味苑燒鵝餐室

營業中

休息中

餐廳位於荃灣廣場對面， 味苑是一家專賣燒味的餐廳， 光猛舒適， 環境衛生乾淨，有別於一般燒味店給人的印象。燒味套餐下午2 時就進入下午茶時段， 份量不比午餐時段少，但價錢平了， 抵食。雙併燒味套餐～選了味苑燒鵝皇併脆皮燒腩仔配米粉。燒腩仔皮脆， 肥瘦適中，不會太膩。配合黃芥末醬，更好食！燒鵝髀皮脆肉滑，鵝油很香，食落啖啖肉，配搭清湯底的米粉，味道一流！另外， 店家的餐具也很別緻，除了印有味苑二字， 還印有經典的公雞圖案。

🙋🏻‍♂️餓底探員今晚去咗荃灣調查呢間燒味飯，燒味飯份量大碗，性格比好高🍖🍗🍚叉燒油雞飯 $62 (跟凍檸茶+$2)📸表示個叉燒油雞飯好吸引，叉燒半肥瘦，油雞係髀位，睇見都流晒口水🙋🏻‍♂️表示個飯吸收咗叉燒同油雞嘅油香，食落好香，叉燒肥瘦適中有少少焦香，油雞香滑軟腍，加埋薑蓉一齊食更加惹味🦆🐖🍚燒鵝燒腩仔飯 $70 (跟凍檸樂+$5)📸表示呢個飯有燒鵝同燒腩仔，兩樣都燒都個皮好脆，令餓底我好期待🙋🏻‍♂️表示個燒鵝燒到皮脆肉嫩，食落充滿油香，燒腩仔個皮香脆，咬落去脆卜卜，而且肉質鬆軟，呢個價錢食到兩款高質嘅燒味真係好抵，好值得推介⚠️燒味飯套裝包一杯飲品，有茶，咖啡或汽水選擇，凍飲加$2，如果飲凍檸樂，凍檸賓加$5，價錢好優惠📈吃貨指數😋好味度 8/10🔙返啅度 8/10

平時屋企話加餸，都一定會去斬料~ 係荃灣行街見到呢間燒味店，就去歎返餐燒味雙拼🤩~🍜燒鵝 + 燒腩仔 配 瀨粉店面都寫「燒鵝」，唔係唔食啊?!燒得脆脆燒鵝皮，幾香又脆口🤭肉感都嫩滑~燒腩仔都係鍾意食個皮☺️！一定要脆卜卜！瘦肉、肥肉都層層分明！🍚叉燒 + 燻蹄 雙拼飯半肥瘦叉燒，肉感鬆軟，都幾夠蜜汁，份量適中~燻蹄鹹度岩岩好，配醋食都幾惹味~以上雙拼套裝都配飲品 (咖啡/奶茶類)~仲可加$$升級做燒鵝脾/雞脾~

平時大家講男人的浪漫一定知係豆腐火腩飯，但屬於我和謙謙的母子浪漫絕對係叉燒飯☺️，我地每月最小都會食兩次叉燒飯的。今次同謙謙來到荃灣的味苑燒鵝餐室，當然食佢地最強的燒味飯啦！🔯 味苑燒鵝皇 + 蜜汁叉燒飯 ～ 來到緊要試最出名的燒鵝皇，果然無令我失望，鵝皮脆有光澤，鵝油滲入鵝肉內，保持肉汁和油香，叉燒散發香氣，入口鬆軟，同時不失肉質的咬口。🔯 玫瑰豉油雞 + 蜜汁叉燒飯 ～ 豉油雞口感皮脆肉嫩，色澤呈濃濃的醬油顏色當中帶點玫瑰油香，叉燒蜜汁香甜帶點焦脆邊好吸引。可以選飯／米粉／河粉／瀨粉套餐加2蚊有凍飲，加5蚊有特飲

燒味雙拼套餐 $60黎到味苑一定要揀燒鵝做膽🥳 我揀左油雞同燒鵝我係勁鐘意食燒鵝皮 覺得燒鵝皮嘅油好香 咬落去脆口 食嗰陣有啲油心滲係口腔🤭燒鵝肉夠香同滑 份量都適中燒腩仔叉燒套餐 $60食開燒腩仔嘅人都會知層皮要鬆脆 呢到做得唔錯 咬落去脆卜卜 超正 而且鹹度適中 瘦肉同肥肉層層分明☺️ 半肥瘦叉燒最爽口 叉燒肉鬆軟蜜汁交纏👍🏻原來仲有印仔儲 儲夠5個就會有一個燒味飯即係買5送1呀 咁樣即係5餐嘅價錢 但係就食到6餐🤩

廣東人似乎特別愛吃燒味這種燒烤食品，加餸時，會選燒味；想不到吃甚麼時，也會選燒味。除了配飯，也可配合米粉、河粉、麵等其他主食，而我最愛的，還是燒味飯。  最近，荃灣廣場附近，開設了一間燒味飯店，晚飯時，想不到吃甚麼，最後便選了在《味苑燒鵝餐室》吃燒味雙拼。  平時很少選擇在燒味店進餐，因為一般燒味店的環境都較簡陋，不過，《味苑燒鵝餐室》卻大不同，除了簇新的裝修，還帶點雅致，果然是一間餐室，而非一般燒味店，感覺甚為舒適。  就連餐具都精心挑選，別具特色，是充滿懷舊感覺的老式公雞陶瓷餐具。原定想試試這裡的燒鵝，可惜，到店時已售罄，欠了一份緣份吧！ 幸好發現，這裡竟然有久違了的燻蹄，最後，我選了佛山燻蹄併玫瑰豉油雞飯。燻蹄大大片之餘，還切得厚薄適中，口感柔嫩爽快，最重要是配上傳統蒜醋汁，吃時蘸一點同吃，無得彈！豉油雞更是色澤均勻，泛起油潤亮光，入口時，雞肉鮮味嫩滑，相當高水準。  而蝦子餅就選了他最愛的脆皮燒腩仔併蜜汁叉燒，我當然不會錯過，每款也淺嚐一件。燒腩仔表皮爆脆，咬落去脆卜卜，肉身肥瘦均勻、層層相間，充滿肉香，店子本身提供芥末，但其實 BeautySearch 更愛燒腩仔蘸沙糖喔！蜜

加息要省錢呀，唔食咁豪，見呢間燒味店好乾淨，就一於試下！🇭🇰燒腩仔叉燒米粉腩仔脂肪及瘦肉層層相間，約有四至五層。肉質鬆化、軟腍無渣！肥瘦相稱均勻，入口即化又唔油膩，食到肉香。 外皮脆卜卜！咬落好似食薯片咁脆，皮下唔會太多脂肪。叉燒味道帶鹹而風味十足，肉質雖然不算很有咬口，但肉味濃郁！睇得岀控制火候燒出焦香，十分惹味！🇭🇰燒鵝油雞飯鵝外皮夠香脆，口感像吃薄薄的薯片一樣，外皮充滿油香光澤，鵝肉肥瘦適中，肉質不會乾柴油雞個汁做得香甜，肉質嫩滑飽滿！總結，價錢合理，質素有交帶，對得住港式燒味嘅招牌！

港式燒味絕對係我all-time favourite 😍疫情前無論去完邊度旅行返嚟都要食一碗燒味米粉有時喺其他地方食過燒味就覺得香港嘅燒味冇人能及叉燒燒鵝永遠係我嘅首選雙拼配搭有次係荃灣廣場食飽飽行出去出面嘅大壩街見到一間裝修四正既燒味舖，決定搵日有機會再試一試😋=====================餐廳位置喺荃灣廣場附近如果荃灣地鐵站出要行大概10至15分鐘，荃灣西鐵站出就會快啲大壩街係一條食街多國菜式嘅餐廳都有喺度搵食好方便！今次一行二人叫咗一個雙拼燒味米粉同埋一個雙拼燒味飯下午茶時間係兩點至5:30價錢相對實惠單拼$48雙拼$51一個下午茶餐包送老火湯同餐飲有誠意！總共叫咗兩個餐1️⃣蜜汁叉燒拼燒鵝飯2️⃣玫瑰豉油雞拼燒腩仔湯米粉四款燒味都相當高質燒味發燒友approved☑️- 燒腩仔皮脆肉嫩，分層明顯🟡-叉燒好出色，肉質嫩滑淋滑，唔會乾，肥瘦適中👍🏻-脆皮燒鵝，鵝肉嫩滑油香重，唔錯唔錯，配上黃梅醬，係佢啦係呢隻味啦！😋😋-玫瑰豉油雞絕對值得一試，估唔到呢個做法會令豉油雞多一份令你難忘嘅風味，咁岩比中脾位我，好好味😍兩個人試咗四款燒味啱晒我呢啲乜都想試既為食人😂下次如果行開嗰邊都會想

今日黎到荃灣大壩街食味苑燒鵝餐室。黎到緊係要試下佢個招牌燒鵝啦，所以叫左燒鵝叉燒飯同油雞燒肉瀨。一坐底就有例湯飲，今日係老火蓮藕湯。店員話，平時遲黎一步賣哂就冇得飲架啦。燒鵝冇令我失望，皮薄肉厚，而且啲肉唔會鞋口，點埋酸梅醬食更加好味。蜜汁叉燒皇亦係佢地皇牌之一，主打用黑豚肉而成。食落有香甜既蜜糖加上肥瘦適中，送飯一流呀。佢地既油雞都好嫩滑又唔會太肥，食落仲有肉汁添。最後跟餐叫左凍咖啡同凍檸茶，好飽。呢餐兩個人總共食左129蚊，可以講，食物質素絕對一啲都唔會馬虎🤗

在芸芸款式嘅燒味當中，我最歡喜歡吃的是叉燒，所以我會在空閒時上網search下邊度有好吃的叉燒， 居住在荃灣的我又怎不去試下這間 的叉燒呢。這間叉燒賣88蚊半斤，份量則有2/3發泡膠盒size滿。 我買的是半肥瘦叉燒， 叉燒口感不錯，肉質嫩滑有汁，不會乾身柴皮。 味道 鹹中帶點甜味，不會死鹹和過分鹹， 但我個人來說他們的蜜汁可以更多，味道甜多啲啲， 就更perfect喇。 這店的叉燒是我都so far在荃灣吃過最好的叉燒。 雖然他們是近荃灣西 我會再幫襯。 #因為太好吃和趕住吃晚飯， 我忘了影相😅

打完風🌀收工想出去行下👟。我地3人行👩‍👩‍👦去咗荃灣廣場附近搵食🥣。聽講呢度嘅例湯好飲😗，可惜我地去到餐廳嘅時候，已經送哂例湯啦。🫣🦢 燒鵝瀨粉 + 熱檸水嚟到燒鵝餐室🥢，梗係要食燒鵝啦。😉燒鵝味道濃郁，而且皮脆肉嫩。😌最鍾意❤️蘸埋酸梅醬食。滑嘟嘟嘅瀨粉份量多😎。食極都仲有。🐷 叉燒燒腩仔飯 + 凍檸茶半肥瘦嘅叉燒就最好食😋。燒腩仔外皮脆口🤭。腩肉唔會太肥，肥瘦適中。🥰飯嘅份量都絕對唔少。🥸🐔 香妃切雞油雞飯 + 凍好立克切雞同油雞嘅肉質都好滑。🤤油雞醃得夠哂入味😻，切雞配薑蓉送飯🍚，絕對好食。🫶🏽

如果係燒味店裏面最鍾意食嘅食物來講，我一定會揀叉燒，所以今日放工做完嘢就喺附近食埋晚餐啦。好耐冇食過燒味飯啊，今次同朋友齊齊食呢間未食過嘅燒味餐廳。由於我哋兩個人share一齊食，所以兩樣飾物都係我話事，我負責點嘅。我點咗一個黯然銷魂飯，一個叉燒燒鵝雙拼飯，冇錯！佢哋嘅共通點係都有好多叉燒喺裏面。食叉燒我最主要嘅要求就係唔可以太肥，又唔可以太瘦，又唔可以太硬好難咬開，最好希望食落去一咬即刻咬得開，而且燒得要阿香口…….講講下好似都好有要求咁，哈哈。問心真係覺得佢嘅叉燒係幾好食，主要係肥瘦啱啱好，而且配埋歌甜甜地嘅醬汁，送飯食好好味！雞蛋係濺到有少少半山熟，所以可以將佢撈埋飯一齊食。燒鵝係我朋友嘅至愛，佢唔會太過肥，而且果皮笑得多好夠腕口，大大碗嘅份量，平民價錢嘅一餐晚飯！

《味苑燒鵝餐室 - 荃灣》月頭食得太好，去到月中就開始手頭緊啦😂今日同男朋友去荃灣行街睇劇，諗左好耐都唔知食咩好😅由於8、9、10月都係我地兩個既大出血月，所以最好都係慳啲洗食番啲平價野比較好🥲我地喺荃灣廣場買左飛五點幾先睇戲，之後就周圍行下順便搵下附近有咩好食😎喺大壩街果邊其實有好多親民既食肆，價錢都唔算太貴，啱曬我地兩個窮L🥹最後我地比呢間燒臘店門口既黯然銷魂飯poster 吸引左，因為男朋友突然之間好想食叉燒既關係，我地就入左去啦😎入到去一坐底，店員姐姐就拎左兩碗例湯上黎比我地✌🏻例湯日日不同，當日既就係冬瓜豬骨薏米湯😋飲落好清熱，薏米有袪濕功效，啱曬清一清近排既”咀孽”(食得太多曳野)😆我地之後每人叫左一個飯💁🏻‍♀️我要左切雞飯凍檸茶$45 (下午茶有9折）而男朋友就當然叫左果個吸睛既黯然銷魂飯配凍檸茶$70 (呢個無折)，個飯份量都好足上面淋上燒味店既精華豉油♥️啲豉油甜甜地幾好味切雞肉質都幾嫩滑，無乜渣，當然要配薑蓉一齊食啦😜一啖飯一啖雞再加啲薑蓉👍🏻好好送飯😋男朋友個黯然銷魂飯其實都好出色，叉燒有燶邊同埋肉質都幾爽口，肥瘦均勻唔會太膩，重點係個煎蛋🍳督開左個蛋黃啲蛋汁流曬出

餐廳位置喺海壩街嘅盡頭，成日俾人遺忘，印象中佢以前個舖位大啲，希望佢做得住啦，佢啲燒味都幾好味~🔘黑豚黯然銷魂飯Wow啲叉燒好靚仔喎，半肥瘦少少燶邊，望個樣都知會好食，用上黑豚肉矜貴啲有肉味啲，食落好軟熟少少蜜糖味，兩隻太陽蛋都燶邊，蛋黃汁豉油撈飯好味!! 🔘叉燒燒腩仔瀬粉燒腩仔切成一口大小，肥瘦相間但偏瘦，唔想食太肥都啱我哋胃口，外皮少少脆，瀨粉滑身夠晒大碗!! 黯然銷魂飯有驚喜到我哋，可惜是日燒鵝售罄，呢日比較夜先食晚飯，下次早啲嚟試吓燒鵝先!!

今日去荃灣做野，做完係個邊搵食，比我搵到間燒味店都幾好咁，就入去一試。一入坐，先送一碗老火湯😍，唔係味精湯，都幾足料，味道都唔錯。燒鵝燒腩仔飯燒鵝肉鮮香肉嫩，啖啖肉，鵝皮燒得好香，油脂四溢，味道甘香，蘸上酸梅醬，去膩添清新，朋友都話好唔錯。燒腩仔皮帶微脆，肥瘦均勻，肉質唔嚡口，唔錯！燒鵝燻蹄飯燻蹄即係豬手，外皮Q彈，伴飯一流，蘸上蒜醋汁，去除豬皮油膩感又開胃。仲跟兩杯凍飲，正常茶餐廳岀品，大熱天時，解渴透心涼。