味苑燒鵝餐室

營業中

休息中

荃灣西附近好多好野食，呢度仲有間出名食燒味嘅地方，匙羹飯碗仲有好傳統公雞圖案🐔。先有足料例湯，今日係粉葛瘦肉湯，好足料又入味 燒鵝皇叉燒飯味苑燒味果然唔錯，燒鵝皇外皮好香脆，肉質嫩滑叉燒肥瘦適中，蜜汁香味，好鬆軟 燒腩仔雞飯燒腩仔點黃芥辣，味道更出色，好脆豬腩仔皮😍雞肉嫩滑，配白飯好吸引，飯香又唔太淋👍呢度價錢大眾化，晚市雙拼都係60蚊，仲送飲品，凍飲都係加兩蚊，例湯都係送。下午茶時間仲有9折 呢度真係食啲咩好選擇👍

一向覺得燒味好普通，但有時見到移左民既朋友會home made 燒味，原來人在異鄉會特別掛念香港味道。呢度燒味用既部位幾靚，所以食得好滿足😊！🥢燒鵝、燒肉瀨：鵝皮又薄又脆，加上鵝肉細嫩 ，諗返都回味！燒肉皮脆就必須啦，估唔到肉同脂肪分佈咁均勻，完全冇肥膏。另一點要讚既係，師傅將肉切細細件，啱啱好一件一啖，可以elegant 地食燒味!👍🏻 🥢义燒、燒肉飯：义燒爽口，個人中意瘦义多啲。味道：🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅速度：🔅🔅🔅🔅（5🔅為滿分）

叉燒拼燒腩仔飯 $60成碗燒味飯幾靚仔～叉燒有驚喜，肉質嫩，而且燒得啱啱好，唔會太濃！燒腩仔係肥瘦相間咁，層皮仲好脆👍🏻肉質結實，但唔會靭，而且無雪味叉燒同燒肉嘅調味都啱啱好，所以唔洗額外再點醬汁都好夠！燒鵝飯 $58燒鵝肥瘦均勻，外脆內嫩，而且仲好入味~ 呢個價錢黎講算好高質👍🏻另外呢度嘅米飯都幾好食，細細粒，粒粒分明而且有咬口，食落仲有米香味👍🏻另外仲送咗例湯比我地飲💓個例湯一點都唔Hea，幾清甜，仲有2舊蓮藕😆凍奶茶 +$2鋪頭有2層，店內裝修新淨，光線充足，而且幾乾淨，地下枱面都無痴笠笠嘅感覺👍🏻味苑燒鵝餐室 (荃灣)荃灣大壩街21-23號地舖

早前在荃灣同媽咪行街時，發現有間專賣燒味的餐室叫：味苑燒味，剛是午市所以做緊燒味套餐 🍗，而且更優惠是下午茶時間去到仲有再九折！所以一齊幫襯下！燒味套餐更提供9款選擇都多選擇呢！又有蜜汁叉燒、味苑燒鵝皇、清遠走地雞、玫瑰豉油雞、脆皮燒腩仔等呀！我們點了蜜汁叉燒配味苑燒鵝皇，玫瑰豉油雞配脆皮燒腩仔， 份量都夠多，而且蜜汁叉燒燒得剛剛好又肥美可口！味苑燒鵝皇是皇牌同樣必食之選！加上有滑滑的豉油雞，好豐富，埋單都是不用$100，平價之選！

燒鵝下庄除了鵝脾外其他全部是皮和骨，一舊肉都無，買燒鵝加餸但成盒都係燒鵝皮，全家晚飯都失望憤怒不高興。家人平時是常客，常常推薦朋友去買味苑燒味，今次之後全家，鄰居及朋友圈都不會再幫襯這店了。想買下庄不是想要成盒鵝皮，如果店家無鵝肉，應該誠實説明，咁我可以改買第二樣燒味，這次失望的晚飯使家人聚會蒙上陰影，成晚不開心，白白浪費了難得的聚會，再有party 聚會都唔敢幫襯這店，唔想做老襯又俾家人朋友鄰居評論我為什麼要堅持幫襯這店，捱了一個難受的晚飯。

❤️有冇人同我一樣都好鍾意食燒味呢？🥳🥳我最近去咗一間新開嘅燒味店🆕裝修簡約又乾淨😍而且佢哋仲🈶️自己嘅爐燒❤每日上晝11點同埋晏晝四點半就會新鮮出爐❤🈶️品質保證喔👍佢哋嘅雙拼燒味仲好抵食添😋值得一提係佢地仲有一個驚喜位✅就係佢地除咗燒味🉐️之外❤佢哋嘅「即磨咖啡」同埋「奶茶」☕️都超級正呢👍🐔玫瑰油雞拼蜜汁叉燒 $58：❤叉燒肥瘦適中😋而且仲燒得好香🔥好惹味添❤玫瑰油雞又肥又多肉❤唔錯呀😋唔怪之得嗰日見到咁多人幫襯佢哋買外賣啦🥡🦤味苑燒鵝皇拼脆皮燒腩仔 $58：果然係燒鵝皇👍夠新鮮而且燒得又香口😋啱晒依家晚晚返屋企食飯🏡可以「斬料」返屋企加多個餸❤上庄$108❤下庄都只係$128👍抵食呢🚩味苑燒鵝餐室 ..📍荃灣大壩街21-23號地舖

偶爾幫襯烧味外賣都颇满意，本人習慣買燒味不用斬件，方便加熱時肉不易变柴皮。昨天去買一斤义燒，在門口碰見師傅在抽烟已经心感一凉，担心他没洗手就去觸摸食材。加上今次自已又没说不用斬件，结果回家打開發現貨不對板，全部都是下欄嘢，不同顏色左幾件右幾件拼合而成，又鞋又啞色的，連我一直對食没要求的太太隔天都問昨晚义燒在那兒買 ，很難食。 再没下次囉，已經由大鋪变細舗，質素每况愈下，祝老板好運啦！

「利苑」裝修重開後第一次去幫襯，名字改了些，地方只有之前的一半，都係有上下二層。好掛念利苑的燒味，今日叫咗新的殿堂級的「黑豚黯然銷魂飯」，賣相不錯，黑豚叉燒好腍滑但冇乜肉味，我都係喜歡以前的叉燒，還有兩隻煎蛋及蔬菜，份量頗多很足夠。另外來一個雙拼燒味飯 走地雞拼燒腩仔，走地雞好有雞味，燒腩仔有肉汁皮很脆，不錯不錯。午市還送上好味老火例湯及茶飲，奶茶就唔係好得太苦啦。我們坐上層，枱不多但好嘈雜，啲噪音散唔到，希望有所改善。

知道呢間食店好耐,灣仔都有分店,今日經過見裡面乾淨入去醫肚,試下佢哋做特價「黯然銷魂飯」$68,命名來自 1996 年電影《食神》,周星馳飾演的史提芬周,落難遭莫文蔚飾演的火雞贈了一碗叉燒煎蛋飯,結局食神大賽中做出叉燒煎蛋飯.一上枱見到顏色好吸引,少少肥叉燒好鬆軟一啲都唔乾一定冇渣,好銷魂唔會燒到好似炮台山嗰間專食「銷魂飯」燶得咁緊要,味苑燒得啱啱好 一舊食完有一嚿4大條菜心,兩隻大太陽蛋🍳甜豉油連蛋漿食撈飯一流！有蛋香問廚師原來真係食店自家太空爐燒嘅認真製作👍👍之後嗌咗燒鵝髀 $78 見到個樣已經流口水,顏色均勻,爆汁皮脆嫩滑！薄薄靚皮唔硬,肥瘦均稱,啖啖油香四射,邪惡得來卻令人非常滿足,配上酸梅醬甜酸適中.侍應姐姐最後送咗碗冬瓜老火湯,出面落大雨,但暖在心食店環境桌面乾淨,坐得舒服,輸蝕在位置差唔多到街尾,但咁高質素一定會再幫襯

好想食燒味瀨，呢間味苑之前幫襯過一次，感覺好大份，如果個日好肚餓就揀呢間食，我今日的確好肚餓，所以去食😆😆😆😆燒味單拼 $55 雙拼 $58我見到有燒鵝皇揀，但驚份量好少又無肉無揀到，揀左穩陣d，燒腩仔配瀨粉。送例湯同熱飲。份量偏大，燒腩仔好食，多肉少肥，個皮卜卜脆，好好食😋😋😋個瀨粉無味好淡，要點d汁先好番d見到隔離叫左燒鵝皇都好靚，下次真係可以試下😊😊另外，裝修後舖頭細左好多，地下好迫，又滑。張櫈一坐落去差d跣到🙁希望餐廳可以注意下。

味苑裝修前係我哋同事嘅飯堂, 裝修咗好長時間, 而家見佢開返, 又咁啱限聚令放寬咗, 所以我哋幾位同事就去食LUNCH。裝修後地方少咗一半, 有上下層。入去寫完資料同量完體溫, 我哋就被安排坐上層。雖然坐上層, 但係我哋無被遺忘, 食店都有安排足夠店員喺上層, 照顧周到。到點餐時間, 除咗馳名燒味套餐, 都有提供午餐。而我就梗係點返燒味, 今次點咗燒腩仔叉燒米粉! 食店好細心咁叉燒燒腩仔另上, 我好滿意呀! 因為之前食店有試過放埋落碗米/麵度, 搞到燒腩仔皮淋晒。今次分開上, 我仲食到脆嘅腩仔皮 叉燒方面, 佢咁啱俾咗叉燒頭我, 呢個部份係我最鍾意食嘅! 正! 米粉份量好多, 湯都好有味, 讚! 價錢方面, 比以前貴咗D。 食店衛生好過以前, 店員態度親切! 想食燒味飯都會再嚟。