味道

營業中

休息中

好耐之前已經聽朋友推薦而想嚟，今日就作為同朋友上環中環一日遊嘅尾聲畫個完美嘅句號。因為依間聽講長期排長龍，所以我地都早咗去，好好彩唔洗等位直接入，但都已經差唔多滿啦。餐牌選項都好多，當然要試大家都好推薦嘅炸雞脾配泰式冬陰公河粉(另外仲有粉絲/米粉/金邊粉可以揀)，另一個餐就係越式香茅蔥油豬扒煎蛋飯，再加咗炭燒沙嗲豬肉串。本身包一杯餐飲，加錢轉咗特飲，食泰國野最中意就係飲泰式奶茶，另一杯就係青檸檬梳打。個樽好靚好特別!本來泰奶本身比起港式奶茶濃味啲，而依度濃味之餘又唔會太甜太膩，恰到好處。熱焫焫又香噴噴嘅嘢食都好快送到。炸脾大大隻啖啖肉，拎上手果陣仲有小小燙手。外皮食落同外表一樣都脆卜卜，好香口。雞脾本身有醃過，炸完之後肉質仲保持嫩滑好juicy，加埋香料好惹味，邊食果陣啲油仲邊滴緊落嚟。冬陰公湯夠辣，配埋好吸湯嘅河粉超完美!豬扒飯要配埋枱面嘅醬油食，撈埋蔥油同蛋黃超邪惡但真係好好食。豬扒都煎到勁香口好惹味。而串燒都好出色，烤到恰到好處，表面香脆內裡嫩滑，加埋沙嗲醬係一絕。每樣嘢都超好食，唔怪之得聽人講成日都大排長龍。食過一次已經愛上依間店嘅炸脾。

✨上環人氣小店✨忙裏偷閑，星期六到上環食bookmark左好耐既小店。星期六既上環多一點寧靜，因為早去，唔洗排隊直入。💜炸生髀配冬蔭公河$84 🌕🌕🌕🌕/5第一次見呢個配搭，好新鮮，所以一直想試。雞髀炸到勁脆啦，大隻多肉食，切落去雞汁流晒出嚟，好juicy，雞髀沾冬䕃公湯食，又另一個風味。冬蔭公湯酸酸辣辣極開胃，啱晒夏天咁熱冇咩胃口食。🍴整體食評✅炸髀唔錯✅冬蔭公湯底惹味✅配搭新鮮✅多種選擇❌價錢可以再平d

<味道> 📍上環🔸推薦Juicy生炸髀 🍗🔸抵食夾大件 🥘 性價比之最！！！呢度兩個人食到咁款，都係$200左右。越式香茅蔥油豬扒煎蛋飯 ($70) — 唔講得笑，蔥油同埋甜豉油，撈埋啲蛋漿，完全係白飯小偷！！！🤤 啲豬扒都OK，不過個飯真係冇得輸。炸雞髀配泰式冬陰功河粉($84) — 炸雞髀脆卜卜，此開雞髀依然有汁，唔會乾爭爭 🦦 濃厚冬陰功湯底 🥴 河粉滑捋捋，索啲湯，好惹味！（推薦）跟餐特飲+$12，餐廳提供無糖version，白糖記得要自己加 🤓🤓🤓

之前同事帶過我去食呢間，記得當時晏晝去都要排隊10分鐘😱 今次我就醒定夜晚先去，估唔到仍然全場爆滿，仲要等位經過男友精密分析，呢度嘅餐大概70到80蚊落樓，就算飲泰式奶茶都係加$12，而且每人都會叫最出名嘅炸雞髀！！目測每枱都有，可見受歡迎程度上次試咗炸雞髀係生炸，上枱真係勁大隻熱辣辣。飲住食完先再食冬陰功麵。另外香茅蔥油豬扒煎蛋飯又係抵抵之選，完全中哂男友既愛好 😆 循例每人加杯特飲，超級滿足—————-𝙒𝙚 𝙤𝙧𝙙𝙚𝙧𝙚𝙙:炸雞肶配泰式冬陰功河粉 $84越式香茅蒽油豬扒煎蛋飯 $70泰式炭燒豬肉串 (6串） $95+12 泰式奶茶+12 青檸檬梳打—————————————————𖠿𖥣 味道 (上環)〒 上環畢街15號地舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram___🥇Follow @eathkgirls

今次已經係第三次光顧位於上環嘅呢一間隱世小店，店內大約10張枱，每張枱四人坐。所以除非假日來，如果唔係辦公繁忙時間，都要等一陣先至有位。每次嚟都會叫佢哋嘅人氣雞髀蔥油飯同炸豬扒飯。雞髀外脆內軟，有肉味，蔥油汁加枱上嘅豉油落飯非常好胃口。佢嘅炸豬扒我覺得做得幾出色，外面脆脆裏面嘅肉暖暖軟軟的。另外比較少人叫，但我覺得都幾好食嘅冬陰功湯米粉配佢哋嘅人氣炸豬扒。呢一個幾適合唔想食太多飯嘅OL。個人感覺唔係太辣，酸味剛剛好嘅湯底。

味道 地址: 上環畢街15號地舖 =====================呢間好出名，有傳媒彩訪介紹，所以有好長人龍。今日約埋個fd 來食佢，叫了最多心讚同推薦架食物。先炭燒豬肉串肉質柔腍，肉串刷了很多，汁甜甜地生炸雞脾跟冬蔭公湯河，是生炸隻雞脾呀，炸到勁脆啦，大隻多肉食。個冬蔭公湯酸酸辣辣極開胃。香茅豬扒蔥油飯淋上特製醬油，豬扒醃到好重茅味，肉質都是很軟，個蔥油撈飯，一口氣吃光。飲料叫了泰式奶菜同青檸枕打，好岩夏天。朋友食過都話好食，絕對要再encore 人均$100左右兩個人食飽飽。

今日掃就到上環搵好嘢食，行過條橫街見到都幾多人排依間味道yumyum，就同朋友坐低食晚飯。我地叫咗越式香茅蔥油豬扒煎蛋飯，泰式冬陰功湯與炸雞脾，小食炭燒豬肉串。飲品叫咗泰式奶茶同青檸梳打。所以餐點都好有份量，好滿足。朋友個香茅蔥油豬扒煎蛋d 蔥油好香濃，食之前再落咗秘製豉油，煎蛋有流心，好食。香茅豬扒都醃得好入味，味道唔錯。我自己嘅泰式冬陰功湯仔濃郁，酸味好足夠，亦都唔會太辣，配菜都有粟米芯，我自己都幾鍾意呢個冬陰功湯底。另外嗰炸雞髀皮脆，肉質嫩滑，唔錯。我哋另外叫咗炭燒豬肉串，配秘撈沙嗲汁，十分滋味!整體嚟講，食品分量足夠，味道yumyum，扺食

冬陰功河粉湯頭酸辣甜美,恰到好處,不會過於刺激味蕾,展現出泰式料理獨特的風味。河粉質地彈牙,與蝦肉、魚片、各式蔬菜完美融合,層次豐富。泰式炭燒豬肉串肉質鮮嫩多汁,外層炭燒恰到好處,散發出引人入勝的香氣。特製的調味醬汁完美襯托了肉味,令人難忘。

The young manager constantly harassed us to force us to move to another shared table when there were vacant tables available throughout our visit, giving us pathetic reasons why … he did this for other customers who arrived too, until a westerner arrived, for which he allowed the westerner to sit on a 4 person table by himself !!! This is precisely the sort of poor service which gives Hong Kong local businesses a bad reputation … out of principle I will never visit this restaurant again !!!

身為港島人嘅我終於試到上環非常出名嘅「味道」，小店無論中午同夜晚都非常爆滿，可見係幾咁受歡迎👍🏻主打生炸雞肶同蔥油豬扒飯等，我同朋友仔梗係嗌呢兩款必點嘅招牌啦😋生炸雞肶配泰式冬陰功米粉必食👍🏻👍🏻大大隻嘅生炸大雞肶，即叫即炸皮脆肉嫩，雞肉非常juicy，咬落去脆卜卜裏面軟滑，夠晒入味，入口啖啖肉超級滿足😋冬陰功米粉正宗泰國風味，酸辣香濃，味道豐富而有層次越式香茅蔥油豬扒蛋飯必點👍🏻👍🏻超大塊嘅豬扒配上太陽蛋同蔥油，再喺米飯上加上濃稠嘅黑豉油，豬扒比我嘅手掌更加大塊，肉質鬆化軟腍，將太陽蛋蛋黃篤穿，加入香味撲鼻嘅蔥油，撈入米飯之中，每粒飯都裹滿蛋汁，滋味無比泰式炭燒豬肉串豬肉串充滿炭燒嘅香氣，外面燒得焦香焦香，豬肉仍然充滿肉汁，店家嘅沙嗲醬濃郁香甜，入口仲食到粒粒嘅花生，兩者配搭無得頂👍🏻📍味道 (上環)上環畢街15號地舖人均消費：$100-150食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️回頭率：⭐️⭐️⭐️⭐️⭐️

之前睇youtube見人介紹上環呢間小店，無論午市定晚市都好多人光顧，又話炸髀大大隻、性價比高等等好評，即刻吸引左我嘅興趣😆。難得要去港島做野，收左工登特坐幾個站嚟潮聖一下。星期四晚上6點嚟到，當時客人唔多。不過差唔多7點，每枱都坐哂人，門口仲有人等位。如果唔介意坐得迫夾D，搭枱嘅應該可以直入。炸雞髀配冬陰功河粉 $84由於呢度炸髀出名，加上自己同友人都中意食啖啖肉嘅雞髀，所以每人叫左一隻😏。友人隻炸髀SIZE正常，佢話算唔錯。至於冬陰功湯就太酸、唔辣、甜味唔夠，得個酸字，河粉偏碎，麻麻地。炸雞髀配日式咖哩撈鳥冬 $84我自己果隻雞髀比友人果隻更細隻，再同包紙巾比較，好明顯只係1.5包紙巾嘅SIZE….好失望，根本就唔係大隻…🙄除左SIZE之外，雞髀炸到有少少苦，而且醃到好鹹!!! 😫日式咖哩有D甘筍同薯仔，但一D都唔日式，唔甜之餘，仲要好鹹!!😑基本上髀同咖哩都唔OK，唯一優點係雞髀即炸出嚟，熱辣辣。總體食物唔啱我口味，調味過鹹，全餐最好係杯咖啡😂餐廳無加一，支持電子支付方式。

炸雞髀冬陰功炸雞髀有啲功力！炸雞髀外皮酥脆多汁,入口即化,內裏的鮮嫩雞肉更是突出。這道泰式冬陰功酸辣湯頭既濃郁又清爽,酸中帶甜,回甘無比。泰式炭燒沙嗲豬肉串本身豬肉串已經甜甜地！肉質鮮嫩多汁,散發出濃郁的香料風味。烤至微微焦香的表皮,搭配上超級濃郁花生味的醬料調味！好還原泰國食到嘅串燒！越式香茅蔥油豬扒煎蛋飯香茅蔥的清新氣息撲面而來,酥脆鮮嫩的豬扒搭配上流心邪惡的煎蛋,再配上粒粒分明的白米飯！啲豉油都幾好食！泰式奶茶睇個顏色就知濃郁！飲落覺得順滑同有奶香,恰到好處的甜度,回甘適中,清新怡人,實在是解渴消暑的好選擇。喝上一口,濃郁醇厚的奶香迅速在口腔擴散開來,令人如沐春風。青檸梳打清爽近乎沒有甜味的檸檬風味,帶有適當的酸香,碳酸泡沫輕快爽口,對於炎熱的夏日來說無疑是最佳解渴良伴。

今天來到上環，與友人討論着這裏有什麼餐廳是值得一試的，正當我們尋尋覓覓之際，發現在小巷中有一間低調的東南亞餐館 @yumyumhongkong 。肚子呢呢喃喃地催趕著，我們便決定一試。小店格局並不大，只有數個店員在忙碌地應酬客人，我們看看餐牌便洋洋灑灑地點了數樣菜式。➡️泰式炭燒豬肉串(4串)串燒一共有四串，外表呈深紅色，邊邊角角會微微地烤焦，讓人食指大動。串燒本身的醃料帶微微鹹香和甜味，豬肉算不上嫩滑多汁，但也未至於難咬。店家亦會附上一小碟沙嗲醬，沙嗲醬混和大量花生，口感豐富之餘，能讓人口腔充滿花生和香料味道。味道：7.5/10➡️炸雞髀配泰式冬陰功河粉$84這間小店有一個怪現象，就是每台客人都會貪婪地撕咬著炸雞腿，吸啜著手指上殘留的味道。因此我想這道基本上是這裏的招牌，也是每枱必點的品項。果然炸雞腿有如小編的手掌般大（甚至更大），外表呈啡色。外皮非常之脆，而且沒有多餘的油脂，單吃雞皮也不會覺得油膩和罪惡。內裏的雞肉嫩滑多汁，調味較重，能讓人吃到明顯的香茅味。至於冬陰功河粉也讓人感到驚喜，除了因為面頭放上大量芫荽，深得小編喜愛。也是因為他的湯底非常濃郁，雖然他沒有餐館冬蔭功湯那種濃郁的蝦

🇭🇰味道·呢間我之前見過好多人食㗎啦 佢個炸雞髀望落超吸引🤩🤩·越式香茅蔥油豬扒煎蛋飯$70 l 炸雞肶配泰式冬陰功米粉$84 l 泰式炭燒豬肉串(6串) $95不過食完之後我自己個人就鍾意佢個蔥油豬扒多啲😍🤤佢個豬扒肉質好好 超級juicy 配埋個蔥油同太陽蛋勁送飯🍳之後個炸雞髀都唔錯 真係熱辣辣新鮮炸起 個冬陰功米粉都入味🐤之後個豬肉串都唔錯 不過都係豬扒最好味🤩🤩·#rbyeat#rby東南亞菜#rby上環·📍上環畢街15號地舖

星期六去上環食飯, 之後去灣仔睇無人機演出。餐廳主打泰越菜, 位於上環小巷, 坐位唔多, 但經常大排長龍。我哋叫左炸雞脾泰式冬蔭公湯河粉, 雞脾好大隻, 炸得香脆嫩滑, 咬落去好多汁, 配合冬蔭公酸辣湯底, 十分開胃好食。越式豬扒煎蛋飯, 豬扒香茅味突出, 加上自家製葱油十分好食。泰式炭燒豬肉串, 燒得好嫩滑, 配上花生沙嗲醬十分惹味。另外, 餐廳提供套餐配以飲品選擇, 而且份量十足, 十分抵食, 如果下次去開中上環下次可以再試。