咪咪茶餐廳

營業中

休息中

Chef Ecy’s Dining Experience:🥰 Food | Easy Access | Service | Price | Corkage Fee | Easy Parking | Cake Cutting Fee | Wheelchair 🙂 Ambience | Restroom Cleanliness😠 Pet FriendlyThis restaurant is located in Sheung Wan at street level, so wheelchair is ok. You can take bus, minibus, tram or MTR there. It is just 2-min walk from Exit A2 Sheung Wan Station. If you drive, there are many meter parking in 蘇杭街. This 茶餐廳 is not big at all, only a few tables. They serve set menu for breakfast, lunch and

住呢區咁耐，平時好少食「咪咪」，因為燒味鍾意食义燒同燒肉多，好少食鷄。同埋平時好少寫茶餐廳食評，因為頹飯冇乜好寫。點知有一日諗唔到食乜，見呢度lunchtime快手，所以試吓個招牌菜「鹽焗雞髀飯」同「油雞髀飯」，冇諗過有意外驚喜，好得！！ 我屋企人仲笑話佢其他嘢食都係普通，但唔知點解個雞飯咁出色！！鷄肉多肉同滑，好入味，性價比好高，冇諗過佢個鷄質素出色過泉章居，用外賣app order外賣自取價錢仲要好抵，其他地方買一盒呢度可以食兩盒。搞到我上癮突然鍾意食鷄，連續食咗幾日lunch。另外要超讚佢地嘅「檸樂煲薑」，因為作感冒病病地，周圍搵檸樂煲薑，好彩佢哋有，冇諗過佢地咁捨得落咁多薑，跟餐仲要唔洗加好多錢。其他食物真係頹飯，但「鹽焗雞髀飯」同「油雞髀飯」，「檸樂煲薑」好有驚喜，好味，推介！！

今次係收工後經過諗起好耐無食，突然好掛住佢d雞裨飯，然後走入去食，好難得喺上環食到平價得黎又真係好味嘅雞裨🥹🥹🥹🥹👩🏻入到去姐姐都叫我隨便坐，好nice！🍚叫左個油雞裨飯，又有湯又有飲品，印象中其他飯$45左右？如果係裨就再貴d✨🥤飲品叫左凍0T 每次去都係坐入面，因為外面已經full曬，不過入面冷氣就凍左dd👍🏻讚：油雞裨無得輸，蔥油😍🥰🫣改善：d飯偏軟🤫回頭：下次依然會食飯呢個😍

近排夜晚返工，無乜選擇，試試佢個馳名咖哩雞球飯，食落真犀利，僅有嘅2舊肉就係雞翼尖對上嗰少少部份，講真你好唔好意思呀？返通宵前搞啲咁嘅嘢，呢啲時勢仲要咁對待香港人，你哋自己諗下。永不錄用基本上平時唔會寫，所以無改用户名，但真係過分，不吐不快

平日唔知食咩, 最好就係去茶餐廳食個常餐🤭 簡單飽肚, 隨時食得🤭 呢間茶餐廳環境雖然一般, 但常餐都抵食, 份量可以飽足全日😅最鐘意叫常餐, 最愛五香肉丁腸仔通粉, 配上太陽蛋🍳 + 超脆又多牛油多士🥪, 加埋杯茶味極燶既凍檸茶🤭 正到爆呀🤩 試過奶茶, 咖啡.. 都唔及檸檬茶吸引除左茶餐, 其實仲有好多茶餐廳食品, 仲會有早餐, 午餐, 下午茶...下次經過都可以試一試! 但提提, 衛生唔係特別好, 都係一般舊式茶餐廳咁呀!

去過咪咪好多次，每次都忘記影相，去得多似飯堂，反而不會想起想食評😅😅.總體而言，✅經濟實惠，✅款式多，✅快。.午餐大致上每天一樣，都有10款，$43，包一個碟頭飯、一碗湯以及一杯飲品。..午餐當中的梅菜蒸鯇魚不錯，我不喜歡食魚的，也覺得可以。梅菜增加胃口，每次我又好好彩都有魚腩部分，啖啖肉少魚骨。.後來發現，原來都可從散叫的餐牌，午飯時都會送飲品。👍散叫的碟頭我最推介咖哩牛筋腩，咖哩惹味微辣帶起咖哩味。連我的西人朋友都好喜歡，次次都叫這味。.💖西多士是咪咪另一項我好喜歡的，西多士內有花生醬，炸得剛剛好，不會太燶，外脆內軟。.👇下午茶餐都好可選擇。.今次記得影相的並非我最喜歡的😅原汁牛筋腩飯午餐 包湯及飲品 $43👇餐湯及飲品

健康餐。。。不其求質素這算飽肚。服務態度：點完餐好快送上例湯，食物都非常快到，應該係已蒸好。但漏咗我柸茶，得幾張枱有客但幾個職員都無發現，我食晒蒸魚，飲埋個例湯，我忍唔住要出聲追。環境方面：兩邊卡位幾10張，衛生普通。食物質素：飯太淋，例湯味精較重，梅菜蒸魚，我覺得貨不對辦，我心中梅菜不是這樣，可能我不夠常識，但蒸魚味道較淡，不腥，如果有薑味會更好。菜心我無預期會有，菜心是用熱水烚的好健康。如果想要健康這個蒸魚飯啱晒。性價比：43蚊尼講真係算食得飽。總結：如有其他選擇就不會光顧。好味指數

上環平平靓正抵食好食家茶餐廳真系唔系好多。食呢間咁嘅嘢最m，最抵，只系43蚊only，就有碟飯，有中湯，仲有熱飲。食落去，雖然喊小小，但系呢其實都冇乜大要求。男人的浪漫，豆腐火腩飯，正。中湯亦多渣

呢間咪咪茶餐廳，我印象中喺中上環呢頭，都至少有返廿幾年歷史，睇開我啲文章嘅，都知道小妹抗疫左好耐，好耐都冇同同事一齊食飯，今日繼續各自外賣自取返公司😄佢每日都有A至I，九個餐選擇，選擇都算多＄43，豉油雞飯＋檸檬茶熱飲～阿姐好好人，我話想多蔥油，佢真係俾好多我，但係當我食第一啖雞嘅時候，我就後悔喇😭點解可以咁咸，豉油雞唔係應該甜甜地嘅咩！我問啲同事，佢哋話平時唔係咁㗎喎😭睇嚟係今日廚房落鹽落得重手左！希望佢哋可以改善啦，始終喺中上環，呢個性價比係唔錯嘅🌟

公司附近嘅茶記～咪咪茶餐廳🍴！公司好多同事都係佢嘅熟客仔，所以茶餐廳每日 都會Fax一份佢哋嘅餐單俾我哋，每日都有A至I餐選擇。今次我和同事一齊加班，就叫左外賣自取嘅晚餐。星洲炒米～見到我幅圖，都知佢嘅份量有幾多，一打開個盒，啲米粉多到瀉晒出嚟咁滯😆，材料有芽菜、火腿、叉燒、蝦仁、雞蛋，今日廚師明顯炒得好好，夠乾身之餘，咖喱味啱啱好，又唔會太鹹太油👍👍真係要俾個讚佢梅菜蒸鯇魚～鯇魚份量就夠哂，但梅菜其實應該要多啲，如果唔係同清蒸鯇魚差唔多😅總括嚟講CP值係高嘅🌟🤗

🤬🤬🤬食物:叫左個公仔面食，唔錯，食物Ok的價錢也算可以，大份，一定飽環境:前區比較細，入面有大廳服務唔咸唔淡廣東話既阿姐，還算有禮貌事情:有個唔知侍應定老闆既阿伯唔帶口罩周圍行再大聲講野，之後我聽到有個阿姐叫佢帶佢先帶。但睇相啦，絕對無1.5m，門口寫到量體溫又舉報熱線，咩都無做。係咪方便食客出番黎舉報呀?之後入左2個無衛生既客，自己周圍坐，似熟客，一黎就問點解唔一齊坐。有個客仲打晒乞嚏還好未除口罩，搞到我最後未食晒都拿拿聲走，完全無人帶d客點坐。聽說初期有侍應鬧黑衣人，之後太子出黎講話侍應立場唔代表本餐廳。早餐係ok既，不過唔會再去喇

星期六返工由於搭唔到平時特別班巴士，咁會係距離公司比較遠的地方落車，一路行返去都有唔少餐廳比我選擇，今日就㨂左佢：咪咪茶餐廳咁早餐都係個幾味，ABCD餐咁，今日想食麵就叫左個炸菜腸仔麵再+杯例牌熱奶茶個麵有驚喜喎，我都無叫出前一丁，但個麵個質地就好似係，連個湯底都似十足；腸仔炸過先放落麵，呢樣真係加分比佢，炸菜一般不過不失啦，如果再辣些少就更好；杯奶茶好滑好濃今餐盛為$30環境都係一般茶餐廳，不過係乾淨嘅同場加影2個伙記（好似大廚同水吧閙交不過閙完又繼續工作）

因為想食叉燒奄列入左來（同埋開頭以為呢間係黃店，聽講老闆娘話佢背左願榮光歸香港，但可能只係老闆娘係黃）。講返正題，圓檯坐左個輕度智障的食客，佢唔係特別食得慢，半個鐘左右食完，只不過間唔中會自言自語，個阿姐叫佢“食完快啲走啦，啲客都唔敢坐你隔離呀”，我心即刻小左一聲，我隔離都換左一轉食客（同檯），根本無人唔敢同佢同檯。唔知阿姐憑乜野咁樣歧視人。其實阿姐對其他客都有呼呼喝喝，我聽到己經食到背瘠骨落。咁樣蝦一個智障人士，我唔會再來。（仲有我叫左杯茶走，佢唔識落左熱奶茶，杯茶來到我問係咪茶走，佢話係呀咪熱奶茶囉，好在有另一位阿姐幫我換返。）

堂食lunch， 食咗半個鐘都唔夠， 有客人入嚟冇位， 我坐卡位嗰個係四人位， 我對面都係坐住一個人， 個阿姐突然走過嚟同我講：“ 睇手機返公司睇， 坐入去啦，系甘掛住睇手機，翻公司睇啊嘛！” 雖然都係啲噏耷茶餐廳， 我唔會expect佢服務有幾好， 不過我想講我唔係佢個囡羅， 同埋同客人講嘢唔係咁嘅語氣。 我對面嗰個夠係一個人唔叫佢讓？ 話我掛住睇手機，我坐低都唔夠半個鐘， 如果唔比睇手機嘅，請佢喺入嚟之前同我講明。 如果覺得我掛住睇手機食得慢，阻住佢做生意嘅， 佢哋可以寫住堂食限食半個鐘吖。 我明白食飯時間多人 ， 你叫我讓位我唔介意， 但係如果咁樣嘅態度同語氣， 真係好冇禮貌！ 同埋我坐低咗半個鐘都唔夠， 佢就嫌我食得慢阻住佢哋做生意 。乜嘢垃圾火記 同垃圾態度。 永世唔會再幫襯

港式茶餐廳眾所周知都是快食快走，價錢相宜，所以侍應態度惡劣也是「應該的」。一次到咪咪茶餐廳，剛好點了一個全日常餐，由於繁忙時間，所以我點的全日常餐即使只是比午餐平幾塊錢而受到冷言冷語。的而且確！那位嬸嬸跟我說：「咁鬼忙仲叫咁平！賺你幾多錢？」我認為，既然是全日常餐，大可以在繁忙時段加價或是直接收起餐牌好了，何需如此出言？今天，因為很多地方都滿客，唯有咪咪不用排隊等候，今次常餐餐單表明了繁忙時段加$2，我點了一個常餐 $40！吃到中途 看到碗裡剛好有條東西！直接問侍應是蟲？ 侍應一如既往惡劣回覆 ：「唔知呀！我哩度冇蟲賣！」講完就走開了！我只好飲下剩低的凍檸茶！喝到一半，那位嬸嬸再次經過我身旁！她說：「你以為你食緊千幾蚊個餐咩？」然後我只好委屈的走，那條是不是蟲也與我無關。反正我再也不會去，而她亦不稀罕我這稀客！這位嬸嬸明顯是老闆的親戚，所以態度才會如此囂張，我吃的是茶餐廳食物，不是吃服務，我要求並不高！但也不至於受到這樣的冷言冷語！附圖！