嘉豪酒家

營業中

休息中

是夜中秋，因家人住附近，所以便提議到嘉豪吃晚飯。豉油雞︰估唔到呢隻雞都幾有雞味喎... 全家人都讚好... 清蒸老虎斑仔︰條魚好新鮮，而且唔『嚡』口，Very Good... 時菜煮花膠︰家人已問部長，所以都知道唔會用好靚嘅花膠。不過都係唔及稻香打邊爐食嘅花膠仔囉！不過呢味餸$68蚊，想點吖？唔好咁多要求喇...鮮菇鴨掌海蔘煲︰呢個都幾好味，尤其係冬菇，幾乎由我一個人食哂啲冬菇咁滯... 哈哈 不過就咸咗少少！奉送嘅糖水有紅豆&綠豆揀，全部人都係揀紅豆。個紅豆沙真係勁勁勁差食，我懷疑佢地唔係用片糖而係用冰糖煮，個味超級勁怪！我吞咗一啖都已經算好好喇！ 評分原本想俾笑，不過最後都係選擇俾Okay！都係因為個糖水影響哂囉......

是日出發澳門前找個茶樓吃午市點心,這間嘉豪酒家位置於上環皇后大道中較少人至的地方,應該主攻的是附近住客和寫字樓午餐客味道平平,叉燒餐飽是翻叮物之餘,其飽底更濕了,令到賣相和口感都好古怪其他食物只有可接受的質素,沒有甚麼特別服務方面,經常有"扮睇唔到"的情況出現,唉!

今晚與幾位朋友有事相討，由於各人公私事務繁重，不限時段的任食火鍋正是首選，貪其可以邊吃邊等，又不怕被催促離場。最後我們選了人流不多的中上環，相聚於嘉豪酒家。酒樓佔據商場一樓大半位置，面積闊大寬敞，客滿能容下數百人。裝修方面，酒樓為傳統中式酒樓格局，紅地毯配上珠片吊燈，大堂盡處也是格式一致的小舞台與紅底金字的囍。由於是街坊酒家，這裡的菜式及價格均以大眾化定位，晚市還有任飲任食的火鍋，每位連湯底及其他雜項只需近百元，而且亦無時段限制，廣受一眾街坊歡迎。我們亦選了任食火鍋，邊吃邊等未到的朋友。 湯底：選了皮蛋芫茜湯底，芫茜味不算重，但卻不見皮蛋，最終要另點皮蛋放在鍋中充撐。 新鮮海蝦：入座時六位贈送兩碟的，如要另點則每碟 $8。海蝦新鮮味甜，肉質亦很爽口，很好。 肉類：肉類選擇不少，但火鍋最受歡迎的美國肥牛質素只屬一般，色澤較暗啞，有幸味道不算太差。反而鮮滑牛及駝鳥肉較為可取，畢竟比較新鮮。 丸類：有一般預購的黑椒牛丸、龍蝦丸及貢丸等，但最吸引卻是這裡自家製的手打墨魚丸，當然也是新鮮取勝吧。 海鮮：其實算不上有甚麼多選擇，最後點了個脆鯇魚片及鮮魷片；前者尚算新鮮可口，但後者賣相在水準之

例湯：菜乾瘦肉湯，略鹹，一般叉燒：肉質夠腍，幾好食三葱蒜香骨：和餐牌上的相片完全不同。蒜香骨理應乾身，結果變咗「油浸」同埋無蒜香味花膠鵝掌：普通蒸魚：$38一條，12-14兩，味道肉質過得去，抵食啦海鮮雜菜煲：無乜海鮮，整體賣相一般

街坊酒家，裝潢服務麻麻，但勝在價錢相宜。琵琶豆腐：ok古嚕肉排：甜酸汁一般；肉排肉質夠腍西蘭花炒帶子：西蘭花苦的；帶子ok翡肉瓜炒肉粒：ok蒸大青斑：肉質少少鞋，以青斑來說算唔錯貴妃雞：雖是冰鮮雞，肉質不太鞋，已算不俗

魚片，基本上薄切都係受歡迎。但佢真係切到硬卡紙咁薄，係咪要讚一讚師父好手勢，切到咁薄出黎？但佢可以一碟得三塊！如果用同佢水平既角度睇，基本上你會以為果隻係吉碟，咁好在我唔食遮？如果我好鍾意食，我係咪要寫五六碟先俾多D 我架？果度既飲品係放晒o係一個大水桶度俾你自己拎，好耐之前，佢係全部青島純生細支裝，水桶放滿冰咁，拎野飲果個一定凍到手震，鍾意飲果D 一見就開心。慢慢佢加多隻叫Volar 既啤酒落去，Volar 係我飲過咁多隻中外牌子入面最難飲，同唯一會平過汽水既啤酒。去到呢幾個月，佢唔單止唔再入青島淨係Volar，而家佢衰到連冰都唔放！伸隻手入去個大水桶，比水喉水凍少少，但絕對唔會凍過其他地方任何雪櫃！飲啤酒個個都鍾意飲凍既，但佢做到咁，真係咩意興都冇晒。最犀利既，係尋晚既白菜仔。菜葉係好似浸過龍咁，菜頭係爛爛地既，放入個煲，會浮幾粒發泡膠出黎。到底發泡膠係要黎伴碟，定係新菜色，溝落D 菜度Test Market 呀～？如果有帶相機，一定影低佢，呢D 火鍋去第度應該一世都食唔倒！好多樣野飲野食都睇得出佢係想準辦法，等你D 人食少D，最好俾左錢，乜都唔好食就走。如果唔係陪老豆，打死都唔再

屋企住o係附近，加上飲得食得鍾意打邊爐，所以成日去呢間酒樓食火鍋。九點後任飲任食只係七十八蚊一位，所以吸引好多街坊幫襯。價錢平，又係任叫，有時見D 野食質素差D，好多人都會覺得，是但啦。但真係睇住佢越來越差，仲要唔係廚房越來越求其，而係睇得出佢地管理層一次又一次攪盡腦汁咁整到D 野食越來越難頂，所以先忍唔住走黎寫食評。首先講牛肉，一年前果陣，同其他食肆一樣，正正常常。慢慢肥牛由鮮明既紅白色變到淡淡地色，再變成橙橙地色一"劈"野，如果唔係見佢咁平又成日去，真係會想叫佢拎走。滑牛就好似好D，不過幾個月前開始，已經見佢加晒油o係碟到先上，仲係油多過牛咁，慌死你唔滯。但其實六多D 菜，又真係可以冇事，咁OK 啦，但尋晚去，叫第二碟果陣，佢唔再落油，轉左策略，俾三份一我。咁即係，任你叫啦？你叫夠三次，我俾一碟你，你叫一次，我分開俾，咁呀？魚片，基本上薄切都算實好咁滯

今日午飯同同事去上環瓖嘉豪酒樓飲茶,因為覺得張點心紙有野唔清楚, 於是好聲好氣問O下一個黑西裝部長或經理, 點知換來怒目圓睜一句: "上面寫得好清楚, 係你自己唔睇!"連我個好好先生同事都講句:"有無攪錯, 咁O既態度!" 以後都午餐又少一個選擇!無留意O個位人兄有無名牌, 後來見到張點心咭上寫O左個'熙' 字!

話說今晚收工同老死們到酒家樓上的波樓打豬仔波，打完豬仔波都成九點就決定來呢度食個晚飯﹗都成年無來過，全場得十台客左右，以打邊爐為多，待應當然殷勤招呼，五條麻甩佬一人點個送，價錢都係由38-50蚊不等，算便宜大眾化﹗點了蒜香骨，京都肉排，豬手，啫啫菜煲等，蒜香骨做得乾身香口，啖啖充滿蒜粒，對我呢0的蒜蓉怪來說食得痛快，一人兩件一陣就清哂﹗肉排個酸汁做得比較行貨，杰得很緊要凍左少少已接近啫哩狀，可幸肉排夠淋否則不宜沾手﹗豬手我不吃不知怎評，不過見老友夾落軟得很緊要應該是好味吧﹗菜煲一開煲蓋已聞到很香很吸引，份量亦不是幾條而係成煲滿哂，絕對值得一試﹗叫左三支大啤埋單一人接近九十蚊，0的咩加一茶芥都成百幾蚊﹗ok啦，打波後的食堂點都會再來的﹗

啤酒汽水任飲, 啤酒就係青島既, 汽水只有百事同埋7up lemon light.野食種類都幾多, 但要注意, 雞子一碟都真係幾多下, 人少好似我地咁就真係一碟都太多.推介手打墨丸同豬肉丸, 牛丸,雞片.但係d 貢丸就唔得喇.個火好猛, 加上人少食唔切d野.冇漏單, ok^^3條友, 93蚊位.

早前在上環室內運動場打完波後一行四人，阿姐提議到嘉豪打邊爐，這個是全包任飲任食打邊爐，連加一大約九十元一位，食物方面有很多選擇，連魚腐比較小見的都有，任食打邊爐送一碟有廿多隻鮮蝦，比一般酒家每位只送二、三隻較重料；任飲的飲品有各式罐庄汽水、啤酒、蔗汁和酸梅湯。因有女仕在座，我們要了較健康的皮蛋巷芫荽湯底，一般打邊爐有的煱料，如各丸類、肥牛、牛、羊肉、鴕鳥肉、各式魚類、帶子、牛栢葉、雲吞、水餃、鳥冬、公仔麵、芋絲、多種蔬菜等等都一一俱備，品種比預算中多很多，而且味道都唔錯，可以接受口既質數。我們四人連叫四輪，又冇七漏單的情况，總共叫了二十至三十碟生料，一件不淨，今晚我的戰鬥指數升至極點啦！賺咗！:-P

同個fd剪完頭髮...諗住打邊爐...到9點果時...見到好多人...有d想轉場...點知好快就有位...選完野食就等一陣啦...d牛丸唔太好食...走地雞片就幾好...and then叫左麵食下啦...點知一見到d米粉有d好似係塵咁既野...就冇食到lu!!!越食越出汗..可能唔係風口位既關係啦...食食下有d唔想食...但係我個fd就未食飽...so都係等埋佢啦...之後淨返果d我地食唔晒...幸好..佢都冇計我冇食淨果d..142蚊算抵啦...任飲任食...

20050809 1pm約了好友J 先生食lunch. 唔知食咩, 好友提議飲茶.我們倆也無甚胃口, 只剔了幾個點心.2人吃-* 燒腩仔- 燒腩仔o的皮OK 脆, 但係完全唔鹹, 肉部份搵o的肥膏睇下都無, 好奇怪, 好像燒肉皮"痴"落一舊蒸瘦肉一樣.* 雞札- OK.* 蝦餃- 比一般酒樓大隻, 但係大隻無用, 因為唔好食. 蝦肉唔彈的.* 椒鹽魷魚絲- 炸火農o左. * 叉燒腸- 漏了單, 2pm 先再落order, 等多15 mins 先有得食, quality 仲要唔多掂.service 一般, 環境就是一般街坊酒樓, 我是吸煙人士也覺得相當煙霧灕漫. 普普通通. 埋單$120, 朋友請.

今日我地5個人好遲先book檯食lunch，居然都仲有檯，平時好爆，可能仲有好多人在復活節外遊未返。我地叫左成16個點心，不過d水準好似差左bor，個酥炸魷魚鬚唔知點解較往常少左，仲有，個灌湯小籠飽個皮好厚，蘿蔔糕冇嘜蘿蔔，變得好「鞋」、好「粒」口；不過，好彩個抄手好好味，蘿蔔絲酥餅依然正，奶皇小蛋撻都唔錯。好壞參半當和啦。

好似退步左....不過...佢個流沙奶皇飽值得一試~~~