和平飯店 (大本型)

營業中

休息中

以前頗喜歡來這裡吃，因為價錢吸引，食物份量足，味道又不錯。但這次，除了價錢仍吸引外，全是失望。可能樓面同廚房的人手少了，或換咗批員工，上野勁慢，碟又唔收，想要碟辣醬，由開始等，都追問咗3次，到最後食完野都無來😔。冷盤野，以往一落單，唔洗一陣就有，但今次由落單後，足足等了近半小時才有開始有第1碟食物上枱😓，而最大問題係熱葷類，竟全是暖的，或涼的😡成晚聽周圍其他枱的人，都係喥講到底係廚房唔係即煮，樣樣整定一大鑊，還是係啲侍應懶得行幾次送餸，所以等積夠一車至推出來周圍派，搞到涼晒呢？唉～原本預計食個零鐘，可以行陣商場，結果由6點9入坐，到近9點至上晒野，食完已無沒時間行了

大家黎之前可以用佢地個app攞定飛先, 差唔多時間行過去就可以唔洗企係度等咁耐😌 最近佢地既套餐做緊優惠, 有二/四/六人餐, 所以無論兩個人定係一大班人都可以食😎 真係唔好睇少呢個餐既份量, 食到你捧住個肚走🤰🏾嘗味饗宴(4人餐)($688)前菜(7選3)🥗我地揀左酒味濃又勁入味既花雕醉雞, 爽口凍感配開胃酸醋既鎮江餚肉, 濃濃麻醬同爽口彈牙既雞絲粉皮🐓湯🥣十分足料既竹笙海皇羮, 夠”結”身仲有啲蝦粒, 四個人每人都有一碗半🍲海鮮(二選一)🌊鹹蛋黃滿佈係連殼炸既黃金大蝦, 成隻脆卜卜連蝦頭都食埋, 完全唔浪費, 另外仲有同樣佈滿鹹蛋黃既青瓜🍤 (呢個係會員其中一張Coupon食滿$400免費送, 亦都係套餐入面二選一其中一個主菜)大大盤既酸菜魚片, 我地叫左最唔辣, 入面有大量嫩滑魚片, 芽菜, 幼身薯粉, 番茄🍅 辣度啱啱好, 真係食到停唔到口😋主菜(6選3)🥢細細件既上海脆皮豬手, 味道偏鹹, 而且冇咩肉食☹️ 再黎就係酸酸甜甜勁開胃既糖醋魚塊, 最後就係鹹鹹甜甜得黎肉質嫩滑既蔥油淋雞🐓主食類🍚一碗六大粒既菜肉湯雲吞, 皮厚左啲, 肉餡同個皮好容易分開左🤷🏾‍♀️ 炒到粒粒分明得黎又

自己一向係牛角集團fans，做咗金會員都相當長時間。一直以來，見到送嘅coupon入面有和平飯店，但一直都冇去試，加上地點不太方便，只有兩間。呢日來到油塘，遠足後尋找晚餐，就不如去試一試和平飯店啦。雖然是假日晚飯時間但都完全不用排隊，不過入面都有八九成滿。只叫咗少少試一試先。蒜泥白肉配青瓜唔講大家都可能未必知道係蒜泥白肉，因為同平時食開個d似乎外表相差太遠。上面pat野似辣椒油多d，不過完全唔覺得辣。d肉望落都知比較乾同鞋，唔係太肥豬肉，而且好乾，好鞋。青瓜同樣係冇乜味。軟殼蟹炒年糕d軟殼蟹就唔錯但d年糕真係，好硬，唔止係煙靭，直頭係硬。個汁又奇怪，更加令人唔想食。小籠包還好，皮唔算太厚，不過冇乜汁，穿左都唔會有汁流晒出嚟。鍋貼主要係勁厚皮幾乎每碟食一啖都飽，硬年糕同厚鍋貼都令人好滯。和平飯店算唔算係該集團的污點？水準實在未夠

和平飯店呢個名其實之前都聽過好多次，印象中食物嘅味道應該唔錯，再加埋屋企人都好鍾意食上海嘢，所以今日嚟到大本營就試吓呢間和平飯店啦🙈-點知食物嘅味道的確有少少失望，叫咗佢嘅酸辣湯麵，但係佢嘅酸辣湯味道真係整得非常之淡，唔夠酸又唔夠辣，同埋個質感係偏稀嘅，唔會好似出面碗仔翅咁嘅濃稠度🙈🙈所以整體來講我覺得唔太合格🥺不過好彩嘅係佢嘅小籠包都幾高質，咬落口真係好Juicy😋而且入面嘅豬肉都好大舊👍

🍭經濟抵食上海菜之選，有埋牛角會員就更加抵小籠包皮薄多汁，內裡溫度都夠熱，可以雞火炒飯炒飯好乾身，粒粒分明，幾咸香下，油量控制得唔錯，食完個碟底都冇乜油燒排骨擔擔麵個麵可以，燒排骨好唔掂，仲有一陣猪肉味醉雞好重酒味，勉強過得去桂花酒釀小丸子好香桂花同酒味，小丸子好滑，整體偏甜咗少少，不過都唔錯，食過幾次了

今日黎到油塘大本型商場吃午餐，這間和平飯店午餐看似不錯，有飯和面的選擇，所以來一試。選了糖醋排骨和京蔥牛肉配飯，餸菜味道可以但不夠熱，白飯也是，如果可以留意溫度會比較好。

見個門市咁大裝修又高檔咪入去試lo，點知伏哂。飯未煮開，硬到好似爆谷咁，好生呀，加多少少水好難咩，餃子皮仲要厚過塊面，D餸又少又難食，叫份炒牛其實得六七片==素鴨還可以(少少拉)，佢既常湯其實是酸辣湯(一般味道咁拉)，小籠包我覺得中等但我朋友話有D酸，我見隔離有D常客都是食點心呀包呀多D，可能我就點中伏野拉。我心唸野食唔好食，起碼可以打個卡，但D野食上到台真是唔斥睇!overall差，油塘真是好多伏食!!

人數：2個（男女）日期：8月尾時間：8:00天氣：非常熱難得係附近諗住未黎過個商場所以就試下搵好野食～見佢係熱搜第一位就去啦～去到都要拎飛仔等一陣，等左三四個字就有位啦～入到去感覺都ok, d 防隔板做得幾好。但去到野食就失望。我地叫左三樣野小龍包，楊梅骨同上海粗炒每道餸之間大概都等左半個鐘咁係咪正常架？而且小龍包同楊梅骨唔係熱的，感覺煮起左放左一段時間先上菜整體評分：中下 🥡🥡🥡小龍包：唔夠湯，肉涵都唔夠鮮味楊梅骨：面個層係溫室，食到下面有幾舊就相對熱少少，預期中嘅味道正常上海粗炒：呢個真係熱住上枱，好有香味，但食落淡口，肉絲無足夠時間煮，上菜連色都無上到，加上鑊燶情況好嚴重，上菜馬虎服務：偏低環境：不錯看清潔：正常

我朋友介紹咗呢間餐廳， 喺油塘地鐵站行去大本營上兩層二樓行五分鐘就到。一去到,門口就有長長嘅人龍，睇嚟好受歡迎。等到八點鐘入坐仲有八折添。 裏面嘅地方都幾寬敞，天花板仲有色古香嘅紅燈籠。 估唔到夜晚黑都有茶飲， 我哋坐低咗叫咗杯香片。 擔擔麵幾好食，香濃嘅花生醬，微辣，個湯唔會太濃或太淡，啲麵好彈牙。 炒飯平平無奇，又冇鑊氣，七十幾蚊再加服務費覺得唔算好抵食。 蘿蔔絲酥外脆內軟， 裏面係真材實料滿滿嘅蘿蔔絲，餡料豐富。趁熱食先好食。 小籠包湯汁唔算好多，中規中矩。四款小食冷盤，158蚊算抵， 雖然每款唔算好多，啱曬口痕想食多幾款既你。 八點後入座有八折加茶位， 埋單每人都係一百頭， 其實幾抵食，而且食得幾飽，最重要係坐好耐， 飲左好多杯茶都冇人會趕你走，坐得有幾舒服。

有人話油塘係一個無美食既地方！我今日就搵咗一間好食嘅餐廳。話說今日突然想去鯉魚門行吓，咁就係油塘食少少野再出發。個時已經下午兩點幾，又唔使等位！咁就入去食啦！叫咗個炒年糕！叫咗個四喜烤麩，紅油炒手，仲有小籠包！但係我唔記得影相🤣🤣年糕我係最滿意嘅！味道夠濃！唔會太鹹，配菜同年糕比例剛剛好，如果年糕夠再彈牙！👍👍四喜烤麩，個醬汁都唔會話太流，配菜就可以再豐富啲！如果加埋雲耳就會更佳！整體上也很好紅油抄手，欠缺左辣味！寫明話辣，但係唔辣，真係會有少少失望！但係味道都可以接受，亦都好足餡！可以話合格！最後可以講埋小籠包！皮不厚！餡料充足！價錢方面，由於應該係下午茶所以就有怯價，今次同行有長者，佢哋長者係免茶位👍👍！服務方面，大家都好有禮貌！亦會主動嚟問有冇長者！提供優惠👍

預約了 10 個人用餐，而和平飯店安排得很妥當～ 因為即使受限聚令限制，和平飯店都盡力安排了三張相連的檯，讓一家人都有一個愉快的體驗，而這份心意是難得的！！！！！！！

我地今日即場用$200做左會員, 入面有4張coupon, 我地可以即時用其中一張$100 coupon再加有9折, 所以係十分抵👍🏽 另外仲有三張其他類型既coupon加埋其實都已經回本, 所以真係好抵join😍 不過大部分既優惠都限係平日用, 所以要睇清楚條款呀💁🏾‍♀️虎皮素鵝🫔($48)呢個價錢黎講CP值高, 份量多, 唔油膩, 外面既腐皮係勁脆, 入面既冬菇餡爆曬出黎, 完全係真材實料🤗上海春卷🌯($35)三條長春卷分成6件, 素菜既餡料塞滿左係脆卜卜既春卷皮入面, 味道普普通通🧐不等你小籠包🍲($38)總共有4件, 皮薄多汁, 如果肉餡再大少少既話就perfect 喇😜生煎牛肉餅🐄($42)係香港比較少見有既菜式, 外皮煎到脆脆地, 肉餡比較細舊, 味道唔算太突出🥲山東手抓餅🫓($38)呢款食物相比起其他就相對地油膩, 有啲似印度薄餅, 牛油味頗濃🧈 食完真係會有種罪惡感😂賽螃蟹🥚($78)真係好耐冇食過呢款傳統手工菜, 呢度既賽螃蟹整得好綿滑, 面頭仲有大量既乾瑤柱絲, 提升左成個菜式既鮮味🤩 就咁食有啲單調, 所以我地攞左黎配山東手抓餅, 味道都幾夾☺️芫荽豬肉水餃🥟($4

一直係屋企附近想試好耐 之前外賣半價都無食到 適逢父親節諗住嗌啲外賣加加餸 點知真係驚喜係佢個網上外賣網到嗌咗幾樣嘢一早落定order 拎到返屋企本身都滿心歡喜咁食點知撩兩嘢個酸菜魚諗住反返哂啲魚片上面 發現成嚿煙頭係到 好彩淨係食咗一兩啖 啲嘢食味道係正常ok嘅 不過衛生就難講喇 啲師傅煙頭都周圍掉 個人衛生意識都好極有限 都唔知有冇係廚房到一邊食煙一邊煮嘢都唔知我好彩定唔好彩 好日唔係屋企附近嗌外賣一嗌就咁 以後唔會再幫襯

雞絲粉皮 – 粉皮爽口, 雞絲嫩滑, 花生味好香, 再配埋清新爽甜既青瓜, 係開胃既前菜。 不等你小籠包 – 熱辣辣, 皮夠薄, 一咬開就爆哂湯汁出黎, 好滿足。 老乾媽伴大豆芽牛展– 爽口既芽菜, 牛味濃郁既牛展, 配上特色既老乾媽醬, 一流。鎮江餚肉 – 一口一件剛剛好, 味道唔錯。糖醋魚塊 – 酸酸甜甜, 夠哂開胃, 穩定水準之選。黃金蝦球 – 蝦球爽口, 外面沾上滿滿既咸蛋黃蓉, 甘香撲鼻。 京蔥爆牛肉 - 牛肉炒得嫩滑, 味道濃郁, 唔錯。 東坡肉 – 呢個比較失望, 唔入味之餘, 肉質都幾硬下, 明顯係煮得唔夠火候。濃湯竹笙雜菌浸小白菜 –小白菜好甜, 仲有浸滿上湯竹笙, 食左咁多濃味既餸菜, 當然要食返D 清淡既蔬菜平衡返。砂鍋濃湯餛飩雞 – 份量充足, 雞肉嫩滑, 餛飩菜同肉既分佈比例剛好, 而且湯底好甜, 仲有大量既蔬菜, 勁正。雞火炒飯 – 米飯炒到粒粒分明, 而用料十足, 飽肚之選。津白肉絲炒年糕 – 年糕煙煙韌韌, 仲有肉絲同津白做配菜, 味道濃郁, 惹味之選。 高力豆沙 – 外層軟綿, 內裡有香滑甜甜既豆沙餡, 表面仲有唔太甜既糖霜做配襯, 做飯後甜品一流。和

疫情前經常家庭聚餐地方。因為婆婆很喜歡食麻婆豆腐。今天特登去食。吾食由至何。一食差鬼咗😵‍💫⋯⋯第一上菜慢唔緊要。點解啲餸唔熱，好像翻叮一樣。第二份量少咗好多，根本違反商品說明條例。第三我見外賣份量仲多過堂食。外賣上海粗炒$30。堂食要double 價錢。最後，叫咗個甜品豆沙鍋餅。火到嚟。外皮硬到咬崩牙。吾知以為食緊崩沙牛耳咁硬。炸春卷皮咁厚。😡😡完全中伏。吾會再幫襯。劣評