吔咩嗲 吔嘢事無所

營業中

休息中

呢間係主打日式一汁多菜🥣料理，亦都有提供三文治🥪，千層調色盤🎨同牛角包窩夫嘅甜品😛 一汁多菜餐有冷盤同熱菜選擇，總共揀3樣價錢就係$88，4樣就$98😉 仲包埋湯、飯同野飲🥰 全部菜式都好有日式家庭料理feel，唔會好heavy☺️ 熱菜推介安格斯牛櫛瓜卷，牛方面幾冧而且有肉香味，加埋櫛瓜蓉幾特別同健康😙 大阪燒都唔錯細細舊但幾有心思☺️ 黑豚肉餅同蔬菜餅兩款炸物都幾好味🥳冷盤就推介南瓜沙律不過南瓜味可以再濃啲，溫泉蛋撈飯都好正😍日式三文治都好有驚喜😋 麪包🍞好軟熟，孜然炸雞同蛋($68)都好嫩滑😙下次會想試埋甜品😋📍吔咩嗲 吔嘢事無所荃灣鱟地坊42號𧙗強樓地舖🍽️ 7.9/10#janfoodiary_日本菜 #janfoodiary_荃灣 #janfoodiary_💛

社交平台彈左呢間野嘅短片出黎，之後上開飯睇下食評，全好評😳😳😳😳，就諗住試試啦，點知伏左，呢舊野，如果好食嘅甜品價錢黎講唔算貴，可惜⋯⋯⋯⋯無錯成舊野除左塊包同包裝紙外，全部都係綠色，但食晒成舊都食唔倒一陣特濃嘅綠茶味，就連淡淡嘅綠茶味都唔覺有，食完個口只有炸包味，呢個價錢買支綠茶飲，啲味應該勁過塊包😅😅唯獨可讚係塊包雖然係炸，但食落個口唔會油淋淋果種👍👍總結$38，一定不會再幫襯，因唔好食得來價錢貴以上只是個人口味，不喜勿插

嚟到荃灣呢間日式家庭式嘅Cafe一入到去個裝修好親切仲有好多書喺度俾大家睇除咗有便當套餐之外，佢仲有三文治嘅套餐同埋呢一個調色版嘅甜品見到旁邊嘅人都有叫，但想食嘅嘢真係太多呢啲真係要留返下次先😢我哋叫咗3款熱菜+1款冷菜嘅一汁多菜定食熱菜有和風黑松露烏賊堡（墨魚漢堡）-黑松露嘅味道幾濃郁，配搭埋墨魚嘅鮮味，幾好食得來又幾彈牙安格斯牛櫛瓜卷配自製洋蔥蘋果醬 五成熟 -冇諗過定食都可以選擇肉類嘅熟度，入邊仲食到一片片嘅翠玉瓜同埋秘製Masala雞-醬汁嘅味道好濃郁，非常開胃冷菜就叫咗左口魚秋葵伴柚子醋櫻花蝦-左口魚嘅油脂好濃郁，配搭埋秋葵都非常之解膩白飯我哋仲追加咗櫻花蝦+醬油，有咗櫻花蝦嘅加持，成碗白飯即刻變得勁鮮甜飲品方面就叫咗接骨木花蜜配青檸（熱），就非常之潤喉食完正餐當然唔少得要試吓佢嘅邪惡甜品油治及輕忌廉，係呢排日本東京興起嘅甜品將兩塊多士油炸之後再放上輕忌廉，之後再加上唔同嘅配料同埋麻糬柚子開心果多士加麻糬-開心果碎好澎湃，輕忌廉層次做得唔錯，加埋麻糬嘅口感食落去好滿足另外我哋仲叫咗個藍莓多士加麻糬，今次有埋生果同埋藍莓醬嘅加持，令到整份多士有多少少清新嘅感覺，麻糬嘅份量都好多

係openrice留意左呢間餐廳一段時間終於有機會約埋朋友一齊出去試下鋪頭細細 座位唔多好彩我地係一開鋪就到所以唔使等位😊佢呢度係日式兩餸飯咁 俾你自己揀2款熱菜+1款冷菜 $883款熱菜+1款冷菜 $98即製大阪燒好香口 但又唔會漏係用椰菜紅蘿蔔同豆腐整 感覺好健康秘製Masala雞雞件外脆內嫩 個汁好惹味海老明太子伴西蘭花蝦好彈牙 明太子同西蘭花好夾鹿兒島吉列黑豚肉餅炸得又香又脆 入面軟淋淋有肉味清酒味醂煮蠔 加$20用左新鮮蠔仔黎煮 唔腥 而且唔會好重酒味整體黎講好豐富 仲有湯同飲品份量足夠 一定食得飽😋

其實我🦁太太好鍾意日式既小菜，之前去呀婆食既時候覺得佢既價錢都應該比哂租，所以野食份量偏細，之後🐷先生look IG既時候見到e間餐廳，佢話一定要帶我黎試下🫶🏻餐牌都係視乎想食幾多個小菜而選擇，今次我地簡左2凍2熱套餐😌套餐本身有個湯跟，今日係雜菜湯，可以飲到蔬菜既甜☺️🔸2款熱菜+2款冷菜+ 安格斯牛櫛瓜卷配自製洋蔥蘋果安格斯牛片肉味濃郁加上櫛瓜片增加左口感，啖啖蘋果香非常和諧+ 海老明太子伴西蘭花海老每隻都細心咁煎煮過，爽口彈牙，明太子沙律醬又唔會太過搶味+ 左口魚秋葵伴柚子醋櫻花經過輕炙嘅左口魚散發着魚油嘅香味，配上柚子醋增加清爽感+ 南瓜沙律配蘋果青瓜堅果入口綿密，南瓜既甜味答配住蘋果青瓜爽脆口感+正常飯量加 牛油+蔥花+醬油牛油+醬油撈番係無敵，每啖飯都有牛油既香氣+ 百香果蝶豆花梳打（凍）顏色分層好出，打卡好靚，百香果偏甜，撈勻佢飲就岩岩好喇🥰甜品除左有調色板之外，Omg佢仲有油治，唔可以放過佢😎🔸藍莓油治點解個奶油可以咁好食既？好順滑而且唔重奶味，藍莓新鮮，油治炸得好脆身，唔會油膩🔸柚子開心果油治+麻糬一收到，見到滿滿既開心果碎已經好開心，之後再試下佢地個麻糬，可以拉絲架，

呢間喺荃灣嘅小店我想試好耐架喇! 喺社交平台碌到佢哋新出左一款係日本福岡好Hit嘅忌廉炸厚多士甜品，一於去試吓~-一汁多菜午餐定食揀咗3款熱菜+1款冷菜. 升級白飯配牛油蔥花醬油.1）鹿兒島吉列黑豚肉餅：有驚喜！咬落超有肉味，配埋炸得香脆嘅表皮，啖啖都好enjoy呢. 配菜有沙律，唔驚會膩😌2）日式味噌醬燒茄子：個人覺得係最好食嘅熱菜！燒得岩岩好，啲茄子非常之入味又唔油，表面仲係脆脆地，個口感好正😋3）安格斯牛櫛瓜卷配自製洋蔥蘋果醬：fusion得嚟又好食健康喎😙4）南瓜沙律配堅果：唔怪之得係店主最愛😏 真材實料又fresh，係將個南瓜磨爛成南瓜蓉，甜甜地好開胃！**蔥花&牛油粉絲記得升級個米飯喇～-跟餐 熱黑豆麥茶淡淡既黑豆味，無落糖，健康之選我喜歡!-油治及輕忌廉甜品嚟啦! 一嚟到就有澎湃嘅視覺衝擊，啲鮮忌廉係塞滿晒嚿多士haha 1）柚子開心果：cream係柚子味，再灑上非常多嘅開心果粒，配埋烘過既牛油厚多士，nice~2）特濃抹茶：中間夾咗嚿抹茶味長崎蛋糕，再灑上咗濃濃既抹茶粉，cream都係抹茶味架~🍵

吔咩嗲Thursday, 18 April 2024 短暫黃雨夏升春末。未食五月糭已經開始冇乜胃口。荃灣區冇乜日式輕食小店，今日特登嚟呢度開吓胃。鋪面細細頗花心思嘅擺設，淡淡滲出一種 混合咗 日台 文青味。最簡單，就係叫佢哋嘅「一汁多菜定食」2熱2冷餐。- 秘製 Masala 雞。10小辣已經係極限嘅我都唔覺得佢辣，Masala辛香剛剛好。- 鹿兒島吉列黑豚肉餅。表面炸得鬆脆，內裏肉汁滿滿好香口追住食。- 明太子伴海佬西蘭花。香煎中size 鮮蝦，成個配搭都幾好，清新爽口。- 金平牛蒡。好醒胃、爽口。重頭戲就係 「油治及輕」+芭菲 + 豆腐雪糕，特濃抹茶忌廉炸多士、麻糬、朱古力脆脆。真係大堆頭食得睇得又打得。

碌ig見到有人推介炸厚多士，即刻去試，好好食，料好多！柚子開心果即叫即整即炸，一嚟到就熱辣辣，見到成個面都係開心果，真係勁開心。一咬係首先有柚子味，之後就食到開心果味，柚香帶咗啲開心果味出嚟，兩者一齊食好夾。多士入面就係滿滿嘅cream。多士仲炸過，好脆，但又唔會食到成口油，好爽脆！特濃抹茶勁香抹茶味，抹茶蛋糕作為點綴，然後係滿滿抹茶粉，最重點！！係佢啲cream都係溝抹茶！！！全個多士都係超多抹茶味！！定食 (2熱盤1冷盤)有幾款可以選擇，今次揀咗masala雞+海老明太子伴西蘭花+百香果柚子檸檬汁沙律+櫻花蝦白飯。Masala雞好香口，餸飯一流！海老好爽，明太子醬好正好香，西蘭花索晒啲明太子汁，食落口好滿足！百香果柚子好潤喉，食落好舒服櫻花蝦微微烘過，好脆身，啲香味出晒嚟，成碗飯都係櫻花香嘅香味！

係社交平台成日見到人去呢間荃灣小店，已經好有興趣，難得今日經開呢邊，專程去試試。呢到係比較日式溫馨小店感覺，主食叫左2款熱菜配1款冷菜。一上台已經覺得好吸引，好有食慾!惹味大阪燒 係用左豆腐 , 甘筍同埋 杏飽菇，感覺比較健康，食素人士都岩，係一個輕盈版既大阪燒。食落都幾夾，可能配埋燒汁，味道同平時既大阪燒真係差唔多!鹿兒島吉列黑豚肉餅外皮酥脆，中間食落有D似平時食到忌廉薯餅既口感! 冷菜 - 左口魚秋葵伴柚子醋櫻花蝦呢款好有驚喜，好好食，而且柚子醋食落酸酸甜甜，好開胃。定食set仲有跟飯同埋羅宋湯，好飽肚。百香果碟豆花梳打睇得又好飲，鐘意佢唔會太甜! 油治及輕忌廉本身以為日本先有呢款甜品，估唔到香港都食到! 叫左2隻口味，分別係士多啤梨同埋柚子開心果。 外皮好脆，好似蝦多士既口感，配甜食都好夾。士多啤梨好甜再加埋D醬，每啖都好好食!! 仲要係爆cream咁足料。柚子開心果口味就係充滿開心果碎，都好夾!

左口魚秋葵伴柚子醋櫻花蝦：左口魚的肉質鮮嫩，超級甜，而且由油感爆發！搭配秋葵的清脆口感，帶來了豐富的層次感。柚子醋提供了微妙的酸爽風味！蕃茄奶油雜菜湯食得出蔬菜原汁嘅甜味！飲落好順喉！北海道牛肉薯餅：薯味好突出而且成個牛肉薯餅好鬆化唔會炸到死實實！安格斯牛櫛瓜卷配自製洋蔥蘋果醬：這道菜結合了安格斯牛肉和鮮嫩的櫛瓜，搭配自製的洋蔥蘋果醬，味道豐富多層次。簡直係心機菜。鹿兒島吉列黑豚肉餅：吉列黑豚肉具有細膩的肉質和豐富的油脂，使得這道肉餅口感豐富！呢間餐廳都幾多捧場客，始終喺荃灣都好少呢啲精緻日式家庭菜！同埋甜品都幾多選擇，專登嚟食甜品都唔錯㗎！油治及輕⋯•忌廉伴芭菲及雪糕套餐真係超有創意，果然係打不死香港人精神！唔單止個名夠搞笑，仲好好食添！口味揀咗柚子開心果！真係第一次食呢款甜品！其他餐廳都冇得食！餐廳廚師細心地將柚子開心果碎讓入去厚多士，炸過之後多士皮好薄脆卜卜，裏面加忌廉真係脆脆到不得了非常好食 ！綠茶味雪糕都好濃郁綠茶味！朱古力脆脆&鮮果&麻糬&輕忌廉 芭菲都有啲驚喜，唔算好甜，呢款組合甜品同朋友share就最啱啦！Twinings 仕女伯爵茶是一種經典的英式茶，它的口感溫和！

📍同朋友敘舊❤️我哋就揀咗呢間好有feel嘅小店😍小店裝修充滿着日本風情💯氣氛仲好好添🥳✨2款熱菜+1款冷菜✨🐃安格斯牛櫛瓜卷配自製洋蔥蘋果醬：大大件嘅安格斯牛肉🐂仲可以揀唔同嘅熟度🔥我就揀咗七成熟✅牛肉好重牛味😍再配埋佢自家製嘅洋蔥蘋果醬❤️真係冇得彈👍🔥天婦羅蔬菜餅：佢呢個蔬菜餅炸完都唔會好油膩🍿而且仲好脆口✅加埋佢上面嗰個醬汁👍可唔可以讀不得了💯呢個好推介🥳🐟左口魚秋葵伴柚子醋櫻花蝦：左口魚非常鮮美❤️而且肉質仲好細嫩添👍配埋秋葵、柚子醋同埋櫻花蝦💯好開胃呀🤤🍚白飯：我揀咗我最鍾意嘅日本蛋+醬油🥚飯可以揀份量因為我太鍾意食飯❤️所以我揀咗正常嘅份量😍☕️麥茶：味道濃郁✅風味獨特😍唔錯🥳✨3款熱菜+1款冷菜✨🦐海老明太子半西蘭花：好大隻蝦呀🦐隻蝦仲好爽口添✅配埋西蘭花🥦賣相又靚又好食💯🐽鹿兒島吉列黑豚肉餅：佢其實係一個炸咗嘅豚肉餅🐷炸完入口又唔油膩🔥裏面嘅豚肉仲係好Juicy添❤️好好送飯🍚🍆醬油茄子：其實我都好鍾意食茄子🍆最簡單嘅醬油茄子做法🔥就可以保留住茄子嘅新鮮嘅味道👅正呀🥳🥗沙律菜配百香果柚子檸檬汁：醬汁超醒神✅配埋落個沙律菜度❤️令人好開胃🥳🍚櫻花蝦+醬油：呢個我哋揀咗櫻花蝦加醬油❤️配

呢度既定食 配白飯及湯（可以自由決定揀幾款 熱菜+冷菜1+2 或 2+1 或者 2+2 或 3+1） 我今次就試左3款熱菜+1款冷菜。即製惹味大阪燒：呢個係素食既大阪燒，用豆腐做，唔會太heavy 但又有大板燒既味道同口感🤩鹿兒島吉列黑豚肉餅：炸得好香口，磨爛哂嘅肉餅有小小似食緊薯泥咁秘製masala雞：醬汁香濃，雞可以再煎得滑口啲南瓜沙律配堅果：啲南瓜蓉好好味🤤餐湯係味噌豆腐菜湯，呢個就略嫌有點重口味

今日黎到荃灣, 食左一間幾特別既小店, 主要都係上網見到佢地有個特式甜品, 特登黎試下我地2個人, 首先就叫左個套裝主食填下個肚先, 主食既種類唔算好多, 不過就好在可以自由配搭我地揀左3個熱食同1個凍食, 另外仲叫左杯野飲黎個陣係成個定食咁黎既, 都幾靚樣, 首先凍食就係南瓜蘋果沙律配堅果, 主要都係南瓜蓉, 但係就加左粒粒蘋果, 加左D清新既味道, 而堅果又有D硬脆既口感, 作為開胃菜幾好熱食就分別係墨魚漢堡扒, Masala雞同埋大阪燒豆腐扒, 墨魚漢堡扒幾驚艷, 成塊漢堡扒都係用墨魚肉, 好彈牙, 入面仲有粒粒既墨魚肉增加口感, 跟著就係Masala雞, 雞肉都煮得嫩滑, 加埋印度既Masala醬, 不過就比較普通, 最後就大阪燒豆腐餅, 呢樣野就出面比較少見到, 食落係真係有大阪燒既味道, 但係口感上就係豆腐咁鬆軟, 加上豆腐又比較健康, 可以話係好食既健康之選最後當然黎到期待已久既甜品, 就係呢個 "由治及輕"三文治啦, 呢個組合以前係日本都食過, 係用岩岩炸起既面包, 包著入面凍凍地既cream, 再係上面加生果同埋果醬, 不過呢到仲可以加麻糬, 我地淨係試加左1個, 不

前日(4-4-2024 Thur)清明節,晏晝同老公返到荃灣,又回收咗啲嘢,辛苦完一輪就要搵地方坐低飲吓嘢,但喺呢頭走去荃新天地嗰啲商場嗰啲又冇厘新意,諗起食過嘅呢間(上次食評係2020年3月3日刊登嘅呢篇:https://www.openrice.com/zh/hongkong/review/yeah-%E6%97%A5%E6%9C%AC%E5%AE%B6%E5%BA%AD%E8%8F%9C-e5332384),重有啲千層調色板未食,於是行嚟,到門口,睇到有新甜品喎,係炸厚多士,但只限外賣,咁睇吓其他小食啦,有三文治,一於再嚟呢間.入到去,啱啱剩返我哋上次坐嗰個位,於是坐低同睇menu研究,最後要咗:1. $42.00嘅脆炸粗薯條(連黑松露醬,茄汁同特製明太子醬)呢個熱騰騰,外脆內軟仍唔油,好正.而佢嘅黑松露醬正常夠味;特製明太子醬就有啲稀,佢唔辣嘅,不過唔知點解老公話食到藥水味,我就食唔到喇.脆炸粗薯條5分黑松露醬5分特製明太子醬3分2. $64.00嘅伯爵吉士配麻糬肉鬆千層調色板有伯爵,自製麻糬,肉鬆同黑糖醬.呢個食到伯爵茶味,吉士醬其實唔甜,麻糬係偏向軟腍腍.而成個味道都唔錯嘅

日式料理 通常大家會諗到壽司/拉麵/燒肉今次就同朋友試下日式家庭料理呢度好日式家庭小店木色嘅裝修 好溫暖 好簡潔除左主餐 仲有三文治餐/甜品/小食等主餐有冷熱可揀 加埋大概十幾款 而且定期轉款好適合鍾意選擇多嘅朋友大家可以自由選擇要3個小菜定4個小菜我同朋友都選擇左3熱菜1冷菜先上飲品接骨木青檸特飲（凍）有有花香味嘅檸檬梳打 唔會好甜 好解渴百香果蝶豆花梳打（凍）蝶豆花味會重過百香果 同樣都唔太甜 少少酸嘅梳打 第一個一汁三菜定食和風黑松露烏賊堡（墨魚漢堡）呢個墨魚餅真係好足料 一咬落去 已經咬到好碎嘅墨魚粒 同埋超級彈牙 好香墨魚味 再有少少粟米粒點驟 必點秘製Masala雞雞扒煎得香脆 就算加左瑪莎拉醬係面 都依然咬到脆脆嘅雞皮 醬唔太辣 雞肉仲係好嫩海老明太子伴西蘭花蝦肉好新鮮彈牙 明太子醬好惹味 令到個菜都好惹味自家製溫泉蛋配花椒鰹魚汁個蛋生熟控制得好好 佢係啱啱好凝固左但又軟心嘅 蛋白撈左鰹魚汁後甜甜地 好好飲🤣🤣第二個定食安格斯牛櫛瓜卷配自製洋蔥蘋果醬 五成熟牛櫛瓜卷可以選擇5成/7成/全熟 我揀左五成熟 唔會見到紅色 咬落牛肉好淋同好有肉味 櫛瓜就實實地 無咩菜味 加左蘋