味一番

營業中

休息中

女朋友好鐘意食日本菜, 生日年年必食日本菜, 而我只要努力找一間能提供新鮮好味日本菜的餐廳便可。 今年我選定了這間味一番, 因為近女朋友放工後來, 最近她OT得很晚呢! 連生日正日也不能放假, 看得我超心痛, 幸好依間味一番沒有令我倆失望。我們點了: 一客加拿大海膽刺身, 刺身十分肥美而且很鮮甜沒有苦澀味配以青瓜片, 口感清新, 光是女朋友一人便可以KO一客刺身了, 她還說一點都不覺漏。 甜蝦刺身也是相當的肥美而且蝦肉爽口彈牙, 有淡淡的鮮甜味, 不用加任何調味亦可。刺身沙律配沙律醬, 有多款刺身混合切成粒, 拌勻沙律醬配沙律菜一起食, 雖然這個刺身很多, 但味道一般, 感覺刺身不太新鮮而且沙律醬下得太多了, 感覺很肥很漏!熱食方面點了雞翼, 雞翼醃得不錯, 很入味, 外面炸得香脆微濃, 雞肉也很滑還保持相當的水份不會乾身; 炸雞軟骨, 雞軟骨很香口可惜比較細件, 我想配啤酒是一流的, 可惜我們都不太好酒, 吃多一兩粒便覺得很油和漏! 整體這裡的刺身也相當新鮮而且味道不錯, 而家仲做緊優惠, 用信用卡埋單有88折, 不錯的一個選擇啊!! 而且這悝給人的感覺像傳統的居酒屋, 我看侍應,

十月係食秋刀魚既季節, 之前係openrice已經見呢間日本餐廳有秋刀魚刺身食, 等到頸都長, 終於到十月啦, book好位, 星期五同女朋友黎俾個驚喜佢, 好一入到去服務員安排我地坐係最邊既卡位, 餐廳暗暗地幾有情調, 我即刻問係咪有秋刀魚刺身, 店員話有, 都幾肥美, 咁就要左一條, 同一板加拿大海膽, 上枱海膽真係好大條, 超甘香, 好好味, 係我食過最好美既海膽, 秋刀魚上枱都好有驚喜, 砌得好靚, 仲跟左個薑豉油點來吃, 燒秋刀魚就食得多, 秋刀魚刺身都係第一次, 味道幾特別, 口感甜得黎一d都唔腥, 我鐘意!!之後仲叫左個鵝肝多士,  大件到呢, 嚇親你, 鵝肝燒得外脆內軟, 入面仲好多汁熱辣辣, 配埋多士簡直係絕配, 再叫左個天婦羅大蝦卷, 又係好大件, 上面仲有天婦羅碎, 令到食落口口感更豐富, 蝦很新鮮彈牙, 果然係一分錢一分貨, 最後點了一個稻亭烏冬作結, 無得輸!! 而且依度服務真係好好, 侍應好有禮貌, 換碟又快, 最後老板仲送左個芝麻雪糕俾我地, 貴d一餐都覺得物超所值!!下年十月我會再來的!!!

返完學去左佐敦比賽結果大數對手, 成班麻甩仔好似中左波咁決定要豪一豪慶祝下, 本來諗住去食放題, 但係book唔到位, 有人提議黎依度, 話食過好新鮮仲話應該而家仲有位, 去到真係仲有位, 雖然今日係星期五, 但係都無令我地失望!我地好似放題咁不停點野食, 每樣野食都有驚喜都好好食, 首先刺身真係非常新鮮, 三文魚厚切肥美, 甜蝦亦相當大隻鮮甜肉質實唔梅, 新鮮表現, 海膽吾腥甘香不苦, 另外我地叫左好多個定食, 最好味係三文魚碎飯, 好香葸味同芝麻味, 壽司飯軟硬適中, 帶有飯本身既甜味, 個人很喜歡這個, 最後我地追加每人一件鵝肝壽司, 真係好味到不得了, 外脆微燶肉軟熱辣辣, 有一種甘香在口久久不散, 個人覺得配多士更好味  總括我地都係盡興而歸, 而且也要讚一讚依度服務真係好好, 換碗倒茶落單都很快, 而且有親切笑容令人感覺舒服  會再來的!!

想食壽司又想試新餐廳的一晚，這次選了味一番。預先訂位怕星期日的晚上會滿座，八點半去到，(發現其實不用訂位也可.......)。壽司質素一般，海膽吾腥但回甘不足，而油甘魚雪藏味偏重， 中間係我平時最喜愛嘅火炙左口魚邊，呢到係off menu 嘅，但味道也未如理想。令人有小小驚喜係右上角嘅燒雞泡魚乾，不過以佐酒小吃來說..略嫌有點貴。添食指數：：5/10

是晚朋友生日, 又考完試, 問她想食咩, 她說日本菜, 其中一個朋友提議來這裡味一番是居酒屋, 可惜我們不好酒, 哈哈, 點菜由生日的發板, 這裡星期六都不是太滿座, 但服務很好, 我們都很奇怪, 但見到老板每枱都會傾一會, 倒酒, 應該很多都是熟客。我們點了一個海膽剌身, 嘩, $198加拿大海膽, 超大超長超巨形, 很新鮮, 100分, 可惜每人只分到一件, 不夠不夠!!叫了兩個三文魚碎飯定食, 三文魚碎份量都多,加了很芝麻汁, 不用加其他調味已經很好味, 很香油脂味, 正, 三文魚就是要肥美才好吃還有一個不得了的清酒煮蜆, 蜆是日本蜆, 粒粒大粒肥美, 沒有沙, 很鮮味有淡淡的清酒香, 還有大量薯仔, 薯仔煮得很林, 索價都是$68, 完全是幾年前的價錢, 抵到不得了!!!WE WILL BE BACK!!!

又到秋刀既季節,剛巧又係我生日月,所以好友就同我黎秋刀最靚既味一番食個生日飯!!今年食過幾次秋刀,始終都靚都係呢度既貨!! 睇吓皮下脂肪白色果層幾厚就知油脂幾豐富! 入口油香充滿整個口腔,久久不散!!食完刺身,魚骨就炸脆要黎送酒,一流!!我最愛既兩款壽司,左口魚邊同鵝肝. 左口魚邊又係魚油豐富,油香經火灸後更香. 鵝肝外面煎香,入面軟滑得緊要!! 兩種不同既油香,真係滿足得不能形容!!!之前食開都係煙肉蕃茄串,今次好友喜歡食鵪鶉蛋多啲,原來又真係唔錯喎! 煙肉燒得香口,鵪鶉蛋黃冇過熟,好食!!炸蠔一直都好有水準,蠔夠肥又夠甜,炸漿又冇過厚.最後要啲送酒小食. 呢個銀鱈魚骨又係食左好多年,十分香脆,最鍾意啜入邊既骨髓,好好好食呀!!味一番絕對係有水準既食店,而且用心經營,我已經幫襯多年每次都好滿意!!

已经踏入立秋了，一年一度品嚐秋刀鱼刺身的时间又开始了，由於係季节性美食，每年只有3个月提供给大家食，有什么好食，淨係睇味一番師父的刀法和把眾多幼骨清除，已經值會票價，其次是肉質肥美多油，今年初次品嚐已经比预期好味，相信一个月后会更加好食，好多人問秋刀鱼刺身??點食呀？怕唔怕腥呀？但每次介紹比朋友試過之後，大家便愛上了牠。2013秋刀祭開鑼了，今年你食咗未呢？

山林道有很多好吃的餐廳，有時候我想不到吃甚麼，就到山林道閒逛一下，看看有哪一家的東西合心。這一次就挑上了味一番。餐牌有好多看樣子都很值得點的東西，下次可以再挑點別的，這次三個人吃，就點了三文魚腩刺身、壽司拼盤、西京燒銀鱈魚、魚湯烏冬和八爪魚燒餅。壽司拼盤是由師傅挑選時令材料去製作壽司，每件都不一樣，雖然價格不便宜，可是食材非常新鮮，性價比還是很高；三文魚腩是我個人偏好的食材，同樣的新鮮甜美。熱盤的八爪魚燒餅是整天晚上最好的一道菜，口感特別，八爪魚的脆和燒餅的鬆軟，出奇的配合；味道也剛剛好，有一些餐廳的八爪魚處理不佳就會腥味很重，這裡很好的把八爪魚的鮮味帶出。魚湯烏冬也是，魚湯味道恰到好處，有魚的鮮味而沒有魚腥；烏冬咬口夠，中上之選，卻被其他菜給比下去。西京燒銀鱈魚同樣是材料新鮮，烹調火候剛好，味道比我其他地方吃過的層次更豐富，很值得一試。最後的甜點是綠茶、柚子、芝士冰淇淋，每一款都把它的味道發揮到極致，更難得的是甜而不膩，看看自己愛哪種味道就挑哪種就好了，我個人喜歡柚子味。整體來說，味一番的東西都很好吃，不算便宜，食材新鮮，性價比高，平日要是想好好地吃一頓，這裡是一個不錯的選擇。

近日連日下雨及潮濕！原本心情都悶悶地！同事相約都公司附近山林道「味一番」午飯！到餐廳，因尚有12 點批學生還未吃完，我倆被安排坐 Bar 枱！我感覺更加好，因可以近距離欣賞刺身師傅的刀法！這裡餐廳午飯時候有「午巿套餐及定食」供應！細閱 Menu: 價錢由$58 起！包蔬菜沙律、麵豉湯、三件三文魚刺身、一客小食、一客主菜及飲品！而我點了一客吉烈咖哩豬扒飯，而同事點了香煎三文魚頭定食！餐前前菜：不太肯定是什麼，但好好味。而麵豉湯：可能今天天氣少許寒冷，感覺特別暖胃。而剌身師傅在玻璃櫃內手拿三文魚在我面前切了三片，放在碟上，之前放在我枱上！嘩，好新鮮呀！（＾ν＾）到吉烈咖哩豬扒出場啦，單看賣相，已很吸引，尤其愛有很多薯仔同咖哩汁，食落，真的好好味，咖哩不棘，好餸飯！Conclusion: 今天食得很滿足！So Happy

幾年前我吃刺身，魚類只吃三文魚，吃到的吞拿魚總是瘀紅色的普通貨色，口感又不好，吃其他的魚總覺得味道怪怪的，不過近年的確接觸多了不同的刺身魚，也吃到質素很好的，所以我吃的刺身魚種類也多了。好像秋刀魚，就是三文魚和拖羅以外，我比較喜歡吃的。秋刀魚每年肥美的時間很短，身邊愛吃的朋友都說時間一到就會狂吃，要把一年的量濃縮個幾月吃。是晚得到食友的介紹，來到這裡吃秋刀魚，食友是這裡的常客，我在臉書和微博看到她拍的秋刀魚照片，非常羡慕，因為怕旅行兩週後會過了時節，就在去旅行的前一晚拜托食友訂座，率先吃一條當造肥美的秋刀魚。先送來一碟前菜，有沙律和牛舌，鬆弛說牛舌炆得很入味和軟腍。秋刀魚。有些人說秋刀魚刺身很腥，我想這魚是有一種特別的味道，吃不慣的可能會覺得是腥味，但夠新鮮的秋刀魚真的丁點腥味都沒有，粉紅色的魚肉配上薑蓉、蔥粒和柚子醋同吃，入口油潤而不膩，實在不難理解為何人們會為此美食而瘋狂。炸秋刀魚骨。當造的秋刀魚，當然連皮和骨都不會浪費，吃完刺身之後店員就會把剩下的魚骨拿走再去炸。炸過的魚骨香脆可口不油膩，帶點鹹香，最適合送酒喝。鵝肝壽司。煎過的鵝肝熟了少許，所以入口未算很滑，但鬆弛說整體口感也不

點解話係港式呢?因為呢間餐廳雖然有著日式既裝修,但店內包括侍應到師父都係香港人,港式招呼,冇21234果D偽日文,雖則冇出色既日式服務,但都別有一番風味食評:由於野食太吸引, 淨係影左2張相@@首先叫左特上刺身定食, 呢道菜色係由師父幫你選擇3款當日特色既刺身同埋6件壽司比你, 加麵鼓湯同甜品,價錢幾貴,本身都覺唔係好抵,但黎到見到D刺身同壽司好厚好大件,我地2個人一舊壽司一人一半,一人咬左一半另一半都大舊過平時食開果D壽司店上面果塊一截...值得一提既係舊大拖舊冇筋, 入口即溶! 甜蝦亦相當肥美另叫左蝦天婦羅, 有4舊, 新鮮, SIZE亦足, 讚牛舌好好味, 但一叫要叫2串, 個人覺得唔太討好既安排豚肉蠔卷都好正, 蠔好新鮮,不過太肥膩, 分開食會好D總體黎講, 食物比想像中新鮮, 值得一試

食物普通, 價錢有點不合理. 最大問題是: "服務文化". 我是使用團購兌換券, 在訂位時他們說: "一位可用一張"; 但當晚入座後再查問, 得知要消費 $200 才可用一張. 我心想: "吃日本菜消費 $200 都沒有問題", 所以沒有作出任何爭論. 食物一一上枱, 沒有驚喜, 賣相沒有特別. 那招牌 "鹽燒牛脷", 好硬!! 非常乾!! "串燒雞軟骨", 份量極少?? 最後結帳時, 他們說: "祇收現金" 真是離譜!! 又是訂位時無說明?!?! 晚市時段, 連同團購客人都只是70% 滿, 還這樣待客人, 那有下一次呀!!!

已記不起是何年何日既事.我們染上了.........魚生癮!!每逢發作,都會展轉反側....撤夜難眠!非要吃一頓新鮮而又食得夠數的魚生才能除去這些感覺....今晚.......來了這裏是一間港式既日本料理,這裏從沒有扮野...港式就是港式...有問題嚒!我們喜歡坐bar枱跟師傳吹吹水...一同亨受星期六的晚上最衰只可upload 8 幅相, 否則可以同大家分享多d...螢光尤魚....夾脆/濃味, 配我自携既華舞台純米大吟釀......good..燒牛舌, 好味, 不過不算抵食, 62元2串 土佐豆腐, 做得好, 外香脆內又軟滑,good 先嚟一客赤貝刺身, 爽脆新鮮, 之後再encore, 但就無咁新鮮了.....原條小, 220元, 其實肉質幾稔, 但味道都算鮮甜, 不錯.高深池魚x2客,這個好好好好味,吃了這個,己把我們難受的魚生癮解了一半油甘魚暔x2客,又是又肥美/感動之作秋刀魚半客,這裏原條秋刀,取價$260,以質數,刀工,美觀,味美度來計,這裏......哎!!..燒銀鱈魚骨其余還叫了,枝豆,燒雞翼,蒜片雞腎,蒜頭漬,連兩支大嘉士伯Baby GaGa那晚沒太大胃口,只吃了

朋友仔生日飯交由我負責，好大壓力喎，如果揀錯餐廳，食得唔開心就敝喇 ~ 多謝各位好友對我既信任 ﹗我第一次黎，亦係第一個到，一早已訂定枱，所以完全唔洗等。時間尚早，所以無咩食客，環境好清靜，見裝修恰似日本小店，都幾好。牆上都好日本傳統地掛上木製餐牌。依度有免費 Wi-fi 方便食客，有需要時可按服務鐘，又有電視睇，配套唔錯。螢光魷魚，黎個前菜開開胃先。好鮮味，食其天然海水味夾雜住墨汁味道，咸咸地又甜甜地，一定要卷埋青瓜絲同吃，層次會更豐富。口感鮮嫰爽口彈牙，好好味，而且呎吋比我食開既仲大隻少少，我起碼食左六七隻呀 ﹗鮟鱇魚肝，再黎都係前菜 ﹗魚肝一啲都唔腥，涼伴跟酸汁蔥花麻油，非常醒胃。魚肝味道甘香，口感油潤軟棉棉，好肥美啊。三文魚沙律，三文魚切成粒狀伴與新鮮蔬菜配沙律醬，口感夠冰涼又酸酸甜甜，轉眼大家已成碟清晒喇，證明係好受歡迎既。蜆肉麵豉湯，我最鍾意就係飲熱騰騰既湯架喇。飲落有淡淡蜆味，麵豉溝得濃淡適中，溫度夠晒熱、好好味。發現有一粒大大隻既蜆肉喎，梗係即時啪落口啦，唔新鮮既，有少少嗅喎，失望啊，湯就好好飲。甜蝦，滑溜鮮甜爽口，過關。油甘魚，我既致愛，魚脂激豐富，超甜，最最最甜係紅

其實之前都去過味一番, 但都係食言正餐再去飲酒+食宵夜~今次ET話佢地做緊週年慶祝, 清酒任飲~拱高興梗係要gogogo啦~雖然發生日本核事故, 但希望你地都可以繼續撐落去!!!我地會支持你地的!!! 加油!!!足本: http://hk.myblog.yahoo.com/yr100fungf/article?mid=5388