吉豚屋吉列豬扒專門店

營業中

休息中

石門有很多餐廳，但這間每次到訪都要排隊，於是挑了一晚比較夜的時間，都要等一會。吉豚屋走日式豬扒屋路線，地方整潔又光猛，等候區和外賣區分得很清晰，非常舒服。店內亦非清一色只有豬扒吃-也有吉列雞扒、泡菜鍋，但來到當然叫最出名的吉列豬扒啦～點了咖哩及滑蛋吉列豬扒，可以挑豬扒的份量，可以是80g,120g及兩塊80g，我女孩子食80g就足夠了，但男朋友要吃120g。吉列豬扒脆而不油膩，肉質鮮嫩，配以滑蛋及咖哩都keep到咁脆。推介！必會再來吃。

男朋友好鐘意食日式炸豬排，但有d日式炸豬排要成200幾蚊一個餐，我地呢d小資情侶真系唔可以成日食。最近我地成日去石門搵野食，比我地發現到呢間平價版日式炸豬排。由於價錢平嘅關係，都幾多人排隊。不過我地等左30分鐘左右都有位坐。男朋友叫左個炸豬排set，我就揀左個豚肉鍋。炸豬排唔系咁高要求嘅話，以價錢黎講都食得過，一set 仲配個飯同味噌湯。至於個豚肉鍋反而有驚喜，豚肉份量都幾多，鍋底仲有好多菜同大蔥，好好食～個set 仲配個烏冬或者飯tim!! 岩哂我口味。價錢經濟實惠，下次會再幫襯。埋單仲會有coupon 送，等你下次可以用。

好耐無幫襯過日式吉列豬扒專門店，因為無咩新驚喜。但上星期經過呢間，又俾佢個廚窗吸引住，心思思左幾日，尋晚忍吾住去試左地方都 OK 舒服，光猛，無油煙味。我地 8pm去到，吾洗等位。望下餐牌，個價錢真係幾平民化。最平 HK$39 都有得食，平過去食拉麵一輪心大心細之後，拍板叫左個吉列雞扒定食 HK$49 加2隻吉列蝦 HK$8@; 同埋一個加大碼嘅咖喱吉列豬扒飯 HK$95。雖然佢啲食材吾係名店級水準，但賣相同味道都可以，對得住個價錢喇。吉列雞扒 OK 林，OK juicy 。吉列蝦過就可以了。吉列豬扒略嫌鞋咗少少， 咖哩汁可以，如果間舖頭 offer 埋啲日式紫薑/酸薑就更好啦。埋單仲送咗兩張 8蚊coupon 添

食吉豚屋就梗係食炸豬扒啦。午市黎都要等一等先有得食。其實個人係第一次黎食嘅！見佢嘅炸豚扒幾好食，就寫下啦。其實都係一個人一個set。有珍珠飯。加麵鼓湯，依個麵鼓湯都唔係是但黎，係有料架，而且都幾大碗，對一個打工仔嘅下午飯黎講，有莫名嘅感動。不過個湯對個人黎講有小小咸啦，不過有咁多料就原諒佢啦，其實送飯中和返就冇問題啦。落重點！佢嘅炸豬扒好夠脆，粉唔多，雖然厚度一般，但依然保有肉汁，算係不錯的。滑蛋有菇。味道偏甜，個人黎講唔算太好，不過同炸豬扒嘅脆咸中和一下又ok 的。講到尾，我只係愛佢塊炸豬扒。夠脆！

好耐冇試過咁嬲 原本諗住簡簡單單食餐飯 點知食咗一肚火 先講食物 食物其實OKla 點左滑蛋豬扒飯 略嫌豬扒炸得有啲過火 但係真係非常一般 完全唔值 只不過今日評嘅主要唔係食物質素 是其服務態度 首先 先唔講個杯空咗好耐都未加水嗰啲 而且係一啲都唔忙 其後便衣男 (疑似店長或特許經營加盟者) 態度更加係差到極點 面黑到一個點 而且態度極為囂張 作為一間日本嘅連鎖店 咁樣真係太誇張 我寧願搭的士出去食 都唔會再去 而且同佢同價錢嘅選擇也很多 就這樣

因為今日有更加多嘅食飯時間，所以成班同事佢哋去排隊食吉豚屋，入到去門口(大約要等10位左右) 係等位嘅期間，有一個人走咗入嚟，因為佢得一個人嘅關係，所以嗰個經理決定俾佢同其他人搭枱先(門口講到明所有人都要排隊)都入到去坐低之後，我哋落咗7份餐，不過因為落單嗰個人記錯野，將我哋落嘅order搞到亂晒大籠 因為咁嘅關係所以前前後後用咗30分鐘，我哋七個人先有嘢食期間仲要上錯左幾次菜佢嘅食物味道正常， ＄80左右一份餐再加嘢飲，座位都坐得好舒服 我會再返去食不過絕對唔會係呢一間分店

早排有晚嚟咗吉豚屋打邊爐, 之前嚟呢度都係食吉列豬扒飯多, 見佢有個豚肉壽喜燒鍋定食 ($69另加一) 都係差唔多價錢, 咁就試試佢啦!個鍋份量好多呀, 堆到成座山咁, 主要係因為個鍋入面有超多娃娃菜同埋芽菜, 所以墊到咁高! 上面仲有唔少金菇, 日本蔥, 八九塊豚肉, 豆腐同埋生蛋, 真係超足料! 仲有成大碗烏冬添~(或者揀白飯都得)味道嚟講都幾好, 壽喜燒湯底夠香濃, 烏冬口感滑又煙韌, 材料又咁豐富, 我覺得抵食過又好味過吉野家啊! 啲菜真係食極都仲有....吸晒壽喜燒啲味道, 食完飽到攬住個肚!!

自從新商場落成後，石門唔再係美食沙漠喇！放工後搭馬鐵，去咗吉豚屋，係一間主打日式天婦羅餐廳。可能九點幾先去到嘅關係，唔使等位就已經可以入座。🤗我哋分別點左個海老豚肉豬肉天婦羅飯同埋壽喜燒牛肉鍋。 🤤天婦羅飯餸菜豐富，三種肉類各兩份，兩個人share就啱啱好！天婦羅唔會太油膩，皮唔會炸得太厚粉，嘅唔會有油溢味，暨保留到肉汁同鮮味。😬壽喜燒牛肉鍋——壽喜燒嘅甜味，襯托出牛肉嘅鮮味，食完天婦羅後，清清喉嚨之餘，增加溫暖同飽肚嘅感覺！😚晚餐兩個人加埋都係＄160左右10分超值，係一間性價比高嘅日式料理餐廳。👍🏾

特別跟同事來試試，新增超值套餐。價錢由$65-$75送飲料。石門區lunch屬中高價錢但勝在質數有保證。同事點了和風汁吉列三重奏飯$65， 有炸蝦、豬柳及豚肉餅。同事大讚豚肉餅鬆脆又有肉汁。野菜豚肉湯定食 $65賣相討好，金黄色的豬柳配上椰菜絲。雖然超值套餐抵食但仍然最愛此定食， 因其大碗野菜湯。兩片薄薄的豬柳炸漿厚適中，不會過厚只吃到炸粉。豬柳炸得鬆脆又乾身，一點也不油！另一主菜野菜湯，材料豐富又健康，可以清清炸物的熱氣。鐵板滑蛋鰻魚定食 $69可夠成本關係，鰻魚份量不多，不夠肥美。蛋花跟洋葱配上鰻魚汁送飯不錯。

已食是第二次食，醬、汁不孤寒，濃淡度任意調節，吉列皮層脆口非常，配有大量椰菜絲任落芝麻醬中和油膩感，豬扒味道適中充滿肉汁，轉跟稻亭烏冬好有口感，整餐吃不停口，絕對係CP值高的好選擇，之前光顧過一次送了兩張coupon更抵食

為咗用上次比的coupon, 响過期前嚟食多次, 但相信呢次會係最後次, 因為未食吉列嘢已經火都嚟埋~ 首先, 入到去安排咗我地2個坐一張4人枱, 睇緊食乜時, 有人唔知任定經理, 總之高級少少的, 就話有另一枱客係4個人, 要我地讓坐, 叫我地坐另一張4人枱, 而果張4人枱已經坐咗一對夫婦, 我地算, 因為遲早都會有人搭枱, 不過當時仲有其他4人枱係未有人坐的, 唔知點解係都要我地讓坐, 後來見有到有另一枱2個人, 就安排佢地坐泊邊的4人枱, 點解可以咁大細超? 呢件事都算, 當佢地管理得唔好, 但之後落單錯完又錯, 好彩佢落完單會比返張單我地, 其實平時我都係咁易立下就算, 但見佢好明顯收多我錢, 當然立即仔細咁對, 明明我地叫果個餐係免費轉烏冬, 但佢竟然加我錢, 即刻搵個高級啲嚟問, 話我地叫咗a+b, 唔係餐, 轉烏冬係要加錢, 但我地明明係叫c+d, 原來落錯單, 我唔知係寫單時寫錯, 定係入機時入錯, 因為我見係分開兩個人做的, 解釋完就改過張單比我地, 今次就入啱單, 但到上錯餐, 明明係要c+d轉烏冬, 又上咗第一次入單錯果個a+b仲要係配飯, 我地話唔係, 但係都要

放工之後唔想出九龍逼，梗係去返馬鐵沿線食最方便同舒服啦！去到石門，見到門口唔洗排隊，即刻9沖🕺🏻點知原來係入到去係鋪入面排架！睇咗出餐嘅吉豬飯，真係好肚餓啊😭😭一坐低就即刻落order🕺🏻 同行三個女仔都一早簡好🤣唔洗再諗啦！一碗滿滿嘅吉豬飯，唔食洋蔥嘅我request 咗走洋蔥👍🏻試過出面有啲係洋蔥同蛋一早溝好無得走！今次好滿意大大塊吉豬同蛋白嘅飯，鐘意濃味啲仲可以落佢地嘅豬扒汁，我就覺得淨食已經岩岩好！唯一美中不足係野飲選擇唔多，不過飯咁抵食，野飲就由佢啦！

我終於踏出新港城啦網上睇openrice 發現原來石門都好多野食。今日就進攻石門啦…雖然無乜野行，但好似幾多野食。新港城都食暈晒，要試下新野先...男友叫左咖哩炸豬扒，我其實好怕太厚既炸粉，因為有D真係好難食，反而呢間既炸粉好啱我口味，好鬆化，豬扒夠厚，唔會齋食炸粉。我就想食椰菜絲，所以選左吉列炸蝦豬柳定食 $72 (配飯及野菜豚肉湯) 豬柳感覺薄左D，炸蝦都幾好。湯好飲，好似麵豉湯，好多料，有白蘿蔔，紅蘿蔔，豚肉，又唔會過咸。不過食晒都幾濟，會膩價錢又唔貴，幾抵食。

去探朋友經過見呢間食店門口擺放食物好吸引好想同朋友入去尋食，但見店內太多人等食，唯有今次買外賣返朋友公司食睇外賣紙樣樣食物都好吸引，真係唔知點選最終我選左滑蛋豬扒飯便當（竹），朋友就選左吉列三重奏便當首先睇吓朋友嗰個先，有（蝦、豬柳、黃金豚肉餅、椰菜絲）另外有三包醬汁，可能佢嗰個貴d配料和白飯分開放，而且呢間店居然用返曰本飯盒，真係高成本不過好處就係配料和飯分開，唔會另到配料個吉列脆皮變腍朋友請我每樣配料試左少少，皮脆唔使講，蝦肉彈牙、豬柳鬆軟可口、黃金豚肉餅肉嫰唔鞋滑蛋豬扒飯便當（竹），（竹）即係120g豬扒，我呢個就唔係分隔飯盒，所以豬扒個皮就唔脆但豬扒食落都係肉厚嫰滑，而滑蛋口感好滑流珍珠飯好甜好飽滿，如果係堂食我相信更加好味，下次一於再去堂食試吓

晚飯時間，不滿座，席上多數是年輕家庭一行四人的顧客。點了期間限定的滑蛋蕃茄豬扒小鍋定食$69和吉列豬扒定食$69，轉個烏冬，再加隻$8吉列蝦。餐牌照片食物照片湯汁中的豬扒半隻蕃茄………………………………………………滑蛋蕃茄豬扒小鍋定食$69………………………………………………滑蛋：薄薄的一層幾好味，可以再多少少。蕃茄：半個蕃茄整體呈上，加埋切開的應該有成個蕃茄，好味。豬扒：吸收了湯汁，軟軟的，好味。小鍋汁：送飯一流。白飯：一般。整體：食物不熱，隻手掂到個鐵鍋都是不熱的。餐牌照片食物照片……………………………………………………………吉列豬扒定食$69 加吉列蝦一隻$8………………………………………………………………吉列豬扒：炸得不錯，但不熱，只是微暖。椰菜絲：感覺份量比以前少咗。吉列蝦：細細隻，一般。烏冬：好味，彈牙。整體：比以前快上菜，但唔夠熱，食物只是微暖，像是超級市場食物部暖燈照住的微暖食物。以前上菜速度雖然慢少少，但以前食物熱些，炸得好吃些。