咖啡廳

營業中

休息中

友人要食自助餐, 但個人沒有什麼興趣。這店同時有自助餐和單點食物，我們可各適其適。有人聚會重點是坐得好。訂枱時要求職員盡量安排近窗口位，當天的位置舒適。很適合我們聚會傾談。以中午來說自助餐選擇很多，冷盆款不少，而且不用排隊，熱盆竟然出色。飲品除－般普通coffe or tea, 餐廳供應特色咖啡，例如espresso 等，cp 很高。當天他們預訂，朋友很滿意。個人當天 à la cart 選了橄欖油炒意粉加蝦。因沒看清楚配料有辣椒，嚐到意粉al dente ,但加了辣椒吃不到。當下只有請侍應給食物盒帶走。但侍應很快就查詢，雖不是餐廳問題，仍主動為我轉換其他食物。於是轉了公司三文治三文治配料非常豐富。這間餐廳的服務很好，令人賓至如歸，值得一讚。

餐廳職員態度親切有禮 食物有質素 地方好清潔 環境舒適 取餐區好乾淨 😊👍🏻蟹腳新鮮唔會死咸 生蠔不停供應 每次可取三隻（不會吝嗇）刺身好新鮮有三文魚,甜蝦,熟食唔太多 不過每款都熱辣辣 牛仔肉烤得恰到 唔會太熟 甜品蛋糕 🧁 真係唔hea 😁要彈嘅就係每人只有一杯飲品 如果有果汁咖啡機就至理想😆個人會再去餐廳 是次感覺良好👍🏻👍🏻👍🏻

下午自助餐好抵食有長腳蟹同生蠔已經唔係第一次嚟呢間食每次我地都係食下午自助餐今次我哋喺同同事慶祝生日下午都一樣有長腳蟹食，仲有生蠔🦪任食當然唔少得新鮮刺身，甜蝦超鮮甜仲有好多熟食同超多甜品選擇啲甜品多選擇到呢😂食完甜品仲要食生果同食雪糕呢度嘅牛扒嫩到不得了仲有不停fill嘅龍躉最鍾意佢有中西式兩款湯用匯豐埋單仲有8折添三百幾蚊一個人，以咁多選擇嚟講，唔算貴咖啡廳 (尖沙咀)尖沙咀彌敦道20號香港喜來登酒店2樓

位於喜來登酒店的2樓咖啡廳，自助午餐中午12點至下午2點半，靠近門口是刺身同沙律，刺身有吞拿魚，甜蝦，三文魚，沙律有吞拿魚沙律，粟米沙律，藜麥沙律。鄰近生蠔區，新鮮生蠔，每次限攞3隻，是外殼長身，肉質鮮甜，天然的鹽味。海鮮拼盤大大盤，有長腳蟹，翡翠螺，凍蝦，長腳蟹肉質鮮味，啖啖肉。是日中湯係西洋菜陳腎豬骨湯，飲完口腔好舒服，西湯係蕃茄蘿勒湯，滿滿維他命C。由師傅即切的牛扒同羊脾，牛扒熟到岩岩好，羊脾唔蘇，肉質好易咬開，呈現粉紅色。由廚師即煮的巴馬臣芝士意粉是一大亮點，意粉加熱一兩分鐘，放入芝士輪 再加芝士粉用火槍輕輕加熱，就形成好香濃的芝士意粉。熱食一大賣點蒸海躉更是一直供應，好滑的魚肉。紅酒煮牛尾都十分入味。即煮豬骨拉麵除左日式叉燒仲有選獅子狗，鳴笛卷，昆布。甜品有香脆葡撻好脆皮，日式芝士蛋糕好綿軟，藍莓芝士蛋糕等等。餐廳可以選一杯，值得留意咖啡只提供熱飲。同埋場內冷氣比較大，餐廳除左提供熱水，大家去食飯都要帶備外套。

今次在喜來登酒店官網購買了買一送一自助晚餐，呢個價錢非常抵食，海鮮好新鮮，有長腳蟹、蟹鉗、蝦、青口、麵包蟹....等魚生都有幾款，其中帶子好鮮甜，熟食種類多，而且美味，燉湯任飲超值，甜品好出色，職員服務質素也好值得推薦！

久違自助餐朋友推薦喜來登 2/F The Cafe 食新鮮生蠔/魚生/鹿兒島和牛已回本生蠔每次可取3隻唯有分幾次取慢慢享受驚喜細細隻美國生蠔超甜/爽口魚生紅蝦/帶子/三文魚.....心急食鹿兒島和牛牛扒無影相已太滿足，還有好多食物款式龍蝦/蟹/長腳蟹/美國牛扒/雪糕/甜品......

聖誕期間搵食/訂枱甚艱難, 喺Openrice search 一D 心水餐廳逐一預訂然後再挑選一兩間去享受下美食～好多選廳都要安排人流以及可以達到一晚提供兩輪dinner buffet 而有時間限制以及需要預付訂金唯獨Sheraton 酒店內The Cafe 不但可以由6點食到10:30pm, 只供一輪dinner buffet, 可以同朋友坐低慢慢食，唔洗趕，而且buffet 選擇很多, 菜式包羅萬有, 基本上選擇困難症的人都不用怕了，因為好多款式可以慢慢試，仲可能眼闊肚窄試不完！由於款式選擇多，我會主力推介我鍾意嘅食物🤭❤️首先講下刺身類有鮮帶子，三文魚，油甘魚，珍寶蝦，八爪魚,一般酒店未有提供鮮帶子及大蝦，所以我很推介這間自助餐❤️❤️❤️順帶一提，仲有生蠔任食架😍凍海鮮有蝦，螺，長腳蟹， 青口熟食種類有很多有我最愛的花膠鮑魚，煎鵝肝❤️❤️❤️這些都是貴價食材，都有提供另外，仲有清蒸大斑，椒鹽軟殼蟹, 豬腳薑, 老火湯扒類牛扒，雞扒，羊架， 豬扒都有供應，而且設有一個bar 有不同醬料可供選擇， meat lover 可以盡情食肉， 實踐肉肉自由，一個價錢享用晒～❤️❤️甜品類都分兩輪供應不同甜

首先就是服務我要投訴，訂台及進門前都咨詢多次是否可以用Bocpay 埋單，不同人都重複說可以，到結賬時就話無此系統？！請朋友的我相當尷尬，差。食物種類就真一般少，生蠔跟日本的廣島蠔大一點，真是好朋友，刺身款式少，蝦只有紅蝦，金槍魚赤身，三文魚腩問也很少給你。波士頓龍蝦及青口細隻、蟹腳、翡翠螺淡而無鮮味⋯熱食品種也少，只有一般的羊架、燒牛肉、烩牛尾可以，魚類什麼東…石斑打開蓋都很腥，煎鴨肝指甲大少的二片，油夾膻，反而豬腳薑醋有驚喜。甜品尚算可以，Häagen-Dazs 4款任食，其他還好。總括來說7百多連加一的消費並不推薦，冇回頭。

聖誕節Lunch Buffet真係好滿意！氣氛熱鬧而且食物整體質素比之前食過既更好，服務亦殷勤，仲有任飲紅白酒、橙汁及汽水，最後另外再包多一杯餐飲，爽！甜品區真係好正好有聖誕氣氛，甜品除左賣相吸引之外味道亦相當唔錯，當中有不少聖誕節特色既甜品！最最最難忘既係咕嚕肉🤤！一啖咬落去有脆的糖面感覺，好正好正👍Buffet途中仲有聖誕老人去有小朋友既枱度派禮物，在場既小朋友們都好開心，充滿歡樂氣氛！

今次食左平日lunch buffet，HSBC卡有8折，每位折實$358.3，食物方面有涷盤即開法國生蠔，蟹腳，都ok，涷蝦，青口， 翡翠螺， 刺身有6款但一般芝士燒牛肉好嫩，蜜餞火腿扒無特別，咖哩燒賣，小籠包，蒸沙巴龍躉，推介黑醋骨好出色上面d芝麻香到不得了，停唔到口，魚旦粉，燒肉，焗飯，即制芝士意粉，甜品真係有驚喜好多選擇，阿女好鐘意食甜品，淨係貢個甜品吧已經值回票價，有我最喜愛的伯爵茶曲奇食物整體水準都高，會再回頭

23/11平日open rice訂坐6pm有七折（折實$540人頭），見到好多人食評share 有長腳蟹，蒸點心，燒扇貝由於我唔食生嘢覺得幾啱我食所決定去try,但去到以上講嘅都冇😢問過之後原來蟹腳星期六日先有🫣總括嚟講龍蝦啲肉都幾新鮮，我食咗半隻，熟食嘅質素比起我去其他自助餐，亦算係唔錯，但只係想意見反映一下應該要有炸物，同埋一般自助餐都有啲蒸點心，例如蝦餃、燒賣小籠包之類佢亦都欠奉但係我喺OpenRice見到人哋post可能真係咁岩得咁蹺我去呢日就冇,但都有啲嘢食要讚甜品很精美雪糕好好食，汽水罐裝任攞🤭走嘅時候戴口罩條橡筋突然斷咗侍應都好好俾個新嘅口罩我，整體來講食物質素算唔錯，只係種類少啲下次訂位前會問清楚有咩食物先至會去食

現在很多貴價5星級的酒店自助餐，質素已經差了很多，預訂時間也要起碼2星期或以上。有朋友放假，竟然前一晚就訂到位。自助午餐的燒牛肉，好味，香，有牛味。平時我朋友不會食自助餐的燒牛肉，她只吃日本和牛。今次她竟然吃了2件。燒火腿也好味。熱盤中，其中的咕嚕肉，賣相已很吸引，立立令，粉漿好薄，外脆內軟。蒸魚蒸的時間不錯，但他們出的第2條魚，有火水味。炒蟹腳和蝦，不及凍海鮮的好味。小籠包和燒賣普通。凍海鮮有法國生蠔，細細隻，海水味重一些，翡翠螺大隻好味，蝦細細仔，起初沒有揀，有些肉質軟，後來揀了些硬，味道就OK. 長腳蟹也不錯。魚生沒有味，除了甜蝦，甜蝦甜和口感有膠質，好味。甜品也不錯，尤其是蘋果批。通常蘋果批會有肉桂，這個沒有，很清甜。蛋糕很鬆軟。馬卡龍太乾。全部放出來的食物不會很大碟。廚師會時常出來巡場。服務很好，想取生蠔，但已全部收起，但員工也幫我再開蠔。格仔餅雖然有燈照著，但不夠脆，員工也很樂意幫我弄熱一些。感覺很舒服，不會人山人海排隊去搶食物。今時今日有這高質$300幾蚊的酒店自助午餐，很難得。

凍盤：生蠔、龍蝦、小龍蝦、麵包蟹、翡翠螺、蝦、青口、8款刺身、壽司、沙律⋯*刺身好新鮮，紅蝦帶子好清甜、油甘魚池魚好肥熱盤：有湯、蠔、鵝肝、青口、炒蝦、蒸魚、炸物、吾同即炒食物有龍蝦和牛、咖哩八爪魚、即煮粉麵、切肉、點心、意粉、炒飯、德國脆豬手、腸仔、咖喱、牛尾、雞、豬呢d大路野···甜品：吾同既精緻甜品、Waffles、生果、芝士、雪糕、精緻甜…星期日至四：$668+10%星期五至六：$728+10%任飲$68-$128+10%恒生/匯豐/渣打白金咭85折、普通咭88折*吾算多野食、貴左少少！*4間來說，首選紅磡都會海逸、次選千禧新世界、接住喜來登、最尾恆豐！

2022年9月3日星期六，因當日三點在文化中心看交響樂團演出，便預訂了食自助晚餐，開始時間是六點半，當晚有多張吉檯，食物很少款式， 生蠔又瘦每次只可取三隻， 我見冇人排我後便，便多取三隻， 紮住黑色頭巾負責取蠔侍應， 不禮貌地用手指著個牌， 表示每次只可取三隻， 我講都冇人攞，咪取多三隻！魚生切得又細又薄，凍龍蝦唔新鮮，熱食冇乜選擇又唔好食， 全晚最好只得一個燉湯， 最後食雪糕，嗰個阿姐比兩球好細雪糕， 好似好矜貴唔想畀， 冇下次。

早幾年成日食，今次好失望，食物種類/數量，比以前少好多…以前海鮮🦞放滿成張長枱，而家細細位置，每樣海鮮放得少少，龍蝦每次放得兩三隻，大佬呀成棚人😮‍💨幾時先拎到…以前喺座位可以點即開生蠔🦪有六隻又新鮮而家要行去食物區，叫到喉嚨痛先會有人理你，每次配給得三隻，Size營養不良，最緊要冇鮮味😓求其擺幾粒芝士🧀…Parma Ham🥓都冇塊甜品較多少少🤏🏽但亦唔覺出色以前餐飲必叫朱古力，個拉花係S logo，即係佢哋公司名縮寫，飲得出嗰份細心，而家求其一杯..有少少泡😆喺面嘅朱古力☕️每次，要搵人先會幫你收碟，酒店服務水平下降加價唔緊要..唔要求超好水準，但都唔好差過以前。