NOC Coffee Co. is a nice addition joining the harbour front of Whampoa. The decor and location is epic as it’s right by the sea. Consider the outdoor seating on a not-too-hot weekend and spend your day sipping coffee while reading. The NOC Benedict comes with smoked salmon Dirty consists of cold milk with shot of expressive. Best if you want something cool but not too icy. Downside: WiFi is not available at the moment since it’s just newly open. And the cashier is working rather slow on a Saturday and so queue is frequently seen.

We went to have a dinner buffet with the discount coupon from OpenRice last Sunday at this hotel. Surprised to find that the restaurant wasn’t packed at all so it’s very quiet and good in a way that you can enjoy the food at your own pace without the worry that you may need to elbow your way to get the food. The buffet offers a nice selection of seafood (including oysters and mussels), hot Chinese and western dishes as well as dessert (the creme brulee is pretty good, so as the ice cream ). Apart from the seafood, would also recommend the wagyu sirloin steak! Overall if you are looking for a budgeted buffet dinner with friends and family I am sure this is the go-to!

同朋友久唔久都想食清啲，唔好餐餐都大魚大肉咁邪惡，所以呢次係open rice book咗Let Go Vegetarian。個名原來都好有意思，叫人放下從簡🤔 去到都發現幾多人識得上黎食。佢係以自助餐形式，見到有分中菜同西式菜區，但其實範圍同選擇都唔算大唔算多，至少比起其他同類型嘅自助素食餐廳黎講可能會教少。但其實都唔太大問題，因為佢選擇裡面嘅款式少但都好好味，貴精不貴多！而且食落味道都算清淡，唔會太油膩太煎炸，又唔會重味精，實屬健康

聽過朋友講過深水埗呢條街有唔少好野食，其中一間係食越南野。 見到個店面同想像有少少唔同，無好似其他越南或泰國餐廳咁有返啲當地特色嘅裝飾，個外觀真係好普通。你無留意門口啲相嘅話會好易行過咗都唔留意🤣 入到去個座位佈置同一般香港家庭式小店差不多。 餐牌上都有唔少越式茶，包括法包同米紙卷。 見其他食客都食緊一碗碗嘅麵，就於是點返個湯檬啦！平時食越南湯檬都係叫生牛肉個啲多，今次見主打係蟹糕蕃茄湯檬，於是就叫佢啦！ 成碗野一睇最特出都應該係舊蟹糕吧 但原來個湯底都好特別，飲落有陣陣嘅蟹糕鮮味，仲加埋啲香料一齊，我認為成碗最精華都係個湯。至於檬粉呀同其他配料食落就一般。 食完有啲意猶未盡，就叫返份米紙卷帶走返屋企當茶點。30蚊有兩個卷 但個米紙卷我就覺得一般般姐。同埋配嘅醬汁我自己就覺得唔係真係好夾，無助令個米紙卷變得更好味，只係唔好咁乾身。

石峽尾呢間品香樓出名嘅南乳炸豬手同風沙雞今次都試咗 南乳炸豬手一上枱就聞到好香！食落外表十分脆炸，味道好香口惹味。但炸得來又一啲都唔會好油膩或好肥，反而係食到脆層下面豬手嘅膠質，正！ 風沙雞嘅外皮同面頭上嘅調味十分濃，略嫌有啲過咸，內裡雞肉肉質一般。呢到半隻雞嘅份量都唔細，岩四個人食。 兩款菜都有附上各自嘅醬料，但其實本身嘅煮法調味已經好入味好夠，完全唔需要再點醬。 最後黎一碟西蘭花花枝帶子，不錯。相比下味道清清地，同前兩碟濃味菜式一襯，可以調和返個味蕾。

成日見到有茶狼呢間店舖，今次終於有機會入去買返杯試下了！一見個餐牌，咦點解啲飲品又係主打水果茶、奶蓋茶、同珍珠奶茶嘅。同好多其他同類型嘅飲料店都係賣非常相類同嘅飲品。 既然之前試過喜茶，咁不如今次都叫返隻水果沙冰X芝士奶蓋做個比較先！ 今次點咗隻叫藍莓士多茉莉奶蓋茶，即係藍莓混士多啤梨再用茉莉花茶做個底打成沙冰，然後係面加層芝士奶蓋。 一飲都有好多果肉，個芝士奶蓋都幾香，雖然啲味唔及喜茶嘅濃，但都唔錯，感覺好似無咁滯！ 建議下次飲時有得揀都揀少啲冰。少啲冰感覺飲嘅時候可以飲到多啲果汁同果肉，岩返我個人口味！

今次唔飲其他店舖嘅奶蓋系列，走黎試呢間小店（暫時好似無見其他分店）嘅香草籽與咸奶油布蕾紅茶 入去時人流唔多，收銀員態度不錯。 取飲品嘅時候見到入面製作環境，見到好大同好乾淨，啲工具同物件都係整齊企理，唔會好亂好多野擺晒出黎。 再去試下杯飲品時，店員介紹先飲下個奶蓋，之後再攪勻。 一飲個奶蓋，就愛上個味道！佢話明係咸奶油，所以層奶蓋都係偏向少少咸，一啲都唔甜，飲落去都唔會太易覺得好膩。 另外佢布蕾嘅部分，就係指奶蓋上嘅焦糖面，啲焦糖好香，甜甜地，混落咸奶油奶蓋就岩岩好！非常出色。個感覺同其他店舖一般芝士蓋/奶蓋比較，會有啲特色！

今次經過西九龍中心見到呢間圓圓主打黑糖珍珠，忍唔住要圓買返杯先。 見個價錢牌比起其他旺角銅鑼灣連鎖店賣嘅黑糖珍珠飲品平啲啲，可能都關地段事吧。 點咗杯黑糖珍珠烏龍奶茶。基本上佢有得比顧客揀有無珍珠同有無加奶，所以同一個黑糖+烏龍佢會係餐牌上出現幾次，差啲睇到頭都暈🤣 等咗一兩杯就到我，攪勻啲黑糖珍珠底之後一飲，發現啲黑糖味同一般之前飲開有啲唔同。其他地方飲過啲黑糖漿係有啲焦味同輕輕嘅甘香，飲落味道較濃啲。但呢隻嘅黑糖漿就再偏甜，連啲珍珠一咬落出都好甜，所以未必人人都岩，有需要都可能選擇返個甜度

我鐘意行上環，貪佢中西合壁，又有新舊文化，最驚喜係上環感覺好似行極都總有啲小店令人眼前一亮。呢間Oldish 之所以叫Oldish ，估計都可能同個地段和上環文化背景有關！餐廳內裡裝修主打都係英倫懷舊風，非常之有風味，而且打卡一流！ 食物方面都唔錯，叫了一份5成熟嘅Rib Eye Steak, 果然係差唔多半熟，唔會過熟，處理得幾好。再食落去肉質都唔錯，軟焾又有好香嘅肉味。配埋小小沙律同粗身大塊嘅薯條好夠飽 ！ 另外又有份雞翼，醬汁係buffalo style ,小小辣好開胃惹味，做前菜好合適！

係open rice 見到呢間餐廳訂座有8折，於是就訂位再準時7點入座。 一去到見到門面係咁 毛發現原來呢間係貓貓cafe! 座底有好多貓貓自由走動中，又有啲係枱上瞓緊覺 點咗個二人餐 先黎個湯，薯仔湯幾好味。不太creamy，較清新 再點個飲品，要加錢的oreo脆脆特濃朱古力。好香嘅朱古力味，仲好有層次口感黑糖拿鐵，其實即係黑糖加鮮奶，唔太甜，ok 再黎係青蟹籽芥末忌廉扁意粉。呢個啲蟹籽綠色好特別，有少少芥末嘅香味，食起上來無一般忌廉意粉咁漏，唔錯唔錯！ 小食拼盤，唔叫都罷 西班牙黑毛豬肋骨，燒得幾好，個汁又好夾，好食！ 最後要講一講，話就話雖然有8折，但睇漏咗原來係要7:30前埋單先有。所以大家要睇清楚個細項喔！