吉野家 (寶發大廈)

營業中

休息中

吉野家餐廳 這間分店, 最壞弊處就係要走一條長樓梯,先可以上到餐廳. 有這個壞處, 就係因為我 shopping完 ,拎到滿手都係嘢, 不過都無損我想食牛肉飯的心情. 先講他環境這一間分店比較大， 收銀處同取餐地點係同一個地方， 其實比較迫， 今次我選擇拎走外賣， 叫了一個 野菜特盛牛肉飯， 加牛肉汁， 單叫， 每個 45蚊， 坐低食就44蚊， 最鍾意他們的 牛肉 滿載juicy， 真係冇得輸， 餐廳侍應也很忙 ，這一間餐廳效率好快， 比個讚員工， 算係好有禮貌。

聖誕節周圍都人迫人~搵餐廳都要預先訂好位~太麻煩><所以都係實際D去吉野家食一早去到等6點出火鍋, 所以有大把位置, 平時夜少少就難搵位可能是因為節日反而無咩人去食吉野家? 多數都係賓賓同一家大小~新出了海鮮鍋無咩興趣, 見到旁邊有枱加了錢要龍蝦, 好似都幾大隻要了雞肉, 因為食肥牛有D肥我最喜歡的芝士竹侖餐無了....假借名目為長蟹棒...以前都有2個短蟹棒, 變相少了份量, 已經加長蟹棒又唔方便煮, 唔方便食= ="幸好還在最愛的麻醬2個餐一齊買, 汽水好似加大了少少份量烏冬用碗裝, 比部份分店雪到硬晒用膠袋入那款好食D!少了芝士竹侖就差緊D.....

不過都無損大家鍾意打邊爐嘅雅興咁啱新出咗個鰻魚柳川鍋, 一於就試下喇夜晚嘅吉野家人頭湧湧, 幾經辛苦先有得食一睇個樣有d伏喎 以為係滑蛋鰻魚飯咁嘅樣點知鰻魚另外碟上 生雞蛋2隻打開個煲 得洋葱 金菇 豆腐 同雞塊原來要DIY😌 我嘅做法就煲熟咗d配菜先 雞肉到咁上下就拎出嚟 因為會嚡煮到得返三分一嘅湯汁就倒加咗葱嘅蛋漿(refill bar有葱粒拎)加埋本身熟咗嘅鰻魚落去翻熱😋終於有滑蛋鰻魚嘅感覺鰻魚有細骨刺 份量有d少配料煲到好入味 撈飯一流可以一試 不過下次會食返普通吉邊————————————————————————$69 吉野家

性價比高的下午茶❤️❤️24蚊的茶餐，飲品可轉麵豉湯👍👍蘑菇煎雞飯入邊足有5件雞 蘑菇汁亦唔孤寒 下午茶時段加多$5.5 有蒸蛋食😍😍 加小小牛肉汁就prefect😋😋

好耐冇落過吉野家食野啦，成日見個friend喺吉野家到打卡 打邊爐，見佢 幾十蚊個餐 都幾好餸，睇見都流曬口水想試好耐喇，咁佢都仲有其他嘢可以加錢點嘅 ，價錢都幾合理不過不失啦。今日同朋友仔特登走嚟吉野家試下去過櫻花海鮮鍋，66.9再加19蚊仲有一大pack肥牛，冇理由打邊爐唔加肥牛㗎，其實計落都成九十蚊一個餐啦，諗諗下去邊爐任食都係百鬆啲蚊，不過算啦一場嚟到就試下去好唔好食啦。點左佢兩個火鍋套餐，一個櫻花蝦海鮮鍋另一個係蟹棒鍋，睇落都幾大喎同埋都幾多餸下嘅， 果個嘅分別就係一個 有櫻花蝦一個冇櫻花蝦，其他配料都係差唔多喇，冬菇，豆腐，金菇，蟹棒 同埋菜。

鯖の塩焼き定食 ($52)配溫泉玉子/茶碗蒸, 麵豉湯, 汽水/日本茶中學個陣,只要參加冒險樂園《好學生計劃》就會有一本優惠劵 咁其中一張就係喺吉野家食兩個學生餐 送鯖魚一客 平時食就要加$17/18?對我呢d學生嚟講都幾貴之前睇宣傳廣告話會即叫即烤,但係我當日買唔覺有呢回事魚身微暖 同以前一樣好食 冇魚腥味有d魚油滲咗落飯 撈埋韓式紫菜幾惹味平時覺得韓式紫菜好鹹 整碎咗撈飯易入口好多明明堂食 唔知點解麵鼓湯同茶碗蒸用外賣盒裝茶碗蒸好滑 入面有蟹柳 有d海鮮味咁整體嚟講唔錯 但唔值呢個價 都係加錢另配啦

21-22/4 係吉野家的慈善日都好耐無食吉野家家姐7:45pm去左等位我8pm先到去排隊買嘢食Waaaa 位有，但排隊嘅人起碼30人而收銀員只有一位😨😨😨我這個不排隊主義為左支持一下都乖乖的排隊一排就半個鐘。。。😂買左個巨丼同竹輪鍋😛😛兩個人都餓到傻，秒殺了不得讚讚其實呢間店嘅staffs 都好專業好快睇得出好盡力想快得一個收銀員真係傻架做屎人咩。。不過呢餐食得到愛心

得閒同fd子打邊爐吹水 吉野家最佳 正正子 又無人趕 慢慢食 份量岩岩好 又吾洗俾百幾蚊去食到自己飽到撐死芝士竹輪鍋 $52.9大食啲就可以嗌粉絲(話緊自己?) 不過個量真係多到我食淨半鍋粉絲 佢整熟左會變勁多 餸入面最愛係芝士竹輪 但之前自己買料打邊爐先知原來出面一包得幾粒都要15蚊好似 相對好貴囉 而蟹柳吸晒啲湯既味 入味又嫩 加左辣椒落去 辣辣地幾爽 但依間吉野家得一種鍋 無海鮮個啲其他選擇 所以吾係甘多人打邊爐 平日去到8點先多人泥食 但基本無乜人係後面吹你交枱鰻魚飯$82+$2轉凍奶茶+鯖魚$16😮見佢全線都有得食 就叫我既鰻魚控既朋友去食 食個吉野家承惠100大元咩概念 依家話你知 不過吉野家既鯖魚真係幾好食2塊鰻魚鋪面但量泥講真係幾少下 因為都頗薄 鰻魚底有大量燒汁 鰻魚有入口即溶既感覺既 但依個價錢真係吾值 雖然係朋友食既 但我見到個樣都覺得overpriced唐揚炸雞飯 $40有frd嗌左依個 40蚊晚餐價位接受到 但佢既炸雞量我完全接受吾到 好少下 同飯既比例吾match 不過炸雞吾厚粉 又夠咸味 ok既 配以只有微辣辣汁 還可以 但吾岩男人食 我個女仔朋友食完都覺

今日貪平等到吉野家下午茶時段打算食個牛飯就算點知比我見到佢出左新野, 咁點都要試下既月見豚肉飯 - 初時見到個名咁好聽, 又有隻温泉蛋實無死啦, 點知都半中伏, 其實佢D豚肉係類似麻婆豆腐D肉碎咁, 好重豆瓣醬味, 只不過無左D豆腐, 小小辣, 好彩有隻温泉蛋救一救, 温泉蛋味香濃, 而且生熟適中, 夠杰身, 溝埋一齊食, 又有另一番風味,加上飽肚感十足, 21蚊其實都已經交足功課(出面單叫一隻温泉蛋都要10蚊..)

一早起來要吃個醒晨早餐再開始工作，叫了碗野菜煎雞飯。平時吃牛肉飯多，煎雞飯比較少吃。雞皮煎得香脆，肉質嫰滑配上專門沾雞的醬汁同吃，十分惹味。喜歡吉野家的珍珠米，吃很多遍都不會生厭。

一食吉野家，小弟就想到以前中學的美好時光。。。。。。。記得做學生的時候，要跨區返學，午餐不會吃太貴，有時吃飯時間要操卷，要等到下午茶時段放學才有空食飯，所以這裡是其中一家常去的吉野家店，原因只有一個就係平，當然卻常抱怨中文老師常要留起我們，令到我食無定時，想到以前，只懂我自已的付出，沒有体會老師的付出就覺得自已有點不知所謂。是日要自己食飯，便叫了quick lunch，就選址這家香港吉野家。離開學校已久，很久沒有再去元這店，原來近日剛翻新，從門面看像一間小屋，橙色的立體屋簷配黑色的門框和石磚牆，加上桌椅都換成木椅，感覺比以前沒那麼像快餐店。以前最常吃的就是三文魚蟹籽飯，有時想買外賣回家吃，可是為了保持新鮮，到現在這個飯仍然是不設外賣，好可惜啊。今天再吃味道依舊，滿滿的蟹籽和三大魚碎，吃來有鹹香，米飯不會太乾，灑一點辣椒碎更惹味。加上子薑便更有日本味道了另外汽水就當然叫檸樂，因為無論係檸樂還是可樂，都只係要加2蚊，當然加檸樂CP值較高吧想到以前只有少許金錢，食個飯也只計過度過，但到現在有了收入，所以不等那15分鐘叫個特價下午茶了。但是這間吉野家所給我的辛酸我會記得的。想到這裡，也係時候探

留意此分店質素下降很多，試過外賣主套餐特盛牛及和風牛飯，份量竟是一樣，無食一排，今天和家人下午想吃，星期日人多便買回家，個和風牛飯d牛肉又乾又硬，味道差左好多，好似比清水浸走左味咁....元朗廣場那邊質素好好多！

今日行過吉野家,腦海突然想起炸雞,原因係佢出左款唐揚雞肉飯,餐跟飲品同麵豉湯,40元,好似好低..但送到來白飯夠多,但炸雞得4小小小件,一下子食晒,飯都未食一半,餘下靠蕃茄汁拌飯,雞味道ok,飯一向唔差,蕃茄汁不夠味,麵豉湯也一般,不低食

最近忙裝修事宜,而家去下元朗睇傢俱，阿女今日放下午假,陪我在元朗吃tea,就去了吉野家,兩個人只叫了一個下午茶套餐，就点了牛肉米粉+什果賓治,另加一個關東煮,阿女負責吃牛肉米粉，我只吃關東煮,關東煮又好好味,我覺得十分健康，什果賓治又好好飲,味道酸酸甜甜十分開胃，元朗分店少來,我覺得冇八達通十分不方便，我覺得食物好味,服務亦OK,環境亦幾好

煲、烏冬、桌子、擺設都大有不同，元朗此店明顯極老舊，卻又非常寬敞大間，位子亦多。 爐，絕對沒有電磁爐，站不穩的四腳爐，搖搖欲墜。燙手的煲蓋，極不好拿。牛肉不多，四五片，卻像是沒那麽多肥膏；雞肉比九龍灣店更少更矜貴，八件雞肉猶如名貴鮑魚般陳列。較美味而少吃到的是芝士獅子狗，以為平平無其，怎料到一口咬下燙得要死，原來這種獅子狗中間夾了一層芝士，熱滾滾的芝士隨即流出，正。 沒選較名貴的hello kitty鍋，因此鍋只多出翡翠螺一隻、餃一隻、麻糬包一個、獅子頭一球。烏冬亦非九龍灣分店般，這並非冷藏的烏冬，只是放在碗內，少許冷的烏冬，口感難免較林，但亦不算沒彈力，還勉強及格。還好，芝麻醬與湯任拎任加，不受局限。