吉野家 (葵涌廣場)

營業中

休息中

經典既牛肉飯，早餐都有得食。個餐本身就30蚊，但只要download吉野家個apps,佢會有唔同既優惠卷，有好蛋時段都有優惠，我就用左早餐優惠3蚊，即系27蚊就食到咁大個早餐，好抵食！

黎葵廣黎得多，已經吾想掃街，反而想坐底慢慢食個飯，首選一定係吉野家。下午茶真係幾抵食，有好多$20頭既餐，有飯，有豆腐，有野飲。我就叫左個細煎雞飯。飯既份量已經好夠飽，雞既數量都吾少。仲有吾同既配菜，西蘭花，椰菜花，紅蘿蔔，四季豆。雞肉肉質有少少粗糙，但都可以接受，同埋冇咩味，一定要撈汁食先得。以下午茶$28.5黎講，已經算係甘。個汁都好杰身，係甜甜地既燒汁黎。除左用佢黎點雞食，仲可以用黎撈飯！！

今易起來已覺得很肚餓，於是就想食碗飯。工作附近有這間連鎖店，所以就買一個外賣。我點了海苔芝士牛肉飯，回公司一打開，真的有點失望。樣子與圖不附，不知道是因為外賣的原因，所以就不一樣吧。牛肉跟芝士都不多，飯比較硬不軟熟，入口很乾。從前喜歡的雀巢檸檬茶已下架，唯有選擇日本茶吧。這間連鎖店的質素不太好，至少將飯應該煮得好一點吧。價錢雖然是抵，但我回頭的機會相信應該很難。不過，我仍然會試試其他的連鎖店，我不相信每間都是一樣。

不嬲都喜歡食吉野家，今日見到燈箱有下午茶，仲要超平就入去買，當然仲有其他細飯選擇，等排隊之後等了不用十分鐘食物就來到，每款少少，最重要的是完全治到心思思想食 牛肉飯 感覺，17:45到咗 吉野家 食 3點3下午茶 ，好彩趕得切嚟到，真係超 迷你牛肉飯 比較乾身要加牛肉汁先好食點，份量幾口食晒，但仲有炸雞勁凍如果熱會好好多，胡麻豆腐味道正常，飲品加了一蚊要檸檬茶驚喜不錯，有咁多小食這價錢仲想點，都係$20，但如果大食少少就真係吾得了。

以下係吉野家下午茶，超抵㗎$25就有一個細牛肉飯，雖然佢係細牛肉飯，但係佢啲牛肉都幾多㗎，肥牛嘅品質都唔差，林買啲牛肉汁上個飯到，都幾好食，如果你喺兩點鐘之後都覺得肚餓，不妨嚟吉野家食個下午茶

日本快餐店中，吉野家大家唔會唔熟識，有幾年冇食過的我，今日突然超趕時間，咁啱行過就食一食，叫了一個特盛牛肉飯配麵豉湯。第一啖唔食牛肉有啲奇怪嘅感覺，好像同我當初食的牛肉飯的牛肉完全不一樣，再食一啖飯，嗰啲汁多到不得之了，唔知道係咪香港人鍾意撈汁，所以而家吉野家都演變成香港人口味，食到一半已經唔想再食，心裏面想一定唔會再來以後，再試埋嗰個麵豉湯，非常之咸到不得之了，裏面仲有啲粉未溶得曬，唔知係乜，飲落奇特古怪味道又鹹嘅麵豉湯。

呢一日放假約咗朋友行葵涌廣場，但由於朋友瞓過龍，話會遲一個鐘，啱啱瞓醒未食早餐嘅我，就當然去搵啲嘢食，填下個肚先啦。葵涌廣場最多嘅就係小食， 但啲消費都唔平㗎，二、三十蚊，得一小兜，性價比唔係好高，又要企喺度食，又驚俾人撞到，整污糟啲衫。行下行下，就比我見到呢間吉野家，仲要正值下午茶時段，唔使諗都知性價比相當之高，下午茶餐，二十三十蚊有交易。我就叫咗個細牛肉飯，加2蚊轉新鮮檸檬茶，仲叫咗少甜，呢杯檸檬茶都幾好飲。

葵芳吉野家 早餐應該會係全日最少人的時段晨早流流食返個豐富早餐 牛肉烏冬配煙肉炒蛋 炒蛋配上牛肉一同進食 能夠為炒蛋增添味道因為蛋真的沒有什麼味煙肉整到太乾 有點硬烏冬清清地 烏冬夠哂彈牙

最近吉野家出左個3點3既下午茶餐睇廣告好似唔錯喎，$20蚊有汽水/茶，迷你牛肉飯（有烏冬可以揀），胡麻醬豆腐一件同埋鍊煉奶脆豬同媽媽一人一個餐緊係要講左個主角牛肉飯先，SIZE唔係平時食果D飯碗，而係平時係吉野家打邊爐佢會比果Ｄ碗仔牛肉份量都幾多架，味道就一如以往啦胡麻豆腐，即係麻醬撈豆腐，豆腐一定係現成一盒切件架啦好正常既麻醬豆腐味，冇乜特別而個脆豬係切開左一半比你既，只係烘左其中一面($20咁多野食唔好咁高要求啦)另外跟左盒煉奶比你，煉奶都唔少架，不過如果個包再烘多少少會更加好非常抵食，對我而言呢個份量好足夠，但係大食既朋友就未必夠飽啦！

好日都唔食一次吉野家，今日買個外賣返泥食發現真係越來越貴，真係唔知道兩點半之後價錢會否平很多，幾個月前食都覺得幾好味，今日食個牛肉飯啖而無味，唔知係咪同無加牛肉汁嘅關係，個牛肉飯完全冇味冇到，以後都唔會再想食吉野家

沒有抹茶的普通多士 之前食過吉野家的丹麥多士和烏冬覺吾錯，但就吾太飽，今次見到海報有抹茶就好想試但常常冇時間，今日食下午茶又記得多士就去食，去到因為下午茶關係吾多人，得快就比錢和排隊買野食。快樂綠茶丹麥 套餐話有 抹茶 當然試啦..大約等左十分鐘內食物到手，一開見到綠色和白色混在一起的丹麥包，食落去同預期一樣都係零抹茶味，但依然夠脆又香，當然配我最愛的楓糖漿就更好食，再加一個細飯其實都幾飽肚吓，好過上次吃烏冬。凍檸檬茶要加$4都吾平，好彩都夠大杯同味道吾錯啫。

天冷冷係火鍋嘅季節葵涌廣場吉野家幾乎晚晚排隊排到出門口平時行過去冇乜意欲等難得早放工，行過門口又冇乜人就早啲食個火鍋做晚餐一個係長駐嘅火鍋 芝士竹輪鍋(清湯)另一個紅味噌蠔鍋 (好似係呢個名)員工姐姐話啱啱出左第二日蠔鍋入面有6至7隻蠔以一人火鍋嚟講 size及數量 係足夠的蠔亦唔會太縮水不過湯底就略為有小小咸加上少少清湯 配上烏冬 味道剛剛好

吉野家真係窮人恩物，三個字 CP值高！雖然係平價一人鍋，但其實有啲分店格局幾好架，坐得幾舒服，但葵芳依間就迫啲，冷氣又唔係好多夠，坐得唔太舒服，不過野食都保持到水準。海蜆蕃茄鍋最近新品，緊係要試吓啦，啲蜆都算多既，不過有啲殻崩咗又有啲碎咗咁，好驚𠝹到口，但值得一提係竟然無沙，哈！至於個蕃茄湯底，都算濃既，不過好似同啲蜆唔太夾咁，可能食慣咗濃湯啦。芝士竹輪鍋基本上次次黎都係嗌依款，爆汁嘅芝士竹輪配埋個濃湯真係不得了。肉方面今次嗌咗一個穀飼肥牛同一個嫩滑雞肉，肥牛就真係有啲肥，個雞就不過不失咁啦。臨尾食埋個烏冬撈麻醬就好滿足啦！

勁耐冇食吉野家，經過葵廣唔多人，快快手買左先，如果唔係一陣位都冇得坐平時勁多人排隊而且一位難求，好恐怖!叫左特盛玉子牛肉飯加牛汁，加汁真戚好唔健康，但我又好鍾意53蚊，好似無加價加太多，50蚊lunch還可以接受吧~玉子加飯撈勻已經成份risotto咁，仲加埋牛汁好似泡飯咁成個飯我最鐘意既唔係牛肉，且係洋蔥!又香又腍又吸哂牛肉汁，超正!吉野家冒牛肉其寊都係薄切，但佢即叫即煮，所以出黎既質感唔會太老，係好食既~50蚊其實都唔平，但可能習慣了.......好在佢份量都多，而且味道都幾好

女人一逛起街來，連自己都怕，今天去葵芳廣場逛了幾個小時，一看時間才發現就快6點了，葵芳廣場剛好有吉野家，6點前還是下午茶時間，吃完下午茶晚飯都可以解決了。點了野菜牛肉飯餐，附送一杯綠茶和泡菜，額外加一碗麵鼓湯，盛惠港幣30元，價錢非常經濟。野菜牛肉飯一半是牛肉，一半是野菜，而牛肉嫩而不肥，野菜有西蘭花，紅蘿蔔等，有肉有菜是健康之選。我很喜歡喝麵鼓湯，湯內也加了不少昆布，而這裡的麵鼓湯不會很多味精，因為喝完不覺得要喝很多水，看泡菜顏色好像很辣，其實一點都不辣。吃飽喝足了，還有時間可以逛逛街，哈哈~。