吉野家 (葵涌廣場)

營業中

休息中

吉野家真係窮人恩物，三個字 CP值高！雖然係平價一人鍋，但其實有啲分店格局幾好架，坐得幾舒服，但葵芳依間就迫啲，冷氣又唔係好多夠，坐得唔太舒服，不過野食都保持到水準。海蜆蕃茄鍋最近新品，緊係要試吓啦，啲蜆都算多既，不過有啲殻崩咗又有啲碎咗咁，好驚𠝹到口，但值得一提係竟然無沙，哈！至於個蕃茄湯底，都算濃既，不過好似同啲蜆唔太夾咁，可能食慣咗濃湯啦。芝士竹輪鍋基本上次次黎都係嗌依款，爆汁嘅芝士竹輪配埋個濃湯真係不得了。肉方面今次嗌咗一個穀飼肥牛同一個嫩滑雞肉，肥牛就真係有啲肥，個雞就不過不失咁啦。臨尾食埋個烏冬撈麻醬就好滿足啦！