唯一麵家

營業中

休息中

今日路過葵廣俾我發現原來入邊有唯一麵家😱實在開心到唔識點樣形容 以前成日都會去尖沙咀食 但執下執下就得番好小間 好可惜 難得有得食真係第一時間衝左入去坐低叫咗天津烤牛肉配菜飯 仲飲酸辣湯 老實講 真係同以前嘅味道一模一樣 仲係好好食😋份量仲要唔細 烤牛肉好多味道dd甜但又有d燒烤味咁配埋洋蔥🧅撈埋d汁食 真係好好送飯 酸辣湯入面好足料 仲有木耳豆腐果d 絕對唔係好似台灣果d酸辣湯咁水 另外想推介一下無錫小排骨 呢個又係必食 好似糖醋排骨咁 配飯或者麵都冇問題

葵芳好多美食，係人都知！突然心血來潮，想食唯一麵家個餡餅，咁就去食啦！過咗午飯時間，依然都好多人，去到等一陣就可以入坐！一坐低已經可以落單今次食咗餡餅、香茅豬扒麵、牛腩麵同豆漿！餡餅仍然保持水準，D肉好多汁，姐姐好細心，預先幫我哋剪開，唔會食到好污糟！個香茅豬扒麵，豬扒夠林又夠入味，值得推薦牛腩麵就一般啦！牛腩凍咗D！整體價錢都算合理又抵食！另外，見到牆上面D海報話，下午茶時段會有飲品送！要再去食

平時夜晚行過呢間舖頭，都見到好多人排隊，今日晏晝行過見到有少少人喺度等緊，諗都冇諗就即刻入去嘗試，點知有意外嘅驚喜。首先佢最出名嘅就係北京餡餅，韭菜味10分濃厚如果係韭菜控嘅朋友一定會好鍾意。而且佢豬肉味10分濃厚。對上一次食到咁好食嘅餡餅，我諗應該係早幾年喺北京食嘅餡餅。之後我食咗一個上海炒年糕，碟上海炒年糕，我咁講係我成世人食過最好食嘅炒年糕，因為超級有鑊氣，而且咸味剛剛好，再加埋店舖入邊嘅辣椒油簡直令到成個味道昇華。另外見到佢新出左一個四川小窩米線，我覺得麻辣當中嘅麻味10分夠。而且，配上呢間舖頭自製嘅酸菜有酸辣嘅感覺令到口感，以致味覺都10分豐富。絕對令人一試難忘。

葵廣美食雲集，而且價錢大眾化，所以吸引咗年輕一輩經常嚟呢度掃街。以往都有嚟過葵廣好幾次，每次都只係幫襯「唯一」。因為十幾年前喺沙田區都有一間「唯一」，細個時經常都會自己一個人去食。今日就搵埋男友一齊嚟返尋味啦！午市過後相對地少人，我地唔駛等位就有位坐喇！我點咗我最鍾意嘅酸辣淨雲吞（正價），男友揀咗個下午茶餐酸辣麵。原來下午茶時段揀正價嘅食品，都係同下午茶餐餐牌一樣係會附送飲品一杯同埋一份葱油餅架！太開心喇！酸辣湯一如以往都係好多料，裡面嘅豬紅同豆腐絕不欺場，係大大舊，唔係切絲架！湯底杰杰的，味道酸酸辣辣，十分開胃！當然我一個人食唔曬八粒巨大菜肉雲吞啦，所以我俾咗幾粒男友試吓味。食完碗雲吞之後，我再享用我嘅葱油餅，雖然凍咗變硬咗，但係咬一口葱油餅，再送一啖熱豆漿，真係人生一樂也！以後都會經常嚟幫襯架！

疫情之下，冇晚市堂食。今日星期日，人山人海等外賣。叫了清炒菜心，吉列豬扒小食，酸辣湯(大碗),回鍋肉加菜飯及凍檸茶一杯。大大碗好抵食!味道亦很不錯，只是味精比較重少少，食完會幾頸渴。而家外賣仲有八折優惠，好抵食!叫了咁多東西都只是$150,不錯。

香港疫情期間其實出去食飯都危險架不過見呢間午市冇咩人，台與台之間隔好遠，而且一個人坐一張4人枱，都叫坐得舒服😌我好想食擔擔麵雖然一碗成800卡！照食！叫左五香牛肉擔擔麵～湯底濃郁有鮮味，牛肉大大塊係幾正撈埋豬肉碎食，辣辣地咁好惹味係賣相唔好睇架姐😂😂😂超大碗，一餐食唔哂！於是打包走由於本身上海麵索汁索得快，而且湯本身量唔多就黎變撈麵咁，於是叫姐姐加湯點知姐姐話，呢個牛腩湯底係真材實料、新鮮熬製，要加$5～為咗醫好我個胃我就梗係加啦！埋單$58 ～🤪配一杯豆漿！

今天同家人去了葵芳 👻食完下午茶後就過去看中醫找了這家麵店 之前經過睇過個餐牌 想試吓個香煎餡餅 今次第一次來吃 😊叫了個$39下午茶常餐 個人覺得煎蛋餐肉分開上的話會較好 價錢也合理，但環境有時有蚊之仔飛過來個餡餅食完後覺得普通 不是很特別

其實唯一麪家都算我學生時代的回憶，不過回憶嗰間已經結左業了，今日嚟葵芳行街，想不到男朋友選左依間食。我地2個人，叫左3個餐😁因為咩都想試下，最後點左一個麪餐（雞扒上海幼麪）加兩個小食餐（肉餡餅和葱油蛋餅）。個面依個價錢都算ok , 面質係有口感的，雞扒幾好味，好入味🙂；而個肉餡餅，男朋友食到讚不絕口（佢極少會讚d野食好味的），皮靚肉汁香，熱騰騰 👍👍而且價廉，佢話下次來一定會再食😁至於個葱油蛋餅呢，我地覺得佢d粉比較多，厚身左，應該店內自己推介的葱油餅（無蛋）會好d😆下次試下～依間做左咁多年嘅店……售價都真係無點大增…都算係良心商店，好評！

葵廣真係一個又多野買又多野食嘅好地方~今次行完街見餓就去左食親民價上海菜😆.📍唯一麵家.🍜酸辣香茅雞翼粗麵($52)-酸辣湯好足料有好多豆腐豬紅荀絲肉絲冬菇絲🥰酸同辣都啱啱好!香茅雞翼醃得好好食!!仲會好細心咁分開上以免浸到淋左~配上有咬口又好似烏冬嘅粗麵😆好完美啊!!下午茶時段仲送豆漿添👍🥟北京煎餃($26/5隻)-皮脆汁多🤤餡料係好香嘅韮菜同豬肉~味道又調得好好!價錢親民仲要即叫即煎🥰

今日去了葵芳逛逛就不會放過食，太多選擇，有高價，有外帶，有平價。行了兩個廣場最後選了唯一麵家，可以坐下休息午膳。環境不會太迫，進入前先量體溫，確保無燒才進，夠安全。坐下來又不知吃什麼，但見到眼前食物相片很吸引，特別見到北京餡餅更想吃，因為童年就喜歡吃韭菜餅，還有選了牛腩麵配豆漿。北京餡餅：熱燙燙，碎豬肉滿滿，葱花多多，肉汁美味，外皮煎香脆口，回味。牛腩麵：上海幼麵條及牛腩分上，令牛腩保住味道，不錯！而且牛腩炆得軟腍腍，腩汁味濃郁，令肉質非常入味，只是若果牛腩夠熱就更好，因為我喜歡餸菜是熱的，冷吃有點不習慣。

Lunchtime黎左葵廣但又唔想掃街😳就揀左係地下嗰層近𨋢口嘅唯一麵家食因為lunchtime時間 成間餐廳都坐滿人仲有啲人等外賣🥡餐牌都有幾多選擇最後叫左小鍋米線🍜加左佢哋招牌腩肉餸嘅種類選擇都幾多落單時店員已經講左小鍋米線會比較耐因為要逐碗煲😳但都ok嘅如果想快嘅話就要叫水餃雲吞之類嘅食物即刻就上🤣都見好多人食佢嘅水餃雲吞麵下次都可以試吓🥳等左20分鐘後一碗滿滿嘅小鍋米線上枱🙆🏻‍♀️雖然我叫左走青但黎到係冇走到但都唔緊要啦 我自己夾返走😂😂湯底叫左小辣😂真係有啲辣腩肉應該係佢哋招牌嘅餸因為係寫住唯一腩肉腩肉上到黎係有啲厚度嘅唔係譚仔嗰隻薄身食落都幾肥😛下次過嚟可以試吓佢嘅水餃🥟雲吞麵啦

講起葵涌廣場，最出名既應該就係掃街食d小食，不過今日行到累累地就搵間餐廳坐低慢慢食啦呢間<唯一麵家>一直都有幫襯開，每次都係叫個幾樣嘢，水準都保持住，價錢亦都好貼地大眾化，所以間唔中都會黎開餐餐廳係商場地下個層既中庭位置，靠近扶手電梯好易搵到，非常當眼成間鋪頭唔算太大間，應該得拾幾張檯但坐低左都唔會覺得好迫，食飯時間有時都要等下位餐牌上面都有好多選擇，有湯麵，客飯，炒粉麵，點心，小菜。。。北京餡餅呢個我每次嚟都一定要食，好香又多汁，見到都流曬口水呀酸辣淨雲吞咁就可以又飲到酸辣湯同時又食到大大隻嘅雲吞回鍋肉粗炒我嘅最愛炒得好惹味，又係每次黎必食item梅菜扣肉菜飯 我自己覺得個扣肉係整得好好食嘅，但係個菜飯就失色咗啲囉，好似碗白飯加幾舊菜係面到咁，可以改善下3個人食左$202 蚊，抵到爛啦，非常貼地既餐廳

每次黎都一定要飲佢地既細酸辣湯，唔會好辣唔會好酸，味道啱啱好，最中意食佢湯裏面嘅豆腐🤤仲有佢地既回鍋肉炒年糕好有鍋氣，d年糕好有咬口，每舊年糕都好入味，不過怕油既朋友可能未必中意，但我就覺得已經算炒得唔油😂佢地既豆漿我就麻麻地啦，因為覺得太甜無乜豆味

今日黎到食下午茶，叫左個套餐，香茅豬扒米線跟杯豆漿！杯豆漿勁難飲,陣味勁怪完全吾似係豆漿！咁就算一杯野飲，但係另外叫左小籠包，個皮又厚又粉個底又穿左，入面冇汁，都吾知食緊乜！

呢間唯一係葵廣已經開左好多年，但係基於葵廣實在太多美食，終於可以黎試下佢啦，果然有料到 價錢係葵廣黎講唔算平的，周圍都有好多係食上海擔擔麵既舖頭，我叫左個雙併既，五香牛肉 + 四川擔擔上海幼麵，唔包飲品，要 $52 其實真係有 d 貴。所有飲品都要另加加錢先有得飲，叫飯餐就有飲品/酸辣湯跟。不過勝在牛肉夠淋，好入味，又勝在麵量好多，我都食唔曬，而且麵質好好，唔會麵糊一團團咁，條條都好分明既感覺同事叫左香茅豬排 + 唯一擔擔，我試左半塊豬排係淋既，好食既，但略嫌唔夠香茅味，可以做得再好 d ...而另一位同事叫左既回鍋肉都好惹味 整體而言，都值回票價既，味道品質都交足到貨！