君御燒味

營業中

休息中

次次lunch time 經過呢間店都會見到超多人排隊，心唸係咪真係咁好味，今日我決定試下啦叉燒燒鵝雙拼飯HKD55一打開就哇～咗出來有陣陣煙燻味，係冇俾到我頭頭尾尾嘅！每一啖都係肉份量完全可以滿足我呢個食肉獸！叉燒係一成肥，唔會好似出面果D又乾又柴，抵食啊！最正一定係燒鵝，俾咗鵝髀位，皮脆肉多，我一定會再瘋狂幫襯！

呢間燒味出名好多人都知，近日疫情嚴峻，我午餐都只好外賣，早兩日試過附近嘅食神叉燒，今日又試吓呢度嘅燒肉叉燒瀨。呢度嘅瀨粉很滑，質感唔錯，而外賣嘅燒肉叉燒都好瘦，一點肥都沒有，不過縱使如此，燒肉叉燒都很腍很鬆化，老人家都食到，唔似望落去咁實崩崩，而且燒肉嘅皮係脆嘅，叉燒甜度適中，以雙併$38嘅價錢，確實唔錯。敗筆之處係呢度嘅瀨粉係用發泡膠碗，不出所料，一開蓋已聞到一陣熔發泡膠味，影響咗成碗瀨粉😞。

買3盒燒味雙拼外賣，整體而言不錯。我係肥叉燒鴨雙拼，肥叉終於斬左肥叉給我，好食到不得了。（依間叉燒都不錯，只想強調依間有時都給唔到d想食的位置）。但燒鴨斬出來好多都係骨，點食？好過分！希望店主能夠改善。

侄仔侄女話買北角某間燒味飯做午餐唸住過開北角買呢間天后 唔差啦門口堆晒人 等攞燒味心唸咁好食咩？排住隊卑錢等外賣買左4個燒味雙拼飯盒 每盒＄38 我估應該係價錢吸引叉切雞 叉燒肉 叉油雞 燒鴨切雞開盒 開飯哇真係個個都負評d雞 燒鴨 全部都係骨多叉燒又切到老厚咁量又少 飯就多唔記得影相 唔係有圖有真相唔會再幫親.........仲要卑侄仔話屋企樓下個間好吃過佢啦又＄35😑😑😑😑😑😑 唸住卑好嘢食 點知 徒勞無功無奈

今天在這家買了兩客飯外買，一個义雞飯，另一個燒肉飯。义雞飯义燒全是頭頭尾尾，雞全是骨無肉，燒肉咸到嘔，於是打電話落這間舖頭了解，聽電話的店員就說幾十蚊ge飯係咁㗎啦。無言。這間店舖换了老闆之後，食品，態度十分之劣，請各位小心中伏。

買半斤燒肉，「全部」都係頭頭尾尾，實在太過份。買嘅時間係lunch time，唔會係買剩先俾呢啲。其他鋪頭通常都係撘「少少」頭頭尾尾，冇佢呢間咁離譜！完全不能接受！大家買外賣記得check 清楚先離開！

君御燒味一直有唔少街坊捧場，大時大節都見到門外有長長嘅人龍喺度等外賣！呢間燒味舖亦深受明星歡迎，有時經過都會見到明星等外賣或者見到明星坐喺入面食㗎！👀呢度出名係價錢平，$38就食到個雙拼飯！門外嘅枱有放啲超平嘅雞腳、臘腸、臘鴨髀等，可以買返去自己煮！另外，佢哋嘅油雞&叉燒都出名好食😛 等外賣等咗大概8分鐘，店員都好有禮貌同友善咁將外賣遞比我，都幾有人情味！❤️ 蜜汁叉燒皇(半斤) $60識叫一定叫半肥瘦！☺️  叉燒嘅肥膏唔算多，脂肪比例幾好。呢度嘅叉燒特色係唔會燒得太脆，只有少少燶邊！肉質鬆軟多汁，外賣盒內有超多蜜汁喺叉燒底部，點滿蜜汁嘅叉燒色澤更靚、香甜美味！😋好食度：⭐️⭐️⭐️⭐️ (4/5)❤️ 脆皮燒肉(半斤) $65拎到返屋企個脆皮已經淋晒🙁...味道正常👌🏻好食度：⭐️⭐️⭐️ (3/5)餐廳推薦度：⭐️⭐️⭐️✨ (3.5/5)呢間燒味舖喺區內都相當有人氣，一search天后燒味舖絕大多數搜尋結果都係君御燒味👀 我試完覺得都值得推薦嘅，比較推介佢哋嘅燒味雙拼飯，超抵食！

前日中午行過天后君御見到燒雞潤，好少有得賣問下師傅話最低消費$30，見到啲叉燒半肥瘦有燶燶哋，就改咗買一盒叉燒飯加燒雞潤。我同師傅講吾該： （半肥瘦燶燶邊邊义燒，燒雞膶小飯加姜蓉）抱住冇乜期望嘅心情打開個飯盒真係開心左半日，Bingo👏🏻👏🏻 全齊，好好味😋😋😋😋真係好小寫OpenRice都要讚下👍🏻$38元我仲打電話去話比收銀姐姐知，要讚下個師傅，希望次次都係咁有heart!順便講下👇🏻灣仔再興飯店，同埋柴灣出名叉燒乳🐷嗰間，次次都係俾啲柴皮白雪雪叉燒我，如果冇半肥瘦就落單嘅時候話俾我聽冇咪得 ，唔使買咗盒飯都唔知食唔食！

君御燒味已經幫襯咗很多年，每次都是堂食，叉油雞飯係必點之選，例湯也很足料，絕配。堂食價錢、份量對比起附近的燒味舖的確很優惠、大件夾抵食，物有所值，味道也很好。近一年運動事件加上疫症，少了堂食唯有轉買外賣，但食物質素、味道竟然每況愈下。試過兩次買半隻燒鴨都是少了一嚿髀位，今日買半斤半肥瘦叉燒竟然半盒都係全肥油，完全不能食用，不知所謂幫襯外賣嘅客人記得在門外檢查清楚才好離開

Encore 買個燒味外賣。叫左盒三寶飯($45一盒)加盒叉油雞飯。屋企人個盒三寶飯真係好吸引，一打開盒，超滿，d餸舖滿晒，超抵食。燒肉：夠咸香，有五舊。燒鴨：正常。豉油雞：雞肉幾滑，成隻雞髀，正。咸蛋：正常野，送飯一流。油菜：正常。自己就食（半肥瘦）叉油雞飯，少飯（之前食三寶食淨好多飯），多蔥油。d特別要求真係有落到單喎。蔥油：真係好多，幾乎係平時既三倍份量，送飯撈埋d叉燒汁，超正，我真係好中意食蔥油。叉燒：全瘦叉，都唔係半肥瘦既。君御最好味既我覺得係佢既叉燒，今日有d失望，瘦叉始終係差d,有d位比較柴。油雞：甘少既...得三舊雞胸肉。我中意食雞脾雞翼滑溜既肉多過雞胸囉。偷食隔離三寶其中一件雞脾肉，滑好多囉。

趕住開會，快快趣買個外賣返去食。近近地就買燒味飯。叫左盒三寶飯($45一盒)。一打開盒，好滿呀，d餸舖滿晒，超抵食。有成五六舊燒肉：皮唔夠脆。五六舊燒鴨：正常。三舊豉油雞：雞肉幾滑，仲要比左個雞髀我，正。半個咸蛋：送飯一流。油菜兩條：正常。蔥油：送飯一流。包保你食完，有排都唔餓。

住係天后，炮台山附近，食盡呢區嘅燒味，最好食同最低食非佢莫屬！我敢講，天后/炮台山成個區，佢地嘅燒味係最平但最好食！仲越泥越進步添！我同老公分別叫左油雞燒肉飯同叉燒飯，加一碗湯同油菜share！ 佢個叉燒飯先33蚊，叉燒肥瘦適中，啖啖肉，唔會好似炮台山個間賣D黑色燒燶舊邊邊俾人食，仲要俾夠飯，搭兩條菜心！33蚊係邊度搵呀！加個湯都係7蚊，係香港人最愛嘅青紅蘿蔔湯！我個碟油雞燒肉飯都好好食，師傅切嘅厚度同刀工對於燒味其實都好講究，如果切得唔好，就算再好嘅食材都會差咁D，今晚雖然唔多客，但係師傅都有三個企曬係度，每次客人落order都好認真切每一舊燒味！至於燒肉我有少少強逼症，如果可以每舊燒肉都連住塊脆皮就好了！希望下次有！另外，簡單一碟油菜都令我有驚奇，唔會煮到淋曬，軟硬適中，配上少許蠔油滾油，非常配合燒味飯！ 我同老公一啖飯，一啖湯，一啖菜，就咁就過左一個完美嘅晚上！平平淡淡又一天！

今日lunchtime經過天后呢間燒味舖，見到君御燒味唔洗排有位坐，即刻又行入去！午市單併$33、雙併$35 粉、麵、飯同價。叫完之後好快就有得食😍可能因為中午，人流多既關係🙊 因為碟飯都幾大碟下，所以女士們可以叫少飯！.分蹄叉燒飯 $35賣相唔錯好足料! 好鐘意食呢度既分蹄 ，唔會太肥有咬口！今日俾左瘦叉，都唔會好乾，燒得好食😋.我仲加配左個老火湯 $7 湯渣好多，真材實料，而且唔油👍🏾. 東區好食既燒味暫時有兩間！呢間係其中一間！性價比非常高👍🏾👍🏾👍🏾

午飯時間經過天后這間燒味店，午市單併$33、雙併$35 粉、麵、飯同價。不想吃飯於是叫了瀨粉併燒鴨。可能是中午，叫飯反而起得快，瀨粉或因要另加煮熟時間多了。朋友叫的叉油雞飯很快上枱，嚿嚿肉加上薑蔥油，魔鬼的誘惑。燒鴨瀨粉，瀨粉好似煮得時間奈了些，質感是軟韌半像米線，總覺與平時的瀨粉口感不同，還是喜歡傳統瀨粉。湯底味道不錯，加入蔥花帶起點香味。燒鴨皮不見有黑毛，拔得乾淨故全部可吃，脆皮下面有一浸肥油，入口油化開。從健康飲食角度來說，久不久吃一餐也可以。

近日終於迎黎秋風, 收工終於有閒情係條街四圍搵食今日經過天后, 係電氣道行真係乜野都有得食突然口癢想食乳豬, 就開始四圍搵燒味鋪行過呢間君御燒味, 見到門口一堆C9等緊外賣, 直角話我知應該係街坊店應該唔會伏, 入閘一試門口有一位四眼靚仔伙計, 好有禮貌招呼每一個客人入去係燒味店呢類 光速餐既世界, 有哥仔充滿笑容同你講「歡迎光臨」, 再充滿笑容同你講「多謝幫襯」呀哥, 呢D 叉燒佬邊度搵呀?入到去見到人客都幾多, 但環境乾淨, 餐牌都唔望, 即刻叫碟「乳豬叉燒飯」因為係食夜市, 好彩重有乳豬賣碟飯黎到, 乳豬睇落已合格有突但叉燒佬既心情似乎受香港複雜既環境所影響, 比舊叉燒有少少太瘦雖然已經晚市, 但食落乳豬皮仍然非常鬆脆, 有好香既碳燒味乳豬厚肉而嫰口, 街坊店黎講已算超水準表現平時係中環番工, 有時口癢食碟乳豬飯, 輕則80大元重則過百埋單, 但都食唔到滿意既乳豬而係天后呢度, 51蚊一碟乳豬雙拼飯有呢個水準, 贏晒啦呱散叫左杯凍檸茶, 茶味算香濃, 埋單走人離場時重遇四眼靚仔小哥, 應該係老闆, 全場飛非常落力靚哥仔隨單附送一客「笑容」同「多謝幫襯」心入面突然相信呢間係香港島最