影片
更多
2008-11-01
24 瀏覽
自己間中都會去吓食下午茶自助餐，一來價錢比自助午餐或自助晚餐平一截之餘，二來就係多數係輕食，墊墊肚就夠，可以食多D甜品！今趟嚟到麗景酒店，就係見佢打正旗號係甜品下午茶自助餐，仲趁出開尖咀時上嚟探探路先，雖然見佢地方唔大，就真係擺滿好多甜品，對辦喎，所以約好朋友就趁星期六哩狂嚐曲。麗景酒店都應該幾新吓，加上位處赫德道隱蔽一角，人流不多，如果唔係打算嚟食真係睇佢唔到！上到1/F至係酒店大堂，樓底好高，所以地方唔大但唔會侷促，感覺寬敞闊落，大堂側就係Cafe Express，簡約設計，燈光柔和，尤其依家有少少秋涼，感覺幾舒服，有幾分暖意！佢哋餐尾有兩套馬蹄形梳化位，如果人多不妨揀坐嗰度！未食甜品，先搵沙律、熱盤、輕食墊墊肚先，可惜佢哋無供應沙律，唯有晌生果盤方面埋手先；而熱盤、輕食有12款左右，如德國肉腸、印度烤餅、酥皮卷、起骨雞中翼、串燒、烤菠蘿、炒麵……等，味道都唔錯（除咗D小籠包外，外皮好乾），有D仲係心機之作！ 跟住就輪到今日嘅主角－甜品，全部甜品晒冷咁一次過琳瑯滿目排晒晌一張L型嘅長枱之上，仲要大部份係做到的的骰骰一小碟一小杯咁，霎眼望埋去真係一時間眼花撩亂，不知先食邊個好。大大概
麗景酒店都應該幾新吓，加上位處赫德道隱蔽一角，人流不多，如果唔係打算嚟食真係睇佢唔到！上到1/F至係酒店大堂，樓底好高，所以地方唔大但唔會侷促，感覺寬敞闊落，大堂側就係Cafe Express，簡約設計，燈光柔和，尤其依家有少少秋涼，感覺幾舒服，有幾分暖意！佢哋餐尾有兩套馬蹄形梳化位，如果人多不妨揀坐嗰度！
未食甜品，先搵沙律、熱盤、輕食墊墊肚先，可惜佢哋無供應沙律，唯有晌生果盤方面埋手先；而熱盤、輕食有12款左右，如德國肉腸、印度烤餅、酥皮卷、起骨雞中翼、串燒、烤菠蘿、炒麵……等，味道都唔錯（除咗D小籠包外，外皮好乾），有D仲係心機之作！
跟住就輪到今日嘅主角－甜品，全部甜品晒冷咁一次過琳瑯滿目排晒晌一張L型嘅長枱之上，仲要大部份係做到的的骰骰一小碟一小杯咁，霎眼望埋去真係一時間眼花撩亂，不知先食邊個好。大大概概咁數一數，有成差不多30款甜品咁多，除咗有即制Pancake，朱古力噴泉，竟然有自斟軟雪糕機，可能感覺上比唔上咩名牌雪糕，但利用幾款糖漿、生果及配料嚟自家制嘅雪糕新地，又幾過癮！此外，仲有20幾款不同味道的慕絲、燉蛋、芝士餅、蛋糕、千層糕、蛋卷……俾你慢慢嘆，個人有幾款頗欣賞，好似麵包布甸，平凡到每處自助餐都有做，因為成本平，又可用D唔需要太新鮮麵包嚟做，但依度做嘅特別之處係佢用獨立杯裝（好似法式燉蛋咁），而且蛋味濃香，面面嘅麵包焗得甘脆！仲有百爵茶燉蛋，賣相精緻，燉蛋幾滑身，最正係茶味夠出！當然唔係多就好，唔好食一樣死，佢哋嘅甜品整體又確實甚唔差，當然個人覺得要同好似帝苑嗰度嘅甜品比，就仲有一段距離，依度係就係款式好多好多，但有一半都係好相類似，只係用咗唔同味道哩做，層次變化細咗，不過，一次過被你試咁多款，真係試得過！ （$138一位，因為8折，所以平DD！）
張貼
