名家韓國餐廳

營業中

休息中

已經有超過10次來這裡食lunch了~ 今次決定要寫食評讚一下!記得第一次來就是被它們的環境所吸引~ 如果坐到窗邊位, 更可以望到整個開揚的維港景色, 實在舒服!此外, 它們無論平日或星期六日都會有lunch set! 以這裡的地點和環境來說, 真的很划算!這天下午2時才到, 過了繁忙的午飯時段, 可以坐到窗邊卡位, 好興奮!安排好坐位後, 很快便會送上每位計有三碟的韓式小食, 很不錯! 今次我再選了我最愛的烤牛肋骨配水冷麵! 冰冰涼涼的水冷麵做得很出色~ 口感Q彈, 配有水梨片, 好清新, 好好味! 至於以鐵板上的烤牛肋骨更是香口juicy~ 底下還配有不少洋蔥, 多吃也不感膩口!朋友選了烤芝士辣汁雞肉套餐~ 套餐包括飯和紫菜湯! 辣汁不算辛辣, 但配以韓式汁的雞肉和芝士簡直是絕配, 好惹味!最後我地每人另加了HK$10飲韓國雪梨汁, 新鮮又清甜, 必叫! 而朋友就選了可樂!總括來說, 很喜歡這裡的環境, 食物和服務~ 加上食物價錢不貴, 很難得! 下次有機會要試下開爐烤肉先得!!!  

悠閒既星期六, 係去睇演唱會之前~ 咁岩又係男人既生日週~ 緊係要自己個胃好d~作為半個韓國人, 要食燒肉, 緊係要食高質既燒肉~ 今次就簡左係isquare既韓燒~因為得2個人, 選擇困難症又發作, 唔知係簡咩肉既情況底下~ 今次就叫左個set~依個set包左2個肉首先講講個牛肋骨先~ 韓國同日本既燒肉有小小唔同, 韓國通常都係會醃左d味落去~ 而日本就通常只係用小小鹽去吊起個牛味~依間佢貴就係貴在, 雖然佢有醃, 但味道唔會太濃~ 唔會係食完好頸渴~ 個肉只要輕輕燒到70-80%到, 當佢仲有小小紅就要夾上黎~ 咬落口個口感未至於入口即溶~ 但係好"淋", 完全冇咩筋~ 你睇佢卷埋左一舊, 其他灘返開佢都可以至少剪到10舊出黎~另外就係普遍既牛~ 食個牛食落緊係冇牛肋骨咁淋, 但同時佢都冇咩點醃到~ 所以味道相對都冇咁濃~食得燒肉就緊係會跟生菜~  但碟菜其實只係得幾條~ 同埋平時食燒肉通常都係豬肉先會包~ 牛肉我都係就咁點小小鹽就就食~ 所以依碟菜都冇咩點食過~係同一個餐~ 佢仲跟左餃子, 依個餃子...umum....真心覺得麻麻地~ 冇咩特別既味道~ 如果散叫既朋友可以唔太需

位於27/F既景色相當迷人，近望有半島酒店及其直升機，遠眺有中環IFC等等，坐到窗邊位好幸福呢💕是日午餐叫左其中一個BBQ set (ard$440)。當中包括7款韓式前菜以及海鮮煎蛋餅。個海鮮煎蛋餅相對出色，黃金可口，除左陣陣既蛋香味之餘，裡面既配料亦都比例得宜，能夠享受到最後一口仍然後有配料。BBQ set不得不提既當然係韓牛同韓豬。兩者都醃得好出色，味道亦有層次鹹得黎又當中帶甜，而且韓牛啲筋位已經割斷啲，食落唔怕哽親啦順帶一提，服務很好，有主動斟水之餘，而且有禮貌笑容十足。

昨天我同家人廣州回到香港食韓燒，原定預定晚上七時，我們乘坐的這班港穗直通車早到一個小時，之後去到尖沙咀國際廣場兼上餐廳剛剛晚上六時十分，餐廳職員可以給早入場。當我們坐下來有五至六本餐牌我，我們選擇了Set Dinner D價錢$1180餐廳職員臨上主菜之前，先給了八碟小菜，由其是韓國人愛吃泡菜及薯仔配菜，這兩碟最好食到了上主菜的時候，我覺得食過好有多間牛肉裡面，第一次食到最頂級的M7韓牛，它的脂肪及紅肉比例平均生菜可以包著燒牛肉，冇好容易太油膩除了M7韓牛之外，其中兩年鮑魚，餐廳職員會親至幫你除去內臟，亦會幫你煮熟，最後不得不提，燒龍蝦肉燒完之後不會話太過硬海鮮薄餅煎得唔會太過油膩最後送上人蔘雞湯，不過人蔘雞湯配料的糯米煮得不夠內熱。總給來說，我整體滿意程度85分

好耐無去過呢間餐廳食野, 對上一次係食夜晚飯, 個開場景觀絶對要加分, 今次再上黎就係同同事一齊食冬節飯, 叫左幾款午市套餐一齊分享!食韓菜就點都唔少得一大堆既前菜, 唔同顏色真係令人賞心悅目, 除左泡菜外, 最喜歡係佢既黑豆, 甜甜地又有咬口!炆牛肋骨, 一份都有唔少牛肋骨, 每件都有唔少肉, 炆得好入味又夠腍, 仲有佢既蘿蔔都好香甜, 一咬D汁爆係口內, 唔錯呀!好辣既同事A要求點呢個韓式辣泡菜湯, 滿個紅色好搶眼, 湯內有豆腐, 金菇菜及泡菜, 味道辣中帶酸, 用黎送飯都岩數最後呢個係意頭野, 話晒都係做"冬節", 點都要有鷄, 就叫人蔘鷄湯啦, 講真人蔘味就唔多夠味, 鷄既份量都唔算多, 但要有既配料例如: 紅棗, 蒜頭等都有!做冬轉食韓國菜, 新鮮感滿分!!!

Lunch 侍應服務都算細心空間感又夠大座位夠闊銀行 RM 請食飯坐得舒服開心食湯飯如果天氣好的話個view係唔錯嘅前菜比起一般嘅小店更加有特色味道調味亦都有水準之上大醬湯不過不失牛肉唔夠鮮嫩味道亦唔係太濃郁但午餐價錢相對優惠值得一試

位於isquare 27樓名家，可以睇到維港靚靚海景環境舒適部分staff應該係韓國人，so要用english落order~sunday有special set lunch，而且選擇種類都幾多，價格唔算太貴由於睇緊中醫要戒口，就點個清淡的人參雞湯~餐牌寫得半隻，不過人參雞唔係應該一隻先可以塞到d飯入雞裡面咩？!

早幾天，去了名家，價錢不算太貴（比起其他真．韓國菜館），一個海鮮鍋都是5××元，但是真是新鮮海鮮料，如果多人去食，計落同平價本地偽．韓國菜館差不多。環境方面，入去都已徑見到很多韓國人光顧，我想應該不太差，店員帶我們到窗邊的枱，可以欣賞維港景包，雖然當天下兩，境色還是不錯呢!講番食物，當日叫左豬肉拼盤(友人不食牛)，芝麻葉盤，辣黑鱈魚湯；點菜後，上左8碟前菜，除左泡菜，仲有韓國魚蛋，薯仔粒，波菜，什菜沙律，青瓜，芽菜同小魚！雖然每碟分量不多，但是可以無限量添加，而且店員都唔會黑面。 （請記住：可以無限量添加前菜，在韓國人傳統，我唔係一定要食好多碟，只是如果你間餐廳咁小家，不如你做返偽．韓國菜館吧，唔好收咁貴啦！）首先來個拼盤，唔好以為得好少，其實食落都幾飽，每一款豬肉真是不同的味道，而且豬肉無臭味，是高質素的豬肉；餐廳抽氣系統做得非常好，他們是用爐邊抽氣方式，燒的時候真是無比煙味。什麼是芝麻菜？睇韓國飲食節目就會聽過，其實即是紫蘇葉，菜盤其實都有好多片，而且很乾淨同新鮮，連蒜頭，豬肉一拼食，芝麻菜的香味唔會蓋過肉味，反而加多了風味，更清爽同冇咁油膩。黑鱈魚來到，至少有兩至三片鱈魚片，每件

這家韓菜早於銅鑼灣世貿已聞名, 當時對韓食未感興趣,主要是論選擇未排到而且未有普遍的夠專業韓國料理除非大型而貴價今天來到名家, 是想在午餐時候也享受到舒適的環境坐著玻璃窗邊望著海景, 更覺是享受的一餐前菜有芽菜, 傳統韓式Kimchi, 甜甜的黑豆,常見的菠菜, 鮮室內菜苗及辣味螺肉粒石鍋牛肉飯友人點的牛肉飯, 雖然牛肉是碎的牛肉, 加人冬菇絲, 脆肉瓜絲, 紅蘿蔔絲, 鮮雞蛋及韓式辣醬拌勻, 趁熱即吃很美味燒鯖魚飯燒鯖魚原條上桌, 加上鮮檸檬汁更開胃配白飯及海帶湯, 與我們中國南方人吃的海帶湯煮很相似中國的飲食文化影甚大呢對這餐韓式料理感覺滿意價錢稍貴有一半付了在美景上, 相信晚上到來會更美

這是我第一篇在openrice嘅食評，其實我之前都試過因貨不對辦或服務差而想開個account寫, 但最後都冇的起心肝去做，但今次真係好差到可以令我呢個咁懶嘅人忍唔住開個account來將心中不滿寫出嚟 。事緣今日約咗班朋友喺度食lunch，一行六人，其中一個朋友先到，發現安排了卡位給我們，但每邊坐三個有點逼，於是向經理表示想轉枱，見前面有張枱放了六份餐具，而且不是卡位，便問可否轉過去，這名經理很沒禮貌地説這張枱是給四個人的，叫她可以轉去後面一張卡位，其他都不可以。因没有分别，我朋友就説不用轉了，於是我的朋友就坐下去，這時發現椅子痴笠笠，連她的褲子也弄污了，於是要求清潔椅子，但他草草清潔就算，我朋友當然要求抹整張椅子，因真的很污糟，該經理叫其他人來，然後對他説"佢話抺唔夠，要再抺禾！"，語氣非常輕浮及串，因褲子弄污了，所以我朋友要求濕紙巾，但該經理只給一張濕紙巾，這麼少當然不足夠，所以我的朋友再問，及要求乾嘅紙巾，以便抺完後抺番乾，該經理顯得極度不耐煩，然後拿了非常大叠(多到似發悔氣)亁、濕紙巾，黑面放低後就轉身走，我的朋友很不滿她的態度，於是問他名字，他不屑地將一張咭片放上枱面，

一個足足由七月中推遲咗一個月嘅飯局，呢班紐西蘭返嚟嘅朋友好耐冇見面喇，大家做野都勁忙，太難約時間喇。。今次選擇咗嚟ISQUARE嘅名家韓國餐廳，坐得舒服D景又靚。一早訂位餐廳仲安排咗我哋坐窗口位。呢D聚會朋友遲到就在所難免，坐低飲住啤酒食小食等啦最鍾意韓國啤酒溝Sorju , 3／4杯啤酒加一Shot Sorju 份量剛剛好，唔飲得嘅朋友真係要小心，因為唔覺唔覺好易飲醉. Dry Finish Beer $40 , Chamisui (Original) $80蛋煎蝦＄170 呢個超好食，蛋香濃郁，隻蝦又大又鮮甜。值得推介！韓式炒粉絲 $138 味道唔錯，唔算多油，不過不失啦朋友終於都到齊喇，開始點主菜！醃製牛肋骨＄265 - 肉味濃烈，醃製一流，每次嚟嘅必點之選，今次仲 ENCORE 咗一次添。薄切牛脷 $ 138 - 輕輕燒一吓就熟，用嚟包生菜食就一流頂級牛小排＄280 燜牛肋骨 $210 - 可以話係我係韓國嘅最愛菜式，對呢味菜嘅要求亦特別高?呢度嘅牛肋骨都可以話做得好出色，唔會太淋，湯汁亦調教恰，足足食咗兩碗白飯！特別值得一讚，服務非常之好，每位侍應都全程面帶微笑，反應快速，最

早兩天跟家人去食lunch叫了一個$15x的套餐。有一份炆牛肋骨，一碗泡菜湯。炆牛肋骨非常入味，肉質亦非常嫩滑。略嫌某一兩塊的脂肪比較多。這盤牛肋骨根本不是一個人能夠吃光的。太大盤了吧。推薦👍🏿👍🏿👍🏿👍🏿👍🏿另外泡菜湯亦很足料。辣度適中👍🏿👍🏿👍🏿👍🏿套餐還包括六個前菜，一碗飯，柚子蜜。兩位女士去食點選這個餐share一定夠吃了 

同屋企人慶祝生日, 特別揀左呢間睇住維港既韓燒.一行人預早BOOK位, 不過本地同遊客都選擇呢度, 所以都等左一陣先入得.一坐低, 前菜幾小碟已經鋪左半張枱, 唔夠可以REFILL.牛肉拼盤 ~ 總共有5個部份既肉, 款款都肥瘦適中, 燒一燒咬入口, D肉汁飛晒出黎, 超正! 而且最有心思係免冶牛整左心形牛舌 ~ 唔會太薄, 燒起黎好香, 好味!豬柳肉 ~ 豬肉明顯無牛咁好味, 不過燒完唔會太乾, 肥瘦適中, 所以仲保持到肉汁.炆牛肋骨 ~ D牛同蘿蔔入晒味, 牛肉夠晒林, 超級正, D汁可以撈幾碗飯.人參雞 ~ 雞都幾大隻, 有成條人參, 所以D湯都好夠味.海鮮豆腐湯 ~ 料好足, 又新鮮, 唔算好辣, 好好味.整體環境靚, 食物好, 店員會幫你燒, 不過有時太忙就要自己黎, 同埋有D店員係韓國人, 要講英文.

今年其中一餐生日飯, 去了位於iSquare 的名家韓式料理, 朋友特別訂了近窗邊的位置, 可以一邊食一邊欣賞夜景, 不過, 要留意餐廳特別有提醒, 窗邊位的最但消費是HKD600, 不過, 想一想平日食韓燒, 單是叫兩份牛肋骨加支酒都已達標, 就更毫不猶豫了.未知是否因為有最低消費的關係, 我們二人於整個晚餐時間都有一位員工負責幫我們燒食物, 一開始我們以為只是牛肋骨會幫我們燒, 後來發現全程有人幫忙, 而且燒出來的食物生熟度剛剛好, 絕對比我們自己燒的好太多, 滿意度又加一分.食物份量不錯, 質量也好, 連大蝦都十分彈牙, 餐廳還提供一小包喜瑪拉雅粉紅鹽給客人去為肉類調味。當晚我們點了牛肋骨(不醃)、五花肉(不醃)、牛肩胛肉(鹽醃)、大蝦以及一支米酒, 除了每人有3小碟前菜外, 食完肉類之後還會有一小杯凍柚子茶消滯, 十分貼心。可能是個人口味問題, 我覺得點他們的肉類, 選不醃的較好, 即使不加任何調味, 那陣肉味也十分突出, 食得出鮮味來, 但牛肩胛肉我們選了鹽醃的, 燒完之後, 我個人認為太鹹, 反而友人就覺得OK, 所以, 如果本身不算食得太清的話, 可以一試。這間餐廳可以再

兩大一細去食韓燒，套餐價錢中上，有肉有海鮮有炒粉絲有人蔘雞湯，$8xx 。食物新鮮，服務一般，常常叫人都叫好耐。人蔘雞竟然好味！比其他韓國餐廳嘅雞有雞味！湯亦有蔘味！坐得都幾舒服，window seat 個view 唔係好好，不過感覺開揚，食得輕鬆寫意！最重要，空間大，有high chair , 小朋友坐定定，韓燒位置又遠，小朋友安全，大人食得放心！