食晩飯，順便再去買包包。鹽可頌 $8 好似一個脆皮軟豬仔飽咁，外面個皮好脆，𥚃面嘅質地有點濕但好有麵粉香，好食但價錢有點貴，下次要試下甜可頌，因昨天去到已賣曬。核桃黑糖方包 $40，好墜手，一條切到7-8件，個皮亦都好脆，內𥚃質地有彈力但就吾夠香，即食還可以。葡萄紅莓 $24，個子不大，個皮系有d煙un，內𥚃組織不夠鬆軟，這個好一般。基本上，佢嘅包真系好似吳寶春d產品。

今天家姐買了1個桂圓核桃及1個無花果紅莓包回家給我試試。2款包個子不大但好墜手。首先，覺得他們的包無論質地、配搭和台灣吳寶春十分相似，桂圓核桃外脆內軟，包身好有彈性及扎實，無花果紅莓就比較普通，包身也比較淋，個皮亦都吾脆，可能因為下午買，放了幾小時才吃的原因。但因為不太喜歡吃加了中式乾果的包，所以下次要試試其他口味的麵包。

之前跟呢位老師學整麵包。已經覺得佢整麵包嘅知識好豐富。。後來知道左佢開麵包店，即刻托同學仔幫我買買咗兩個鹽可頌。兩個甜可頌。爸爸媽媽今朝做早餐都讚好，夠哂軟熟。。果然同我地學整咁好食，做麵包嘅方法來自日本。麵包嘅價錢好平民化，但係質素一啲都唔會令你失望。仲有個包裝袋，都睇得出真係好有心思。。最衰咁遠啦。如果唔係每日支持。。。

這店開幕當天，佢在門口給大家免費試食這個意大利麵包，我本人最鍾意就是意大利麵包，這間做得相當好食，所以一開始已有留意這店，但不是天天都有這個意大利包賣。剛剛老公去買早餐我食，見到這包記得我鍾意就買給我食，好開心！經過我分別不同日子去試這店的不同麵包，發現質素相當平穩地高。當撕開個包，就會望到包的密度好適中，柔軟得來是有質感的，相當之好食。一般麵包梗係熱騰騰時好食，但不熱時就會差好遠，但這店的麵包沒有這個問題，唔熱時仍然好好食。聽說這店的賣點是用日本有機麵粉製作的健康麵包店，27歲已經擁有十年製作麵包經驗的司傅，到過日本學習麵包製作技巧，哩麵包確實有食得出的不同。1. 橙皮乳酪包 - 9分 (好香橙味，加上乳酪好match，想起都好想好想食！)2. 合桃黑芝麻包 - 9分 (味道很有層次，又有口味，好豐富的感覺，驚喜啊！)3. 呑拿魚火山包 - 8分 (呑拿魚肉中加上洋蔥碎，錦上添花啊！)4. 澎湖海菜乳酪包 -8分 (口感清新，好味！)5. 芝士火腿包 - 8分 (芝士火腿焗到好香，麵包好軟，一啲都唔乾，好好味！)