名寶石餐廳

營業中

休息中

想不到吃什麼, 友人推介這老牌餐廳, 好吧, 一試無妨!點了銀鱈魚+燒鴨胸跟菜. 燒鴨胸一上枱, 便嗅很香的黑椒味. 不錯, 但份量太多, 怎也吃不完. 銀鱈魚很美味. 之前被市面上的油魚嚇怕了, 很久沒點銀鱈魚, 但這裡的是正貨吧. 魚油很多, 惹味, 皮前得脆脆的. 正! 更意外的是, 跟來的菜, 竟然是一大碟的灼白菜, 不是淡而無味的, 我想大概用上湯灼吧! 不油又有味. 相信是特意整的, 很有誠意吧!一向對老牌餐廳的服務質素不敢恭維, 多半是不睬不理, 但這裡總為他們挽回不少分數吧!

點了個蕃茄牛舌飯lunch set ($58),個餐包夠熱又軟熟，也有別於一般港式扒餐的"行貨".紅湯都好濃,真材實料.個牛舌飯有三大片牛舌，絕不欺場，無怪味，軟腍，入味，以呢個價錢黎講，相當吾錯．個蕃茄汁另上，好濃稠，配飯好正．好欣賞佢仲有粟米粒和菠菜做配菜，兩者皆新鮮好味．仲有布甸或涼粉作甜品,以女仔黎講,全部野食晒會好飽.坐坐下轉眼就到下午茶時段,鄰桌叫了干乾伊麵,嘩,陣香味非常吸引,雖然食飽左都忍吾住再望完又望.這裡的港式傳統西餐,雖然吾正宗,但價錢實惠,份量大,食物質素比好多連鎖餐廳好成條街,所以仍然好有吸引力.

情人節黎呢度食晚餐, 主要係想試下呢度既食物係咪咁掂, 環境同氣氛當然唔可以太高要求啦! 早兩日已經訂左7:00PM,所以唔洗等位, 我地坐落食到7:30PM 先至滿座. 我地兩個人叫左兩個餐:1. 情人節套餐$268 a. 餐湯揀左忌廉湯, 幾好飲 b. 頭盤係鵝肝配沙律, 鵝肝幾香口, 沙律唔錯 c. 主菜係牛柳龍蝦, 牛柳都幾嫩, 不過肉味唔多夠, 龍蝦都ok d. 甜品係Tiramisu, 唔太甜, 味道及格 e. 餐飲都係一般餐廳既水準2. 肉眼扒大蝦$238 a. 餐湯揀左羅宋湯, 都係幾好飲 b. 主菜肉眼扒幾有肉味, 又夠嫩, 大蝦就鞋左少少 c. 甜品係Tiramisu, 唔太甜, 味道及格 d. 餐飲都係一般餐廳既水準整體食物味道唔錯, 價錢方面, 連埋加一要$557, 以情人節黎講算ok! 服務方面都唔錯, 洗手間亦幾乾淨! 相片可參考:http://www.fotop.net/thxdtsdd/eat

舊同學聚會，唔想打邊爐咁燥，所以改食西餐．同一般扒房唔同，呢度食物好有住家Feel．我叫咗個大蝦雞扒餐配薯菜，大蝦同雞扒都煎得好香，有美極的味道，而薯菜都唔係普通薯條，係薯角哩！仲有特別的醬汁．整體嚟講都唔錯，可以再來！

週末大人親自出遊花墟,先黎食個tea;幾十年前呢度應該叫紅寶石餐廳,細個時係樓上睇完醫生打完針,媽媽就係紅寶石買個腸仔包俾我同細佬食。呢度分上下兩層,為求方便費時撐樓梯,坐左樓下大梳化,人客以女性較多,幸好唔太嘈;呢度下午茶餐以粉麵選擇較多,甜品反而只佔少數,在肚餓情況之下,叫左兩個炒麵餐。黑椒牛柳絲炒意粉:炒得好有鑊氣夠乾身,意粉軟硬度剛好,味道較淡。蒜茸雞球炒烏冬:味道幾香只係太多汁,如果炒得乾身少少會更加香口好食;由雞髀肉整成既雞球幾滑,份量都足夠,由於調味汁濃味,所以食唔出有無雪味;配菜有少量冬菇片、青椒同芽菜,食落唔算太漏;蒜茸其實係香口炸蒜片,的確令味道提升唔少。飲品方面,熱奶茶成壺上,超濃郁!!用黎做茶膽都得架,水吧叔叔真重手耶!!凍咖啡先試一啖齋飲,咖啡味道帶酸!!加上所附糖水同大量鮮奶之後就可以接受,不過我都少有地飲唔晒......另外客人一坐低送上既熱茶,唔係一般餐廳所用既紅茶味,而係普洱!!係西餐廳飲普洱,真係幾型。服務方面真係超一般,客人企係門口都無人接待,同女侍應講兩位,只係目無表情用支筆指下入面,well....不過落單時都尚算有禮,只係第一個印象已經唔太好

今次帶埋睡皇子再訪!d豪真係好「正」!雖然好旺!但伙計服務好又細心!餐俱好清潔(拿上手仲熱熱地的)

紅白餐湯:好足料，特別是白湯!生豪:非常肥美甘，好大隻!每人3隻好滿足!鵝肝、牛柳餐: 鵝肝外脆內嫩、甘醇，夠大件，有質感;牛柳(五成熟)都好嫩，鍾意(汁另上)，沾多沾少可隨意，黑椒汁、蒜茸汁都好好味!燒牛肋骨:最正，必食! 近骨的肉最好味!拿住「舊」骨食，豪、爽、正!甜品芒果布丁:好一般，無果肉，無芒果味!咖啡:吾夠香今餐好滿意，我地有帶埋支私伙紅酒去飲! 簡直人間樂事!

同男友來食飯..好彩六點半到..唔洗等位..到七點幾己經有好多人等位啦.....要左牛柳同牛肋骨...牛柳好好味..唔會勁淋..有咬口有肉味..超正...牛肋骨亦係超水準..勁大舊..係成隻碟咁大..燒到脆脆地..肉質好嫩..好多肉汁..一切標哂出黎..但肥左少少..好好味..兩個人都食唔哂..因為份量好多..d肉好大塊..薯菜又好多..個湯亦好足料...羅宋湯好味呀....甜品仲有涼粉同布丁..同樣好有水準..呢到真係非常唔錯...一定會再幫襯..good..

此餐廳屹立太子道多年,長期生意滔滔,一定有其道理.上星期五來晚飯,後悔沒有訂位.七時許晚飯高峰期,果然人山人海.好彩老婆醒目,樓上樓下分別籌,兵分兩路,等十零分鐘就有檯.是晚分別試了牛,羊及雞,全部都有水準.餐湯無論是羅宋湯或忌念湯都很足料,味道亦佳.主菜方面,各款肉類都係用正料,一般所謂西餐廳,簡直無得比.服務方面,雖然無五星級酒店服務,但都做到殷勤週到.

細個成日來呢間餐廳食架，擒晚見好耐冇同男友食西餐，提議去呢度食，因為出名扒靚嘛！叫左個八安士牛柳餐、一客煎鵝肝、法式焗田螺同埋咖喱嫩雞飯。首先，個羅宋湯同周打魚湯好香好好味；法式田螺夠夠入味，用田螺內的汁倒落薯蓉上面仲好味添！至於個鵝肝，大部份我食哂，好香好滑；牛柳要左五成熟，共兩大件，外面好脆，入面紅紅的，好軟滑，一路切一路有肉汁流出來，男友見到都好欣賞個扒，難以言語。是次晚飯，十分滿意。

爸爸帶著我與媽媽去這間很有風格的餐廳.裏面排了長龍,心想:真的如此吸引嗎?揭開餐牌,「嘩,好貴」爸笑著要我們點菜.我點了一個牛仔骨餐湯是:名寶石忌廉湯很多料,有火腿,素翅,雞肉,菇...好美味!嚐了媽媽的那份羊肉,好惹味呀~而且份量也很大然後嚐了牛仔骨,牛肉味很鮮,很軟熟還有甜品,是涼粉與家人很滿意地離開餐廳.

今晚同薑餅人吃豉油西餐, 薑餅人既至愛, 佢叫左T骨扒set ($128), 要五成熟, 結果起碼八成, 頗失望, sirloin都不算太肥, 但肉香唔夠, tenderloin部分很細, overall普通而已, 餐包反而好軟熟, 香牛油味.我叫左羊扒拼大蝦set ($138), 羊扒有三件, 幾嫩香, 不太肥, 蝦得一隻, 煎得算ok, 配炒飯, 但蛋唔夠, 不是黃金飯.set還包餐飲& dessert...但我覺得$300食咁既野唔係咁值....很多人等位, 好旺場

老牌餐廳水準有一定保証，平時食個平平地，六十零蚊既焗豬扒飯已經好正，兩大塊厚豬扒，醃得夠入味，焗得夠香口又有質感，可見師傅做足工序，絕不欺場。晚餐有鵝肝牛柳，一百三十八蚊食齊兩樣，鵝肝煎得唔夠脆同有些少筋，幸好夠新鮮同鵝肝油香搭夠，鵝肝Size 唔太大恰到好處，食完個胃仲有位容納跟住上檯既牛柳同薯菜，牛柳唔係上價貨色，都叫做不過不失，畢竟百零蚊食齊麵包、餐湯、鵝肝、牛柳、薯菜、甜品同餐飲，仲可以要求乜呢？今次見到有「褪骨春雞」，下？燒春雞走骨咁盞鬼？即刻叫黎睇下乜野料？上到檯果然係幾乎全部骨走晒既雞扒（雞翼除外），用好重牛油同香料醃過，皮脆肉嫩，有肉汁唔太乾，配燒汁同泰式酸甜醬，而以後者配搭得更好，酸酸甜甜正好中和肥膩口感，咪睇佢走骨後細細地，其實仲飽過食十二安士牛肉，六十八蚊抵到爛啦！

本人生日,一家人提早到名寶石慶祝生日,上星期六七時多,等位的人客很多,幸好一早訂了位.坐在頂樓,是十分嘈吵.自己要了羅秦湯---十分足料,酸酸地,很醒胃.自己又飲了些男友的牛尾湯---第一次試,感覺幾特別.很正的.男友和姐姐要了牛柳拼鵝肝,本人之前都試過了.但今次有一片鵝肝太生,大家都接受不了.二姐要了牛柳拼三文魚---試了一小啖三文魚,些小醒,麻麻.她說不錯,可能我本身太怕醒的關係.媽媽不喜歡食扒,幫她叫了煙三文魚木瓜沙律,賣相十分吸引,她說不俗.今次試新食物,最遲上檯的是我的牛肋骨.份量大得大家都嚇了一跳.賣相並不討好,烏烏黑黑.牛肋骨約七成熟,外面燒得,上面有些蜜汁,不用點黑椒汁已經十分惹味.而內裏的肉夠燉.正.總括:其實五個人叫四個餐share食都可以.今次大家都覺太飽了.但食物是好好的.找數好像約七百元,多謝各位!!!

食過2次, 次次晚飯時間都好易爆場...個紅湯好得- 連D湯渣都好好食...1st time: 鑊仔牛柳配焗蠔- portion都好大,鑊仔牛柳好滑有牛味;焗蠔則唔太新鮮. 配薯條, 正!2nd time: 牛柳配煎鵝肝- 厚切牛柳今次好'鞋',叫6成熟結果成九成半熟...鵝肝有2件,一般啦...唔夠滑唔夠香不過都唔太差...配薯餅, em...no good...布甸雖然冇乜料但勝在味道夠濃杯普洱茶唔錯,refill好密侍應態度友善