唯一雲貴川風味

營業中

休息中

唯一？四味酸辣雲南米線🍜豬頭肉 豬肚 麻辣雞🐥==============================偽文青本身想去食老闆娘雲南米線 但今日遲開😭 唯有去試下食 唯一雲貴川😛 三點幾去食，店內都有好多食客 個個碗野都係紅色🙊好驚！好在唔洗等位😃.第一次去食 見到餐牌既一二三四味🙄 認真真係無概念 亦唔知食咩好 選擇困難症發作幾分鐘🤦🏼‍♀️最後都係點了四味 酸辣 豬頭肉 豬耳 麻辣雞米線😃.想不到酸辣 都是一味😅即係酸辣湯底加肉碎 酸就唔係好覺得有啦 辣就真係幾辣既 食到我流哂汗 流哂鼻水🙊(利申：平時食小辣) 個種辣係會令人想繼續食 由佢繼續辣果種😂 食到個嘴都有少少腫👄.豬頭肉骨位爽脆 有部份係軟腍腍的肥膏😅唔太敢食😀豬肚絲 爽口 份量都多 而麻辣雞 有4舊仔 辣又帶少少麻 入味 都ok既！米線爽身 唔腍 有口感 不錯！==============================唯一雲貴川風味 (荃灣)荃灣四陂坊14號地下

中辣大腸腩肉米線, 是我5, 6年前在荃灣上班時愛吃的味道, 但最近去吃覺得味道有別, 而且侍應態度也變得澳牛化了。雖然碗中腩肉依舊在惹味辣勁之中帶肉香, 大腸掛上了辣汁湯頭而入味非常。至於米線, 因為是預先煮好的, 所以在久浸之下是偏向軟腍的質地。湯底雖然很酸辛濃郁但也很油, 而且每次吃完都會異常口渴, 所以是味精米線應該錯不了。但話雖如此, 人就總是喜歡明知不可為而為之... 所以偶爾在經過的時候來一碗這樣的重口味酸麻米線還是會吃得過癮

細個果時同屋企人有時會落荃灣食lunch，想食米線一定會去雲貴川，慢慢就成為左習慣，去親荃灣都想去食😋今日11點幾去開荃灣，就自己一個人走去食，唔使排隊真係好，就叫左碗腩肉米線，其實我次次去食都叫呢碗熱辣辣嚟到，腩肉份量適中，食落有微辣，幾好味，米線都幾滑溜，食米線最重要係個湯底，而佢就除左少少辣之外，仲因爲配料有酸菜，所以酸酸地幾開胃，唔中意嘅可以叫佢走酸。三十幾蚊嘅價錢算係好抵食lu.....

去到荃灣，今次唔食串串燒啦，朋友話食過呢間幾次ok，今次就試下佢啦，一上台既係冷盤皮蛋木耳 ，呢碟既木耳同個汁係好食既入正題，個米線，我揀既係（酸辣腩肉雲吞），上到黎，無雲吞，so sad, 麵質ok，但係個湯同入面啲配料，好似雜粹禁！但係雜得黎又好淡，四個人入面，兩個要麻辣，一個要小鍋走酸，後者都仲有味過我個碗完全唔知自己食緊咩最後我係要將木耳個汁，成碟車落碗麵度，先叫有味而且其實唔平，3味送接近$50飲品，呢度賣支冬瓜茶係台灣既，好飲環境方面，差！差！差！舖面已經係………………比左個舊式冷氣機底既位我地坐，不停滴水，仲要個機係超污糟，即刻避都避唔切！一張圓型台，本身係可以坐到6個人既，但係要避開兩個滴水位，即係其實我地4個人係岩岩好，點知無無啦啦又夾硬，搭多個落黎真係傻傻地，啲野食又遲遲都唔黎，最後夾住手，避住滴水禁食服務態度更加唔洗講所以呢間我將佢歸類為無下次！食完拿拿林走人，事後好口渴

作為米線嘅忠實擁躉，廿年來食過無數間米線店，始終呢間先係我嘅至愛。差不多每星期去食一、兩次，有時瘋狂起上黎，一日食足2餐。呢間嘅米線彈牙，配料入味又美味，酸、辣、香適中。每次身在異地，最思念的香港食物就是它！作為荃灣嘅地膽，相信無人不識呢間嘅米線。荃灣既米線鋪頭十分之多，最近崛起嘅就有香車街街市熟食檔的「老X娘」米線，sell小店人情味，日日大排長龍，其實除咗配料好食之外，米線既質地根本唔合格，完全唔彈牙，擺明煮得太「淋」，根本同呢間冇得fight。至於風靡全港嘅「譚×」系列米線，酸味其實係由於落咗醋，而酸菜偏甜，點樣食都總係覺得爭d，我呢d重口味人士實在不敢恭維 。譚仔嘅腩肉其實只係用鹽腌咗五花腩，然後烚熟，食得2嚿已滯。呢間嘅腩肉就用醬汁煮到十分入味而且毫不肥膩。我亦去過雲南，食過當地嘅米線，呢間鋪頭同當地有幾分相似。之不過，其實雲南當地嘅米線遠遠唔夠呢間在地化咗既米線鋪來得符合我的口味。如果要講呢間鋪頭嘅缺點，咁就係佢年年都加價，同埋食咗會上癮。PS:食米線，叫岩配料好重要。個人推介呢間嘅: 腩肉、豬肚、雞肉、豬潤、豬脷、豬肉丸

網上看過這家米線是必試的正宗米線店之一，這次碰巧來到荃灣，身為米線控的我們，當然不會放過如此難得機會啦！不熟悉荃灣的我們找了一會路才到達，門外已經排滿長長人龍。不過當我們還未知道怎樣點菜及點什麼菜的時候，前面有位職員已經為逐位排隊的客人先下單，我們立刻慌忙看看吃什麼好呢，擾攘一輪，我們已經跟她下單了。下一步就是等位進去一試這個鼎鼎大名的米線。幸好不算排很久，客人很快吃完就走了，加上我們聊聊天，一會兒就到我們。入坐後，見到鋪內滿滿的，座位很窄，亦要搭枱，不會坐得很舒適，這也是令食客速戰速決的原因，吃完就走了。那當然，來這裡吃是吃它的味道，而非環境啦。很快地，職員問問我單的號碼，然後已端上我們的order了，效率快而準！我點的是：腐竹豆卜小窩米線，湯底香濃夠味，米線煙靭有嚼勁，腐竹很滑很多，好像吃不完的。還加入其他配料，如芽菜、韮菜、蔥花、酸菜等等，份量足料。友人點的：腩肉腐竹小窩米線，腩肉是這店的名物，試了點腩肉，本身有點辣的腩肉，令湯底也連帶變了辣辣的，腩肉入味，而且稔稔的，果然是名不虛傳！這兒的價錢雖然較出面米線較貴，但是份量及味道已經值回票價。

每一次想喝濃味的米線湯，必來。酸辣湯是必須。這裡的腩肉不肥膩，還有雲吞不是普通的菜肉雲吞，老闆會加酸菜/雪菜更會下豬油渣，雖然皮頗厚，但雲吞的內容搭夠。很可惜，這裡沒即沖飲品，那要走甜的就唯有叫Zero coke了。33元，吃得飽飽，必叫少米才吃得完。

荃灣區有好多出名嘅米線，唯一雲貴川風味係不得不是嘅米線！！！相信好多人都聽過佢嘅大名啊，每次經過都見到大排長龍，我食過咁多次，從來都未試過唔需要排隊，無論乜嘢時間，最誇張有一次夜晚11點去，都有人排緊隊到底有乜吸引大家呢？！ 最吸引一定係啲湯底啦，二佢啲配料多好多選擇，本人10分推介豬潤，超級入味！ 除咗豬膶就係蘿蔔啊， 有林又好食，誇張啲講入口即溶，冇得輸！講起環境呢就一般般啦，入得去入面坐嘅全部都係低頭密密食，因為一圍枱坐滿晒人，肥少少都撞到隔離個位，唯有快啲食完快啲走！

已很耐無食這間米線了，一個人食，很快有位。以前食2味，大約$24元左右。每1年都加價$2，每味加$1，到左今時今日，2味要$40，我覺得加價幅度很大，所以食返1味，$33算了。我覺得味道差左，以前成日都心郁郁要嚟食，食上隱。但現在，因為加價幅度大，間唔中先嚟食1次。  我叫左1味腩肉米線要中辣。今次腩肉份量正常，上次比得很少和很多碎。今次見人龍無以前咁誇張。坐位比較迫，出入坐得入唔洗比人撞倒。如果坐走廊位，會成日比人撞倒的。中辣米線，味道好似無味咁，純粹得個辣字，唔知是否因為無叫酸辣湯底1味餸，所以無湯底味呢？  唔知點解，今次食唔晒，可能味道已經唔係我以前食開既味道。如果嚟食，最好唔好著白色衫，因為很容易弄污的。

見到網上推介，今日就去左呢度食米線我叫左一碟生菜同埋酸菜腩肉米線小辣，盛惠$60蚊。以米線嘅價錢嚟講我覺得係偏貴，但係由於見到呢間舖頭好多人話好食，因此我就懶理嗰價錢。首先碟菜，一個字--油!!菜數量適中兼都幾大條下，但味道方面都係嗰啲味精味至於碗米線，都係好油!!份量好足料，有好多塊腩肉同埋成碗都係酸菜😂腩肉少少辣幾好食，酸菜都酸，米線質感唔錯但係剪得太短好難夾。辣味唔香，整體味道一般，有更好選擇。基於太油所致，返到屋企之後不停咁屙，我諗短期內都唔會回顧。PS 唔記得帶紙巾問收錢嗰個叔叔借張紙巾，佢都好願意係佢褲袋張紙巾我，幾好人

講开食米緑，講开食谭仔，朋友話米線代表喺荃灣，並已食了三十年，於是親放假，便前往一試。差幾分鐘便三奌，見門外竟然還有人龍，令信心大增。排隊期間，阿姐已幫問落定單，等了幾分鐘，便可入坐。鋪內全滿，搭枱係必然，點了兩碗三餸，酱爆貢丸酸菜豆卜小辣，肉醬腩肉豬腸中辣。入座不久，便馬上送到，超高效率。友人食小辣，便党得不只小辣，貢丸比别店出色，彈牙，米線煮的時間亦剛好，不会过稔，有口感。只我的中辣較平易过人，下次可挑戦大辣，腩肉不太肥，豬腸一般但没有嗅豬味，肉碎真的很碎很入味，且量又很多。中国式粉面以47蚊來説是偏贵，幸好真的足料。整体ok,要扣分的，要説是廚房，一看便可看到中国的傳统，地下。。。。不说了，去到便知了

今天入了荃灣拜神，昨晚已經上綱搵定有咩野好食，結果選中了這裡。今天十一點半到，雖然已經很多客，但好彩不用排隊我要了腩肉雲吞清湯底。食第一口，立即有從未吃過咁好味的米線的感覺他們的米線有彈性，但米線心又不會硬硬的，真係又彈牙又軟熟，好似有D矛盾，但事實真是這樣我選的雖然是清湯底，但腩肉有少少微辣，加上雲吞內又有酸菜，所以加起來也有少少酸辣，對我來説岩岩好。太太選了酸菜，豬腸，腐皮。我試了一舊豬腸，一D騷味也沒有下次入來荃灣，一定要來再食

鍾意食辣嘅人應該唔會對荃灣四陂坊嘅唯一雲貴川風味感到陌生，我好耐之前都食過幾次，不過事隔太耐，加上之前無好好咁用文字記低，對佢嘅味道已經有少少模糊，於是呢次外賣就買咗小辣作為熱身。朋友嗰碗配料揀咗豬腸、腩肉、豬頭肉，我就係腩肉、豬頭肉、豆卜。豬腸都幾多肥膏，不過食落香口。豬頭肉骨位爽脆，肉軟腍有膠質。腩肉肥瘦均勻，切得大片唔薄身，本身已經有明顯嘅調味，有咬口得來又鬆化。豆卜食落外煙韌內軟綿，吸滿湯汁都唔錯。米線偏粗同軟身，外賣返去嗰陣係同湯一齊放晌同一隻碗度，不過浸晌湯度咁耐都無話變得太腍。湯入面仲有唔少酸菜、芽菜同芫茜，小辣嘅湯面泛起薄薄一層辣油，仲將成碗染成紅色，睇落都幾嚇人，但飲落嘅話辣味輕微，味濃又唔會過份重口味，食完都無乜覺得好口渴。

每次經過都好多人排隊，諗住味道有番咁上下，今日見冇乜人就去試下…入到去多款配料都冇曬，唯有叫碗酸辣腩肉腐竹米線，因為偏好食辣所以叫大辣～點知碗米線上到黎成層紅油😥毎一啖都係食緊油落肚，而且一啲辣味都冇，份量偏少，味道差，衛生差，態度差下次唔會再幫襯！！！！！！！

星期日，朋友說好耐之前食過唯一米線好好食。知道之前轉咗老闆，但見到餐廳門口仲有好多人排隊，估計味道應該都不錯，就本着香港人精神去排下隊。我叫咗炸醬、豬腸、腩肉、豬肉丸米線，我朋友叫咗酸辣、腩肉、貢丸、豬潤米線，多謝各$54元正。唔明白嘅係酸辣點解係一個餸！好犀利嘅係，腩肉可以煮到好似煲湯瘦肉，豬腸好有豬味，豬潤熟到一定冇細菌，酸辣湯底，好似食緊日本拉麵超級肥美的豬骨湯底（又杰又肥），本人真係唔明白點解仲有咁多人排隊，此一不可再！