咕嚕啦牛肉麵

營業中

休息中

估唔到香港台灣牛肉麵小店，做到台灣嘅風味。本來冇乜期望，食完之後決定每個禮拜都要來一次，喺附近返工真係多咗一個好好嘅選擇。炸豬扒同炸雞扒，即叫即炸，非常認真！，就算等耐少少都值得！小食推介：鍾意食豬手嘅朋友，真係要嗌話梅豬手，寶島滷水三小碟個豆腐不得了，皮薄肉滑，滷水糖心蛋，老闆專程用鴨蛋製造比一般嘅雞蛋口感好好多。仙草冬瓜茶，仲要係台灣直接入口好有驚喜。蜜芋鮮奶綠加珍珠，非試不可❣️❣️！如果你係尖沙咀返工，又未試過呢一間小店，咁就快啲去喇。溫馨提示，如果中午去食午餐記得早啲去，如果唔係就要預多少少時間排隊

位於尖沙咀的重慶大廈地庫，藏著一間驚喜的小店，這就是一家台灣餐廳。我有幸試食了他們的蕃茄牛肉麵以及話梅豬手，深深地被這兩道菜所征服。蕃茄牛肉麵的湯底非常特別，清爽而深邃，充滿了新鮮的蕃茄味道，牛肉也非常嫩滑，入口即化。此外，他們的麵條也是非常有嚼勁的，入口彈牙，與湯底的味道相得益彰，讓人一口接一口地吃不停。話梅豬手也是這家店的必食推介。豬手的外皮很酥脆，內裡則是肉質鮮嫩，而話梅的酸味則恰到好處，讓整道菜的口感非常豐富，讓人回味無窮。總的來說，這家台灣餐廳的菜品非常有特色，而且價格也非常實惠，是一家值得推薦的好店。如果你想嚐試一些新鮮有趣的台灣料理，那麼這家店絕對是一個不錯的選擇。

坐落於尖沙咀一個隱世商場，唔係好多人知道方商場已經改建成一個飲食加購物嘅新派商場。陸陸續續有很多特色的餐廳進駐商場，今日我就試了【咕嚕啦牛肉麵】滷水腔肉拼肉燥飯如果你係鍾意食肥豬肉，必食呢一個腔肉飯，同一般紅燒肉有啲分別，唔帶甜味滷水味好突出，而且肉質唔算肥膩，配埋肉燥飯，仲有半隻糖心蛋，簡直係絕配，雖然碗飯唔大碗，但係份量啱啱好！仲夠位飲多杯珍珠奶茶麻辣鴨血紅薯粉最怕食到好硬嘅鴨血，呢度嘅鴨血出奇地滑，麻辣味剛剛好，唔係太嗆喉，但係有啲麻辣feel，紅薯粉亦都好煙韌。所有麵食都會有三款配菜，有半隻糖心蛋，黃瓜，雪菜。我真係好鍾意食呢個雪菜，非常惹味，唔知點形容，你自己去試吓啦！

外賣自取個 滷肉飯加鹽酥雞便當 打開發現 一片肉醬係飯上面 其實應該係肉醬飯？ 一粒肉粒都無 真係純粹肉醬 好似肉醬意粉的肉醬 個鹽酥雞還可以 不過真係有小小鹹 肉醬飯就真係不了 食到最後根本食唔落對於Lunch 來講：真係性價比唔高 而且仲要唔好食 如果係食肉醬飯不如食隔離犀牛犀牛或者食牛肉飯

同老公出開尖沙咀，原本諗住去重慶大廈地庫蘭芳園朝下聖，點知多人到嘔轉過彎見到間牛肉麵小店，又有我最鍾意嘅肉燥飯，所以就坐低試吓我叫咗個牛腱肉燥飯，我老公叫左招牌牛肉麵，個牛肉麵湯底有啲藥膳味好正，我同老公兩個飲晒個湯🤣我自己個肉燥飯都好惹味，不過如果男人食可能偏細碗😗見到隔籬枱叫咗個話梅豬手於是我哋又追加，好彩有跟！好好食！真係有台灣嗰陣味🤣不過食完要跑返2K另外，佢有好多台式飲品，原本想試芝士奶蓋，但係因為太罪惡，所以都係叫咗個冬瓜茶就算。冬瓜茶唔太甜，幾好味。原本問嗰個哥仔可唔可以少甜點知佢話台灣包裝好運過嚟已經係咁，如果要少甜佢哋只可以加多啲冰🤣原來冬瓜茶都係台灣直送過嚟，咁其他食材都應該係？所以唔怪得知真係幾地道台灣味。兩個人$200飲埋嘢，幾好味😋下次出開尖沙咀食lunch多個地方揀❤️