品香樓中西風味餐廳

營業中

休息中

今晚收工餓餓地，就同埋朋友一齊去搵好野食！今次去左石硤尾食中西風味既餐廳「品香樓」因為有限聚關係都唔可以柴娃娃多啲人叫多啲野食！今次最特別當然一定要叫火焰牛柳粒，仲要現場點火真係不得了，仲有必叫既凍朱古力🍫！仲有風沙雞都係推介之一，好味既真係不能盡錄，下次要去再食多次！現場環境都十分有屋村風味，小店特色，一班朋友傾下計都十分舒適！今次都早左去人流唔多，不過坐多一陣真係好旺，大家都要睇時間黎拎定位！

又是一個讀書時代的回憶，以前點點點，很懷念以前的日子。今天放工來到附近上堂，下課後跟朋友來這裡重拾昔日情懷。餐廳環境方面環境依舊，保留著一片中式茶樓的風味。餐牌方面，九點半後依舊保持特價粥粉面飯。但也添了一個特色，就是模仿了薩利亞的設計！有個按鈕，不必再舉手示意，而是按一下按鈕，就有專人來到你面前，替你下單。食物方面點了1）螞蟻上樹；2）蜜椒牛柳粒；3）椒鹽黃金粒；4）凍朱古力等先來了螞蟻上樹，起初是想為了螞蟻上市而慶賀的，但執筆之際螞蟻卻突然退市了。原先的辣味不在，是一殼眼淚。沒有錯，此菜式的別名是辣味肉碎粉絲。就是這樣，滑滑的粉絲配合辣醬，很是惹味！於是者，很快便把它吃光了。蜜椒牛柳粒；配料有薯仔，三色椒，牛柳，不是不好吃，而是牛柳粒不太多，令整體性價比不高。但幸存的牛柳粒十分入味，黑椒味成功吸引我味蕾！最後我不記得名字了，總知是炸豆腐，爽口，件數多，成本低卻弄得好！回味無窮。同一時間點了一杯朱古力，賣相和味道跟以往一樣的好味！拿來打卡最合適了。希望可以跟 朋友一起繼續吃盡香港美食。日期：2020.10.29

讀CityU的對品香樓一定不會陌生，這裡等於飯堂一樣，我也在這留下過不少足跡，但畢業後已很少來，對上一次來已是2014年。今次我的朋友說想一起來這裡重拾讀書時的回憶。 用餐時間：9：45PM 宵夜時段 ，宵夜有特價小菜及炒粉麵餐，好抵食～ 一大發現：枱上有個召喚服務鐘，我記得很久以前來是沒有的！按下不久就有員工來落單，服務加分👍 今次點了兩個小菜，一碟炒粉麵，2杯凍朱古力：1.椒鹽黃金粒（$38）(評分：8.5/10)是炸豆腐粒，份量很多，吃下去外脆內軟，裡面很熱，吃得出是即炸很新鮮，略嫌椒鹽味不夠燶。 2.蜜椒牛柳粒（$41）(評分：6.5/10）本想試招牌菜火焰版牛柳粒，但價錢太貴，所以都是吃個平民版，但牛柳份量不多，混雜了薯仔和青紅椒，但味道甜甜地幾好味。 3.螞蟻上樹 ($41) （評分：7/10）見個名好得意，又可寓意食了可以抽中螞蟻，齊齊賺多d😂  其實是肉碎炒粉絲，炒得乾濕適中，不油膩，看似好細碟，但食極仲有的份量，味道有少少辣都幾好味。 4.凍朱古力（跟餐＋$12）（評分：10/10）來這裡一定要飲我的最愛凍朱古力，最重要是有Cream, 大大杯，咁多年味道依然無變，都

係又一城睇完戲就去左石硤尾食飯 一search 就見到品香樓名列榜首😆 仲要大以比數拋離🤭 如果多啲人食就可以試多幾道人氣菜 e.g 風沙雞 南乳炸豬手等等 我地兩個人叫左蜜椒薯仔牛柳粒🥔🧆 💰118大排檔必叫之選🥰好多都用佢做招牌菜 吾通間間都好食😶🤭 不過哩間真係幾吾錯 睇得又食得 一上枱個staff就點火表演😆 味道呢 個薯仔浸住蜜椒汁 估唔到仲做到外脆內軟😋牛柳粒又夠軟淋 送飯一流🤪粉絲雜菜煲 🥦🥬💰85雜菜煲好夠味 但係食完吾會好口渴 啲菜又夠淋啱我口味🤪哩餐有肉有菜夠哂均衡😆哩間都算坐得舒服 我地疫情期間去都坐左八成人 解除限聚後實爆滿😆到時一大班人想去食 又要排隊了

舊式卡座 木製圓桌 磁磚地板 樸實不華 一條條劃痕爬上尚算平滑的桌面訴說著數十載的歲月疫情帶走了遠道而來的顧客送走了一波波的旅人卻驅不走從小在此流連的邨民繁華褪去 小店卻不覺冷清此起彼落的談話聲仍然響亮敲擊著這舊邨訪客的思緒樓面阿姨 花髮老人 拖鞋大叔 昔香依舊.今次黎到南山邨嘅品香樓食午餐收到疫情嘅影響 餐廳嘅人潮已經退去加上冇左晚市 好多小菜嘅材料都冇入貨但好彩 招牌菜色仍然食到🙈.黎到一定要試下品香樓熱賣牌行榜第一位嘅南乳炸豬手 $88豬手炸到乾身 咬落脆卜卜 完全唔會油膩點埋南乳醬一齊食 真係香到不得了熱賣榜第一位真係當之無愧！.之後就到第四位嘅 火焰蜜椒牛柳粒 $113一黎到就聞到好香嘅蜜糖味然後姨姨會幫手點火 有香味 有得食之餘仲有表演睇真係值回票價😂😂😂牛柳粒有少少乾 但係唔緊要因為哩到菜嘅主角其實係薯仔！薯仔事先炸過 外皮有咬口 入面軟淋加埋甜甜地嘅蜜糖黑椒汁 真係絕配🙈牛柳可以唔食 但薯仔就一定要試😝.杏仁霜 $11好多人黎食品香樓都會嗌凍朱古力但我特別想介紹哩個杏霜杏仁味好重 仲非常足料就咁飲完一杯已經有少少飽😂.

今日去咗品香樓食佢嘅小菜兩個人嗌咗三個餸老實講 中菜來講佢算唔錯嘅先叫咗個油鹽水煮蜆有芹菜去腥有蜆肉好鮮甜 佢仲有啲粉絲吸晒啲蜆肉味 好正第二道菜係避風塘牛仔骨牛仔骨偏鹹 似係用美極醃過 但可惜嘅係避風塘同牛仔骨個味分開咗 如果你將啲炸蒜放上牛仔骨度就會有返啲辣味第三道菜就係冰梅骨佢係用咗燒鵝隻酸梅醬去撈排骨 甜甜地好啱送飯最後嗌多咗杯凍朱古力佢係有忌廉喺上面好濃嘅朱古力味再配有忌廉好肥但好好味下次嚟可以再試其他小菜

有朋友來自遠方，推介了品香樓，朋友預先book 左6:30pm 去到品香樓已經有枱 附近又可以拍車 好方便！今次第一次黎品香樓 絕對有驚喜！首先要推介下朱古力，味道濃郁好邪惡品香樓每款小菜大概$80 -90 到，所以大家每人點了一個小菜，有椒鹽九肚魚，風沙雞，賽磅蟹，南乳雞翼，火焰牛柳粒，魚香茄子煲，蝦醬通菜，黑松露蛋白炒飯等等 ，每款菜份量適中，有風味，好好味！

限聚令放寬了，幾個男人來到南山邨品香大牌檔吃些重口味菜式送送啤酒，聊聊天。6点45到店門口，大部份檯也還未入坐，感覺新舖比較整齊明淨。坐下侍應送上收費小吃菠蘿粒和炸花生。先來二款小吃古祖味水魷魚- 水魷有咬口，不像街市發得軟軟的水盆貨式。混上濃甜沙爹醬汁十分惹味。涼拌海蜇絲- 麻油很香，海蜇絲也爽脆。如果加入些蔥油，可能更香口。再點香口煎炸菜式送啤酒南乳炸豬手- 豬手皮不是脆的，灑上炸蒜，煙煙韌韌帶着淡淡南乳香，醮上些甜香南乳醬汁，十分可口。黃金花枝- 這邪惡菜式，咸香咸蛋黃裹着帶點韌的魷魚片要趙多幾下，送酒也不錯。芝麻蝦- 蝦膠放在小方麭上灑上芝麻油炸，買相也不俗。但油火不夠猛，迫不出麵包多餘的油份，所以很油膩；蝦膠也不爽。啫啫通菜煲- 煲上檯不夠熱，所以沒有像鄰桌那蝦醬味道發渾得理想引入，也帶咸。再來個單尾生炒糯米飯- 吃落應該不是生炒，不油，有蝦米/臘味香，炸花生很香脆，可惜也是過咸。看到很多年青人也點了飲品凍朱古力。上面舖滿鮮忌廉很吸睛，入口滑溜，味道可口，可以替代甜品。整體來講，對這餐廳感覺良好，但有些菜式過咸，性價比高。

這家位於南山村的快餐店是附近大學及居民的好去處，菜式多樣化之餘，還有足夠的鑊氣，可以媲美茶樓。平日我和家人一般都是來這裏吃小菜例如風沙雞，黃金蝦等都很好吃。今天，我獨自一人來這裏吃下午茶，叫了豬扒炒出前一丁及凍阿華田加忌廉。豬扒肉質嫩，不是很乾，出前一丁當中也加了芽菜，韭菜等，炒起來特別香，凍阿華田一上來就10分吸引，大大的一杯，上邊還加了邪惡的忌廉，當你把忌廉和凍阿華田攪拌均勻後，喝下去凍阿華田特別香滑。

久違了再黎幫襯，水準仲keep到👍🏻💪🏻宵夜時段2130開始，～40蚊一碟，仲要咁好食，去邊搵丫😎基於太耐無黎，樣樣野都想食下😂就算得三丁友都叫左6樣野😂樣樣都好夠鑊氣炸物夠脆口，唔會淋👍🏻

今晚打完波，又肚餓，朋友帶左我黎品香樓。之前聽佢地講好好味，今日終於黎一試。我地一行4人嗌左5個餸！椒鹽鮮魷，炸得都唔錯，如果乾身脆口小小就更好啦！仲有嗌左個菜，不過不失啦。唔記得咗叫咩名，但一上枱，侍應就會點火，一路熱住咁食，都幾正。不過係燒既過程中，d油會彈出黎，都要小心。D牛肉好香口，薯仔都好好味！肥牛粉絲煲普普通通，而且粉絲痴埋一舊，有點難進食。梅子排骨，酸酸甜甜,容易入口、可以一試。呢到最出名就係個朱古力，如果唔怕肥，就真係要試下啦！

以前上完堂一定會黎既餐廳，今次reu二話不說就決定左呢間餐廳，質素依然夠高，最愛係小菜，所有小菜都夠曬護氣，尤其係炸鮮魷，好正。當然唔少得杯朱古力，夾埋層忌廉飲好正！

石硤尾隱世美食👏🏻👏🏻每次經過都好懷念呢度嘅加cream凍朱，仲有南乳雞翼。呢度嘅特色就係每次叫朱古力都一定會加cream😹好邪惡啊！雖然係凍朱古力，但係朱古力味都好濃，唔會俾啲水同冰溝淡晒，加埋cream真係一流，夏天飲就夠晒舒服！另外呢度嘅南乳雞翼幾出名，雞翼一定醃咗好耐，南乳味好足夠，雞翼食落好嫩，食到停唔到口😼😻，如果再想濃味啲，仲可以點南乳醬添😻如果有經開呢頭，可以一試㗎 ！呢度嘅晚飯有好多唔同嘅小菜，大部份都炒得好有鑊氣😼

石硤尾品香樓朋友係住石硤尾嘅，咁啱嗰日大家話想出嚟聚一聚，就一於去佢屋企附近間餐廳食飯！我哋四個人都嗌左幾味餸川味蝦球我自己就好唔食得辣嘅，但係朋友話想食辣於是就嗌咗呢味川味蝦球，諗住佢隻川味係真係四川嗰隻麻辣味，點知佢只係好似甜酸醬咁甜甜辣辣嘅味道，連我呢個淨係可以食BB辣嘅人都食到，一啲都唔辣，所以大家唔好期望佢辣得去邊，不過好在就係啲蝦球夠爽口！琵琶豆腐加伊面個琵琶豆腐太硬，唔係咁咬得開，個伊面勁碎，只係錄完面剩返頭頭尾尾嘅面，夾都唔係咁夾得起，而且個調味都偏濃，太過鹹，食完之後要係咁飲水。炒花甲炒花甲都係正正常常咁，花甲冇沙，但係有好多都唔新鮮、冇開到口，花甲唔會太辣而且有配菜西蘭花炒花枝帶子西蘭花夠晒大粒顏色都好翠綠，唔會過生，調味亦都啱啱好，連埋花枝帶子同埋一啲集股嘅配搭好經典，花枝夠爽口，但係就略嫌帶子麻麻，第一就係佢帶黑邊，第二就係嫌佢太滑潺潺芝麻蝦呢個真係必嗌，記得細細個都好鍾意食，但係多數去到啲大酒樓宴席嘅時候先有得食，品香樓百幾蚊就有好多隻，雖然佢唔係最傳統個隻，但係都照食住先啦！另外我哋仲嗌咗兩杯嘢飲凍朱古力同埋紅豆好立克朱古力味好濃，而且都好多cream但係個

以前喺city讀書，好多時都會嚟到呢間餐廳食飯。呢間可以話係city人嘅飯堂。點解？因為學校行過嚟都只係10分鐘倒，仲要又平又好食呀。不過我會建議大家夜晚來食的，因為如果黎晏晝嘅話，係普通茶餐廳菜式。夜晚嚟嘅話，啲小菜正好多嫁。呢日晚市嚟到，一入嚟，循例探下體溫就坐低了。職員都好快比左餐具我哋，仲有呢碟前菜菠蘿。識飲一定係飲凍朱古力，有cream 嗰杯就係了。隔離嗰杯係凍阿華田。一到晚市，佢地ge凍朱古力上面就會加層cream 都叫有d 新意。我會將啲cream撈左入啲凍朱古力入邊一齊飲，甜d啲邪惡啲。不過呢一日朱古力嘅味就唔係好濃。阿華田都係，溝得太多水同冰，搞到有啲淡，如果重返少少味會好啲。啫啫通菜煲，呢個餸真係好香。職員會分拎住個好熱ge 煲同菜出黎，係你面前炒呢個餸。 一路炒，個煲一路發出啫啫聲，重會聞到好香蒜頭味同埋菜味。未食都覺得吸引。菜嘅配料唔多，都係就咁用蒜炒。可以食番通菜本身ge 味。通菜莖唔會炒得好林，食落口感會爽的。想食林d 就食菜葉喇。我會夾啲菜上飯度，等d 飯可以撈埋d 菜油一齊食。南乳雞翼，呢個餸真係好出色。雞翼醃得好好，連d 肉都有好香南乳味，外皮金黃香脆