名家韓國餐廳

營業中

休息中

幾個朋友想食韓燒 ，又想坐得舒服，簡左ISQUARE 樓上27樓食飯，位置夠大之餘，服務員質素都唔錯，未食呢間所以請教有咩好食，服務員亦有提問想要海鮮還是喜愛吃肉，我地兩樣都想試，所以簡左set b，套餐不錯喔😊肉到黎亦有服務員幫忙剪開一小塊方便燒肉，喜愛韓燒的我當然因為韓國菜每次都會有前菜小吃提供，而且每次想再要泡菜或其他前菜可以無限吃佢地既泡菜亦都好好吃，食得出係自家製的新鮮泡菜👍所以唔會太酸，所以我地叫左好多次😍

喺中環返工 食晏冇咩選擇 成日都會行去上環嗰邊 有時候搭去尖沙咀 近近地都會去K11 貪佢喺地鐵🚇站一上商場就得 就算落雨都唔怕 夠晒方便！👍同事推介食名家 午市套餐有成15款🤩多到選擇困難 又想食牛肋骨又想食水冷麵 一於食combo煎牛肋骨 🥩鐵板上熱辣辣♨️牛肋骨經過少少醃製 有少少果味 但唔會太甜蓋過牛肉味 牛肋骨唔會太肥 好嫩 經過斜紋切 好容易就咬得開 一啲都唔un 仲有好多塊 分量夠晒🤟水冷麵揀咗辣味🌶有雪梨牛展雞蛋 辣醬偏辣 要不停飲水 下次都係揀返清湯 先食到冷麵嘅清新🤤

聽聞「名家」已久，行開尖沙咀的iSquare，特來幫襯。雖然今天是Boxing Day，還有很多吉枱。一入門口已見幾件高級瓷器擺設，轉彎便看見美麗的維港景色，星光燦爛。餐牌有韓燒套餐，也有很多種類的韓食，如石煱伴飯丶冷麵丶煎餅...等。我們揀了韓燒套餐A，是2人份量（$570-），這個套餐有美國牛肋骨丶霜降牛肉丶無骨雞肉丶生菜丶香煎䐁肉餃子丶人參雞湯或辣豆腐海鮮湯，很豐富。點完菜，即上8碟前菜，有些是較少有的，如黑豆。它的前菜好味，絕非普通貨色，我尤其喜歡它的薯仔，似用牛骨炆，又腍又好味。👍🏻👍🏻👍🏻上完前菜，牛肋骨丶牛肉和鷄肉隨即上枱。店員會主動將牛骨剪開一片片，方便燒。先試牛肋骨，Wow, 它醃得啱啱好，用韓式醬料加雪梨汁，整件牛肋骨甜甜地，充滿牛肉香，十分之好味！😋😋😋 就咁食又得，用生菜包著食又是另一番味道。跟著燒霜降牛肉，看見平均分佈的油脂，真的如降雪一樣，看見已口水流。燒好放入口一刻，牛肉嫩滑到完全融化了，充滿牛肉及牛脂的香氣，絕對好吃。👍🏻👍🏻👍🏻鷄肉也好味，牌子是SPure，沒有抗生素，好味又健康。豬肉餃的餡是豬肉加粉絲及蔬菜，皮薄香脆，食落口感豐富，健康又美味。😋😋😋

一向對韓燒感覺麻麻，記憶中都係自己要落手落腳燒啲嘢食，但往往唔係好識控制，跟住燒到個燒烤網黑晒，而且通常係唔會有人幫你換，之後每燒下一件食物都整到黑蚊蚊。但呢間餐廳可以做到全晚有專人幫你燒，你可以完全坐響度等食，所以每次想食韓國菜都會想到名家。餐牌有好多唔同選擇嘅set，我通常兩個人嚟，所以偏向揀set，可以試多啲嘢。佢哋個美國牛肋骨一定要試，韓式醃料完全入晒條牛肋骨裏面，一食就知心機嘢，而且每款set都有包呢味菜，叫set就唔洗麻煩。

黎到尖沙咀........高處的韓國餐廳.........環境好美喔...！另一邊是望維景的......成層只得這一間餐廳.............看到menu就已經好餓了......每款都很吸引................随便點了個套餐.....加個拌飯........前菜一堆.....都不知先吃那款.......質素很高.....肉質嫩...而且味道濃......侍應會幫你燒......優質服務........我只需專心看著夜景等吃.....哈哈....大讚！

同事揀左過黎呢邊食lunch呢邊dinner比較貴枱 而lunchset就100左右 性格比會高啲😆😆😆我揀左bibimbap 都係正常～新鮮熱辣就幾好食 仲有飯焦添而配菜亦好好味 未食飯已經清左好多😆黑豆係甜既🥰🥰😋😋😋 同事仲話黑豆係對身體有益另外同事叫左牛里jek 肉好lum身好好味！推介！！👍🏽👍🏽👍🏽而最後仲有ice cream mochi 以為係普通味 一咬落去 係 榴！槤！味！完美既一餐☺️☺️

今日同女朋友係尖沙咀行街行到攰，佢話想食韓國菜，咁我就第一時間就諗起iSquare嘅名家。好好彩上到去冇乜Booking，咁啱有張窗口位既抬安排左我哋坐果度。我哋都唔係好肚餓，所以點左兩樣嘢就夠：1）石鍋八爪魚雜錦拌飯依個石頭鍋飯配八爪魚幾好味，上菜時醬料已經落咗唔使自己加。如果唔夠味可以問職員攞多d醬料。跟餐個紫菜湯就不過不失。2）牛尾骨湯配飯牛尾骨湯會跟一個白飯。一碗湯有四舊牛尾骨。我同女友啱啱好一人一舊。鍾意湯撈飯嘅朋友仔都可以試吓。不過有兩舊啲肉略嫌有啲韌，有啲肉黐住舊骨食唔到。同其他韓國餐廳一樣會跟前菜小食。名家俾足八碟，分別有黑豆，菠菜，沙律，蘿蔔，芽菜，青瓜，薯仔同埋泡菜。我地refill左其中三碟。食到飽飽😋窗邊座位可以睇到半個維港嘅景色：二人安排座四人枱，非常寬敞。枱中間有燒爐。如果客人選擇不烤肉，職員便會為你，蓋上非常細心。

平時lunch間中都會尼嘅一間餐廳，lunch 時段有lunch set，比起晚餐時段平好多！加上在isquare又方便，又近地鐵，餐廳環境又夠闊落，窗邊卡位仲有風景添，lunch 真係好值得尼食！餐具兩位會有6碟前菜，我就最鍾意食薯仔，泡菜，同菠菜，仲有碟魚餅都好味，但唔係時時有，唔夠嘅最多可添兩碟我平時食開lunch set 4號餐，辣牛肉粉絲湯，好好味，但唔知點解，近呢兩次去都話無，好失望。唯有點其他set。今次就點左燘牛肋骨拼辣豆腐湯，牛肋骨夠淋夠入味，豆腐湯辣辣地但偏咸。始於都係以前個辣牛肉粉絲湯好味，希望快d有返啦。

一直一直想寫尖沙咀名家好耐，因為以前喺尖沙咀工作，所以成日可以食到，而家去左灣仔，除非放假行過，唔係就少D機會食了。我對哩間名家嘅「牛肋骨湯」真係好似著左魔咁，食過返尋味牛肋骨湯千奇唔好睇佢其貌不揚，佢每一舊牛肋骨都超大舊，而且超淋（一陣可以睇下面炆牛肋骨張相）。我最鍾意嘅食法係韓國傳統湯飯食法，一次過倒哂Ｄ飯入去個湯度，咁樣每一啖湯都會有好重嘅牛味再加埋煮到淋一淋嘅蘿蔔，好食程度真係５**！炆牛肋骨哩個係同事仔叫嘅，同牛肋骨湯一樣，每一件都好大舊，而且件數比牛肋骨湯多好多，就算係男仔，食哂都會非常滿足同埋佢嘅調味同牛肋骨湯有啲唔同，冇咁咸，但有少少似返中式嘅感覺，如果你搵到人同你share食，哩一個餐都係叫得過嘅～石鍋雞肉雜錦拌飯相比起我最鍾意食嘅牛肋骨，哩個石鍋雞肉雜錦拌飯就遜色左少少。佢都係有基本嘅蘿蔔、雞肉、芽菜，冬菇，翠肉瓜，再加上一隻蛋。不過佢勝在夠熱，如果你係「飯焦人」，你可以等多一等，咁樣你就可以享受脆口嘅飯焦韓式水冷麵跟餐冷麵，冇咩特別～總結至於其他野，包括睇住個維多利亞港食飯，餐前小食嗰D，都係錦上添花嘅野，唔多講。總而言之，哩間名家，可能係尖沙咀最好食嘅牛肋骨湯 

As usual, location and view in iSquare restaurants are great. I’ve dined in almost all of the restaurants there above 23/F. To my surprise this restaurant has the worst service ever. It was extremely difficult to find someone to take our orders. We wanted to add drinks and more food, but the waiter was very very rude. He even tried to turn his back to us and not come near our table again. After we had seafood I tried to ask 2 of the waiter/waitress to change our plates but never happened. They d

去iSquare睇戲,有一個好大好處,就是整楝大廈都有好多美味的餐廳.今次我就去了這間韓國餐廳.假日午飯時間,人不多,不用等位.仲有一個大好處,可以坐在窗邊位置,180度望正維港景色.說實話,單單食這個境都值回票價.我們要了石頭鍋飯(牛肉),牛肋骨湯,人蔘雞湯.食韓國餐,最好是前菜甚多,擺至整桌都是.牛肋骨湯和人蔘雞湯都不太濃,味道剛好.但份量不算多,女士適合,大胃口的則不夠.石頭鍋飯有職員當面搞拌,辣醬可以自己調配.服務很好,食物有素質,價錢不算貴.靚景美食,值得一去

呢到個環境相當好 可以睇到維港兩邊既景色 所以覺得食得都好舒服 呢到既牛肋骨都係幾出名 味道幾好 同埋肉質都嫩既 另外仲叫左個泡菜煎餅 煎餅泡菜味濃帶點辣 可以接受 整體黎講都幾好 最重要係可以望海景一邊食

位於isquare 27樓嘅名家， 居高臨下，窗口位望出去，飽覽維港， 先講景觀真係冇得輸。食物質素方面對得住佢嘅價錢，。我叫咗烤牛肋骨套餐， 套餐跟一碗飯同湯。 牛肋骨用鐵板上，包保夠熱。 牛肋骨好重牛味， 而最正嘅都係連住骨嗰兩嚿， 係全碟最重牛味嘅，冇得輸。 洋蔥作為配菜亦完全唔失色， 最後成碟洋蔥連牛一嚿不漏畀我食曬但呢一餐要略為彈下嘅地方有兩點。1. 可能serve我哋嗰張枱嘅侍應係新嚟，好多嘢都唔熟手。上菜嘅時候手震震，我地仲驚過佢。2. 亦都可能係因為個待應新嚟，我哋一行13人，前菜比得12碟我地。但我哋走嘅時候見到其他枱，兩個人都有六碟。 不過算啦,淨係依食個主食都已經好夠飽。

一入到餐廳就第一時間被個景觀吸引，座落I square 27樓 個景望住維景，夜晚黎食好浪漫好正。餐廳有得食韓燒，聞到身邊食客啲韓燒好香好吸引。但朋友 想食清少少，於是我地點咗個牛肉石鍋飯同海鮮炒粉絲。個牛肉石鍋飯唔錯，有啲生蛋係上面比你用個熱石鍋撈飯黎食。較好味啲嘅係個炒粉絲！一上菜見到隻青口同蜆好大隻！咬落去仲有少少汁好鮮味！個粉絲炒得好入味同好香！值得一食。除咗景靚食物好，餐廳侍應嘅服務都唔錯，好有笑容又好周到👍🏼

今日竟然再有機會同大少一齊食飯、我一早已經book好咗名家嘅海景單位。預約訂枱時,個姐姐同我講海景單位係先到先得,唔一定可以預留到，我哋成1:00先到，竟然仲可以有海景單位，真係好開心。雖然之前已經食過名家好幾次，今次係第一次同大少食。大少叫咗燴牛肉片套餐，而我就叫咗牛肋骨湯。每個餐都跟白飯，同埋海帶湯，仲有六款韓式漬菜。我見大少個套餐，雜菜多個牛肉，我問佢好唔好食，佢就話一般啦反而個海帶湯就有啲鹹。我個牛肋骨湯，有三舊大牛肋骨，都唔錯，亦都有白蘿蔔同埋韓式粉絲響裏面。可能個牛肋骨湯比較濃味，所以我飲個海帶湯嘅時候就唔係覺得太鹹。總括嚟講，$100左右有一個餐，有飯有湯有餸，有海景單位，其實都算係咁。