咕嚕啦牛肉麵

營業中

休息中

終於有機會來到咕嚕啦😃由於勁肚餓又想食菜、立即點了個咕嚕啦牛肉麵（幼麵）加娃娃菜和熱的招牌復刻奶茶。牛肉麵一到即嚐湯頭，走偏甜路線，再倒入配菜的酸菜，感覺湯頭平衡了一點。牛肉很腍而且大塊，還有紅、白蘿蔔，麵身爽口，麵量適中～ 熱呼呼的幾口湯和麵，很滿足😌娃娃菜超級大碟！足足有半棵菜！菜上面肉燥的份量也不少（忘了拍照），雖然$32，但份量撘夠！建議二人食用較好🥳至於杯復刻奶茶，感覺奶精味偏重，茶味亦不濃，就不是我口味了⋯

起重慶大廈隔離一個food court入邊比較新，冇咩人知道選擇唔少，有POKE、自選意粉、素食餐廳、平民版西冷牛肉丼飯、cafe等😍今次想食啲暖粒粒嘅湯麵，揀咗呢間台灣菜，專食肉燥飯便當同牛肉麵▶️ 咕嚕啦牛肉湯麵 ($72)大碗又足料嘅牛肉麵！面頭有三大片厚切牛展🐂食落重牛味，牛肉夠實身但軟腍中間帶唔少啫喱骨膠原，好有咬口，而且完全唔肥👍🏻難得一遇好食嘅牛展湯底做得好好，濃濃滷水味帶啲藥膳味，鹹中帶甜都有啲牛肉精華，不過唔油膩揀咗粗麵，雖然唔係想像中嘅刀削麵闊度，但麵質非常煙靭Q彈，我好鍾意💕 (食到尾開始會淋少少)仲好索湯，每條都注入香濃湯底味白蘿蔔同紅蘿蔔亦入味😋好食過好多車仔麵滷白蘿蔔每碗旁邊會跟半隻半熟鴨蛋、雪菜同醃蘿蔔個人覺得鴨蛋同雞蛋冇咩分別，蛋黃好黏身gel咁，唔錯雪菜比較鹹，可以自己加落麵到一齊食，惹味又帶啲辣醃蘿蔔就正常，酸甜脆口開胃-食完呢碗麵，令我諗起起台灣當地食嘅牛肉麵🇹🇼無論湯底、麵同牛肉都出色到位(牛展比起牛筋好食)份量亦唔少🍜牛肉足夠餸麵食環境就迫少少，比較多遊客，午餐時段多人服務可以嘅，感覺侍應對遊客好啲😗又或者可能係對小朋友好？QR code落單後上

晏晝唔知食咩，見呢間台灣嘢生意唔錯，又未試過，所以就試下朋友叫咗牛肉麵，但係佢話麻麻地，因為湯底好甜，牛肉味亦都唔濃我就叫咗炸豬扒滷肉飯，雖然餐單寫明要等20分鐘，但係我等咗超過半個鐘都未有得食。。。催咗兩次。。。最後想到枱，的確係即叫即炸，但係擺咗一陣就凍咗，而且個外皮變得非常之硬，豬扒亦都炸得好乾，所以我落去冇肉汁，口感唔係太好個滷肉飯亦都唔係正宗台灣滷肉飯，佢似係肉碎飯，整體嚟講覺得呢間台灣菜味道麻麻地，應該唔會再幫襯

好耐無去heath慶方，一落到去就被咕嚕啦牛肉麵 嘅霓虹燈吸引住。開業不久嘅咕嚕啦係開放式食店，不過位置剛好自成一角，感覺舒適又開張。除咗堂食之外，台式飲品可獨立外賣，買嘢食又多一個好選擇🔅牛三寶湯麵 $84有齊牛腱、牛筋同牛肚，煮得軟腍入味而湯底鮮甜得嚟亦帶有濃濃牛味，完全滿足愛牛之人🔅鹽酥雞拼肉燥飯 $72鹽酥雞酥香肉嫩，加上大大碗肉燥飯，份量十足🔅滷水豆腐 $22細細粒，可以一口一粒，食得方便🔅咕嚕啦滷水特色拼盤 $68包括雞翼、豬大腸、牛肚同埋豆腐，每樣滷水味濃濃無為意拼盤原來都有豆腐，不過呢款豆腐屬於正常size，入口會有較多嘅嫩滑口感🔅肉燥娃娃菜 $32娃娃菜嘅優點，就係會吸晒湯底鮮甜🔅鮮果芋圓黑糖仙草凍 $46仙草爽口Q彈，芒果同藍梅帶點微酸，啱啱好平衡黑糖嘅甜度🔅芒芒星塵 +$35 (原價$45)🔅醇濃紅豆抹茶牛乳 +$35 (原價 $42)前者芒果香味十足，加入煙韌珍珠；後者係爆珠紅豆，好有趣，又有新意

放工去開尖沙咀行街，順便去咗呢間喺地下商場嘅台灣餐廳食dinner，餐廳環境幾開陽寬敞，款式多而且價錢都貼地，係性價比之選！我地order左小食、主菜、甜品同台式飲品夜市小香腸配蒜片，香腸切成粒狀，表層整得脆脆，咬落外脆內軟，加埋蒜片一齊食味道好夾華園話梅豬手醃製得入味，豬手大大隻而且肥瘦均勻咕嚕啦滷水特色拼盤好豐富，有雞翼、豬腸、牛肚同豆腐，份量都幾多，滷水都醃製得入味，唔會太鹹味道啱啱好滷水牛展拼滷肉飯，牛展勁厚切，而且帶點牛筋𡁻口唔錯，再加埋滷肉撈飯、滷蛋、同一啲配菜如醃蘿蔔青瓜一齊食，飽肚之餘又滋味牛三寶湯麵裏面有牛展牛筋同牛肚，牛肉煮得軟腍，牛肉湯底清甜，側邊仲有啲伴菜同滷蛋鮮果芋圓黑糖仙草凍，裏面有好多材料，例如紅豆蓉、蒟蒻、芋圓、藍莓、草莓、仙草凍等等，芋圓Q彈有咬口，一齊食幾有口感飲品叫咗多多綠茶先同蜜綠奇緣，大大杯而且唔會太甜

從台灣旅行回來不久，已開始掛念寶島美食，趁著假期相約朋友走到尖沙咀重慶一家新開業的台灣餐廳「咕嚕啦牛肉麵」回味一番小店走簡約木系裝潢，環境衛生舒適；提供牛肉麵、便當、小食、甜品及飲品==========🔹咕嚕啦招牌滷水特色拼盤 $68雞翼、牛肚、豬大腸及豆腐每款食物皆有4件或以上，滷汁調較恰到好處牛肚分為金錢肚及草肚，肉厚細滑又入味；豬大腸肥美彈牙；豆腐吸汁後更添美味==========🔹肉燥娃娃菜 $32肉燥份量豐富又美味，加入冬菇粒增加層之感，娃娃菜鮮嫩==========🔹華園話梅豬手 $42豬手厚肉Q彈，充滿骨膠原；話梅汁酸甜平衡，開胃！==========🔹滷水腔肉拼肉燥飯 $72加入青瓜片、酸蘿蔔及滷蛋滷蛋呈溏心狀，腔肉厚切緊實，肉燥鹹甜有致，配合粘糯的珍珠米飯足夠滋味==========🔹牛三寶湯麵 $84三寶為牛腱、牛筋及牛肚；配上酸菜、滷蛋及酸蘿蔔湯底採用新鮮牛骨及古早香料熬製而成，鮮甜不膩，帶有八角味道牛腱牛筋及牛肚皆以慢燉熬煮，肉質軟嫩腍滑，加上清甜胡蘿蔔、蘿蔔及Q彈的台灣闊麵條，令人滿足==========🔹鮮芒果椰汁桃膠仙草凍 $461新鮮芒果肉帶有滿滿的芒果

叫咗炸豬扒配滷肉飯，餐牌上面已經寫明要20分鐘嘅製作時間，我都有心理準備，但係我等咗七個字都仲未有得食。。。其實就唔係好明點解要煮咁耐講返味道，個豬扒係即炸，上到枱熱辣辣脆卜卜，不過一放咗一陣就凍咗變成好硬好乾，除非你有即刻食曬佢嘅能力，否則你就會發現佢會變得唔好食另外個滷肉飯同台灣嘅滷肉飯有好大差距，佢有好多肉碎但味道完全唔係台灣滷肉飯嘅味道，只係似紅燒肉碎飯嘅感覺，所以我覺得並唔算正宗朋友叫咗牛肉麵佢都話覺得一般，因為成個湯底非常之甜

為食妹👧🏻心思思想食台灣嘢 朋友喺附近返工 帶我嚟重慶大廈附近heath慶方商場「咕嚕啦牛肉麵」開餐🍴樣樣都想試嘅關係😬嗌咗以下一大堆食物開心share✨華園話梅豬手 ✨鹽酥雞✨咕嚕啦滷水特色拼盤✨鹽酥豬排拼肉燥飯✨牛三寶湯麵（牛腱牛筋牛肚）粗麵✨鮮果芋圓黑糖仙草凍🍹生椰乳楊枝甘露🍹南草本火麻仁芝士奶蓋茶值得一讚係話梅豬手 滷得軟腍入味 話酸酸甜甜豬手勁開胃👍🏿滷水拼盤份量足 有齊腎、腸、翼、肚😬一次過滿足我幾個願望！鹽酥豬扒大過我塊面 厚切啖啖肉超鍾意😛肉燥滿滿的鋪滿飯 仲有我最愛嘅糖心蛋🥚牛三寶有牛腱牛筋牛肚 朋友係牛魔王表示非常滿意🤪兩杯飲品都揀咗少甜少冰 我就揀咗火麻仁清熱解毒😌

今晚放工就同太太去左尖沙咀搵嘢食😬去到呢間新開業無耐嘅「咕嚕啦牛肉麵」，呢間台灣小店真係好有心，大家都要大大力支持下佢地呀😊紅燒牛肉牛筋湯麵 $78大大碗嘅牛肉牛筋湯麵又腍又入味😋而且份量都十分之多👍鹽酥豬排拼肉燥飯 $75鹽酥豬排大大塊而且好鬆脆😋再加埋肉燥撈飯，真係食到停唔到口呀😬咕嚕啦滷水特色拼盤 $68拼盤有雞翼、豬腸、牛肚 同埋 豆腐！滷水非常之入味，又唔會好咸，味道岩岩好😋鹽酥雞 $38熱辣辣脆卜卜😋份量亦都十分多🤤夜市小香腸配蒜片 $38呢隻腸真係係夜市食到嘅香腸😋小編一直都鍾意食夜市嘅腸😬仲有蒜片可以食殺下菌😊鮮芒果椰汁桃膠仙草凍 $46食完咁豐富嘅正餐 當然要食埋甜品啦😬咁先滿足架嘛😊真係十分之正😋芒芒星塵 $45芝士奶蓋招牌復刻紅茶凍 $38

偶爾發現尖沙咀開左間新嘅台灣野，環境幾開揚，款式都多🤩價錢唔算貴，又幾抵食！✨咕嚕啦牛肉湯麵 - 個湯好清甜，好鍾意粗麵嘅質感，煙煙韌韌~ 厚切牛𦟌軟腍入味，伴菜嘅蘿蔔都整得好甜好有驚喜😋✨烤豬扒拼肉燥飯 - 見到係推介所以叫，豬扒烤得好香好惹味，調味又剛好👍連個肉燥都好有誠意，冇肥肉啱晒我，撈飯會好上癮😚✨咕嚕啦滷水特色拼盤 - 好大碗好多料，有齊雞翼、豬大腸、牛肚、豆腐，一碗都係$68，好抵玩！✨鹽酥雞 - 做到一口size幾過癮，皮夠薄夠脆🧡✨肉燥娃娃菜 - 清清地叫左個菜，估唔到包住肉燥食又幾夾喎😂✨椰汁芋圓仙草凍 - 芋圓幾彈牙，仙草口感偏厚實，整體幾有咬口😸✨醇濃紅豆抹茶牛乳 - 裡面係爆珠紅豆，驚豔到我！雖然甜定係固定左，但唔會太甜幾啱我~✨朱奶魔法 - 飲落似黑朱古力比較香濃，質地ok幼滑🍫

其實都好多年冇走落走搵野食，肉燥得甜味好怪…蛋都明顯過熟左，炸豬乾到難吞嚥，牛肉麵都還好叫放得入口，可以向加入藥膳湯底方向努力，環境同人都ok既，希望廚房努力D…唔係幾難有回頭客，加油啦…

在尖沙咀找一家新餐廳試一試在地庫商場找到這家餐廳，這個商場地庫之前唔多人，但今次發現好多人，而好多都係講普通話的遊客，可能係某些社交網絡有介紹這個類似food court 的地方。今次我試左紅燒牛肉牛筋湯麵和蕃茄濃湯牛肉麵。紅燒牛肉牛筋湯麵：這碗紅燒牛肉牛筋湯麵我揀左粗麵，湯底味道濃郁而有微辣。紅燒牛肉份量足和牛筋都大件但不是入口即溶果類。麵條彈牙有嚼勁，能夠充分吸收湯底的風味。整體而言，這碗紅燒牛肉牛筋湯麵是可以的。蕃茄濃湯牛肉麵：這碗蕃茄濃湯牛肉麵我揀左幼麵，蕃茄湯底清清並不濃郁。牛肉基本上都係一樣的。麵條煮得過淋，口感不好，還有部分變成粉團。整體而言，這個蕃茄濃湯牛肉麵是可以的但不要揀幼麵。餐廳總結，試過就算，如果怕遊客的話，就可以選擇其他餐廳。

唔算平但幾好食的牛肉麵厚厚的牛腱一碗麵都有4塊淨係食牛腱都飽飽地仲有半隻滷蛋跟埋很足料 湯底夠濃味 唔係藥材味的台式茶飲質素都幾好唔係死甜勁假個d餐廳環境都幾闊落乾淨Lunch time 時段都易搵位👍🏻

係附近做野 間唔中都會落重慶隔離個商場食lunch 位行左一個圈 見到新開左一間台灣野 仲有珍奶個啲野飲 唔太貴 一於就試下 叫左蕃茄濃湯牛肉麵 有小小辣 湯底好正 食得出係新鮮的蕃茄味道 酸酸地咁 好岩而家咁熱嘅天氣食 牛肉口感唔硬無咩筋 最怕咬極唔開 而且好入味 麵底可以揀粗幼麵咁 唔錯 入口彈牙 會再encore朋友唔想食嘢 佢叫咗小食滷水豆腐非常正 呢個真係需要叫嚟食呢個一定要叫可能係新開 D staff 都好有heart 介紹 叫左杯復刻奶茶少糖 茶底比較濃 大大杯好正

本身係想食隔離蘭芳園，點知好多大陸人排隊😅😅😅 ，都係打消左呢個念頭🫠🫠🫠。咁啱走嘅時候經過見到有間牛肉麵，諗住去醫下肚，食完都唔錯😗😗😗😗啲蘿蔔好入味，啲肉好厚，下次都可以再嚟！😋😋😋😋😋😋😋😋😀😀😀😀