喜來稀肉 (已結業)

🥚🥚🐷工業地牢風韓燒✨性價比：7.5/10🍳食物：7/10🌏環境：7/10🕺🏻服務：7.5/10💰是次消費：$ 78#蛋蛋豬 🏝地點分類: #蛋蛋豬在旺角🍰食物分類: #蛋蛋豬吃韓國菜————————自己的肉自己燒，其實約幾個朋友食韓國燒肉，一邊聊天一邊等待肉肉慢慢變熟，時間就很快過了。想起韓燒，自不然醒起這間香港韓燒界始祖 - 喜來稀肉，中學時食過一次印象不錯，事隔多年不知再訪會是怎樣呢。今次去旺角分店，要走樓梯到地牢，內部裝修的確有地牢感覺，帶工業水泥風，接待的還是一個韓國員工呢！肉類未上就可以先吃前菜，有醃蘿蔔、泡菜、酸瓜、韓式辣醬撈芽菜，爐邊有空位可以煎蛋，一邊還加入了泡菜，吃完可以再添。這家的泡菜味道不錯，辣勁十足。護心肉 200g ($158) Seorae special pork skirtmeat - 推薦*招牌菜，位於豬的橫隔膜與肝之間，是珍貴的肉類。肉質果然軟腍易咬，調味足夠，每塊都不用再點額外醬汁。200g 最後發現其實3人吃都幾多。喜來五花肉 150g ($138) Pork belly with seorae soy sauce厚切，肥膏多所以燒烤時會搶火，

喺旺角想搵中等價錢嘅韓燒，廣華街就有好選擇。今日同老婆去咗喜來稀肉食韓燒。🔥一坐低侍應就已經有四碟佐餐小食，爐邊已經準備好雞蛋，入邊仲有泡菜粒，好開胃。😋招牌菜喜來烤肉，擺盤好靚，捲到一朵花咁🌹薄片牛肉已經預先醃製過，簡單略烤已經好香。可以連埋生菜同其他坐了包住一齊食🥬豬嘅護心肉喺矜貴嘅部位，負責呼吸嘅肌肉，非常稀有。肉味香濃，略帶油花。吳家其他配料已經好好食。海鮮蔥餅，好大片嘅薄撐。入面有海鮮粒同埋韭菜，煎得好香口。食到半飽，另外仲點咗一杯柚子梳打，酸酸甜甜，中和一下肥膩感，銷滯一流👍🏻可能我哋燒肉技術一般，餐廳侍應經常幫我哋換盤，一見到差唔多食完小食同生菜就幫我哋添加。餐廳侍應服務好好，值得一讚👍🏻

喜來烤肉 ($158)經典牛肉以花瓣型擺盤，每塊牛肉厚薄均勻，沾上椒鹽口感很棒。愛牛必點！-濟州五花肉 ($180)五花肉已預先切為小塊，油脂烤過後超級香口，配上韓式辣豆瓣醬、蒜片、泡菜，包成生菜卷，超級滿足。-海鮮蔥餅 ($90)八爪魚等海鮮切粒，配上清新蔥段，蔥餅煎得表皮金黃，內裏保持濕潤軟糯，根本停不下來🤣。-蟹子紫菜飯團 ($50)超級驚喜好吃😍。以韓式鐵腕上碟，戴上手套把米飯、蟹子、紫菜抓勻，捏成小球或喜歡的形狀。好玩，而蟹子脆卜卜，增加口感，而紫菜也很香，很搭配，值得一試。-梨汁 ($20)清甜解渴，還能喝到一些梨蓉。-地道韓式燒烤，三五知己聚會一流。另外還有任添爐邊蛋，有芝士和泡菜口味🍳。

點樣食推介✨⭐️韓式燒肉⭐️⭐️旺角韓國菜⭐️喜來稀肉 地址：旺角廣華街3號百利達廣場地庫🍖辣護心肉 $168 (8.5/10) 🌟好味道🌟話說我有年暑假去左韓國半個月之後就愛上左韓國料理😂，返到黎就瘋狂食韓國菜，喜來稀肉係我keep住會回頭嘅韓式烤肉，佢d泡菜同小菜都好啱我胃口，同埋護心肉同我係韓國食到嘅一樣好食🤤，大家記得要order辣護心肉，因為會濃味好多但又唔會好辣！每邊大概燒兩分鐘，然後再剪開佢，再炒幾下就食得🤣我嘅食法就係會將生菜鋪係底，再加上泡菜同其他小菜，然後將舊肉點上豆瓣醬，最後包好佢一野塞落口度！真係超滋味😝😝😝，重點加左生菜同泡菜食會好解膩！食極都唔會啱㗎！🍖喜來烤肉 $158 (7.5/10)其實佢就係醃左少少醬汁嘅肥牛🤣，一份大概有8塊，油脂分布好平均，每邊大概燒15秒已經食得，牛肉味比較重，可以淨係點鹽黎食已經好食🤣🍖蟹籽紫菜飯糰 $50 (8/10)不嬲覺得好抵嗌嘅一款主食，其實純粹食佢已經好夠味🤣佢最好玩就係可以自己戴手套撈勻佢，再整幾個飯糰波波出黎，飯嘅份量超多，夠三個人食😝大家要注意韓式燒烤自己燒嘅話要多d技巧🤣🤣身為燒肉達人係度po埋片教大家記得要叫店員比

呢間餐廳出名食韓國燒肉 今次終於黎左試 人流幾多但好快有位 而且座位非常寛敞😬 今次試既兩個主菜同兩種燒肉都好好食😋蟹子紫菜飯團 $50呢個飯團係要自己掺伴同握出黎 整既時候都好有樂趣😂 飯加入左少少麻油 配上蟹子彈彈下既口感 值得一試！兩個人黎講份量偏多 建議多啲人嚟一齊share海鮮蔥餅 $90蔥餅偏乾身同唔太油 煎到香脆金黃 而海鮮用料比例正常 不過不失既一道菜喜來烤肉 $158呢道招牌肉厚薄一致 肉質鬆化 而且醃得啱啱好 兩人份量一碟左右濟州五花肉 $180五花肉肥瘦比例一半一半 一煎啲油脂位就變金黃🤤🤤

今日同同事去旺角百利達廣場的喜來稀肉餐廳食午餐， 分別叫左豬肉泡菜湯， 純豆腐湯， 2個湯其實有飯跟的， 所以唔洗加白飯。午餐有任食前菜， 有泡菜，白蘿蔔，青瓜。 泡菜辣度適中，非常爽口。 豬肉泡菜湯， 店員送到黎重要滾緊， 非常熱辣辣。 食的時候要小心， 豬肉泡菜湯，辣度比泡菜辣， 湯味香濃， 豬肉又多又大件， 豬肉肉質較瘦， 口感一流。 泡菜又多又爽口。 CP值極高。純豆腐湯，豆腐滑滑， 配菜極多， 食到好攰。 呢款菜比豬肉泡菜略清，可能豆腐吸收左D辣味， 但都係非常好食， 值得回味。

🤍 《一個人的浪漫 。一朵🌹的撫慰》💃𝕀𝕥’ຣ 𝕥𝚒𝕞𝚎 𝕥௦ 𝚎𝚊𝕥 𝕂௦𝚛𝚎𝚊𝚗 𝕓𝕓𝕢 ❕@《喜來稀肉》🥩 🔥 這晚沒有鮮花 沒有伴 但有這碟肉玫瑰🐮🌹陪伴共進晚餐。 ✨呢碟喜來稀烤肉（$158 ）份量都唔少，有180g，醃肉已預先調味有少少微咸甜，沾唔沾醬都食得，🥩厚薄適中，燒2，3秒就岩岩好，唔好過多啊！脂肪少但肉質都好嫩口，冇油滯感，就是您🐮了！盡情獨享它吧🤤。🍳少不了韓燒那任食的邊爐蛋@泡菜&芝士口味 ，（我說呀 服務生 你的🧀落手有點重喔🤭讓人吃得很爽耶~我是不會說我encore了多少遍的❗️）🍲另叫左海鮮牛胸肉大醬湯（$80），上枱超級💢熱滾滾，會有少量海鮮、瓜、爽彈既肉片。❕那滑溜溜的豆腐總覺得要食到燙住係口內來回滾動先過癮👅。大醬湯底咸+微辣交替，舒暢！ 肚子暖暖的，心也頓時變得暖暖的😆，可以捧住個大肚子🤰回家去了！

呢間餐廳喺旺角百利達廣場地庫，地方真係超大😆，最啱同啲fd一齊嚟大吃特吃😛😛一坐低就見到枱面已經有泡菜 羅白喺齊度，爐既邊就已經落定蛋汁再加上芝士同泡菜俾你食，不過啲蛋就要自己留意番想食嘅生熟程度，但蛋都非常之香😚燒肉就叫咗牛肋肉 豬腩肉 同埋 護心肉 （豬)，分量都非常足夠，而其中護心肉就值得推介俾大家，佢啲肉質非常嫩滑，同埋佢都比較罕有，所以呢個就不吃不可😋😋之後再叫咗個紫菜蟹子飯團🍙，白飯上面鋪滿紫菜蟹子，再加上得制麻油，簡直係色香味俱全🤤而最正宗嘅食法就係將佢摙成一個個波波，就梗能將佢啲香味揮發出嚟，非常好食🤩🤩咦呢度啲店員都值得一讚，佢哋會主動幫你換燒肉板同加泡菜👍🏻👍🏻

今晚同朋友嚟到旺角嘅喜來稀肉食韓式燒烤！之前食過一次，真係對佢嘅爐邊蛋念念不忙！ 當然其他嘢食都好正啦！不過爐邊蛋係最出色！佢嘅爐獨特之處係有3格，一格係原味蛋，一格係泡菜蛋，仲有一格係烤蒜，用肉夾住烤蒜一齊食，真係勁邪惡！ 我會將蛋烤到五成熟就反一反，啲蛋就會好滑！呢到有唔同前菜，都係免費refill的！泡菜好惹味，辣得過癮！今次叫咗3款肉，分別係五花肉、護心肉同埋牛肋骨肉！每款份量都唔少，2-3個人食都絕對夠飽！五花肉用咗喜來嘅特製醬料去醃，燒完真係超香口，肥而不膩!個爐好猛火，要較細少少火燒！用生菜包住蒜粒+泡菜夾住食，真係好有韓國風味！呢個蟹籽紫菜飯團都好好味呀！要自己搓成飯團嘅樣！勁足料！入口脆卜卜，食完一個又想食多個！

琴晚早左收工，咁岩又要去旺角買嘢，行街前去食個飯先，見到呢間韓國燒肉，門面唔錯，好有韓國風格，好似去咗韓國旅行就嚟試吓咁啦。落到去啲侍應好似都係韓國人，呢間餐廳應該都係韓國主題為主打。侍應會幫你準備好爐頭，配料任添，叫完嘢食嘢食未黎之前都食咗好多泡菜。我哋叫了一個水冷麵一款牛肉同埋一個人蔘雞湯。水冷麵分量足夠，都夠凍，我嫌佢太大碗添。肉叫咗一個護心牛肉，擺上去煎煎幾秒就要攞上嚟食，好有牛味，唔會太晏，睇得出已經解凍同埋調左味。另外叫咗個人蔘雞湯，雞湯就有兩條人蔘一大隻雞，飲個湯好夠味，飲得冇落味精，感覺好補。總而言之，雖然呢個唔係任食，但呢一個逐樣叫，但性價比都好夠。值得推介。

今日同朋友去旺角行街，行到餓餓地，朋友話想食燒肉，我哋見到OpenRice上面呢間燒肉好多人like，話有爐邊蛋任食😍我即刻拍手叫好！😝😝因為係平日又早去，所以都唔使排隊就有得食，地方都幾有風格，似韓國嘅燒肉店🤪🤪👍🏼 入去個陣枱面已經有人擺緊左泡菜，小菜，同埋會有人即刻幫你倒啲爐邊蛋去燒😍😍所以即時就可以有野食😝😝我地叫左個牛肉護心肉，朋友話係必食😍😍 燒十幾廿秒就食得，夾住生菜同泡菜超好食，食晒仲會幫你添過啲菜😍😍😍👍🏼仲有個參雞湯都超正😍👍🏼兩條大人參超足料，湯有濃郁雞味😍😍😍👍🏼 加埋啲蔥好清新😝😝👍🏼👍🏼啲雞都好夠林，所以食得好開心😝😝👍🏼總的來說，性價比幾高，可以再食🤪👍🏼

晏晝食完泡菜，今晚就即刻想食韓燒🤣好掛住依到既爐邊蛋！記得中學嗰時成日都嚟食，食極都唔厭🌟有得揀芝士同泡菜-🐮牛護心肉｜💰160我真係每次幫襯都會叫🤣由細到大都係油唔多但牛味濃，好軟淋，點鹽/醬都好食包蒜包生菜超好食超飽肚.🐽護心肉｜💰158豬個人覺得一定要食，真係好香豬味唔點醬都好好食！甚至口感同埋味道都好食過牛！一定要食.爐邊蛋真係超好食🥰泡菜同芝士都可以添🥰同埋佢地泡菜真係好食啲！佢地既小菜真係好好食，泡菜好夠辣！燒過仲甜啲，醃青瓜唔太酸又夠味，仲有酸蘿蔔清清口解解膩.店員見你枱上面嘅小菜冇會自動幫你添！好快手，添到我飽🤣-雖然係地庫但係有Wi-Fi，Qr落單好方便👍🏻.中學嘅時候依到生菜同泡菜任添，而家都冇變🤣估唔到我同男朋友最鍾意嘅韓燒都係喜來稀肉!

喜來稀肉 (旺角)📍旺角廣華街3號百利達廣場地庫韓國燒肉不嬲都係我嘅Comfort food 久唔久都要食下呢間餐廳已經幫襯過佢其他分店好多次 所以絕對有信心😚韓式餐廳當然有唔少前菜呢度都係可以任食 包括泡菜 醃蘿蔔 青瓜 生菜等而且鍋邊蛋 仲有兩款味道 包括原味同泡菜 好香好滑🍳🐮喜來烤肉$130呢度嘅招牌牛肉上枱嘅時候包到成朵玫瑰花咁好靚🌹而且好有牛肉味 質素幾高包埋生菜一齊食 可以減低油膩感🐖護心肉$150係豬肉罕有嘅部份豬肉味濃郁 肉質亦都唔會太過鞋口用韓燒方法可以煎到脆邊🐙海鮮蔥餅$90足料嘅煎餅 好多餡料煎到條邊好脆口 好有飽足感🥤西柚汽水$35呢款西柚汽水係今晚MVP西柚幾refresh 好襯韓燒呢啲油膩嘅食物

久唔久就會想食韓式燒肉配泡菜，每次想食都會諗起「喜來稀肉」😋 佢哋嘅泡菜真係好啱口味，係吸引一去再去嘅原因，當然燒肉質素都好重要啦！護心肉 $158/200g招牌菜式，亦係每次必點，軟淋嘅肉質好適合唔中意咬口嘅我😆 而且size切成一口一口，最中意就係食幾多，燒幾多，燒完即食係最熱辣辣，最喜愛食法係一口包括白飯燒肉泡菜及醬料，非常滿足。喜來五花肉 $138/150g (圖左上角)韓燒無可能唔食五花肉，要食當然就食招牌推介啦。店家用醬汁醃製過，憑肉眼就能分辨出來。由於有醬汁醃製過，所以於燒烤途中較易燒焦，但店員好快就會主動更換新嘅燒烤板，相當欣賞店家貼心嘅服務。喜來烤肉 $158/180g通常食韓式燒肉比較常食豬肉，友人是牛魔王，點都要叫一款牛。點知頗有驚無險，賣相係最靚嘅一碟，將牛肉堆砌成一朵花，肉嘅紋路顏色好靚，又係一口size👍 整體份量多，非常滿足嘅一餐。不得不提無限refill嘅泡菜、生菜，這一點很重要哦，而店員亦非常樂意幫助。期待下次再食 !

五位朋友想食韓燒，其中一位介紹了這間：位於旺角的韓燒店，店舖在地牢位置，地方非常寬敞，空間感十足，在疫情期間更覺安心。紅磚裝修，有去了韓國梨泰園的感覺作為韓燒，用了韓國直送靚肉，好正，絕對是高質韓燒，肉靚地方舒服。欣賞生菜不斷添加，而且肉質新鮮大份無欺場，護心肉不是間間韓燒有得食，而且新鮮口感好更加唔係度度有。讚想吃韓燒，值得推介及再來。唯一是冷氣壞了，冷風機唔夠涼，而且廁所好窄又無掛勾，唔太方便。其他都值得讚