名煌金閣

營業中

休息中

今日行開呢頭做野見到呢間餐廳裝修都幾靚，所以決定同朋友試下，果然係超高質。一嚟到就叫個麻辣手撕雞先，雞既份量好多而且仲有其他配料，麻辣味香濃麻味十足，仲有豆腐乾同青瓜等既配料，其他人見到我地呢碟都跟住嗌，成個餐廳都有呢陣麻辣味！招牌咕嚕肉呢個真係必食，因為炸到好脆而個醬汁完美覆蓋每一塊咕嚕肉，酸甜度適中加生青椒黃椒同菠蘿調味，口感一流，即刻要叫個飯食!蒜蓉西蘭花新鮮即炒西蘭花亦切到細細舊，一口可以食哂夠哂細心，少少蒜蓉調味清得嚟亦好好食。鮑魚雞煲呢個真係超好食，鮑魚量多又彈牙，麻辣味夠哂突出。雞件肉多而保留肉汁，調味岩岩好，食完都唔會覺咸。食呢個真係要再嗌支青島，＄26蚊就有一啲都唔貴!最後就有蛋白杏仁茶，杏仁味好濃再加上蛋白令到口感好特別，飲落好順滑冇渣而且唔會好甜!

深水埗不嬲都多好嘢食有唔少食小炒嘅舖頭但係呢間新店嘅菜式較為精緻裝修美觀之餘，座位不乏私隱度係食中菜嘅新去處呀 🤩【魚米之鄉 —— 大沙巴蠆】呢個係店員推介嘅 signature dish未食已經感受到大沙巴蠆嘅氣勢 😂大沙巴蠆約兩斤重，非常好肉地性價比夠哂高魚肉起哂出嚟再砌返靚仔味道清甜色澤潔白，肉質好嫩滑上面均勻咁鋪滿脆米同魚肉形成兩種唔同嘅口感呢個食法果然唔錯而且每件魚肉都好厚身呢～【薑蔥焗肉蟹】全部海鮮都有多個煮法自選肉蟹可以揀清蒸、金銀蒜蒸、白胡椒粉絲煲、避風塘、薑蔥焗同砂鍋生逼多花款到我樣樣都想試！最後就喺店員 recommend 嘅薑蔥焗同避風塘之間二揀一佢話想惹味啲可以揀避風塘而我就點咗薑蔥焗肉蟹食真啲隻肉蟹嘅鮮甜味道 🤤因為咁樣整更加鎖住肉汁㗎肉蟹好有份量，四件蟹身都大大隻唔少得有粗壯嘅蟹槓同巨大蟹鉗 🦀 睇吓隻蟹鉗幾勁？肉質好爽彈呀除咗蟹肉澎湃，仲有啖啖蟹膏𠻹啲蔥爆香咗都勁好食【椰汁香芋金瓜排骨煲】平時成日食豉椒排骨原來其他煮法都咁夾㗎喎椰汁椰香四溢兼且綿滑～唔止啲芋頭同南瓜索哂椰汁香味 🎃 排骨同樣煲到軟腍入味係一個有溫柔感覺嘅菜式，哈哈【百合雲耳炒勝瓜】想清清地

長沙灣同深水埗交界新開一間精緻粵菜 😇😇環境舒適試業期間已經好多人排隊 我同my boi等左半個鐘先入得😛🐟砵酒焗龍躉有驚喜 🤩龍躉魚塊炸皮剛剛好包裹魚肉 無甩皮甩骨而且好香脆 魚肉肥美 醬汁酸酸甜甜🌶麻辣手撕鷄比一般坊間手撕雞配料豐富 有扎肉 青瓜 醬汁麻油味道好重 麻辣就唔夠🍨杏仁茶傳統古早味杏仁茶 濃郁杏仁味道仲有加入蛋白-砵酒焗鑲龍躉Xo醬炒蝦球帶子麻辣手撕鷄杏仁茶-𝚈𝚞𝚖：👅👅👅👅/𝟻𝚁𝚎𝚟𝚒𝚜𝚒𝚝:💃🏼💃🏼💃🏼/𝟻𝙿𝚛𝚒𝚌𝚎: $300/𝚑𝚎𝚊𝚍.————————————————名煌金閣 (長沙灣)長沙灣元州街162-168號天悦廣場地下A6號舖————————————————

受疫情影響，外出用餐的次數也越來越少，喜見疫情有所舒緩，就與朋友一起四出覓食。朋友說佢公司附近開了一間新的中菜餐館想試試，就一於打鐵趁熱試試。店內環境簡約光猛，有卡位，也有圓檯，迎合二人食飯或是三五知己或家庭敍會的需要。 餐點選擇多樣化，而價錢也相宜。 麻辣手撕雞(半隻)店員推介麻辣手撕雞，果然沒有介紹錯。麻辣手撕雞份量非常大，麻辣味濃厚兼好有層次，麻香辣味充足，我喜好食辣，所以覺得可口非常，而唔食得辣的朋友就覺得略為刺激。但由於實在美味，所以整碟手撕雞也清盆。雞肉滑嫩帶爽，配合麻辣味的確不錯。 特色鮮沙薑煎雞朋友喜歡食雞，所以也叫了一客沙薑煎雞。沙薑煎雞上枱熱辣辣，雞肉滑嫩兼入晒沙薑味，食到雞的鮮味。但由於麻辣手撕雞的味道比較濃烈，所以沙薑煎雞比較清淡，適合唔食得辣的朋友。 老陳皮古法蒸斑頭腩估唔到蒸斑頭腩的份量也大，斑頭腩新鮮，蒸魚的火喉控制得好好，斑頭腩入口滑嫩爽口，魚味鮮甜，配合味道調配得剛好的蒸魚豉油，實在推介。 馬拉盞菜心馬拉盞菜心意想不到的有鑊氣，馬拉盞味道帶鹹鮮，味道濃厚，配上本身清淡的菜芯，估唔到咁夾。菜芯好爽脆，沒有渣。 生磨蛋白杏仁茶要做一碗有水準的杏仁茶一點也不

今晚收工行經長沙灣天悅廣場，見到間新開飯店，裝飾得幾靚，座位唔算多，但裝修得古雅清悠好舒服，坐落服務員熱情招待，仲介紹我哋食佢哋的撚手小菜，先推介一個醒胃小菜麻辣手撕雞，麻辣味適中，雞肉新鮮嫩滑，配上札肉，青瓜及葱絲，惹味非常。跟住來個外面少吃到的胡椒香煎魚鰾，魚鰾爽口彈牙又唔腥，配胡椒粒煎焗鮮味十足。再加多個生炆班頭腩煲，石班肉質鮮甜，配上肉絲冬菇絲同豆味十足的支竹，送飯一流。最後緊係女仕至愛的甜品，生磨蛋白杏仁茶，杏仁味香滑濃郁，配上蛋白簡直無得輸。今晚真係有驚喜，可以再約朋友再食

長沙灣天悦廣場地下新開了一間中菜館「名煌金閣」，新派裝潢明亮雅緻，著實為這附近帶來一番新意。店內主要是卡位，餐廳後方也設有大枱，方便一家大小來用饍，建議來之前先訂座。菜式方面有特式小炒，也有不少生猛海鮮選擇。薑蔥焗肉蟹這無敵的組合一上菜就聞到香味撲鼻，薑蔥爆香後的香氣真的令人垂涎。蟹腳已敲至有裂縫，令裡面飽滿紮實的蟹肉也能充分入味，那肥美的肉質光看就很美味！鹹香十足，啖啖鮮甜蟹肉，吃得過癮這個椰汁香芋金瓜排骨煲份量大方，用椰汁熬煮，把香芋和南瓜的鮮甜味都釋放出來，排骨也燉得柔嫩腴美，充滿椰奶香氣約兩斤重的大沙巴蠆選了漁米之鄉的口味，很有特色的創新煮法。大沙巴蠆加上濃醇的奶白魚湯，吃之前灑上脆米，非常惹味。魚皮富膠質，魚肉蒸得恰到好處，肉質嫩滑，而加上米通更是神來之筆素菜小炒點了一碟百合雲耳炒勝瓜，色澤翠綠。百合爽口，雲耳脆嫩、勝瓜清甜多汁，吃起來很有層次感甜品點了餐廳推薦的生磨蛋白杏仁茶，是清肺潤燥的養生之選。趁熱吃，杏味夠濃，入口又香又滑順，加了蛋白增添口感，非常好吃呢。這碗自信之作果然名不虛傳，絕對不能錯過這碗滋潤細緻的杏仁茶喔～

正所謂 執輸行頭 慘過敗家 朋友話我知 長沙灣有一間海鮮酒家 剛剛開張 我當然要第一時間去打卡 -🌶🐓麻辣手撕雞 (半隻 $148）侍應姐姐好窩心 我唔食得太麻太辣 佢就提議減辣上 手撕雞份量相當充足 雞肉嫩滑 青瓜條同扎肉條夾雜其中 麻香撲鼻 食雞之餘 又食到爽脆清甜嘅青瓜同軟腍扎肉 既減辣又可清新味蕾 越食越起勁 呢個餸 大班朋友食飯嘅時候 做前菜又得 亦係下飯嘅不二之選-🐟🥣龍躉仔魚米之鄉 ($198）對於我呢啲想食魚又懶拆骨嘅人 呢個餸就啱晒啦 原條龍躉仔拆骨上 浸喺魚湯中保溫 食嘅時候 魚塊既濕潤又存熱 魚湯鮮甜 猶如鮮奶般 隨魚附上脆米花一碟 先盛滿一碗魚湯 加入脆米花 魚加米即成魚湯泡飯 帶我味遊魚米之鄉😝-🥒百合雲耳炒勝瓜 ($78) 健康嘅鐵三角組合 只需略加蒜蓉快炒 就係一個愜意嘅素菜 茹素嗜葷嘅朋友都鍾意 厚切青瓜粒 靑脆爽口有嚼勁 新鮮百合 味道清新又健康 多吃雲耳 有助降低膽固醇 -🥣生磨杏仁茶 ($28)杏仁磨得異常滑溜 綿滑香甜 為豐富嘅一頓晚飯 畫上完美句號 難怪每枱都order-📍長沙灣元州街1

門面精緻， 裝修充滿中國特色小菜有很多選擇，有大路和自家特色的菜式，還有時令生猛海鮮既然有生猛海鮮， 點可以冇註場魚缸呢先點了一個冷盤麻辣手撕雞半隻($148)，雞肉嫩口，調味拿捏得很好，麻度和辣度適中，還加入了火腿絲和手拍青瓜，令材料更豐富。砵酒焗桶蠔($188)，醬汁野味，桶蠔外層香脆，內裏juicy， 每一隻都大大隻， 好滿足呀魚米之鄉龍躉仔($198)，龍躉係喺魚缸新鮮撈出來， 非常新鮮， 店員推薦用「魚米之鄉」的煮法烹煮， 龍躉起肉， 浸在自家製的魚湯，灑上香口脆米， 食法鮮甜無比， 值得一試生磨蛋白杏仁茶($28)， 杏仁味香濃，口感綿滑，還有粒粒的蛋白， 對皮膚好好 ，絕對是女士恩物