喜洋洋點心專門店

營業中

休息中

夜媽媽想飲茶食點心都唔係冇可能！元朗呢間點心小店開到好夜架！呢度免茶錢加一，點心既種類都好多選擇！食點心就點少得蝦餃燒賣、另外我地叫左山竹牛肉同埋鮮竹卷，另外叫左2個蒸飯！全部點心都係熱辣辣！而且仲大大粒！山竹牛肉口感彈牙，唔似平時食果d軟淋淋，加少少喼汁食真係好正！蝦餃同燒賣一樣真材實料！呢度既蒸飯都唔錯呀，蒸出黎夠乾身，唔會好似食粥咁！上面既配料都好豐富，我地叫左章魚肉餅同埋鳳爪排骨，加上少少豉油就已經好好味！呢度仲有好可愛嘅貓店長，原來佢叫蝦餃啊，超可愛

🍴元朗夜茶抵食之選！喜洋洋點心專門店試食報告🌙 同老婆收工特登入元朗又新街搵食，發現呢間「喜洋洋點心專門店」開到凌晨2點，啱晒我哋呢啲夜鬼！鋪頭唔算大但乾淨企理，夜晚9點幾都仲坐滿人，睇嚟係街坊飯堂冇錯啦～ 🌟必點手工點心 🦐招牌靚蝦餃（$32）皮薄到透光！一咬開成隻蝦彈出嚟，仲要爆汁，正過好多連鎖酒樓！ 🍗四寶滑雞扎（$26）腐皮包住啖啖雞肉同芋頭，淋上鮑汁超惹味～ 🐮山竹牛肉球（$26）加埋喼汁食，傳統味道冇得輸！ 🦆懷舊鴨腳扎（$26）而家好少見，鴨腳炆到超淋，懷舊派必試！ 🥚鹌鹑蛋燒賣（$26）驚喜組合，蛋香同豬肉好夾 🍲晚市套餐超抵食 （$45） 🐔鳳爪排骨飯原盅蒸飯夠晒熱，排骨醃得入味，加埋老火湯，今期係清甜嘅魚翅瓜煲瘦肉，飲完成個胃好舒服 😋 ✨全日免收加一，不收茶位費用

元朗呢間點心小店經營已久，環境樸實但充滿人情味，營業時間由早上到深夜，無論何時都能品嚐一籠熱辣辣嘅點心。相比大型酒樓，呢度更有風味，所以深受街坊喜愛，外賣訂單絡繹不絕。鳳爪紅麵豉醬香濃，軟腍，肉質嫩滑，皮骨分離。奶皇包鬆軟，餡料唔甜，鹹蛋黃和奶香平衡。 大大粒蝦餃唔會一夾就散 ，外皮煙靭，蝦調味啱啱好。雞扎飽滿 腐皮吸滿汁，魚肚淋滑有厚度，雞嫩滑。飲茶必要品嚐排骨飯，呢個排骨肉質入味，飯粒吸收醬汁非常惹味。加埋一個足料老火湯，暖胃又滋補。

喺元朗飲夜茶其實都唔係第一次㗎啦，但係喜洋洋就係第一次黎位置喺B仔斜對面，非常易搵，位唔算好多，我地都係坐喺外面，另外仲有四五檯都坐滿左。我地今晚唔算好餓，所以只係叫左幾樣我地鍾意食既點心過下口癮燒賣一定唔少得啦，粒粒都好大粒，蟹子唔算好多，但係食落啖啖肉，都幾有口感㗎另外一樣一定要叫既就係鳳爪啦！又唔怕會飽肚，又好味平時我地都比較鍾意食鮑汁鳳爪多d，因為皮既彈性會好d，而且無咁喊，但係見呢到得呢款都照樣要啦，都唔會蒸得好乾身，d醬汁都仲係包住隻鳳爪，推介最後就係老公最鍾意既糯米雞，的確係好大個好足料，但就好似有d太油膩，同埋裏面既雞肉好乾，唔易咬開普普通通啦

😋今晚食點心🥧感謝餐廳的服務😋的確好新鮮，日日自家製👍🏻蝦🦐餃真係有鮮蝦在內，勁抵食😋腸粉係叉燒，連粉皮都係老闆自己製造。皮簿，但叉燒並不馬虎，都係自己一手一腳烹煮！而且，叉燒的份量比其他酒樓的多幾倍。就算連其他點心，都讚不絕口！🙌🏻平民價錢，食到好野食，心中好滿足👍🏻

一般吃點心都是到酒樓，甚少外賣回家吃，今天例外，回家跟母親大人来外下午茶，經朋友介绍，就来這裡搅点外賣。蝦餃，烧賣，牛肉，雞紥，奶皇飽。首先要清楚外賣到家需時，已失去即叫即蒸即食嘅原味。每件点心都大大件。蝦餃、燒賣、牛肉球饀料夠鲜又飽滿，食出各自味道。雞扎包得實實，咬落吾散，令你一口可嘗到鷄肉、冬菇，鱼肚，火腿带来的豐富口感，跟吃公司三文治不無两様。最後来過奶皇飽，雖然已是由熱變微暖，包皮已硬了点，但饀料還嘗到一丝蛋和椰香味。外賣能吃到如此水準，可见師父的功力！

年初二的中午到元朗吃午餐，見又新街有不少食店已開市，就選了這間還未試過的點心鋪。兩個人點了一個飯，三個點心。章魚肉餅飯稍為不夠熱，可是味道不錯。山竹牛肉肉質很彈牙，但不知怎的就是o急汁的味道很淡。鵪鶉蛋燒賣味道還好，但燒賣下半部份，即豬肉部份很硬，口感一般。叉燒包的包面很濕很林，應該是蒸太久時吸收了水氣吧，所以口感差了一大截...總括來說，價錢雖平 (過年每款點心加$4)，但質素一般，不會再來了...

行完菠蘿山之後，我們就黎到元朗，一路搵好野食醫肚，沒有被海鮮吸引，沒有被林林總總的小食吸引。直到即蒸點心，我們即停下了腳步，走進此點心店。店面小小，直視進店內，已經可以看點心師傅在制作點心，一籠又一籠蒸好的心拎出黎，我們口水就直流。特別記錄：牛肉球讚，雖然沒有亮麗的外表，但是牛肉味和彈牙口感，為它大大加分！牛柏葉讚，蒸得又軟又爽口，低層鋪上金菇，吸滿肉汁的金菇先係精髓！

假日到元朗逛街，見到這家賣點心的平實小店，有多款懷舊點心，立刻入內試試。 這店沒有美輪美奐的裝修，點心不及新派fusion的精緻，但很有風味。點了鵪鶉蛋燒賣、雞絲粉卷及糯米雞，真是以往的味道，相信廚師是由以往一直做到現在，保留傳統做法。我很喜歡雞絲粉卷的餡，紅蘿蔔絲、芹菜絲、豬肉等，非常紮實，一點也不馬虎。糯米雞材料亦很豐富，雞件、冬菇、肉碎及切了條的臘腸，這樣雖然功夫多了但很出味，糯米蒸得透，吃多了也不怕胃痛。蝦餃新鮮出爐，當然我不會錯過，是二撇雞蝦餃嗎？形狀比坊間某些酒樓更精緻，用蝦及肥豬肉做餡，一口一件，很好吃。最後再來一碟牛肉腸，牛肉有芫茜味道，質感很好，不算很滑，但厚薄適中，兒時味道。而且是淋上豉熟油，很香。記得以往點心姐姐在腸粉車中拿一碟上枱，先淋油，再下豉油，後來才因為健康關係，大部份人都叫「走油」，香味當然會較遜色。本來見到點心牌有干蒸牛肉很興奮，可惜老闆娘表示已停做，多數人都選擇山竹牛肉，唯有放棄，真可惜，現在真的比較難食到干蒸牛肉了。還想點鴨腳扎、叉燒包、馬拉糕，下次再來吧！

燒賣，四大顆，豬肉及蝦，瘦肉為主，伴點肥肉，剛剛好不太肥膩，四顆均平均，挺美味。鮮竹卷，也是典型的腐皮包肉、菜絲、木耳般，挺多肉汁在內，屬意料之外。流沙奶皇包，較差，名字是叫流沙，然而只得極少部分是流質的奶黃汁⋯⋯其餘部分都是固體狀，包皮較厚，僅屬一般，不會再吃此包。三款點心，喝喝茶，看看電視新聞，悠閒不過。

呢間野D點心都唔知蒸左幾耐，鵪鶉蛋燒賣粒蛋硬既，叉燒包又索晒d倒汗水，蒸飯又係硬既，得個蝦餃叫正常，好彩本身冇期望，如果唔係仲慘....我去果陣夜晚十二點幾，冇其他客...佢間野開到凌晨四點為乜？

大年初一到來B仔涼粉對面的喜洋洋買外賣，先帶大家感受一下强烈的倒數新年氣氛。各款點心加四元，這就是香港過年的飲食業潛規則。 人多無位，唯有外賣。鵪鶉蛋燒賣：新鮮蛋大隻爽口，非隔夜韌皮貨色。燒賣肉底厚實。此點心酒樓已不常有，多於路邊攤出現。貴在罕有。四寶滑雞扎：腐皮中包裹著厚切火腿、雞肉、魚肚，亮點在於以冬菇代替無謂的仿蟹柳、粟米芯、芋頭，菇味滲透整件鷄扎，又吸入雞肉汁，互相輝映，真乃乾脆俐落又聰明的製作。古法馬拉糕：一字記之曰大。大件、鬆軟，有糕味，且略有黑糖香。薑蔥牛栢葉：普通。如改用黑栢葉，效果應更佳。

喜歡這間小茶館除了有點心、蒸飯、蒸包子外, 還有粥品售賣。金牌孖寶粥餐就是「是日靚粥」+任何一款點心 或 腸粉。我走運了, 粥是新鮮煮起的。材料是 稍微有點稀, 但也算綿的粥底 和 切得很整齊的皮蛋和瘦肉。味道跟份量還可以, 但沒任何值得讚揚的地方。點心則選了燒賣。應該是脂肪比例較多了點吧? 吃下去感到肉質有點不夠結實, 豬肉或蝦的味道都沒有很明顯, 再一次, 真的沒有什麼可讚揚。另外也點了 北菇滑雞飯。雞挺滑也充滿油份、北菇沒找到多少片、飯粒較爛, 缺少蒸的感覺、醬油嗅起來既不香吃下去也沒味道。雖然一點也不會難吃, 但又再一次, 真的沒有什麼可讚揚。三款蒸包子都吃過了奶皇包 - 翻熱了也不「流心」, 真可惜。叉燒包 - 沒有特別。雞包仔 - 味道真的很怪, 請你不要點。由於味道不出色, 包子也很小, 所以5元一個可以說是很貴。 就算不滿意食物, 但還是想支持一下廉價小茶館。

元朗實在有太多食肆，每次經過都會找到新的食店，今次就去了晚市點心。點內陳設簡單，就連茶都用水壺自己沖。反正晚飯未食，就點了鳳爪排骨飯及雞札；盅頭飯醬汁不多，鳳爪及排骨夠乾身，亦醃得入味，飯粒飽滿但飯香一般；雞札用上大大舊竽頭，中看不中用，冬菇片、雞片及豬皮，吃來不過不失，這類小店亦不能要求太多，來光顧的客人都是街坊多，總之飽肚便是。

由於yoho midtown附近賣點心的鋪不太多所以就揀jor lei間近近地ge幫襯鋪頭細細,冇乜裝修不過對我lei講唔算係咩問題lei間點心鋪所賣的點心款式唔多而當日我買jor雞包仔同蝦餃各一籠雞包仔-$12蝦餃-$18老實講,lei個價錢絕對係貴不過我以為係貴係佢d用料或size到點知,只係普通貨首先,兩籠點心都係唔熱,只係微暖唔知係咪因為我外賣,拎返屋企開始食已經係10min後另外,兩款點心,size都只係普普通通但都係皮厚餡少而且冇餡得lei,唔知點解個雞包仔係甜wor蝦餃入面係有一隻蝦,不過冇味,好明顯用鹼水發個皮仲好硬tim本來我都幾支持lei類小本經營做街坊生意ge點心店不過,佢真係令我好失望