君好粉麵專家

營業中

休息中

今日到長沙灣保安道做 GYM，然後到君好吃魚蛋粉。初時看門面，不算寬敞，不過也嘗試吧！幸好，人生必須嘗試才會獲得。進入以後，發現尚算寬闊，而且冷氣足夠，尤其吃湯麵一類食物，吃完渾身很熱， 足夠冷氣是必須的。食評：價錢合理($34元)，另加紫菜($6元)魚蛋和魚片均彈牙，而且魚蛋夠圓和大和魚片夠厚，湯底有魚的鮮味，佐料有蔥和冬菜。

有時唔想食太飽，都會揾ｄ粉麵店幫襯下。彈牙片頭河 $33見餐廳自稱魚蛋牛什專家，梗係必試佢嘅魚蛋類。叫咗碗片頭河。個湯都幾淡茂茂，片頭總共四塊，都厚嘅，但一食落，好鹹。要自己加返ｄ辣油調下味。靚金錢肚河 $33鹵水醃過，金錢肚幾飽滿，爽口彈牙，湯底一樣淡，一樣要落辣油調下味。餐廳主要做街坊生意，侍應姐姐們都好快手好勤力。一入到去已經畀杯熱水你幫你落單，服務唔錯。雖然叫咗兩碗味道唔可以話好食，但一分錢一分貨，$33 算係咁。

湯底食唔出有大地魚味，淡茂茂，一啲都唔好食。買咗兩碗粉麵只肯比一包辣椒油，真係唔明白做街坊生意咁孤寒，一包辣椒油都係好少成本，態度咁差，只怕冇下次唔會再買，同區又有咁多選擇。而嗰一包咁珍貴嘅辣椒油一啲都唔香，都唔明點解比多包人都唔得，一碗麵一包辣椒油好正常啫，湯底咁淡得嗰少少鹹味唔加辣椒油真係唔知點食。推薦同區附近另外幾家 ，特別係元州邨地鐵站附近嗰一家湯底好味好多，同埋澤字開頭個家一都大份個呢間。

#君好粉麵專家有一排冇出來搵食，今日天氣好返d，馬上出動🤪係討論區見到依間有網友介紹，價錢經濟實惠，一試無妨。大約十一點半左右去到，客唔算好多好容易搵位。慣例叫 #牛雜麵 多蔥，只係$30🤭 真係好抵👍 跟餐 #凍檸茶 ，加$8。檸茶唔記得有冇叫少冰，因為冰比得唔多🤣 但有驚喜，茶色夠，雖唔係茶香濃郁，不過飲落都可以。牛雜麵份量都好足，牛膀牛肺都算大件，食落幾好味。草肚比較淋身，粉腸兩件都夠大件，整體都算唔錯。麵底就比較淋少少，唔夠爽口，湯底偏淡，換轉角度就係冇乜味精🤪 加紅醋後好食返👍 辣椒油落少少已經好辣😅如果唔叫杯野飲，依碗麵只係$30，真係幾抵食。加上姐姐又好禮貌，真心覺得唔錯🙂推介指數：7/10君好粉麵專家長沙灣青山道278號地下

每次到這間街坊小店都是光顧他們的港式粉麵。每次也是叫B餐，因為B餐是粉麵餐配油菜，適合想吃清一點，又想吃菜的時候。如果想吃飯的話，他們也是有供應的。這家店有在家吃的感覺，湯頭清，不會太咸。他們的河粉很滑，米粉更是我最愛。丸類個人推介牛丸，雲吞，魚片頭。（但魚皮餃就一般）紫菜也是不錯。另外每次叫的菜心，也必定會好吃。我想街坊喜歡光顧這家店的原因，是店舖環境乾淨整潔，地板乾爽，不會像其他的粉麵店地面油淋淋。

🍴牛腩河 🐂33 蚊平常既粉麵檔 鋪面見到師傅煮緊麵 櫃面幾個阿姐點菜 牛腩河 河粉份量 ok都算夠爽 湯底 少量味精 牛味都算濃 牛腩十分唔錯 肥瘦適中 個牛腩邊位有 d筋位 帶 d肥膏同瘦肉🐮 味道口感唔錯 加 d辣油都好味🌶️#粉麵 #牛腩 #牛肉 #河粉 #牛腩河 Score 平均分< 7/10>Taste 味道：👍🏻👍🏻👍🏻Present 外觀：👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#君好粉麵專家長沙灣青山道278 號地下~~~~~~~~~~~~

間唔中會專登過黎食返碗雲吞牛腩河，雲吞都幾大粒，又足料，唔會話得層皮咁，下午果時會睇到有伙記係到包。咬落去有陣陣既麻油香味，用黎配河粉一流。牛腩都做得好好，非常之入味，淋得黎唔會話一入口就散開曬，有少少咬頭，有口感。呢間粉麵比較特別既係佢會配D炸過既蒜同蔥花，令每一啖入口都有蒜香味同回甘。

跟着這個網站的路標去找，確實未必會找到你所想的店舖😣，但是其實地址的確正確，在青山道278號，但是路標肯定不是在東沙島街與營盤街中間。在西九龍那邊開始走過來，大概都走了10至15分鐘，而內裏的環境也有點兒督促🤦🏾‍♂️，因此，在這間店裏吃個熱麵，難免有點熱啦。點了一個牛雜牛腩米線，米線的份量也不算太少，可以說是網網千斤，但是各種配料的質素，卻碗碗都不相同😒。我的牛腩感覺真的很乾😨，都沒有什麼肥的部份，看到對面男孩的牛腩，覺得我的比較差，一看到就會覺得痴牙😩。究竟這麽瘦乾的牛腩，應該用大牙定門牙咬😐？牛雜也算是普普通通，牛肚還算夠林，然後腸，兩塊牛腸大相逕庭，一件完全沒有裏面的骯髒物，另一塊竟然入面肚滿腸肥；牛肺大大嚿，但是只得一件；牛蒡挽回些少聲譽，因為平時很少吃好蒡，覺得太多渣，這兒的牛蒡反而質素不錯，夠林夠綿。只看店鋪的門面，好像窄小，想不到，內裹竟然非常廣闊，呈長型，應該可以同時容納3-40人吃麵。

我由細到大都好鍾意食牛腩河，我發現其實牛腩河除咗香料同埋個汁重要之外，容器都好緊要，今日我喺呢間鋪頭可以食返童年時嘅味道，除咗牛腩好入味之外就係嗰碗，呢隻碗而家好少鋪頭會用，但係呢隻碗正正代表着我心裏面童年時食嘅最好味嘅一碗牛腩河。

長沙灣通街都係粉麵店!!其中我最鍾意既會係呢間君好!湯夠濃味!梘水麵夠爽夠彈牙，而且完全無梘水味，唔會食到口都苦埋。牛雜我覺得真係一流!牛筋、牛腸、牛肝、牛肺，每樣都處理得好好。牛筋唔會太腍夠爽口，牛腸，洗得夠乾淨又唔會太多脂肪!牛肝夠甘香，牛肺同平時煲湯豬肺好似。

先兩日試過這裡爽彈的麵後, 心思思又想再試其他.下午兩點鐘, 泊好車子, 專程到這裡一試他的撈麵, 店內的生意不差, 有十個客人左右, 稍後才知多數都是熟客, 街坊.因為大家都很友好地交談, 又知道熟人的口味.向阿姐要了牛筋撈麵, 廿二大元.五分鐘有得食, 捧上時, 阿姐很歉意的說, 當初忘記問我是要蠔油還是要腩汁, 便下了蠔油, 假如我不喜歡可以換.這做法是我以前未見過的, 店家多數落腩汁, 或加蠔油, 弄得十分鹹, 很少有得得選擇.當下便表示無所謂, 結果是稍為偏鹹, 見她咁好服務, 算啦, 碟上的份量不差, 牛筋的數量很多, 腍, 入味, 香料味濃; 麵是如常的爽口, 不過這次郤有少許梘水味, 要扣分.蠔油是意料中的差, 不過沒有期望, 也沒有失望.但是廿二元一碟高質素的撈麵, 是收貨的. 姑且俾笑臉啦!

這店的門面是很普通的, 街坊小店的典型, 假如不是專程去幫襯, 不會貿然進入.泊了車子在附近, 而其他的店已經試過, 心中想試這店, 本來的期望也不大.星期日四點半, 客人不多, 是十人以下, 地方頗為整潔, 自選一張枱坐下, 向阿姐要了最穏陣的牛腩麵, 17大元.其實這裡牛腩, 牛什, 雲吞, 餃子......等也有.五分鐘有得食, 碗很大, 不過份量郤不算多, 半碗左右, 牛腩是半肥瘦的清湯式, 先試一啖湯, 不錯, 偏淡, 牛味不算濃. 味精不算多.再試牛腩, 不算太腍, 不硬, 不太韌, 算是剛好的火候. 雖然是急凍貨, 有羶味, 也是不錯. 麵是有驚喜的, 很幼, 有咬口, 彈牙, 比起附近賣貴十元的所謂米芝蓮手打麵, 好得多.在這不見經傳的小店吃到這優質麵是意想不到的, 好!!!這裡的撈麵也只售廿二元, 是真的平靚正.下次要試試.

五時多才試完菜，放工仍然有些飽的，但晚飯總不能不吃，要不是半夜又會肚餓，隨便去吃些粉麵就好了。叫一碗牛腩河，上桌時感覺都幾好，至少是齊齊整整的放好。起筷，河粉並唔算滑，勝在熱辣辣。牛腩雖說不上鬆化，卻起碼唔會韌得咬不動，有點肉味，是預期之中的水準。凍檸茶反而幾對辦，夠冰凍，又有茶味，唔差喎！埋單廿三，有這個水準，算交到功課了。

朋友帶我去這間小店，我倆叫了粉麵套餐，24元，一碗單拼麵及油菜，送茶啡/豆漿。我要了牛什麵走腸及菜心，朋友要了紫菜湯河及腐乳通菜，飲凍豆漿。豆漿雖是豆品廠交來的，一支足有500ML，冰凍香濃。清湯牛什，牛草肚爽口，牛肺牛膀入味沒臊味，麵身爽滑。油菜是驚喜，份量不少，即叫即焯，菜心及通菜都很美味。美中不足的是湯底，略鹹及油膩。24元能吃得飽足，相信只能在舊區才能嘗到。

小店已經已在區內經營了大約一年了,由最初去的時候,客人可說是寥寥可數,到今天依然沒有多大改進,仍是泠清清的,確實有點教我摸不著頭來.....先說價錢,一份餐有麵有菜有餐飲...只是區區25個大洋左右再說食品,小弟唔能夠代表大眾口味,因為本人只係獨沽一味....就是牛腩大大話話都食過不下十次,味道依然保持水準,個人覺得稱得上是( 中上 ) 級嘅水準相較起一些打正旗號的清湯腩人氣店,亦不見失禮其他食物我冇試過,亦都興趣不大,但相信牛腩不會令大家敗興而歸的,( 註: 1,小店出品屬於清湯牛腩,喜好濃味之客官請留意,亦因此原故,導致配飯時出現略為 淡口情況 2,店內有2 位師傅負責切牛腩,一老一少,要講嘅係後生嗰位,水準之參差可以好大 可以一碗係切得好地地嘅,同時另一碗竟然係碎濕濕嘅腩頭腩尾.... 但係由老師傅操刀,大可放心,傱未遇上以上問題....