品記鮮粉人家私房菜館

營業中

休息中

最近聽朋友講呢間品記超正，搞到我都心郁郁去試😋早幾日已經book定枱！位於土瓜灣但位置都幾邊，唔算方便，不過6點開始已經多人啦，所以大家一定一定要book枱!上到去環境都算寬敞，唔會有密密麻麻壓迫既感覺。坐到埋枱已經有侍應問我地食咩類型既煲，幫我地落左先，服務態度都幾好👍🏽酸菜魚好夠味！湯底香濃有魚骨味😋魚片好滑，但重口味既我覺得酸菜唔夠酸。由於我地超肚餓所以仲叫左幾個小炒。白灼粉腸好有咬口，唔會好韌，但因為係白灼既關係唔多唔少會有內臟味，食得多都會膩；炒鵝什好驚喜！而且份量對得住個價錢，仲有大量薑蔥好香口，鵝腸同腎好爽口，非常滿意；麻辣豬耳不過不失啦，叫左BB辣，辣油好香但一啲都唔辣，依然係會食到停唔到口。紅糖糍粑超驚喜，本身以前會好痴牙好難咬，點知係鬆軟煙韌！仲有好多紅糖點～隨你口味去決定甜度啦。7:30pm前埋單有88折，最後埋單$548/2人，整體呢講好值得食！會再去！

川菜同埋火鍋共惹一爐😍我哋先嚟一份尖椒皮蛋做前菜，入口凍冰冰，又香又麻，同啲芫荽一齊食，辣得好過癮！我哋order一份酸菜魚鍋，魚嘅份量非常，起肉做得幾好，少骨，入口嫩滑，而且酸菜夠脆，食落都幾新鮮！食完之後，店家會幫我哋加入雞湯，就開始打邊爐，我最愛就係手切肥牛，件件都佈滿雪花，而且新鮮，有牛味又有口感❤️朋友介紹呢度確係唔錯，地方舒適寬敞，好適合聚會，三五知己烚吓烚吓傾吓計，係幾舒服！咁啱我哋今日早收工，走嘅時候先見到，仲有早鳥優惠添，7:30 前結帳離座有八八折😍好surprise！

親戚帶咗我哋去呢一間人氣火鍋店食晚飯🍽, 地方舒適又寬敞, 幾適合朋友聚會~ 當晚我哋冇訂枱, 不過 Walk-in都唔難攞位~ 天氣轉涼, 又到圍住食雞煲嘅好時候! 重慶雞煲 - 雞件炒勻至入味, 雞肉肉質仍然保持嫩滑多汁, 份量足料, 越煮越辣, 非常惹味! 紅糖糍粑 - 第一次試呢個菜式, 幾特別的! 入口有好香黃豆粉味, 外層幾酥脆, 裡面軟糯Q彈, 加上紅糖, 有甜甜地嘅味道。滷水炸大腸 - 炸大腸外皮脆脆地, 滷水味夠入味呢! 香脆炸墨魚春卷 - 炸至金黃爽脆, 墨魚肉有彈牙嘅口感。

品記雖然位置唔算方便，但卻滿有人氣。去食記得訂位。人多好處就係叫多啲款，樣樣食下。酸菜魚好大一窩，叫少辣，個個都食到，酸味夠但不太麻，魚好滑，另外再加了魚片，大約$88 碟。白灼鵝腸，條條都好長 ，好難搞。不過洗得好乾淨，煮得剛好，喜歡鵝腸的不要錯過。我自己嫌佢個汁唔夠味，唔夠麻唔夠辣。但餐廳有自助區（因有火窩食）可以自己去調返個啱口味的汁。炸大肥，配啤酒，跟本係絕配，好正，食到停唔到口。薑蔥炒牛筋腩，好多蔥，好香，牛腩好淋夠入味。蓮藕尖炒雞什，第一次食，蓮藕尖好可愛。呢碟餸個味酸酸地嘅，唔知咩地方嘅菜。其實仲有好多嘢食冇影。總結：食物質素好，店員熱情，環境類似大排擋，比較嘈雜。值得來。下次試下外賣。

依一個人氣火鍋店最近啲朋友係咁講！今次到我喇！我地今次係叫外賣雞煲加火鍋配料咁番屋企食不過我見到地方都幾舒適寬敞，都適合朋友聚會依家仲有早鳥優惠八八折 7:30 結帳離座但我又想買外賣因為仲會跟埋煲，火鍋配料同埋豉油，好方便夜晚宵夜都可以叫外賣，外賣晚上11:30前落單都可以送貨材料好新鮮！而且啲肉好鮮嫩 好濃既牛味！ 一流麻辣小龍蝦同埋雞煲既味道都超級惹味 正呀 送啤酒就無得頂 岩哂鐘意食辣既朋友呀 不妨一試！

天氣凍，最好就係去食羊腩煲！今日嚟到土瓜灣呢一間人氣火鍋店，真係要同大家分享一下。因為疫情關係，而家好多時我都會外賣返屋企，好在呢個羊腩煲都有同樣嘅方法俾我拎返屋企！最大嘅咪就係而家逢星期一至四叫滿$399 ，就包九龍區免費送貨，仲要可以即日落單送貨，抵！不過就提提大家如果繁忙時間最好就早啲預訂啦，咁就包佢地一定做得切你個order！食完呢個羊腩煲，下次真係有啲想去佢哋跟餐廳現場食，睇相都好似覺得個地方比較寛敞同舒適講返個講返個羊腩煲先，餐廳跟埋個鋼盤，仲有錫紙包住餐廳，好方便而且呢個羊腩味好重，羊腩好林，仲有支竹、馬蹄、冬菇等等配料非常之多，調味好好另外仲叫咗個麻辣小龍蝦，小龍蝦可能真係非常之多，蝦肉仲好爽趣，麻辣非常惹味麻辣非常嘢味！

-屯馬開通真的很興奮 😜其實好似好少踏足土瓜灣呢個地方 今次走來食呢間人氣火鍋店 食酸菜魚一入來既感覺就覺得幾舒服 好岩一大班朋友聚會 圍爐取暖😝有幅大落地玻璃窗 能見度好高 🤣👍🏼証明抹得好乾淨7:30前埋單 可以有早鳥優惠88折添 勁抵🤤🔹老壇酸菜魚呢款酸菜魚調味幾好 系我中意既果種酸味 亦唔會太辣魚肉好新鮮 好嫩滑 仲一啲骨都無 太正啦 好岩我呢啲又要食魚又怕骨既人😜🔹海鱸魚片食完唔夠喉 同朋友另外再點多份魚片🤣同樣地好新鮮 呢款肉質更厚 啖啖肉 無乜腥味🔹炸雞皮餃子系menu見幾特別又未食過就試下即叫即炸脆卜卜 好香口 每一啖都索索聲🤩 小朋友應該愛爆💯🔹黃金皮蛋印象中今次好似係我第二次食唔係黑蚊蚊嘅皮蛋其實味道上系冇乜嘢唔同既 撈埋辣椒一齊食爽到爆😋

天氣開始凍啱晒去打邊爐 今次就揀咗呢間人氣火鍋店 地方舒適寬敞 啱哂同成班朋友嚟慢慢食吹下水🤣▫️ 古法羊腩煲($288)羊腩煲炆得好腍好入味🐏 仲有好多枝竹蔥同埋冬菇作為配料▪️本地手切肥牛 ($288)肥牛油脂分布平均 食落入口即溶 牛味亦好香濃🐮 切成薄薄一片 淥幾秒就食得🤤▫️香脆炸墨魚春卷 ($88)墨魚春卷炸得外脆內軟 內裏嘅墨魚滑亦好足料🦑啱哂用嚟送酒🍻埋單嘅時候仲有八八折好抵😍 只要係7:30前結帳離座就可以享有優惠

天氣轉凍 最啱食火鍋今日嚟左土瓜灣行行下見到品記食物選擇好多 決定試下 果然冇簡錯環境好寬敞光猛舒服岩哂一班朋友黎聚會傾計如果7:30pm前結帳仲有八八折 好抵食先上前菜#涼拌海蜇頭非常惹味又爽口小辣 食完更加開胃#豬骨煲非常足料 配料有雞腳 粟米 白蘿蔔豬骨非常入味 肉嫩鮮美奶白色的湯底非常濃郁 淡淡白胡椒味道好岩秋冬天氣飲飲完覺得好暖胃#自家製韭菜餃一份12粒 粒粒都漲卜卜皮薄餡靚 整體黎講 環境舒適 價錢合理服務同食物都優質 非常唔錯

今日去咗朋友新居參觀🥰，之後喺佢屋企附近食埋嘢先走天氣涼涼地最好就係叫個羊腩煲食勒！古法羊腩煲$288羊腩肥美肉厚，肉質好軟腍 ，入口唔膩，食完好暖胃呀！白灼粉腸$58呢味係朋友叫，我都係第一次食，粉腸洗得好乾淨，食落鮮香嫩滑，越食越滋味😋滷水炸大腸$88我超鍾意食炸大腸，見到呢度有即刻叫嚟食，炸大腸整得好入味，炸到外脆內軟😋最緊要係冇臭味，超正！麻辣小龍蝦🦞$128朋友鍾意食辣，所以叫咗呢個小龍蝦，蝦肉肥美鮮嫩又彈牙，配埋啲麻辣汁好好味原來7:30前埋單仲有88折，好抵食呀！餐廳環境好寬敞，適合一大班人嚟聚餐，下次可以再約多啲朋友嚟食過

最近天寒地凍，最啱梗係打邊爐啦,冬天打邊爐除咗要食肥牛之外，其實最適合就係食羊腩煲😌呢啲係期間限定嘢嚟㗎嘛。呢間餐廳之前都去過堂食，地方都算好闊落而且7:30之前買單仲有八八折，不過今日就試吓佢嘅外賣速遞古法羊腩煲 $288一家人食份量啱啱好，好多羊腩好足料，炆得好淋。，但係羊腩個皮仲係好Q彈，感覺到自己不斷吞緊啲骨膠原，啲皮膚越嚟越好🤣🤣而且個汁調校得好好，唔會一味死咸，d支竹索哂d汁，好鬼正。手切本地肥牛 $288打邊爐點可以冇牛肉，手切牛就係唔同啲，真係一分錢一分貨，牛肉雪花均勻，入口即溶，完全唔會有渣，有陣時真係一碟都唔夠喉😗😗呢間餐廳最正係你WhatsApp落單就得，而且外賣仲跟埋個煲同埋火鍋豉油嗰啲俾你，叫滿$1000仲有得全港免費送貨，真係方便到暈。啱晒我呢啲要冬眠嘅寶寶😅😂

而家有屯門線，去土瓜灣都方便左好多，所以我都搵左日同朋加一齊去土瓜灣打卡，順便搵好野食。之前上網搵到呢間人氣火鍋店😆見到佢有得外賣，所以今日就叫左佢地既外賣。其實餐廳內地方舒適寬敞，都幾岩同朋友來打邊爐聚會，而且walk in好似都唔難搵位，不過當日得我同朋友2個，就冇去堂食。 外賣係用WhatsApp/網頁 落單📱而外賣係跟埋煲，火鍋配料同埋豉油，自己咩都唔洗準備，都幾方便。而且即日落單都有得送貨，但係繁忙時間最好都係提早預訂 老壇酸菜魚 我地點左酸菜魚，個鍋本身的配料都幾多，唔算太辣但幾野味而單點的配料，而單點的肥牛睇落都幾靚，食落都唔錯 *逢星期一至四叫滿$399包九龍區免費送貨*叫滿$1000全香港免費送貨

睇到社交平台廣告有羊腩煲外賣送貨，啱晒我呢啲懶人，見到逢星期一至四 叫滿$399已經包九龍區免費送貨，仲要跟埋煲，叫咗個細嘅羊腩煲$288，叫多盒自家製餃子，都係差少少唔夠數，所以加多左兩個可樂湊夠數免費送貨，加多左兩蚊要一次性嘅碗同餐具，如果免費更加好羊腩煲$288跟埋個不鏽鋼盆，包好咗錫紙，用電磁爐滾左幾分鐘就食得，夠方便羊腩煲配菜多，裏面有炸枝竹，馬蹄花菇蒜苗，羊腩夠淋，100%無骨，調味較得好好，基本上全部都係腩位，唔似出邊街嗰啲羊肉煲，同老婆都好滿意

屯馬線開通左之後，其實去九龍城嗰邊搵嘢食比較多，土瓜灣嗰邊就真係少啲，朋友推介呢間火鍋店，咁咪去試吓，咁啱今日朋友有揸車所以跟埋佢車，舖頭位於浙江街街尾，一開頭我都諗住伏伏地，居然開係的咁靜嘅地方樓下人都唔多個，上到店內發現都幾多人食飯，我哋大概8:00左右到，大概等咗5分鐘左右店員就安排入座。我哋order左一個沙嗲湯底，廣島蠔，墨魚滑，水魷魚，響鈴，最正係嗰個手切牛，睇相就知道乜都唔使講，肉質好新鮮，分量勁大碟，一開頭我哋四個人諗住叫兩碟，樓面姐姐話叫一碟先，我仲話佢睇小我哋，好彩真係冇叫2碟，整體來講CP值好高

秋風起梗係要補一補，蛇羹我同老婆就麻麻哋，所以就決定同老婆食羊腩煲，決定試下屋企樓下新開嗰間餐廳。呢間品記鮮粉人家私房菜館幾次經過都見到有唔少客，今晚6:30去到，女店員立即安排我哋入座，地方都幾寬敞，枱與枱之間唔會太迫，張枱夠大，打邊爐岩哂叫左羊腩煲$288送時菜羊腩煲配菜足料勁多枝竹，仲有蒜苗，馬蹄，冬菇羊腩大部分都有皮，又夠淋，好味兩公婆仲叫左2個小食白灼鹅腸黑牛栢葉$88鵝腸夠肥夠爽脆，口感幾好涼拌青瓜$28個人覺得可以再辣啲同埋酸多少少凍檸茶一渣大大渣抵飲