吞POT 雞煲火鍋.住家菜

營業中

休息中

今個週末去旺角睇完屋企裝修啲嘢之後，就留咗喺旺角搵食🥳見到吞pot好高分，即刻打去訂枱，好彩都有得食🫶🏻前菜我哋叫咗個生蝦刺身，排得好整齊又大隻，食落好新鮮爽口🤤跟住就到主角麻辣雞煲，啲雞件都切得幾大件，煮耐咗都唔會覺得太老會柴皮，仲幾滑🤩調味亦都唔錯，唔會死咸。配菜方面，最中意都係十全大寶丸，分別係五款手打丸類各兩粒，五款都非常特別，尤其是黃金海膽黑墨丸🤣第一次食已經愛上😍鍾意食丸嘅朋友，一定唔可以錯過❗️整體所有嘢都好高質，食物質素真係好高，服務又好， 一定會帶朋友再嚟。

冇諗過呢度嘅餐前小食都有咁多選擇，搞到我都想同大家分享吓今日試咗嘅兩款小菜😝除咗今日嗌既呢兩款，其實佢仲有生蝦可以嗌🦐✔️辣酒煮花螺$82✔️Wasabi 牛柳粒$82因為我哋之後仲要打邊爐，兩個人又食唔到咁多，所以我哋今次淨係嗌左兩款試一試味道🤣 Wasabi 牛柳粒好特別，都係我第一次食🐮又估唔到幾match，而辣酒煮花螺都好入味打邊爐方面我就推薦呢款牛，牛味好重，好鮮，份量又大，佢雖然薄薄地一塊但係都好重牛味🥩， 又加埋醬油及蛋，真係好好味，我地忍唔住叫左幾碟呀！哈哈第一次食呢間既打邊爐，好有驚喜，配料高質不在話下，小食同埋好高質呀！同埋佢地原來７:30前離座或９:30後入座所有火鍋配料及小食都有半價呀，好抵！😍😍😍

我地一行4人點左以下份量: 香辣雞煲(半隻)稻庭烏冬極品手切封門柳芋絲西柚特飲(杯)-今日黎到呑pot，要向大家傳授一個我每次黎都必食既一個食法😋包保大家都肯定會食過番尋味💦因為呢個combination無得輸，無論我同咩friend黎佢地都會大讚👍🏼就係用雞煲汁底去煮烏冬🤣不過因為通常食完雞都可能只係淨翻少少汁，所以要加少少水再慢慢煮至得🐔因為個汁實在太出色，所以芋絲就滿足到我想撈汁既慾望之餘都減少我既罪惡感🙇🏻‍♀️另外封門柳純粹私心想嗌🐮因為見佢隔離枱啲牛好靚，所以就淨係揀咗半隻雞留返啲quota比封門柳🤤我地4個人都覺得好滿足，食物質素好高，個個都捧住個肚走，正！

1️⃣極品雞煲翅(全隻)2️⃣酥炸魚皮3️⃣十全大寶丸(10粒) ✔️手打生拆蟹粉墨魚丸✔️手打黑松露墨魚丸✔️手打黃金海膽黑塁丸✔️手打香煎鵝肝蝦丸✔️手打芝心牛丸第一次食雞煲翅想同大家share下😍原來雞煲翅入面都幾豐富而且個湯底都幾濃郁，因為佢係用原隻雞落去煲🐣再加埋其他配料一齊熬製，所以係個雞煲翅上枱之後我地4個都忍唔住飲左碗湯暖暖肚🔥之後仲另外嗌左每次邊爐必備既魚皮🐟而今次我反而覺得就咁食個魚皮好過浸落湯到，因為個湯就咁飲都試到雞既鮮味，如果浸埋落去就cover左雞湯既味道👅呢間無論食物質素同服務都好高質，值得介紹比大家呀！😆

一大班朋友約出嚟食飯最好梗係打邊爐，一邊滾下滾下，一邊傾吓偈🫶🏻真係幾開心，一解返工既悶氣，所以打邊爐真係香港人至愛！尤其岩曬最近既天氣，凍凍地岩曬打邊爐😆呢排食得重口味嘅嘢太多，所以我哋湯底叫得清淡啲😄皮蛋芫荽湯拼鮮魚湯。咁樣夏天打邊爐都唔怕上火😝冇咁熱氣。魚湯亦都有好多骨膠原，夠養顏 。仲要係一啲都唔腥。連平時唔飲魚湯嘅我都鍾意👍🏻見到餐牌有推廣，新鮮本地手切騸牯牛即刻叫咗份嚟試吓。真係好高質！牛肉質嫩滑，脂肪油花豐富而肥美。用嚟打邊爐真係最啱，尤其是配上唔係咁濃味嘅湯底，更加食到牛肉本身嘅肉味。一定要keep住呢個配料😜下次都一定會再叫。

本身好鐘意食螺，見呢度有得食辣酒花螺雞煲當然要試下啦，醬汁辣辣地好惹味，花螺都吸倒啲湯汁好好食，雞件唔會比頭頭尾尾，全部都啖啖肉，肉質都幾滑，推介推介！叫左啲海鮮食，美國桶蠔好大隻，滑溜溜入口都好鮮甜，鐘意食蠔既朋友仔要試下☺️3秒象拔蚌真係3秒就可以食，超爽口好有口感！切左薄片令到象拔蚌好快熟，可以就咁食佢既鮮甜味或者配醬汁一齊食都可以啊最黎食埋菜菜籃入面啲菜就perfect平衡曬，有齊菜同金菇吸收湯汁精華更惹味，下次再黎！

哩到係散叫雞煲的，唔係任食，所以價錢唔都太抵，我會EXPECT D雞好食D同份量OK，但雞無雞味，半隻雞，份量好少，2個人食唔夠，而且叫其他野食價錢都唔平，肉都要$120+，如牛肉的話，佢雞煲係熱鑊下油，加入薑片﹑蒜頭，用中火爆香，有加入雞件(半隻雞份量) ，GAS 係中火將雞件炒至金黃色(無全熟) ，佢有炒到香料出味的，我地有叫到魚，丸，菜的，甘樣先叫經濟少少，2個人無咩點食到都6百幾蚊了！ 所以都叫唔多食物

同朋友傾計食飯，朋友話依間好食，今次就約在這食 。叫左個花滋補螺片花膠雞煲，個湯好滋潤，好好飲，唔係要留肚食好野真係可以飲晒佢 。雞唔嚡有啲雞味 。牛肉唔韌幾香牛味，五款手打丸亦好出色，粒粒各有特色，生菜好新鮮，生蠔大大隻又唔貴幾抵食，響鈴好香脆，落湯一兩秒又有香脆口感又有腐竹味，非常正 。

前排收工去左油麻地打邊爐，佢地除左火鍋仲有雞煲食，我們選擇了蕃茄沙嗲湯底鴛鴦鍋，湯底鮮甜沙嗲味好重❤️一坐底就試左佢地既美國桶蠔，好大隻！鮮嫩多汁，大滿足封門柳肉質嫩滑，配上湯底調味，更惹味！另外當然不少得豆腐，豆腐入鍋後，吸收了湯底的味道，口感滑嫩！餐廳環境幾大夠闊落，仲有落地玻璃透光度十足，店員服務態度幾好，好貼心，成日都幫我地加湯底，我地同行有個BB 仔，佢地仲會同BB 玩，好Sweet 呀！呢間食物質素好，服務又好，下次會再來，值得再試😉

生日緊係要食豪啲去獎勵自己啦，而平時就聽得多雞煲翅啦，不過真係食就第一次🐣唔知道個味道又係如何呢💦感覺都真係好奢侈，但時實上價錢就好平民啦😝🐣極品雞煲翅(全隻)$378果然見到一絲絲既魚翅，整體會係雞既份量多啲，但個鮮味都好足夠而且雞既肉質都好嫩滑🐮極品手切封門柳$328🐋脆肉鯇腩$98🐟自家炸魚皮$70配料方面都係好高質，而且都真係唔算貴，因為個盤牛肉真係好大盤🤣食完個雞都飽左一半，仲有個魚腩都好肥美，如果用埋佢地啲優惠都真係超值👍🏼如果係咁既質素我下次都會希望係可以散嗌，同放題任食真係兩碼子既

打邊爐大家係咪都覺得係只有夜晚先有呢？本身我都係咁諗，但原來呢間吞POT 雞煲火鍋.住家菜唔單止有午市，而且價錢仲抵啲添🤩咁岩今日星期日去，見到超多人喎💰所以都試左幾款配料😍✅三秒象拔蚌✅西班牙頂級黑豚豬腩片✅餃餃陣(自制韭菜餃+自家制鮮蝦雲吞+自制蟹粉蟹肉雲吞+魚皮餃)火鍋湯底佢都有幾款揀，而今次兩款入面我自己推介佢地既蕃茄薯仔濃湯鍋🍅因為都食得出唔係用味精去調配🥔有屋企飲湯既感覺，而配料咁抵就緊係要試多幾款啦🥳特別係肉類同海鮮除番一碟都係幾十蚊，而且 份量都無變👍🏼 好抵食，仲要食物好高質，食材好新鮮豐富，又多選擇，唔怪得日頭都咁多人幫襯👍👍👍👍👍最重要服務超好，不停問你需唔需要加湯，幫你補給等等⋯⋯呢個食物質素再加貼心服務真心滿足⭐⭐⭐⭐⭐

而家個個都北上消費食嘢，但係我就冇乜興趣，都係鍾意喺香港周圍搵好嘢食開心啲。好似今日咁嚟到吞pot，成個用餐體驗都好好🥰今日我哋想食得清清地，所以叫咗皮蛋芫荽湯拼招牌魚湯。減肥都食得😉配料亦都揀啲冇咁邪惡嘅，海蝦，豆腐都唔錯。海蝦size大隻又彈牙👍🏻豆腐 吸曬鮮味既湯底，好正，引得人人爭住食😍肉類方面就揀咗羊肉片，肉質嫩滑 ，羶味少。香港其實仲有好多好正嘅食肆等我哋去發掘，吞POT就係其中一間，環境好，食物夠高質，服務都唔錯呀，所以推介呢間比大家，可以試試😆😆😆

琴日過咗嚟吞Pot食雞煲，兩個人食半隻雞啱啱好，再加啲火鍋配料就完美。一上枱個雞煲香氣十足，夠晒熱辣辣。食落好惹味，啲雞好滑又有雞味，就算雞胸部位都唔會鞋口。而且切得都幾大舊，唔會好似坊間咁碎濕濕。配料方面，我就最推薦十全大寶丸同埋3秒象拔蚌，五款手打丸類各兩粒，不同顏色每款都好吸引。手拆蟹粉墨魚丸真係不得了。象拔蚌好鮮味，爽彈有咬口。整體嚟講，水準keep到，價錢又相宜，真係一間唔錯嘅火鍋店，唔怪得網上好評如潮LA，自己試過真心高汁，必定有二訪！

平時通常黎到都系食雞煲翅，今日想簡單啲，叫個鴛鴦鍋打邊爐，吾好以為普通湯底就冇誠意，相反，真係落足料👍🏻蕃茄薯仔濃湯配招牌螺片濃雞湯，兩者都好濃郁，裏面既配料亦都不少，真系值得讚。配料方面，我地今次吾食牛，叫左西班牙黑毛豬！放落蕃茄個邊湯底，真係絕配！10分美味，又嫩又有咬口。另外廣島蠔亦都吾少得，肉質肥美滑溜，耐煮性高，吾使擔心過熟，夠灑鮮味。朋友話聞到辣酒花螺好香，即刻叫左碟，上枱真系香噴噴，夠哂鑊氣，食落吾系太辣，但系夠麻，可以食得好爽。飲埋啤酒真系人生一大樂事。每次黎到吞pot都吾需要擔心質素問題，水準keep到，價錢又吾太貴，值得推介。

最近，我有幸在香港品嚐了一次令人難忘的麻辣雞煲打邊爐。這家餐廳位於旺角，環境舒適，服務親切，讓人感到賓至如歸。湯底與配料 麻辣雞煲的湯底是這道菜的靈魂。這裡的麻辣湯底香氣撲鼻，辛辣適中，讓人一試難忘。湯底中加入了大量的花椒、辣椒。雞肉選用的是新鮮的雞腿肉，肉質鮮嫩多汁，與麻辣湯底完美結合，入口即化。配菜選擇 除了雞肉，這裡的配菜也非常豐富。各種手切牛肉、芝芯牛丸、餃子等，讓人眼花繚亂。特別推薦他們的響鈴與麻辣湯底搭配得恰到好處。用餐體驗 整個用餐過程中，服務員非常細心，不僅會幫忙調整火候，還會不時添加湯底，確保每一口都是最佳口感。餐廳的環境也非常適合與朋友或家人聚餐，大家圍坐在一起，邊吃邊聊，氣氛十分融洽。總結 這次的麻辣雞煲打邊爐體驗讓我非常滿意。無論是湯底的味道，還是配菜的選擇，都讓人感滿意。如果你也喜歡麻辣口味，不妨來這裡試試，相信你也會愛上這裡的美食。