影片
以上資料只供參考, 請與餐廳確認詳情
今日同朋友去咗天后嘅君御燒味，忍唔住叫咗個四寶飯，一次過試晒佢哋招牌嘅燒味。燒鵝皮脆香口，肉質嫩滑，咬落仲有肉汁；叉燒肥瘦啱啱好，帶少少蜜香，入口唔會膩；油雞滑溜唔鞋口，好容易咬；燒肉嘅皮脆肉嫩，帶鹹香味，每啖都好滿足。四款燒味一齊上枱，份量十足，配埋熱辣辣嘅白飯，啱晒返工午餐或者朋友聚餐。環境乾淨企理，枱距適中，座位舒服，阿姐招呼好，上菜又快，唔使等太耐。價錢以天后嚟講算合理，整體嚟講食得好開心，下次想再試佢哋嘅雙拼三拼或者其他招牌燒味，絕對會再幫襯！
繼續閱讀
今日喺天后食咗君御燒味，叫咗個叉燒油雞飯。份量幾足，飯熱辣辣，雞肉滑，叉燒唔乾，有啲蜜味幾香。以呢個區嚟講算合理，快餐速度快，上菜都好快，啱返工午餐或者趕時間食。環境乾淨，冇咩投訴，之後想再試下燒鵝拼燒肉。
繼續閱讀
位於天后電氣道的君御燒味，是近期試過最令人滿意的一間燒味店。餐廳屬於典型茶餐廳格局，地方不算大，但環境整潔，翻台速度快。叉燒選擇了半肥瘦，比例恰到好處，入口即溶，油香與微甜交織，沒有膩感。燒鴨皮薄脆，咬下時有輕微脆聲，鴨肉鮮嫩多汁，味道濃郁。油雞滑嫩，肉質保持濕潤，口感層次豐富。配上的例湯亦不馬虎，味道足料，為整餐添色不少。價錢方面，以天后地段計屬中等偏低，性價比高。午市高峰時段客人較多，建議避開繁忙時間，以免等位。推薦必點：叉燒、燒鴨、油雞
繼續閱讀
買外賣燒鵝油雞雙併$63燒鵝同油雞成盒都係骨收銀店員態度惡劣，落單、等收錢勁不耐煩斬燒味師傅成盒骨都出街唔使錢都唔會想再食佢隔籬嗰間新光燒味雙拼$40仲有湯、有得比八達通
繼續閱讀
叉燒豉油雞飯加咗薑蓉之後勁好食，啲叉燒係我食過最好味最靚既叉燒，肥瘦均勻，而且肉質嫩滑，叉燒汁都煮得好好味。豉油雞雖然肉唔太多，但係味道都一樣唔錯。成碟飯都好高質素，燒臘飯來講，呢間是不錯的。
繼續閱讀
您可能會有興趣的...