影片
更多
2019-09-30
924 瀏覽
因為想食叉燒奄列入左來（同埋開頭以為呢間係黃店，聽講老闆娘話佢背左願榮光歸香港，但可能只係老闆娘係黃）。講返正題，圓檯坐左個輕度智障的食客，佢唔係特別食得慢，半個鐘左右食完，只不過間唔中會自言自語，個阿姐叫佢“食完快啲走啦，啲客都唔敢坐你隔離呀”，我心即刻小左一聲，我隔離都換左一轉食客（同檯），根本無人唔敢同佢同檯。唔知阿姐憑乜野咁樣歧視人。其實阿姐對其他客都有呼呼喝喝，我聽到己經食到背瘠骨落。咁樣蝦一個智障人士，我唔會再來。（仲有我叫左杯茶走，佢唔識落左熱奶茶，杯茶來到我問係咪茶走，佢話係呀咪熱奶茶囉，好在有另一位阿姐幫我換返。）
張貼